Donald Trump: ಡೊನಾಲ್ಡ್ ಟ್ರಂಪ್ ಫೇಸ್​ಬುಕ್ ಖಾತೆ 2 ವರ್ಷಗಳ ಕಾಲ ಸಸ್ಪೆಂಡ್

ಟ್ರಂಪ್ ಖಾತೆಗಳನ್ನು ಬ್ಯಾನ್ ಮಾಡಿರುವ ಬಗ್ಗೆ ತಿಳಿಸಿರುವ ಫೇಸ್​ಬುಕ್, ಡೊನಾಲ್ಡ್ ಟ್ರಂಪ್ ನಡೆಯು ಫೇಸ್​ಬುಕ್ ಸಂಸ್ಥೆಯ ಹೊಸ ನಿಯಮಾವಳಿಗಳನ್ನು ಮುರಿದಿದೆ. ಪ್ರೊಟೊಕಾಲ್​ಗಳ ಅನ್ವಯ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ.

Donald Trump: ಡೊನಾಲ್ಡ್ ಟ್ರಂಪ್ ಫೇಸ್​ಬುಕ್ ಖಾತೆ 2 ವರ್ಷಗಳ ಕಾಲ ಸಸ್ಪೆಂಡ್
ಡೊನಾಲ್ಡ್ ಟ್ರಂಪ್ (ಸಂಗ್ರಹ ಚಿತ್ರ)

ಅಮೆರಿಕಾದ ಕ್ಯಾಪಿಟಲ್ ಕಟ್ಟಡದ ಮೇಲೆ ಜನವರಿ 6ರಂದು ನಡೆದ ದಾಳಿಗೆ, ಡೊನಾಲ್ಡ್ ಟ್ರಂಪ್ ಮಾಡಿದ್ದ ಫೇಸ್​ಬುಕ್ ಪೋಸ್ಟ್​ಗಳು ಪ್ರಚೋದನಕಾರಿಯಾಗಿದ್ದವು ಎಂಬ ಕಾರಣದಿಂದ ಸಾಮಾಜಿಕ ಜಾಲತಾಣ ದೈತ್ಯ ಫೇಸ್​ಬುಕ್ ಸಂಸ್ಥೆ ಅಮೆರಿಕಾ ಮಾಜಿ ಅಧ್ಯಕ್ಷರಿಗೆ ಸಂಬಂಧಿಸಿದ ಫೇಸ್​ಬುಕ್ ಖಾತೆಗಳನ್ನು 2023ರ ಜನವರಿವರೆಗೆ ತಡೆ ನೀಡಿದೆ. ಸಂಸ್ಥೆಯ ಸ್ವತಂತ್ರ ಮೇಲ್ವಿಚಾರಣ ಸಂಸ್ಥೆ ಮೇ ತಿಂಗಳಲ್ಲಿ ಈ ನಿರ್ಧಾರವನ್ನು ಎತ್ತಿ ಹಿಡಿದಿತ್ತು.

ಅನಿರ್ಧಿಷ್ಟಾವಧಿಯವರೆಗೆ ಖಾತೆಯನ್ನು ಬ್ಯಾನ್ ಮಾಡುವುದು ಸರಿಯಲ್ಲ ಎಂದು ಸೂಚಿಸಿದ ಸಂಸ್ಥೆ ಸೂಕ್ತ ನಿರ್ಧಾರ ಕೈಗೊಳ್ಳಲು ಆರು ತಿಂಗಳ ಕಾಲವನ್ನು ನೀಡಿದೆ. ಟ್ರಂಪ್ ಖಾತೆಗಳಿಗೆ ಜನವರಿಯಿಂದಲೇ ತಡೆ ಹಿಡಿಯಲಾಗಿದ್ದು, ಪರಿಸ್ಥಿತಿ ಅವಕಾಶ ನೀಡಿದರೆ ಮತ್ತೆ ಪುನಃಸ್ಥಾಪಿಸಲಾಗುವುದು ಎಂದು ಫೇಸ್​ಬುಕ್ ತನ್ನ ಬ್ಲಾಗ್ ಪೋಸ್ಟ್​ನಲ್ಲಿ ವಿವರಿಸಿದೆ.

ಟ್ರಂಪ್ ಖಾತೆಗಳನ್ನು ಬ್ಯಾನ್ ಮಾಡಿರುವ ಬಗ್ಗೆ ತಿಳಿಸಿರುವ ಫೇಸ್​ಬುಕ್, ಡೊನಾಲ್ಡ್ ಟ್ರಂಪ್ ನಡೆಯು ಫೇಸ್​ಬುಕ್ ಸಂಸ್ಥೆಯ ಹೊಸ ನಿಯಮಾವಳಿಗಳನ್ನು ಮುರಿದಿದೆ. ಪ್ರೊಟೊಕಾಲ್​ಗಳ ಅನ್ವಯ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ.

