ಪೋಲೆಂಡ್ ಗಡಿ ಬಳಿ ಉಕ್ರೇನಿಯನ್ ಮಿಲಿಟರಿ ನೆಲೆ ಮೇಲೆ ರಷ್ಯಾ ಕ್ಷಿಪಣಿ ದಾಳಿ: 35 ಮಂದಿ ಸಾವು, 134 ಮಂದಿಗೆ ಗಾಯ

ನ್ಯಾಟೋ ಸದಸ್ಯ ಪೋಲೆಂಡ್  (Poland)ಗಡಿಯ ಸಮೀಪವಿರುವ ದೊಡ್ಡ ಉಕ್ರೇನಿಯನ್ ( Ukraine) ಮಿಲಿಟರಿ ನೆಲೆ ಮೇಲೆ ಭಾನುವಾರ ರಷ್ಯಾ(Russia) ಕ್ಷಿಪಣಿ ದಾಳಿ ನಡೆಸಿದ್ದು, 35 ಜನರು ಸಾವಿಗೀಡಾಗಿದ್ದಾರೆ ಮತ್ತು 134 ಮಂದಿ ಗಾಯಗೊಂಡಿದ್ದಾರೆ ಎಂದು ಉಕ್ರೇನಿಯನ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ವಿದೇಶಿ ಮಿಲಿಟರಿ ಬೋಧಕರು ಈ ಹಿಂದೆ ನೆಲೆಯಲ್ಲಿ ಕೆಲಸ ಮಾಡಿದ್ದಾರೆ ಎಂದು ಉಕ್ರೇನ್ ಹೇಳಿದೆ. ಆದರೆ ನ್ಯಾಟೋ ಅಧಿಕಾರಿಯೊಬ್ಬರು ಮಿಲಿಟರಿ ನೆಲೆಯಲ್ಲಿ ಯಾವುದೇ ಸಿಬ್ಬಂದಿ ಇರಲಿಲ್ಲ ಎಂದು ಹೇಳಿದರು. ನ್ಯಾಟೊ (NATO) ಅಲ್ಲದ ರಾಜ್ಯಗಳು ಅಲ್ಲಿ ಪ್ರತಿನಿಧಿಗಳನ್ನು ಹೊಂದಿರಬಹುದೇ ಎಂಬುದು ತಕ್ಷಣ ಸ್ಪಷ್ಟವಾಗಿಲ್ಲ. ಪ್ರಾದೇಶಿಕ ಗವರ್ನರ್ ಮ್ಯಾಕ್ಸಿಮ್ ಕೊಜಿಟ್ಸ್ಕಿ, ರಷ್ಯಾದ ವಿಮಾನಗಳು ಯವೊರಿವ್ ಇಂಟರ್ನ್ಯಾಷನಲ್ ಸೆಂಟರ್ ಫಾರ್ ಪೀಸ್ ಕೀಪಿಂಗ್ ಮತ್ತು ಸೆಕ್ಯುರಿಟಿಯ ಮೇಲೆ ಸುಮಾರು 30 ರಾಕೆಟ್‌ಗಳನ್ನು ಹಾರಿಸಿದ್ದು, ಕೆಲವನ್ನು ದಾಳಿ ಮಾಡುವ ಮೊದಲು ತಡೆಹಿಡಿಯಲಾಗಿದೆ ಎಂದು ಹೇಳಿದರು. ಕನಿಷ್ಠ 35 ಜನರು ಸಾವನ್ನಪ್ಪಿದ್ದಾರೆ ಮತ್ತು 134 ಜನರು ಗಾಯಗೊಂಡಿದ್ದಾರೆ ಎಂದು ಅವರು ಹೇಳಿದರು. ಅವರ ಹೇಳಿಕೆಯನ್ನು ಪರಿಶೀಲಿಸಲು ಸಾಧ್ಯವಾಗಲಿಲ್ಲ ಎಂದು ರಾಯಿಟರ್ಸ್ ವರದಿ ಮಾಡಿದೆ. ಪೋಲಿಷ್ ಗಡಿಯಿಂದ 25 ಕಿಮೀ (15 ಮೈಲಿ) ಗಿಂತ ಕಡಿಮೆ ಇರುವ 360 ಚದರ ಕಿಮೀ (140 ಚದರ ಮೈಲಿ) ಮಿಲಿಟರಿ ನೆಲೆಯು ಉಕ್ರೇನ್‌ನ ಅತಿದೊಡ್ಡ ಮತ್ತು ದೇಶದ ಪಶ್ಚಿಮ ಭಾಗದಲ್ಲಿರುವ ಅತಿ ದೊಡ್ಡ ಮಿಲಿಟರಿ ನೆಲೆ ಆಗಿದೆ.

