ಮ್ಯಾನೇಜರ್​ ವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದ ಮಹಿಳಾ ಉದ್ಯೋಗಿಯನ್ನು ಕೆಲಸದಿಂದ ವಜಾಗೊಳಿಸಿದ ಚೀನಾದ ಅಲಿಬಾಬಾ ಕಂಪನಿ

ಮ್ಯಾನೇಜರ್​ ವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದ ಮಹಿಳಾ ಉದ್ಯೋಗಿಯನ್ನು ಕೆಲಸದಿಂದ ವಜಾಗೊಳಿಸಿದ ಚೀನಾದ ಅಲಿಬಾಬಾ ಕಂಪನಿ
ಸಾಂಕೇತಿಕ ಚಿತ್ರ

ನನ್ನ ಆರೋಪವನ್ನು ಗಂಭೀರವಾಗಿ ಪರಿಗಣಿಸುವುದಾಗಿ ಮತ್ತು ತನಿಖೆ ನಡೆಸುವುದಾಗಿ ಕಂಪನಿ ಹೇಳಿತ್ತು. ಆದರೆ ನಂತರ ನವೆಂಬರ್ ಅಂತ್ಯದಲ್ಲಿ ಏಕಾಏಕಿ ನನಗೆ ನೋಟಿಫಿಕೇಶನ್​ ಕೊಟ್ಟು, ಕೆಲಸದಿಂದ ತೆಗೆದ ಬಗ್ಗೆ ಹೇಳಿದರು ಎಂದು ಝೌ ಹೇಳಿಕೊಂಡಿದ್ದಾರೆ.

TV9kannada Web Team

| Edited By: Lakshmi Hegde

Dec 13, 2021 | 4:33 PM

ಮ್ಯಾನೇಜರ್​ ವಿರುದ್ಧ ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿದ್ದ ಮಹಿಳಾ ಉದ್ಯೋಗಿಯನ್ನು ಅಲಿಬಾಬಾ ಗ್ರೂಪ್​ ಹೋಲ್ಡಿಂಗ್​ ಲಿಮಿಟೆಡ್​ ಕೆಲಸದಿಂದ ವಜಾಗೊಳಿಸಿದೆ. ಇ-ಕಾಮರ್ಸ್, ಚಿಲ್ಲರೆ ವ್ಯಾಪಾರ, ಇಂಟರ್ನೆಟ್ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಹೆಸರು ಮಾಡಿರುವ ಚೀನಾ ಮೂಲದ ಅಲಿಬಾಬಾ ಕಂಪನಿಯಲ್ಲಿ  ಈ ಝೌ ಎಂಬ ಸರ್​ನೇಮ್​ ಇರುವ ಮಹಿಳೆ ಕೆಲಸ ಮಾಡುತ್ತಿದ್ದರು. ಅವರೇ ವಜಾಗೊಂಡ ಉದ್ಯೋಗಿಯಾಗಿದ್ದಾರೆ. ಈ ಬಗ್ಗೆ ದಹೆ ಡೈಲಿ ಎಂಬ ಸುದ್ದಿ ಮಾಧ್ಯಮಕ್ಕೆ ತಿಳಿಸಿದ್ದಾರೆ. ನನ್ನ ಮೇಲೆ ಹಿರಿಯ ಮ್ಯಾನೇಜರ್​ವೊಬ್ಬರು ಅತ್ಯಾಚಾರ ಮಾಡಿದ್ದರು. ಈ ಬಗ್ಗೆ ದೂರು ನೀಡಿದ್ದೆ. ಆದರೆ ಕಂಪನಿ  ನನ್ನನ್ನು ವಜಾಗೊಳಿಸಿತು. ನವೆಂಬರ್ ಅಂತ್ಯದಲ್ಲಿ  ಹಿರಿಯ ಮ್ಯಾನೇಜರ್​ ವಿರುದ್ಧ ಸುಳ್ಳುಸುದ್ದಿ ಹಬ್ಬಿಸಿದ ಕಾರಣ ಕೆಲಸದಿಂದ ತೆಗೆಯುತ್ತಿರುವುದಾಗಿ ಕಂಪನಿ ಹೇಳಿತು ಎಂದು ಝೌ ತಿಳಿಸಿದ್ದಾರೆ. ಹಾಗೇ, ಈ ಬಗ್ಗೆ ಕಂಪನಿ ಕೊಟ್ಟ ಮೆಮೋವನ್ನೂ ಕೂಡ ಝೌ ಹಂಚಿಕೊಂಡಿದ್ದಾರೆ. 

ನನ್ನ ಆರೋಪವನ್ನು ಗಂಭೀರವಾಗಿ ಪರಿಗಣಿಸುವುದಾಗಿ ಮತ್ತು ತನಿಖೆ ನಡೆಸುವುದಾಗಿ ಕಂಪನಿ ಹೇಳಿತ್ತು. ಆದರೆ ನಂತರ ನವೆಂಬರ್ ಅಂತ್ಯದಲ್ಲಿ ಏಕಾಏಕಿ ನನಗೆ ನೋಟಿಫಿಕೇಶನ್​ ಕೊಟ್ಟು, ಕೆಲಸದಿಂದ ತೆಗೆದ ಬಗ್ಗೆ ಹೇಳಿದರು ಎಂದು ಝೌ ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಝೌರನ್ನು ವಜಾಗೊಳಿಸಿದ ಪ್ರಕರಣ ಸಾಮಾಜಿಕ ಜಾಲತಾಣಗಳಲ್ಲೂ ಸಿಕ್ಕಾಪಟೆ ಚರ್ಚೆಗೆ ಕಾರಣವಾಗಿತ್ತು. ಅಂದಹಾಗೆ ಕೆಲಸದ ಟ್ರಿಪ್​​ಗೆ ಹೋಗಿದ್ದಾಗ ಮ್ಯಾನೇಜರ್​ ಕುಡಿದ ಮತ್ತಿನಲ್ಲಿ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಸುಮಾರು 8000 ಶಬ್ದಗಳ ಆರೋಪವನ್ನು ಈ ಮಹಿಳೆ ಮಾಡಿದ್ದರು. ಹಾಗೇ, ಕೆಲಸದಿಂದ ತೆಗೆಯುವಾಗ ಕಂಪನಿಯವರು ನೀಡಿದ ಪತ್ರದಲ್ಲಿ, ಮಹಿಳೆ ಹಿರಿಯ ಅಧಿಕಾರಿ ವಿರುದ್ಧ ಸುಳ್ಳು ಪ್ರಚಾರ ಮಾಡುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ: ಮತಾಂತರ ನಿಷೇಧ ಕಾಯ್ದೆ ಜಾರಿಗೆ ಭಾರತೀಯ ಕ್ರೈಸ್ತ ಒಕ್ಕೂಟ ವಿರೋಧ; ಒಕ್ಕೂಟದಿಂದ ಉಪವಾಸ ಸತ್ಯಾಗ್ರಹ

Follow us on

Most Read Stories

Click on your DTH Provider to Add TV9 Kannada