Alphabet Layoff ಜಾಗತಿಕವಾಗಿ 12,000 ಉದ್ಯೋಗಿಗಳನ್ನು ವಜಾ ಮಾಡಲಿದೆ ಗೂಗಲ್​​ನ ಮಾತೃಸಂಸ್ಥೆ ಆಲ್ಫಾಬೆಟ್

ಆಲ್ಫಾಬೆಟ್ ಇಂಕ್ (Alphabet Inc)12,000 ಉದ್ಯೋಗಿಗಳನ್ನು ವಜಾ ಮಾಡಲಿದೆ ಎಂದು ಅದರ ಮುಖ್ಯ ಕಾರ್ಯನಿರ್ವಾಹಕರೊಬ್ಬರು ರಾಯಿಟರ್ಸ್​​ಗೆ ತಿಳಿಸಿದ್ದಾರೆ .ಇತ್ತೀಚಿಗೆ ಪ್ರತಿಸ್ಪರ್ಧಿ ಮೈಕ್ರೋಸಾಫ್ಟ್ ಕಾರ್ಪೊರೇಷನ್(Microsoft Corp)10,000 ಕಾರ್ಮಿಕರನ್ನು ವಜಾಗೊಳಿಸುವುದಾಗಿ ಹೇಳಿದ ದಿನಗಳ ನಂತರ ಆಲ್ಫಾಬೆಟ್ ಇಂಕ್​​ನ ಈ ನಿರ್ಧಾರ ಬಂದಿದೆ. ಉದ್ಯೋಗ ನಷ್ಟಗಳು ನೇಮಕಾತಿ ಮತ್ತು ಕೆಲವು ಕಾರ್ಪೊರೇಟ್ ಕಾರ್ಯಗಳು, ಹಾಗೆಯೇ ಕೆಲವು ಎಂಜಿನಿಯರಿಂಗ್ ಮತ್ತು ಉತ್ಪನ್ನಗಳ ತಂಡಗಳನ್ನು ಒಳಗೊಂಡಂತೆ ಕಂಪನಿಯಾದ್ಯಂತ ತಂಡಗಳ ಮೇಲೆ ಪರಿಣಾಮ ಬೀರುತ್ತವೆ.ಈ ವಜಾಗೊಳಿಸುವಿಕೆಯು ಜಾಗತಿಕವಾಗಿದ್ದು ತಕ್ಷಣವೇ ಅಮೆರಿಕ ಸಿಬ್ಬಂದಿಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ಗೂಗಲ್ ಹೇಳಿದೆ.

ಆರ್ಥಿಕ ಅನಿಶ್ಚಿತತೆ ಮತ್ತು ತಾಂತ್ರಿಕ ಭರವಸೆಯ ಅವಧಿಯಲ್ಲಿ ಈ ಸುದ್ದಿ ಬಂದಿದೆ. ಇದರಲ್ಲಿ ಗೂಗಲ್ ಮತ್ತು ಮೈಕ್ರೋಸಾಫ್ಟ್ ಹೊಸ ಸಾಫ್ಟ್‌ವೇರ್ ಕ್ಷೇತ್ರದಲ್ಲಿ ಹೂಡಿಕೆ ಮಾಡುತ್ತಿವೆ, ಇದನ್ನು ಉತ್ಪಾದಕ ಕೃತಕ ಬುದ್ಧಿಮತ್ತೆ ಎಂದು ಕರೆಯಲಾಗುತ್ತದೆ.

ನಮ್ಮ ಮಿಷನ್‌ನ ಶಕ್ತಿ, ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳ ಮೌಲ್ಯ ಮತ್ತು AI ನಲ್ಲಿನ ನಮ್ಮ ಆರಂಭಿಕ ಹೂಡಿಕೆಗಳಿಂದಾಗಿ ನಮ್ಮ ಮುಂದೆ ಇರುವ ದೊಡ್ಡ ಅವಕಾಶದ ಬಗ್ಗೆ ನನಗೆ ವಿಶ್ವಾಸವಿದೆ ಎಂದು ಆಲ್ಫಾಬೆಟ್‌ನ ಸಿಇಒ ಸುಂದರ್ ಪಿಚೈ ಹೇಳಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 4:59 pm, Fri, 20 January 23