Shinzo Abe Funeral ಶಿಂಜೊ ಅಬೆ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳಲು ನಾಳೆ ಜಪಾನ್‌ಗೆ ನರೇಂದ್ರ ಮೋದಿ ಭೇಟಿ

PM Narendra Modi: ಜುಲೈ 8 ರಂದು ಪ್ರಚಾರ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸುತ್ತಿದ್ದಾಗ ಅಬೆ ಅವರನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿತ್ತು. ಮುಕ್ತ ಇಂಡೋ ಪೆಸಿಫಿಕ್ ಪ್ರದೇಶದ ದೃಷ್ಟಿಕೋನವನ್ನು ಉತ್ತೇಜಿಸುವುದರ ಜೊತೆಗೆ, ಜಪಾನ್‌ನ ಸುದೀರ್ಘ ಸೇವೆ...

Shinzo Abe Funeral ಶಿಂಜೊ ಅಬೆ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳಲು ನಾಳೆ ಜಪಾನ್‌ಗೆ ನರೇಂದ್ರ ಮೋದಿ ಭೇಟಿ
ನರೇಂದ್ರ ಮೋದಿ
TV9kannada Web Team

| Edited By: TV9 SEO

Sep 26, 2022 | 1:20 PM

ಜಪಾನ್​​ನ ಮಾಜಿ ಪ್ರಧಾನಿ ಶಿಂಜೋ ಅಬೆ (Shinzo Abe)ಅವರ ಅಂತ್ಯಸಂಸ್ಕಾರದಲ್ಲಿ ಪಾಲ್ಗೊಳ್ಳಲು ನಾಳೆ (ಸೆಪ್ಟೆಂಬರ್ 27) ರಂದು ಪ್ರಧಾನಿ ನರೇಂದ್ರ ಮೋದಿ (Narendra Modi) ಜಪಾನ್‌ಗೆ ತೆರಳಲಿದ್ದಾರೆ. ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ  ಪ್ರಕಟಣೆಯ ಪ್ರಕಾರ, ಮೋದಿ ಅವರು  ಜಪಾನ್ ಪ್ರಧಾನಿ ಫುಮಿಯೊ ಕಿಶಿದಾ ಅವರನ್ನು ಪ್ರತ್ಯೇಕವಾಗಿ ಭೇಟಿಯಾಗಲಿದ್ದಾರೆ. ಒಂದು ದಿನಕ್ಕಿಂತ ಹೆಚ್ಚು ದಿನ ಮೋದಿ ಜಪಾನ್​​ನಲ್ಲಿರುವುದಿಲ್ಲ. ಅಬೆ ಅವರ ಪತ್ನಿಯನ್ನು ಭೇಟಿ ಮಾಡಲಿರುವ ವಿಶ್ವ ನಾಯಕರಲ್ಲಿ ಮೋದಿ ಕೂಡ ಒಬ್ಬರು ಎಂದು ಮೂಲಗಳು ಹೇಳಿರುವುದಾಗಿ ಹಿಂದೂಸ್ತಾನ್ ಟೈಮ್ಸ್ ವರದಿ ಮಾಡಿದೆ. ಜುಲೈ 8 ರಂದು ಪ್ರಚಾರ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸುತ್ತಿದ್ದಾಗ ಅಬೆ ಅವರನ್ನು ಗುಂಡಿಕ್ಕಿ ಹತ್ಯೆ ಮಾಡಲಾಗಿತ್ತು. ಮುಕ್ತ ಇಂಡೋ ಪೆಸಿಫಿಕ್ ಪ್ರದೇಶದ ದೃಷ್ಟಿಕೋನವನ್ನು ಉತ್ತೇಜಿಸುವುದರ ಜೊತೆಗೆ, ಜಪಾನ್‌ನ ಸುದೀರ್ಘ ಸೇವೆ ಸಲ್ಲಿಸಿದ್ದ ಅಬೆ ಆಸ್ಟ್ರೇಲಿಯಾ, ಭಾರತ, ಜಪಾನ್ ಮತ್ತು ಯುಎಸ್ ಅನ್ನು ಒಟ್ಟುಗೂಡಿಸುವ ಚತುರ್ಭುಜ ಭದ್ರತಾ ಸಂವಾದ ಕ್ವಾಡ್ ರಚನೆಯಲ್ಲಿ ಮಹತ್ತರ ಪಾತ್ರವನ್ನು ವಹಿಸಿದ್ದರು.

