ಬೆಂಗಳೂರಿನ ಎದಿರಿಯಲ್ಎಕ್ಸ್ನಿಂದ ವಿಶ್ವದ ಮೊದಲ ಪೂರ್ಣ ರೀಯೂಸಬಲ್ ರಾಕೆಟ್; ಇಲಾನ್ ಮಸ್ಕ್ಗೂ ಸಾಧ್ಯವಾಗದ ಕೆಲಸ… ಇದು ರಿಯಲ್
Bengaluru startup EtherealX builds world's first fully reusable rocket: ಬೆಂಗಳೂರಿನ ಸ್ಪೇಸ್ ಸ್ಟಾರ್ಟಪ್ ಎನಿಸಿದ ಎದಿರಿಯಲ್ಎಕ್ಸ್ ವಿಶ್ವದ ಮೊದಲ ಪೂರ್ಣ ರೀಯೂಸಬಲ್ ರಾಕೆಟ್ ಅಭಿವೃದ್ಧಿಪಡಿಸಿದೆ. ಸ್ಪೇಸ್ಎಕ್ಸ್ ಸಂಸ್ಥೆಯ ಫಾಲ್ಕನ್-9 ರಾಕೆಟ್ನ ಒಂದು ಭಾಗ ಮಾತ್ರ ಭೂಮಿಗೆ ಮರಳಿ ಬರಬಲ್ಲುದು. ಆದರೆ, ಪೂರ್ಣ ರಾಕೆಟ್ ಮರಳಿ ಅದು ಮರುಬಳಕೆಗೆ ಯೋಗ್ಯ ಎನಿಸುವಂತಹದ್ದು ಇದೇ ಮೊದಲು.
Updated on: Jul 28, 2025 | 4:10 PM
ಬೆಂಗಳೂರು, ಜುಲೈ 28: ಇಲಾನ್ ಮಸ್ಕ್ ಅವರ ಸ್ಪೇಸ್ ಎಕ್ಸ್ ಕಂಪನಿಗೂ ಸಾಧ್ಯವಾಗದ ಕೆಲಸವನ್ನು ಬೆಂಗಳೂರಿನ ಎತೀರಿಯಲ್ ಎಕ್ಸ್ (EtherealX) ಎನ್ನುವ ಕಂಪನಿ ಮಾಡಿದೆ. ನಭಕ್ಕೆ ಹೋಗಿ ವಾಪಸ್ ಭೂಮಿಗೆ ವಾಪಸ್ ಬರಬಲ್ಲ ರಾಕೆಟ್ ಅನ್ನು ಎತಿರಿಯಲ್ ಕಂಪನಿ ಅಭಿವೃದ್ಧಿಪಡಿಸಿದೆ. ಈ ಮೂಲಕ ಬೆಂಗಳೂರಿನ ಸ್ಟಾರ್ಟಪ್ ಹೊಸ ದಾಖಲೆ ಬರೆದಿದೆ. ವಿಶ್ವದಲ್ಲಿ ಯಾರೂ ಕೂಡ ಪೂರ್ಣ ರೀತಿಯಲ್ಲಿ ರೀಯೂಸಬಲ್ ರಾಕೆಟ್ (fully reusable rocket) ತಯಾರಿಸಿದ್ದಿಲ್ಲ.
ಇಲಾನ್ ಮಸ್ಕ್ ಅವರ ಸ್ಪೇಸ್ ಎಕ್ಸ್ ಸಂಸ್ಥೆ ರೀಯೂಸಬಲ್ ರಾಕೆಟ್ ತಯಾರಿಸಿದೆಯಾದರೂ ಅದು ಪೂರ್ಣ ರೀಯೂಸಬಲ್ ಅಲ್ಲ. ರಾಕೆಟ್ನಲ್ಲಿನ ಲೋಯರ್ ಸ್ಟೇಜ್ನ ಭಾಗ ಮಾತ್ರ ಭೂಮಿಗೆ ಮರಳಿ, ಮರುಬಳಕೆಗೆ ಯೋಗ್ಯವಾಗಿರುತ್ತದೆ. ಬೂಸ್ಟರ್ ಭಾಗವು ತನ್ನ ಕೆಲಸ ಮುಗಿದ ಬಳಿಕ ನಾಶವಾಗಿ ಹೋಗುತ್ತದೆ. ಪೂರ್ಣವಾಗಿ ರೀಯೂಸಬಲ್ ಆಗಬಲ್ಲಂತಹ ಇಡೀ ರಾಕೆಟ್ ಅಥವಾ ಸ್ಪೇಸ್ಶಿಪ್ ಅನ್ನು ತಯಾರಿಸುವ ಪ್ರಯತ್ನದಲ್ಲಿ ಸ್ಪೇಸ್ ಎಕ್ಸ್ ಇದೆ. ಆದರೆ, ಅದಕ್ಕೂ ಮೊದಲೇ ಬೆಂಗಳೂರಿನ ಎತೀರಿಯಲ್ ಕಂಪನಿ ಈ ಕೆಲಸ ಮಾಡಿದೆ.
