7th Pay Commission: ಕೇಂದ್ರ ಸರ್ಕಾರಿ ನೌಕರರ ಎಕ್ಸ್​ಗ್ರೇಷಿಯಾ ಇಡಿಗಂಟು ಪಾವತಿಯಲ್ಲಿ ಭಾರೀ ಬದಲಾವಣೆ

ಅಧಿಕೃತ ಕಾರ್ಯ ನಿರ್ವಹಿಸುವ ವೇಳೆ ಒಂದು ವೇಳೆ ಸಿಬ್ಬಂದಿ ಮೃತಪಟ್ಟಲ್ಲಿ ಅವರ ಕುಟುಂಬಕ್ಕೆ ನೀಡುವ ಎಕ್ಸ್​-ಗ್ರೇಷಿಯಾ ಇಡಿಗಂಟಿನ ಪಾವತಿ ನಿಯಮಾವಳಿಯಲ್ಲಿ ಕೇಂದ್ರ ಸರ್ಕಾರವು ಮಾರ್ಪಾಟು ಮಾಡಲಾಗಿದೆ ಕೇಂದ್ರ ಸರ್ಕಾರಿ ಸಿಬ್ಬಂದಿ ನಿವೃತ್ತಿಗೂ ಮುಂಚೆ ಇನ್ನೂ ಸೇವೆಯಲ್ಲಿ ಇರುವಾಗಲೇ ಅಧಿಕೃತ ಕಾರ್ಯ ನಿರ್ವಹಣೆ ವೇಳೆಯಲ್ಲಿ ಮೃತಪಟ್ಟಲ್ಲಿ ಅಂಥವರ ಕುಟುಂಬಕ್ಕೆ ಎಕ್ಸ್​-ಗ್ರೇಷಿಯಾ ಇಡಿಗಂಟನ್ನು ಪಾವತಿಸಲಾಗುತ್ತದೆ. ಈ ಮೊತ್ತವನ್ನು ಕಾಲಾನುಕಾಲಕ್ಕೆ ಬದಲಾವಣೆ ಮಾಡುತ್ತಾ ಬರಲಾಗುತ್ತಿದೆ. ಇದೀಗ ಹಣಕಾಸು ಸಚಿವಾಲಯದಿಂದ ನಿರ್ಧಾರ ಕೈಗೊಂಡಿದ್ದು, ಕುಟುಂಬ ಸದಸ್ಯರೊಬ್ಬರು ಅಥವಾ ಅದಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಸಿಬ್ಬಂದಿ ಯಾರನ್ನು ನಾಮಿನಿ ಎಂದು ಮಾಡಿರುತ್ತಾರೋ ಅಂಥವರಿಗೆ ಪಾವತಿಸಲಾಗುತ್ತದೆ. “ಸರ್ಕಾರಿ ನೌಕರ ಮೃತಪಟ್ಟಲ್ಲಿ ಡೆತ್ ಗ್ರಾಚ್ಯುಟಿ, ಜಿಪಿಎಫ್​ ಬಾಕಿ ಮತ್ತು ಸಿಜಿಇಜಿಐಎಸ್ ಮೊತ್ತವು ಆತ ಅಥವಾ ಆಕೆ ಮಾಡಿದ ನಾಮಿನೇಷನ್​ ಪ್ರಕಾರ ವಿತರಣೆ ಆಗುತ್ತದೆ. ಅದೇ ರೀತಿ, ಅಧಿಕೃತವಾದ ಕಾರ್ಯ ನಿರ್ವಹಣೆ ವೇಳೆ ಮೃತಪಟ್ಟಲ್ಲಿ ನಾಮಿನಿಯಾಗಿ ಯಾರು ಇರುತ್ತಾರೋ ಅವರಿಗೆ ಎಕ್ಸ್​-ಗ್ರೇಷಿಯಾ ಇಡಿಗಂಟು ಪಾವತಿಸಲಾಗುತ್ತದೆ,” ಎಂದು ಪಿಂಚಣಿ ಮತ್ತು ಪಿಂಚಣಿದಾರರ ಕ್ಷೇಮಾಭಿವೃದ್ಧಿ ಇಲಾಖೆ (DoPPW) ಇಲಾಖೆಯು ಸೆಪ್ಟೆಂಬರ್ 30, 2021ರ ಕಚೇರಿ ಸುತ್ತೋಕೆಯಲ್ಲಿ ತಿಳಿಸಿದೆ.

ಸರ್ಕಾರದಿಂದ ಸಿಸಿಎಸ್​ (ಪಿಂಚಣಿ) ನಿಯಮಾವಳಿ, 1972ರ ಸಾಮಾನ್ಯ ನಾಮಿನೇಷನ್​ ಅರ್ಜಿಯಾದ ಫಾರ್ಮ್​ 1ಕ್ಕೆ ತಿದ್ದುಪಡಿ ತರಲಾಗಿದೆ. ಇದು ಎಕ್ಸ್​-ಗ್ರೇಷಿಯಾ ಇಡಿಗಂಟು ಪಾವತಿಗೆ ಸಂಬಂಧಿಸಿದ ನಾಮಿನೇಷನ್​ ಸಹ ಒಳಗೊಂಡಿದೆ.

