ಇತಿಹಾಸದಲ್ಲೇ ಮೊದಲ ಬಾರಿಗೆ ಮುಸ್ಲಿಮರ ಪವಿತ್ರ ಸ್ಥಳ ಮೆಕ್ಕಾದ ಒಳಾಂಗಣ ಫೋಟೋ ಬಿಡುಗಡೆ ಮಾಡಿದ ಸೌದಿ ಸರ್ಕಾರ

ಸೌದಿ ಅರೇಬಿಯಾದಲ್ಲಿರುವ ಮೆಕ್ಕಾ ಮುಸ್ಲಿಮರ ಪಾಲಿಗೆ ಪವಿತ್ರವಾದ ಸ್ಥಳ. ಪ್ರತಿ ವರ್ಷ ಇಲ್ಲಿಗೆ ಬೇರೆ ದೇಶಗಳ ಮುಸ್ಲಿಮರೂ ಬರುತ್ತಾರೆ. ಅದನ್ನು ಹಜ್​ ಯಾತ್ರೆ ಎಂದೂ ಕರೆಯಲಾಗುತ್ತದೆ. ಈ ಮೆಕ್ಕಾ ಮಸೀದಿಯ ಹೊರಾಂಗಣ ಚಿತ್ರ ನಿಮಗೆ ನೋಡಲು ಸಿಕ್ಕಿದ್ದರೂ, ಅದರ ಒಳಾಂಗಣದಲ್ಲಿ ಏನಿದೆ ಎಂಬುದನ್ನು ನೋಡಲು ಸಾಧ್ಯವಾಗಿರಲಿಲ್ಲ. ಇದೀಗ ಇತಿಹಾಸದಲ್ಲೇ ಮೊದಲ ಬಾರಿಗೆ ಸೌದಿ ಅರೇಬಿಯಾ ಸರ್ಕಾರ, ಮೆಕ್ಕಾ ಮಸೀದಿಯೊಳಗೆ ಇರುವ ಪವಿತ್ರ ಕಪ್ಪುಕಲ್ಲು, ಧಾರ್ಮಿಕ ಕಲ್ಲುಗಳ ಹೈ ರೆಸಲ್ಯೂಶನ್​ ಇರುವ ಫೋಟೋವನ್ನು ಬಿಡುಗಡೆ ಮಾಡಿದೆ.

ಇದೀಗ ಬಿಡುಗಡೆಯಾಗಿರುವ ಮೆಕ್ಕಾದ ಪವಿತ್ರ ಬ್ಲ್ಯಾಕ್​ ಸ್ಟೋನ್​​ನ ಫೋಟೋ ಸುಮಾರು 49,000 ಮೆಗಾ ಫಿಕ್ಸೆಲ್​ ಇದೆ ಎಂದು ಸೌದಿ ಗ್ರ್ಯಾಂಡ್​ ಮಸೀದಿ ಮತ್ತು ಪಾಪೆಟ್ಸ್​ ಮಸೀದಿಯ ವ್ಯವಹಾರಗಳ ಜನರಲ್ ಪ್ರೆಸಿಡೆನ್ಸಿ ತಿಳಿಸಿದೆ. ಹಾಗೇ ಈ ಚಿತ್ರಗಳನ್ನು ತೆಗೆಯಲು ಸುಮಾರು 50 ತಾಸು ಬೇಕಾಯಿತು ಎಂದೂ ಮಾಹಿತಿ ನೀಡಿದೆ.

ಮೆಕ್ಕಾ ಮಸೀದಿಯಲ್ಲಿರುವ ಪವಿತ್ರ ಕಲ್ಲುಗಳ ಸುಮಾರು 1050 ಫೋಟೋಗಳನ್ನು ತೆಗೆಯುವಾಗ ಹಲವು ರೀತಿಯ ಟೆಕ್ನಿಕ್​​ನ್ನು ಬಳಸಲಾಗಿದೆ. ಹೀಗೆ ಈ ಫೋಟೋಗಳನ್ನು ತೆಗೆಯುವಾಗ ಎರಡೂ ಮಸೀದಿಗಳ ಜನರಲ್ ಪ್ರೆಸಿಡೆನ್ಸಿ ಮತ್ತು ಇಂಜಿನಿಯರಿಂಗ್ ವಿಭಾಗ ಜತೆಯಾಗಿ ಕೆಲಸ ಮಾಡಿವೆ. ಸುಮಾರು 7 ತಾಸುಗಳ ಕಾಲ ಯೋಜನೆ ರೂಪಿಸಿವೆ. ಮುಸ್ಲಿಮರ ಪಾಲಿಗೆ ಮೆಕ್ಕಾ ತುಂಬ ಪವಿತ್ರ. ಅಲ್ಲಿನ ಪವಿತ್ರ ಕಲ್ಲುಗಳ ವೀಕ್ಷಣೆಗೆಂದೇ ಪ್ರತಿವರ್ಷವೂ ಯಾತ್ರೆಗೆ ಹೋಗುತ್ತಾರೆ. ಇದೀಗ ಕೊವಿಡ್​ 19 ಅಲೆ ಜೋರಾಗಿದ್ದರಿಂದ ಮೆಕ್ಕಾ ಯಾತ್ರೆಗೂ ತಡೆ ಬಿದ್ದಿದೆ. ಇದೇ ಹೊತ್ತಲ್ಲಿ ಸೌದಿ ಸರ್ಕಾರ ಹೀಗೊಂದು ಮಹತ್ವದ ನಿರ್ಧಾರ ಕೈಗೊಂಡು, ಇತಿಹಾಸದಲ್ಲೇ ಪ್ರಥಮಬಾರಿಗೆ ಎಂಬಂತೆ ಮಸೀದಿಯ ಒಳಗಿನ ಫೋಟೋಗಳನ್ನು ಬಿಡುಗಡೆ ಮಾಡಿದೆ.

#رئاسة_شؤون_الحرمين توثق الحجر الأسود بتقنية (Focus Stack Panorama)

ماهي هذه التقنية ؟ هي تقنية يتم فيها تجميع الصور بوضوح مختلف، حتى تنتج لنا صورة واحدة بأكبر دقة. pic.twitter.com/n0mWCPAw1r

— رئاسة شؤون الحرمين (@ReasahAlharmain) May 3, 2021

ಇದನ್ನೂ ಓದಿ: ಸಂಬಳ ನೀಡುತ್ತಿಲ್ಲ ಎಂದು ಕರ್ತವ್ಯ ನಿರ್ವಹಿಸದೇ ಬಿಬಿಎಂಪಿ ಪಶ್ಚಿಮ ವಲಯದ ವಾರ್​ರೂಂ ಸಿಬ್ಬಂದಿ ಪ್ರತಿಭಟನೆ

Sanjana Galrani : ಬೆಂಗಳೂರಿನಲ್ಲಿ ಸಂಕಷ್ಟದಲ್ಲಿರೋ ಜನ್ರ ಸಹಾಯಕ್ಕೆ ಮುಂದಾಗ್ತಿರೋ ನಟಿ ಸಂಜನಾ ಗರ್ಲಾನಿ

Published On - 3:50 pm, Thu, 6 May 21