ಇದನ್ನೂ ಓದಿ: ಜನಸಂಖ್ಯೆಗಿಂತ ಕಂಪನಿಗಳ ಸಂಖ್ಯೆಯೇ ಹೆಚ್ಚು; ಏರ್ಪೋರ್ಟ್ ಇಲ್ಲ; ಜನರು ಭಾರೀ ಶ್ರೀಮಂತರು; ಇದು ಲಿಕ್ಟನ್ಸ್ಟೈನ್ ದೇಶದ ಕಥೆ
2022ರಲ್ಲಿ ಹುಟ್ಟಿದ ಎತೀರಿಯಲ್ಎಕ್ಸ್ ಕಂಪನಿ ಕೇವಲ ಮೂರು ವರ್ಷದಲ್ಲಿ ತನ್ನ ಛಾಪು ಮೂಡಿಸಿದೆ. ಅಪ್ಪರ್ ಮತ್ತು ಬೂಸ್ಟರ್ ಭಾಗಗಳೆರಡೂ ಭೂಮಿಗೆ ಸುರಕ್ಷಿತವಾಗಿ ಮರಳಿ, ಮರುಬಳಕೆಗೆ ಯೋಗ್ಯವಾಗಿರಬಲ್ಲ ರಾಕೆಟ್ಗಳನ್ನು ಈ ಕಂಪನಿ ತಯಾರಿಸುತ್ತಿದೆ. ಈ ತಂತ್ರಜ್ಞಾನವನ್ನು ಕಂಪನಿ ಯಶಸ್ವಿಯಾಗಿ ಪರೀಕ್ಷೆ ಮಾಡಿದೆ. ಇದನ್ನು ಬಳಸಿ ರಾಕೆಟ್ ನಿರ್ಮಾಣ ಕಾರ್ಯ ಮಾಡಲಾಗುತ್ತಿದೆ.
ಬಿಸಿಯಿಂದ ಹಾನಿಯಾಗದಂತೆ ಹೊಸ ತಂತ್ರಜ್ಞಾನ
ಎದಿರಿಯಲ್ಎಕ್ಸ್ ಸಂಸ್ಥೆ ವಿನೂತನ ರಾಕೆಟ್ ಎಂಜಿನ್ ಫೀಡ್ ಸೈಕಲ್ ನಿರ್ಮಿಸಿದೆ. ಇದು ರಾಕೆಟ್ನಲ್ಲಿ ಇಂಧನವನ್ನು ಸರಿಯಾದ ರೀತಿಯಲ್ಲಿ ನಿರ್ವಹಿಸುತ್ತದೆ. ರಾಕೆಟ್ ಭೂಮಿಯ ವಾತಾವರಣಕ್ಕೆ ಬರುವಾಗ ಸಾಮಾನ್ಯವಾಗಿ ಅತಿಯಾದ ಶಾಖದಿಂದಾಗಿ ಸುಟ್ಟು ಹೋಗುತ್ತದೆ. ಬಹಳ ದುಬಾರಿಯಾದ ಹೀಟ್ ಶೀಲ್ಡ್ಗಳನ್ನು ಬಳಸಬೇಕಾಗುತ್ತದೆ. ಆದರೆ, ಎತಿರಿಯಲ್ ಅಭಿವೃದ್ಧಿಪಡಿಸಿರುವ ಎಂಜಿನ್ನಲ್ಲಿ ಬಿಸಿಯನ್ನು ಬೇರೆಡೆ ವರ್ಗಾಯಿಸುವ ಮೂಲಕ ರಾಕೆಟ್ನ ಅಪ್ಪರ್ ಸ್ಟೇಜ್ ಅನ್ನು ಹಾಳಾಗದಂತೆ ರಕ್ಷಿಸುತ್ತದೆ.
ಇದನ್ನೂ ಓದಿ: ಒಂದಲ್ಲ, ಎರಡಲ್ಲ, ಬರೋಬ್ಬರಿ 10,000 ಕೋಟಿ ರೂ ಸಂಬಳದ ಕೆಲಸ; ಜಾಬ್ ಆಫರ್ ತಿರಸ್ಕರಿಸಿದ ವ್ಯಕ್ತಿ; ಏನಿವನ ಕರಾಮತ್ತು?
ಎದಿರಿಯಲ್ಎಕ್ಸ್ ಸಂಸ್ಥೆಯ ರೀಯೂಸಬಲ್ ರಾಕೆಟ್ ಅನ್ನು ರೇಜರ್ ಕ್ರೆಸ್ಟ್ ಎಂಕೆ-1 ಎಂದು ಹೆಸರಿಸಿದೆ. ಇದು ಮಧ್ಯಮ ಸಾಮರ್ಥ್ಯದ ರಾಕೆಟ್. ಕೆಳ ಭೂಕಕ್ಷೆಗೆ 24.8 ಟನ್ಗಳವರೆಗೆ ಪೇಲೋಡ್ ಹೊತ್ತೊಯ್ಯಬಲ್ಲುದು. ತುಸು ಮೇಲಿರುವ ಜಿಟಿಒ ಕಕ್ಷೆಗೆ 10.8 ಟನ್ಗಳಷ್ಟು ಪೇಲೋಡ್ ಅನ್ನು ಈ ರಾಕೆಟ್ ಒಯ್ಯುವ ಸಾಮರ್ಥ್ಯ ಹೊಂದಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