ನಾಮಿನೇಷನ್ ಮಾಡದಿದ್ದಲ್ಲಿ ಹೇಗೆ? DoPPW ಹೇಳಿರುವಂತೆ, ಯಾವುದೇ ನಾಮಿನೇಷನ್ ಮಾಡದಿದ್ದಲ್ಲಿ ಅಥವಾ ಸರ್ಕಾರಿ ನೌಕರರು ಮಾಡಿದ ನಾಮಿನೇಷನ್ ಇಲ್ಲದಿದ್ದಲ್ಲಿ ಎಕ್ಸ್​-ಗ್ರೇಷಿಯಾದ ಇಡಿಗಂಟು ಕುಟುಂಬದ ಎಲ್ಲ ಅರ್ಹ ಸದಸ್ಯರಿಗೂ ಸಮಾನವಾಗಿ ಹಂಚಿಕೆ ಆಗುತ್ತದೆ. ಸಿಸಿಎಸ್​ (ಪಿಂಚಣಿ) ನಿಯಮಾವಳಿ 51ರ ಪ್ರಕಾರವಾಗಿ, ಗ್ರಾಚ್ಯುಟಿಯಲ್ಲಿ ಹೇಗಾಗುತ್ತದೋ ಹಾಗೆ ಆಗುತ್ತದೆ.

ಕುಟುಂಬದ ಹೊರಗಿನ ನಾಮಿನೇಷನ್​ಗೆ ಅವಕಾಶ ಇಲ್ಲ DoPPW ಕೂಡ ಹೇಳಿರುವಂತೆ, ಕುಟುಂಬ ಸದಸ್ಯರಲ್ಲದವರನ್ನು ನಾಮಿನೇಷನ್ ಮಾಡಲು ಸಾಧ್ಯವಿಲ್ಲ. ಒಂದು ವೇಳೆ ಆ ಸರ್ಕಾರಿ ನೌಕರರಿಗೆ ಕುಟುಂಬ ಅಂತ ಇಲ್ಲದಿದ್ದರೂ ಇದೇ ನಿಯಮಾವಳಿ ಅನ್ವಯ ಆಗುತ್ತದೆ. ಸಿಸಿಎಸ್​ (ಪಿಂಚಣಿ) ನಿಯಮಾವಳಿ, 1972ರ ಅಡಿಯಲ್ಲಿ ಬರುವ ಗ್ರಾಚ್ಯುಟಿಗೆ ಬರುವಂಥದ್ದೇ ಎಕ್ಸ್​-ಗ್ರೇಷಿಯಾ ಇಡಿಗಂಟು ಪಾವತಿಯ ನಾಮಿನೇಷನ್​ಗೂ ಬರುತ್ತದೆ. ಆದರೆ ಎಕ್ಸ್​ಗ್ರೇಷಿಯಾವನ್ನು ಸರ್ಕಾರಿ ನೌಕರರ ಕುಟುಂಬದ ಸದಸ್ಯರಿಗೆ ಮಾತ್ರ ಪಾವತಿಸಲಾಗುತ್ತದೆ. ಆ ನೌಕರರಿಗೆ ಕುಟುಂಬವೇ ಇಲ್ಲದಿದ್ದರೂ ಇದೇ ನಿಯಮಾವಳಿ ಬರುತ್ತದೆ ಎಂದು ಕಚೇರಿ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

ಹೊಸ ನಿಯಮ ಏಕೆ? ಸರ್ಕಾರಿ ನೌಕರ ಮೃತರಾದಲ್ಲಿ ಡೆತ್ ಗ್ರಾಚ್ಯುಟಿ, ಜಿಪಿಎಫ್ ಬಾಕಿ, ಸಿಜಿಇಜಿಐಎಸ್ ಮೊತ್ತ ಇತ್ಯಾದಿ ಇಡಿಗಂಟನ್ನು ನಾಮಿನೇಷನ್​ ಮಾಡಿರುವ ಪ್ರಕಾರ ವಿತರಿಸಲಾಗುತ್ತದೆ. ಆದರೆ ಈಗಾಗಲೇ ಇರುವ ನಿಯಮವು ಇಂಥ ಎಕ್ಸ್​ಗ್ರೇಷಿಯಾವನ್ನು ಕುಟುಂಬ ಸದಸ್ಯರ ಪೈಕಿ ಯಾರಿಗೆ ಪಾವತಿಸಬೇಕು ಎಂಬುದನ್ನು ಈಗಿರುವ ನಿಯಮಾವಳಿಯಲ್ಲಿ ನಿರ್ದಿಷ್ಟವಾಗಿ ತಿಳಿಸಿಲ್ಲ. ಆದ್ದರಿಂದ ಇಲ್ಲಿಯ ತನಕ ಏನು ಮಾಡಲಾಗುತ್ತಿತ್ತು ಅಂದರೆ, ಸಿಸಿಎಸ್​ (ಎಕ್ಸ್​ಟ್ರಾರ್ಡನರಿ ಪೆನ್ಷನ್) ನಿಯಮಾವಳಿ, 1939ರ ಅಡಿಯಲ್ಲಿ ಯಾವ ಕುಟುಂಬ ಸದಸ್ಯರು ಎಕ್ಸ್​ಟ್ರಾರ್ಡನರಿ ಪಿಂಚಣಿಗೆ ಅರ್ಹರಾಗಿರುತ್ತಿದ್ದರೋ ಅವರಿಗೆ ಪಾವತಿಸಲಾಗುತ್ತಿತ್ತು.

ಕೇಂದ್ರ ಸರ್ಕಾರಿ ನೌಕರರಿಗೆ ಏಳನೇ ವೇತನ ಆಯೋಗದ ಶಿಫಾರಸಿನ ಅನ್ವಯ ಸಂಬಳ ಪಾವತಿಸಲಾಗುತ್ತಿದೆ.

ಇದನ್ನೂ ಓದಿ: Salary Hike: ಕೇಂದ್ರ ಸರ್ಕಾರಿ ನೌಕರರ ವೇತನ ಎಷ್ಟು ಜಾಸ್ತಿ ಆಗುತ್ತಿದೆ ಗೊತ್ತೆ? ಇಲ್ಲಿದೆ ಲೆಕ್ಕಾಚಾರ

Published On - 11:31 am, Mon, 4 October 21