ಏಷ್ಯಾದ 2ನೇ ಅತಿದೊಡ್ಡ ಕೆರೆ ಸೂಳೆಕೆರೆಯ ಋಣ ತೀರಿಸಲು ಮುಂದಾದ ರೈತರು
Updated on:Oct 15, 2026 | 5:11 PM
ದಾವಣಗೆರೆ ಜಿಲ್ಲೆಯ ಐತಿಹಾಸಿಕ ಸೂಳೆಕೆರೆಗೆ ಋಣ ತೀರಿಸಲು ರೈತರು ಸೂಳೆಕೆರೆ ಹಬ್ಬ ಆಯೋಜಿಸಲು ಮುಂದಾಗಿದ್ದಾರೆ. ಏಷ್ಯಾದ ಎರಡನೇ ಅತಿದೊಡ್ಡ ಕೆರೆಯಾದ ಇದು 150 ಗ್ರಾಮಗಳು ಮತ್ತು 9 ಪಟ್ಟಣಗಳಿಗೆ ಕುಡಿಯುವ ನೀರು, ಸಾವಿರಾರು ಎಕರೆಗೆ ನೀರಾವರಿ ಒದಗಿಸುತ್ತದೆ. ಸೂಳೆ ಸಂಗವ್ವ ನಿರ್ಮಿಸಿದ ಈ ಕೆರೆಗೆ ಗೌರವ ಸಲ್ಲಿಸಲು ಬಾಗಿನ ಅರ್ಪಣೆ ಮತ್ತು ಹಬ್ಬದ ಆಚರಣೆಗೆ ರೈತರು ಯೋಜನೆ ರೂಪಿಸಿದ್ದಾರೆ.
ದಾವಣಗೆರೆ, ಸೆ.15: ಜಿಲ್ಲೆಯ ಜೀವನಾಡಿ, ಏಷ್ಯಾದ ಎರಡನೇ ಅತಿದೊಡ್ಡ ಕೆರೆ ಎನಿಸಿರುವ ಸೂಳೆಕೆರೆಗೆ ರೈತರು ಋಣ ತೀರಿಸಲು ಮುಂದಾಗಿದ್ದಾರೆ. 5,460 ಎಕರೆ ವಿಸ್ತೀರ್ಣ ಹೊಂದಿರುವ ಈ ಐತಿಹಾಸಿಕ ಕೆರೆ, ದಾವಣಗೆರೆ ಮತ್ತು ಚಿತ್ರದುರ್ಗ ಜಿಲ್ಲೆಯ ಸುಮಾರು 150 ಗ್ರಾಮಗಳು ಹಾಗೂ 9 ಪಟ್ಟಣಗಳಿಗೆ ಕುಡಿಯುವ ನೀರು ಪೂರೈಸುತ್ತದೆ. ಅಲ್ಲದೆ, ಸಾವಿರಾರು ಎಕರೆ ಕೃಷಿ ಭೂಮಿಗೆ ನೀರಾವರಿ ಒದಗಿಸುತ್ತದೆ. ಸುಮಾರು 11ನೇ ಶತಮಾನದಲ್ಲಿ ಸೂಳೆ ಸಂಗವ್ವ ನಿರ್ಮಿಸಿದರೆಂದು ಹೇಳಲಾಗುವ ಈ ಕೆರೆ, ಭದ್ರಾ ನಾಲಾ ಯೋಜನೆಯಿಂದ ಮರುಜೀವ ಪಡೆದು ಪ್ರದೇಶದ ರೈತರ ಬದುಕನ್ನು ಬದಲಾಯಿಸಿದೆ. ರೈತಾಪಿ ಜನರು ತಮ್ಮ ಬದುಕಿಗೆ ಆಧಾರವಾದ ಈ ಕೆರೆಗೆ ಮತ್ತು ಕೆರೆ ನಿರ್ಮಿಸಿದ ಸೂಳೆ ಸಂಗವ್ವನಿಗೆ ಗೌರವ ಸಲ್ಲಿಸಲು ಸೂಳೆಕೆರೆ ಹಬ್ಬವನ್ನು ಆಚರಿಸಲು ಚಿಂತನೆ ನಡೆಸಿದ್ದಾರೆ. ಕೆರೆಗೆ ಬಾಗಿನ ಅರ್ಪಿಸುವ ಮೂಲಕ ಕೃತಜ್ಞತೆ ಸಲ್ಲಿಸಲು ಮುಂದಾಗಿರುವ ರೈತರ ಈ ಪ್ರಯತ್ನಕ್ಕೆ ಜನಪ್ರತಿನಿಧಿಗಳ ಬೆಂಬಲದ ನಿರೀಕ್ಷೆಯಿದೆ.
ವಿಡಿಯೋ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published on: Oct 15, 2026 05:09 PM