ನ್ಯಾಟೋ ಗಡಿಯ ಸಮೀಪದಲ್ಲಿ ವರದಿಯಾದ ಕ್ಷಿಪಣಿ ದಾಳಿಯ ಕುರಿತು ಪ್ರತಿಕ್ರಿಯೆಗಾಗಿ ವಿನಂತಿಸಿದ್ದರೂ ಕ್ರೆಮ್ಲಿನ್ ತಕ್ಷಣ ಉತ್ತರಿಸಲಿಲ್ಲ. ಭಾನುವಾರದಂದು ರಷ್ಯಾದ ರಕ್ಷಣಾ ಸಚಿವಾಲಯದ ವಕ್ತಾರರ ಕಿರು ವಿಡಿಯೊ ಬ್ರೀಫಿಂಗ್ ಅಂತಹ ದಾಳಿಯ ಬಗ್ಗೆ ಯಾವುದೇ ಉಲ್ಲೇಖವನ್ನು ಮಾಡಲಿಲ್ಲ ಎಂದಿದೆ ರಾಯಿಟರ್ಸ್.

ಈ ಪ್ರದೇಶದಿಂದ ಕಪ್ಪು ಹೊಗೆ ಕಾಣಿಸಿಕೊಂಡ  ನಂತರ ಯಾರೋವಿವ್ ನೆಲೆಯ ದಿಕ್ಕಿನಿಂದ ಸೈರನ್‌ಗಳನ್ನು ಹೊಂದಿರುವ ಹತ್ತೊಂಬತ್ತು ಆಂಬ್ಯುಲೆನ್ಸ್‌ಗಳನ್ನು ರಾಯಿಟರ್ಸ್ ನೋಡಿದೆ. “ಲಿವೀವ್  ಬಳಿಯ ಶಾಂತಿಪಾಲನೆ ಮತ್ತು ಭದ್ರತೆಗಾಗಿ ಅಂತರರಾಷ್ಟ್ರೀಯ ಕೇಂದ್ರದ ಮೇಲೆ ರಷ್ಯಾ ದಾಳಿ ಮಾಡಿದೆ. ವಿದೇಶಿ ಬೋಧಕರು ಇಲ್ಲಿ ಕೆಲಸ ಮಾಡುತ್ತಾರೆ.  ಸಾವಿಗೀಡಾದವರ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸಲಾಗುತ್ತಿದೆ” ಎಂದು ಉಕ್ರೇನಿಯನ್ ರಕ್ಷಣಾ ಸಚಿವ ಒಲೆಕ್ಸಿ ರೆಜ್ನಿಕೋವ್ ಆನ್‌ಲೈನ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ದಾಳಿಯ ಸಮಯದಲ್ಲಿ ಯಾವುದೇ ವಿದೇಶಿ ಬೋಧಕರು ಕೇಂದ್ರದಲ್ಲಿದರೇ ಎಂಬುದನ್ನು ಖಚಿತಪಡಿಸಲು  ಸಚಿವಾಲಯವು ಪ್ರಯತ್ನಿಸುತ್ತಿದೆ ಎಂದು ಉಕ್ರೇನಿಯನ್ ರಕ್ಷಣಾ ಸಚಿವಾಲಯದ ಪ್ರತಿನಿಧಿ ರಾಯಿಟರ್ಸ್​​ಗೆ ತಿಳಿಸಿದ್ದಾರೆ.

