ನವರಾತ್ರಿ: ನ್ಯೂಯಾರ್ಕ್​ನಲ್ಲಿ ಭಾರತೀಯ ಸಮುದಾಯದವರೊಂದಿಗೆ ಗರ್ಬಾ ನೃತ್ಯ ಮಾಡಿದ ಮೇಯರ್ ಜೋಹ್ರಾನ್ ಮಮ್ದಾನಿ

ನ್ಯೂಯಾರ್ಕ್​, ಅಕ್ಟೋಬರ್ 21:ನವರಾತ್ರಿ ಹಬ್ಬದ ಅಂಗವಾಗಿ ನ್ಯೂಯಾರ್ಕ್‌ನಲ್ಲಿ ಆಯೋಜಿಸಲಾಗಿದ್ದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಮೇಯರ್ ಜೋಹ್ರಾನ್ ಮಮ್ದಾನಿ ಅವರು ಭಾರತೀಯ ಸಮುದಾಯದೊಂದಿಗೆ ಸೇರಿ ಗರ್ಬಾ ನೃತ್ಯ ಮಾಡಿದರು. ಕಪ್ಪು ಸೂಟ್ ಮೇಲೆ ಸಾಂಪ್ರದಾಯಿಕ ದುಪಟ್ಟಾ ಧರಿಸಿ, ಗುಜರಾತಿ ಜಾನಪದ ಸಂಗೀತಕ್ಕೆ ಸ್ಥಳೀಯರ ಜೊತೆ ಲಯಬದ್ಧವಾಗಿ ಹೆಜ್ಜೆ ಹಾಕಿದ ಅವರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ. ನೃತ್ಯದ ಬಳಿಕ ಅವರು ಸ್ಥಳೀಯ ಹಿಂದೂ ದೇವಸ್ಥಾನಕ್ಕೆ ತೆರಳಿ ಅರ್ಚಕರಿಂದ ಆಶೀರ್ವಾದ ಪಡೆದರು.

ನೃತ್ಯದ ಬಳಿಕ ಸ್ಥಳೀಯ ಹಿಂದೂ ದೇವಸ್ಥಾನಕ್ಕೆ ಭೇಟಿ ನೀಡಿದ ಮಮ್ದಾನಿ, ದೇವರ ಆಶೀರ್ವಾದ ಪಡೆದಿದ್ದಾರೆ. ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಶುಭಕೋರಿದ ಅವರು, “ನಮ್ಮ ನೆರೆಹೊರೆಯವರು ನವರಾತ್ರಿಯಂದು ದುರ್ಗಾ ಪೂಜೆ, ಗರ್ಬಾ, ಸಿಂಧೂರ್ ಖೇಲಾ, ದಶೈನ್ ಮತ್ತು ಗೋಲು ಬೊಂಬೆ ಪ್ರದರ್ಶನದಂತಹ ವೈವಿಧ್ಯಮಯ ಪದ್ಧತಿಗಳ ಮೂಲಕ ಹಬ್ಬವನ್ನು ಆಚರಿಸುತ್ತಾರೆ. ನಿಮ್ಮ ಕುಟುಂಬ ಇದನ್ನು ಯಾವುದೇ ಹೆಸರಿನಿಂದ ಕರೆದರೂ, ಈ ಹಬ್ಬ ಎಲ್ಲರಿಗೂ ಹೊಸ ಚೈತನ್ಯ ತರಲಿ” ಎಂದು ಬರೆದಿದ್ದಾರೆ.

Zohran Mamdani is playing garba ❤️

A right winger’s worst nightmare is that people might actually coexist without asking their permission. 😂 https://t.co/V9FhmSrKWb

— aree_shuklajii (@th_anonymouse) October 20, 2026

ಅವರು ಈ ಹಿಂದೆಯೂ ದೀಪಾವಳಿ, ರಕ್ಷಾಬಂಧನ ಸೇರಿದಂತೆ ಹಲವು ಭಾರತೀಯ ಹಬ್ಬಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಂಡಿದ್ದರು. ಜೋಹ್ರಾನ್ ಖ್ಯಾತ ಭಾರತೀಯ ಚಲನಚಿತ್ರ ನಿರ್ದೇಶಕಿ ಮೀರಾ ನಾಯರ್ ಮತ್ತು ಪ್ರಸಿದ್ಧ ವಿದ್ವಾಂಸ ಮಹಮೂದ್ ಮಮ್ದಾನಿ ಅವರ ಪುತ್ರ. ನ್ಯೂಯಾರ್ಕ್ ರಾಜ್ಯ ಅಸೆಂಬ್ಲಿಯ ಕ್ವೀನ್ಸ್ (ಅಸ್ಟೋರಿಯಾ) ಕ್ಷೇತ್ರದ ಚುನಾಯಿತ ಜನಪ್ರತಿನಿಧಿ. ಮುಸ್ಲಿಂ ಮತ್ತು ಹಿಂದೂ ಎರಡೂ ಸಂಪ್ರದಾಯಗಳ ವಾತಾವರಣದಲ್ಲಿ ಬೆಳೆದ ಹಿನ್ನೆಲೆಯನ್ನು ಹೊಂದಿರುವ ಅವರು, ದಕ್ಷಿಣ ಏಷ್ಯಾದ ಬಹುತ್ವ ಮತ್ತು ಸೌಹಾರ್ದತೆಯನ್ನು ಸದಾ ಬೆಂಬಲಿಸುತ್ತಾ ಬಂದಿದ್ದಾರೆ.

This week, our Hindu neighbors celebrate the Goddess Durga during the festival of Navaratri.

Our neighbors will dance Garba, venerate the Goddess Durga with Sindur Khela, receive Tika from elders, set up Golu in their homes, and so much more.

Whether your family calls it Durga Puja, Dashain, Dussehra, or Navratri, may this festival mark a season of reflection and renewal.

— Mayor Zohran Kwame Mamdani (@NYCMayor) October 14, 2026

ಅಮೆರಿಕದ ಪ್ರಮುಖ ರಾಜಕೀಯ ವೇದಿಕೆಗಳಲ್ಲಿ ದಕ್ಷಿಣ ಏಷ್ಯಾ ಮೂಲದ ಸಮುದಾಯಗಳನ್ನು ಸದಾ ಬೆಂಬಲಿಸುತ್ತಾ ಬಂದಿರುವ ಅವರು ಭಾರತೀಯ ಸಂಸ್ಕೃತಿಯ ಜೊತೆಗಿನ ತಮ್ಮ ಆಪ್ತ ಒಡನಾಟವನ್ನು ಮತ್ತೊಮ್ಮೆ ತೋರ್ಪಡಿಸಿದ್ದಾರೆ.

ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