ಫೆಸ್​ಬುಕ್​ನ ಈ ನಡೆಯನ್ನು ಹಲವರು ಸ್ವಾಗತಿಸಿದ್ದಾರೆ. ಆದರೆ, ರಿಪಬ್ಲಿಕನ್ ಶಾಸಕರು, ಅಭಿವ್ಯಕ್ತಿ ಸ್ವಾತಂತ್ರ್ಯದ ಪರ ನ್ಯಾಯವಾದಿಗಳು ಟ್ರಂಪ್ ಖಾತೆ ಮೇಲಿನ ನಿರ್ಬಂಧವನ್ನು ವಿರೋಧಿಸಿದ್ದಾರೆ. ಮುಕ್ತ ಅಭಿಪ್ರಾಯವನ್ನು ಅಮೆರಿಕ ಅಧ್ಯಕ್ಷರಿಂದ ಕಿತ್ತುಕೊಳ್ಳಲಾಗಿದೆ. ಮೂಲಭೂತವಾದಿ ಉನ್ಮಾದಿ ಎಡಪಂಥೀಯರು ಸತ್ಯಕ್ಕೆ ಹೆದರುತ್ತಿದ್ದಾರೆ ಎಂದು ಹೇಳಿದ್ದಾರೆ. ಅಮೆರಿಕಾದ ಅಧ್ಯಕ್ಷರೊಬ್ಬರ ಖಾತೆಯನ್ನು ಫೇಸ್​ಬುಕ್ ಸಸ್ಪೆಂಡ್ ಮಾಡಿರುವುದು ಇದೇ ಮೊದಲ ಬಾರಿ ಆಗಿದೆ.

ಅಮೆರಿಕಾದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮೇಲೆ ಫೇಸ್​ಬುಕ್ ಹಾಗೂ ಇನ್​ಸ್ಟಾಗ್ರಾಮ್​ ಹಾಕಿರುವ ನಿರ್ಬಂಧವನ್ನು ಫೇಸ್​ಬುಕ್​ನ ಮೇಲ್ವಿಚಾರಣೆ ಮಂಡಳಿ ಎತ್ತಿಹಿಡಿದಿತ್ತು. ಸಾಮಾನ್ಯವಾಗಿ ಫೇಸ್​ಬುಕ್​ ಹಾಕುವ ದಂಡವನ್ನು ಮೀರಿ ಅನಿರ್ದಿಷ್ಟಾವಧಿಯ ನಿಷೇಧ ಹೇರಿರುವುದನ್ನು ಟೀಕೆ ಮಾಡಲಾಗಿತ್ತು. ನಿರ್ಧಾರವನ್ನು ಮತ್ತೊಮ್ಮೆ ಪರಿಶೀಲಿಸುವಂತೆ ಫೇಸ್​ಬುಕ್​ಗೆ ಹೇಳಿತ್ತು. ಸಾಮಾನ್ಯ ಬಳಕೆದಾರರು ಸೇರಿದಂತೆ ಎಲ್ಲರಿಗೂ ಅನ್ವಯಿಸುವಂತೆ ಸಮರ್ಥನೆ ನೀಡುವಂಥ ಸಮಾನಾಂತರ ಪ್ರತಿಕ್ರಿಯೆಯನ್ನು ನೀಡಬೇಕು ಎಂದು ತಿಳಿಸಲಾಗಿತ್ತು. ಕ್ಯಾಪಿಟಲ್ ಹಿಲ್ ಹಿಂಸಾಚಾರದ ನಂತರ, ಜನವರಿಯಲ್ಲಿ ಎತಡೂ ವೆಬ್​ಸೈಟ್​ನಿಂದ ಟ್ರಂಪ್​ರನ್ನು ನಿಷೇಧಿಸಲಾಗಿತ್ತು.

ಇದನ್ನೂ ಓದಿ: Wuhan Lab ‘ಚೀನಾ ವೈರಸ್ ವುಹಾನ್ ಲ್ಯಾಬ್​ನಿಂದ ಬಂದದ್ದು’ ನಾನು ಅಂದು ಹೇಳಿದ್ದು ಸರಿ ಇದೆ ಅಲ್ಲವೇ?: ಡೊನಾಲ್ಡ್ ಟ್ರಂಪ್

ಸದ್ಯಕ್ಕಂತೂ ಪಾಕಿಸ್ತಾನಕ್ಕೆ ಭದ್ರತಾ ನೆರವು ನೀಡೋದಿಲ್ಲವೆಂದ ಯುಎಸ್​; ಟ್ರಂಪ್​ ನೀತಿಯನ್ನೇ ಮುಂದುವರಿಸಲು ಬೈಡನ್​ ನಿರ್ಧಾರ