ಜಪಾನ್ ಸ್ನೇಹಪರ ರಾಷ್ಟ್ರ ಮತ್ತು ಅತ್ಯಗತ್ಯ ಪಾಲುದಾರರಾಗಿರುವ ಕಾರಣ ಪ್ರಧಾನಿ ಮೋದಿಯವರು ತಮ್ಮ ಬಿಡುವಿಲ್ಲದ ವೇಳಾಪಟ್ಟಿಯ ನಡುವೆಯೂ ಹೋಗಿ ರಾಜ್ಯದ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಲು ಸಾಧ್ಯವಾಗಿರುವುದು ಉತ್ತಮ ಕಾರ್ಯ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ಅರಿಂದಮ್ ಬಾಗ್ಚಿ ಹೇಳಿದ್ದಾರೆ. ಮೋದಿ ಅವರು ಜಪಾನ್‌ನ ಮಾಜಿ ಪ್ರಧಾನಿಯೊಂದಿಗೆ “ವೈಯಕ್ತಿಕ ಸಂಪರ್ಕ” ಹೊಂದಿದ್ದರು ಎಂದಿದ್ದಾರೆ ಬಾಗ್ಚಿ.

ಜುಲೈನಲ್ಲಿ ಅಬೆಯ ಹತ್ಯೆಯ ನಂತರ, ಲಿಬರಲ್ ಡೆಮಾಕ್ರಟಿಕ್ ಪಾರ್ಟಿ (ಎಲ್‌ಡಿಪಿ) ಮತ್ತು ಯುನಿಫಿಕೇಶನ್ ಚರ್ಚ್‌ನ ರಾಜಕಾರಣಿಗಳ ನಡುವಿನ ಸಂಪರ್ಕಗಳ ಬಗ್ಗೆ ಮಾಹಿತಿ ಬೆಳಕಿಗೆ ಬಂದಿದೆ.

ವಿಷಾದ ವ್ಯಕ್ತಪಡಿಸುವ ಮೂಲಕ ಮತ್ತು 1950 ರ ದಶಕದಲ್ಲಿ ದಕ್ಷಿಣ ಕೊರಿಯಾದಲ್ಲಿ ಸ್ಥಾಪಿಸಲಾದ ಚರ್ಚ್‌ ಜತೆಗೆ ಎಲ್​​ಡಿಪಿ ಸಂಬಂಧಗಳನ್ನು ಕಡಿತಗೊಳಿಸುವ ಭರವಸೆ ನೀಡುವ  ಮೂಲಕ ಕಿಶಿದಾ ಹಾನಿಯನ್ನು ತಡೆಯಲು ಪ್ರಯತ್ನಿಸಿದ್ದಾರೆ. ಆದಾಗ್ಯೂ, ಪಕ್ಷ ಮತ್ತು ಅವರ ಆಡಳಿತದ ಪರಿಣಾಮಗಳು ತೀವ್ರವಾಗಿವೆ.

ಅಬೆ ಅವರ ಹಂತಕ ತನ್ನ ಕುಟುಂಬವನ್ನು ಚರ್ಚ್ ನೋಯಿಸುವಂತೆ ಮಾಡಿದೆ ಎಂದಿದ್ದಾನೆ . ಹತ್ಯೆಯ ಮೊದಲು, ಅವರು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳಲ್ಲಿ ಈ ಗುಂಪಿಗೆ ಅಬೆ ಸಹಾಯ ಮಾಡಿದ್ದಾರೆ ಎಂದು ಆತ ಆರೋಪ ಮಾಡಿದ್ದ. ಅಬೆ ಅವರನ್ನು ಗೌರವಿಸಲು, ಭಾರತವು ರಾಷ್ಟ್ರೀಯ ಶೋಕಾಚರಣೆಯ ದಿನವನ್ನು ಘೋಷಿಸಿತು. ಜಪಾನಿನ ನಾಯಕನ ಮರಣದ ನಂತರ ಬಿಡುಗಡೆ ಮಾಡಿದ ಸಂದೇಶದಲ್ಲಿ, ಮೋದಿ ಅವರು ಅಬೆ ಅವರನ್ನು “ಉನ್ನತ ಜಾಗತಿಕ ರಾಜಕಾರಣಿ, ಅತ್ಯುತ್ತಮ ನಾಯಕ ಮತ್ತು ಗಮನಾರ್ಹ ಆಡಳಿತಗಾರ” ಎಂದು ಬಣ್ಣಿಸಿದರು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada