ಟಂಡ್ರಾ ಪ್ರದೇಶದಲ್ಲಿ ಸಿಲುಕಿ ಏಳು ರಾತ್ರಿ ಕರಡಿಯಿಂದ ಹಿಂಸೆ ಅನುಭವಿಸಿದ ವ್ಯಕ್ತಿಯನ್ನು ರಕ್ಷಿಸಿದ ಕರಾವಳಿ ರಕ್ಷಕ ಪಡೆ..

ಏಳು ರಾತ್ರಿಯಿಂದ ಕರಡಿಯಿಂದ ಹಿಂಸೆಗೆ ಒಳಗಾದ ವ್ಯಕ್ತಿಯೊಬ್ಬನನ್ನು ಕರಾವಳಿ ರಕ್ಷಕ ಪಡೆಯ ಹೆಲಿಕಾಪ್ಟರ್ (Coast Guard Helicopter)ವೊಂದು ರಕ್ಷಣೆ ಮಾಡಿದೆ. ಅಂದಹಾಗೆ ಈ ಘಟನೆ ನಡೆದದ್ದು ಯುಎಸ್​ನ ಅಲೆಸ್ಕಾ ನಗರದ ನೊಮೆ ಸಮೀಪದ ಟಂಡ್ರಾ ಪ್ರದೇಶದಲ್ಲಿ. ಈ ವ್ಯಕ್ತಿ ಒಬ್ಬ ಗಣಿಗಾರನಾಗಿದ್ದು, ಟಂಡ್ರಾ ಪ್ರದೇಶದಲ್ಲಿರುವ ಗಣಿಗಾರಿಕೆ ಕ್ಯಾಂಪ್​​ನ ಮೇಲ್ಭಾಗಕ್ಕೆ ಬಂದು ಸಹಾಯಕ್ಕಾಗಿ ಎದುರು ನೋಡುತ್ತಿದ್ದರು.

ಈ ಹೆಲಿಕಾಪ್ಟರ್​​ ಕೊಟ್ಜೆಬ್ಯೂದಿಂದ ಕೊಡಿಯಾಕ್​ಗೆ ಹೋಗುತ್ತಿತ್ತು. ಗಣಿಗಾರ ತನ್ನ ಕ್ಯಾಂಪ್ ಮೇಲ್ಭಾಗದಲ್ಲಿ SOS (ಅಂತಾರಾಷ್ಟ್ರೀಯ ಆರೋಗ್ಯ ಮತ್ತು ಭದ್ರತಾ ಸೇವೆಗಳ ಸಂಸ್ಥೆ) ಮಾರ್ಕ್​ ಹಾಕಿದ್ದ. ಅಂದರೆ ತಾನು ಅಪಾಯದಲ್ಲಿದ್ದೇನೆ..ರಕ್ಷಿಸಿ ಎಂಬ ಅರ್ಥದಲ್ಲಿ ಗುರುತು ಹಾಕಿಕೊಂಡಿದ್ದ. ಅದನ್ನು ನೋಡಿದ ಹೆಲಿಕಾಪ್ಟರ್​ ಸಿಬ್ಬಂದಿ ಆ ಕ್ಯಾಂಪ್​​ನ ಸುತ್ತಲೂ ರೌಂಡ್​ ಹಾಕಿದರು. ಆಗ ಅಲ್ಲಿ ಈ ವ್ಯಕ್ತಿ ತನ್ನ ಕೈ ಬೀಸುತ್ತ ನಿಂತಿರುವುದು ಕಂಡು, ಹೆಲಿಕಾಪ್ಟರ್​ ಕೆಳಗಿಳಿಸಿ ರಕ್ಷಣೆ ಮಾಡಲಾಗಿದೆ.

ಹೆಲಿಕಾಪ್ಟರ್​ನ್ನು ಅಲ್ಲಿ ಲ್ಯಾಂಡ್​​ ಮಾಡಿದ ಕೂಡಲೇ ಆ ಗಣಿಗಾರ ಮೊದಲು ಹೇಳಿದ್ದು ತನಗೆ ವೈದ್ಯಕೀಯ ಚಿಕಿತ್ಸೆ ಬೇಕು. ಸತತ ಏಳುದಿನಗಳಿಂದ ಕರಡಿಯಿಂದ ದಾಳಿಗೆ ಒಳಗಾಗಿದ್ದೇನೆ. ಕಾಲಿಗೆ ಗಾಯವಾಗಿದೆ ಎಂದು ಮನವಿ ಮಾಡಿಕೊಂಡಿದ್ದಾನೆ. ಬೇರಿಂಗ್​ ಸಮುದ್ರದ ಕರಾವಳಿ ಅಂಚಾಗಿರುವ ನೋಮೆ, ಅಲಸ್ಕಾದ ಅಂಕಾರೇಜ್​ನ ವಾಯುವ್ಯಕ್ಕೆ 535 ಮೈಲು ದೂರದಲ್ಲಿದೆ.

ಇದನ್ನೂ ಓದಿ: ‘ಮನೋಜ್​ ಬಾಜ್​ಪೇಯಿ ಪಾರ್ನ್​ ಸಿನಿಮಾದಲ್ಲಿ ನಟಿಸಿದ್ದಾರೆ’; ಗಂಭೀರ ಆರೋಪ ಮಾಡಿದ ಬಾಲಿವುಡ್​ ಕಾಮಿಡಿಯನ್​

Helicopter rescues man after 7 days struggle with bear In Alaska