ಫೆಬ್ರವರಿ 24 ರಂದು ರಷ್ಯಾ ಆಕ್ರಮಣ ಮಾಡುವ ಮೊದಲು ವಾರಗಳಲ್ಲಿ, ಉಕ್ರೇನಿಯನ್ ಮಿಲಿಟರಿ ಅಲ್ಲಿ ತರಬೇತಿ ಪಡೆಯಿತು, ಆದರೆ ಉಕ್ರೇನಿಯನ್ ಮಾಧ್ಯಮದ ಪ್ರಕಾರ, ಎಲ್ಲಾ ವಿದೇಶಿ ಬೋಧಕರು ಫೆಬ್ರವರಿ ಮಧ್ಯದಲ್ಲಿ ತರಬೇತಿ ಮೈದಾನವನ್ನು ತೊರೆದಿದ್ದು ಎಲ್ಲಾ ಉಪಕರಣಗಳನ್ನು ಅಲ್ಲೇ ಬಿಟ್ಟಿದ್ದಾರೆ.

ಫೆಬ್ರವರಿ 24 ರಂದು ಪುಟಿನ್ ಪ್ರಾರಂಭಿಸಿದ ಉಕ್ರೇನ್ ಮೇಲಿನ ರಷ್ಯಾದ ಆಕ್ರಮಣವು 2.5 ಮಿಲಿಯನ್‌ಗಿಂತಲೂ ಹೆಚ್ಚು ಜನರನ್ನು ಗಡಿಯುದ್ದಕ್ಕೂ ಪಲಾಯನ ಮಾಡಿಸಿದೆ ಮತ್ತು ಸಾವಿರಾರು ಜನರನ್ನು ಸಿಲುಕುವಂತೆ ಮಾಡಿದೆ.

ವಿಮಾನ ನಿಲ್ದಾಣದ ಮೇಲೆ ದಾಳಿ ಪಶ್ಚಿಮ ಉಕ್ರೇನ್‌ನ ಮತ್ತೊಂದು ನಗರದ ಮೇಯರ್ ಇವಾನೊ-ಫ್ರಾಂಕಿವ್ಸ್ ಅವರು ರಷ್ಯಾದ ಪಡೆಗಳು ಉಕ್ರೇನ್ ವಿಮಾನ ನಿಲ್ದಾಣಗಳ ಮೇಲೆ ದಾಳಿ ಮಾಡುವುದನ್ನು ಮುಂದುವರಿಸಿವೆ ಎಂದಿದ್ದಾರೆ. ಯಾವುದೇ ಸಾವುನೋವುಗಳ ಬಗ್ಗೆ ವರದಿಯಾಗಿಲ್ಲ. ಪೂರ್ವ ಉಕ್ರೇನ್‌ನಲ್ಲಿರಷ್ಯಾದ ಪಡೆಗಳು ದಕ್ಷಿಣದಲ್ಲಿರುವ ಮಾರಿಯುಪೋಲ್ ಬಂದರು ಮತ್ತು ಉತ್ತರದ ಎರಡನೇ ನಗರ ಖಾರ್ಕಿವ್‌ನಿಂದ ಉಕ್ರೇನಿಯನ್ ಪಡೆಗಳನ್ನು ಸುತ್ತುವರಿಯಲು ಪ್ರಯತ್ನಿಸುತ್ತಿವೆ ಎಂದು ಯುಕೆ ರಕ್ಷಣಾ ಸಚಿವಾಲಯ ಭಾನುವಾರ ತಿಳಿಸಿದೆ.

ಇದನ್ನೂ ಓದಿ: ರಷ್ಯಾ-ಉಕ್ರೇನ್ ಸಂಘರ್ಷದಿಂದ ಲೋಹಗಳ ಕೊರತೆ: ವಿಮಾನ, ವಾಹನ, ಚಿಪ್, ಸೆಮಿಕಂಡಕ್ಟರ್ ಉತ್ಪಾದನೆಗೆ ಹಿನ್ನಡೆ

Published On - 5:38 pm, Sun, 13 March 22