Brazil: ಬರೋಬ್ಬರಿ 5 ಡೋಸ್ ಕೊರೊನಾ ಲಸಿಕೆ ಪಡೆದು, ಆರನೇ ಡೋಸ್ಗಾಗಿ ಬಂದ ವ್ಯಕ್ತಿ; ಆದ್ರೆ ಆಗಿದ್ದೇ ಬೇರೆ ಅಲ್ಲಿ
ಈ ವ್ಯಕ್ತಿ ಕೇಂದ್ರಬಿಂದುವಾಗಿದ್ದು, ಐದು ಡೋಸ್ ಲಸಿಕೆ ಪಡೆದದ್ದು ಹೇಗೆ ಎಂಬುದನ್ನು ಆರೋಗ್ಯಾಧಿಕಾರಿಗಳಿಗೆ ವಿವರಿಸಬೇಕಾಗಿದೆ.
Updated on: Aug 28, 2021 | 5:24 PM
ಬರೋಬ್ಬರಿ 5 ಡೋಸ್ ಲಸಿಕೆ ಪಡೆದುಕೊಂಡು, ಆರನೇ ಡೋಸ್ ಲಸಿಕೆ (Covid 19 Vaccine) ಪಡೆಯಲು ಹೋದ ವ್ಯಕ್ತಿಯನ್ನು ವಶಕ್ಕೆ ಪಡೆಯಲಾಗಿದೆ. ಹೀಗೊಂದು ವಿಚಿತ್ರ ಘಟನೆ ಬ್ರೆಜಿಲ್ (Brazil)ನ ರಿಯೋ ಡಿ ಜನೈರೊ ಎಂಬ ನಗರದಲ್ಲಿ ನಡೆದಿದೆ. ಮೇ 12ರಿಂದ ಜುಲೈ 21ರ ಅವಧಿಯಲ್ಲಿ 5 ಡೋಸ್ ಲಸಿಕೆ ಪಡೆದಿದ್ದ ಈತ, ಆರನೇ ಡೋಸ್ ಪಡೆಯಲು ಹೋದಾಗ ಆರೋಗ್ಯ ಕಾರ್ಯದರ್ಶಿಯೊಬ್ಬರ ಕೈಯಲ್ಲಿ ಸಿಕ್ಕಿಬಿದ್ದಿದ್ದಾನೆ. ಈತ ಎರಡು ಡೋಸ್ ಫೈಜರ್, ಮತ್ತೆರಡು ಡೋಸ್ ಕೊರೊನಾವ್ಯಾಕ್ ಮತ್ತು ಒಂದು ಡೋಸ್ ಆಸ್ಟ್ರಾಜೆನಿಕಾದ ವ್ಯಾಕ್ಸೇವ್ರಿಯಾ ಲಸಿಕೆಯನ್ನು ಪಡೆದಿದ್ದಾನೆ ಎಂಬುದು ಗೊತ್ತಾಗಿದೆ.
ಇದೀಗ ಈ ವ್ಯಕ್ತಿ ಕೇಂದ್ರಬಿಂದುವಾಗಿದ್ದು, ಐದು ಡೋಸ್ ಲಸಿಕೆ ಪಡೆದದ್ದು ಹೇಗೆ ಎಂಬುದನ್ನು ಆರೋಗ್ಯಾಧಿಕಾರಿಗಳಿಗೆ ವಿವರಿಸಬೇಕಾಗಿದೆ. ಯಾವುದೇ ಆರೋಗ್ಯ ಕೇಂದ್ರದಲ್ಲಿ ಲಸಿಕೆ ಹಾಕುವಾಗಲೂ ವಯಸ್ಸು, ಗುರುತಿಗೆ ಸಂಬಂಧಪಟ್ಟ ಪ್ರಮಾಣ ಪತ್ರ ಒದಗಿಸಬೇಕಾಗುತ್ತದೆ. ಹಾಗಿದ್ದಾಗ್ಯೂ ಈ ವ್ಯಕ್ತಿ ಆರೋಗ್ಯ ಸಿಬ್ಬಂದಿ ಕಣ್ತಪ್ಪಿಸಿ ಲಸಿಕೆ ಪಡೆದದ್ದು ಹೇಗೆಂಬುದು ಅಚ್ಚರಿಯಾಗಿದೆ. ಆಗಸ್ಟ್ 16ರಂದು ಈ ಪ್ರಕರಣ ಬೆಳಕಿಗೆ ಬಂದಿದ್ದೇ ತಡ, ಇದೀಗ ಹೆಚ್ಚಿನ ತನಿಖೆಯೂ ಶುರುವಾಗಿದೆ. ಈ ವ್ಯಕ್ತಿಯೊಬ್ಬನೇ ಹೀಗೆ ಮಾಡಿದ್ದಾನೋ ಅಥವಾ ಬೇರೆ ಯಾರಾದರೂ ಹೀಗೆ ನಾಲ್ಕೈದು ಡೋಸ್ ವ್ಯಾಕ್ಸಿನ್ ಪಡೆದಿದ್ದಾರೋ ಎಂಬುದನ್ನು ಪತ್ತೆ ಹಚ್ಚಲು ಕಾರ್ಯ ಶುರುವಾಗಿದೆ.
ಬ್ರೆಜಿಲ್ನಲ್ಲಿ ಕೊವಿಡ್ 19 ಪ್ರಕರಣಗಳು ಕೊವಿಡ್ನಿಂದ ಅತಿಹೆಚ್ಚು ಬಾಧಿತವಾದ ರಾಷ್ಟ್ರಗಳಲ್ಲಿ ಬ್ರೆಜಿಲ್ ಕೂಡ ಒಂದು. ಆ ದೇಶದ ಒಟ್ಟಾರೆ ಕೊರೊನಾ ಸೋಂಕಿತರ ಸಂಖ್ಯೆ 20,676,561ಕ್ಕೆ ಏರಿಕೆಯಾಗಿದೆ. ಇದುವರೆಗೂ 19.6 ಮಿಲಿಯನ್ ಕೊವಿಡ್ ರೋಗಿಗಳು ಚೇತರಿಸಿಕೊಂಡಿದ್ದಾರೆ.
ಸುಮಲತಾ ಬರ್ತ್ಡೇ ಪಾರ್ಟಿಯಲ್ಲಿ ಯಶ್, ಸುಧಾಕರ್, ದರ್ಶನ್; ಇಲ್ಲಿವೆ ಕಲರ್ಫುಲ್ ಫೋಟೋಗಳು
