INR USD Exchange Rate: ಅಮೆರಿಕ ಡಾಲರ್ ವಿರುದ್ಧ ಸಾವಕಾಲಿಕ ಕನಿಷ್ಠ ಮಟ್ಟಕ್ಕೆ ಭಾರತದ ರೂಪಾಯಿ
Dollar to Rupee Exchange Rate (USD/INR): ಅಮೆರಿಕ ಡಾಲರ್ ವಿರುದ್ಧ ಭಾರತದ ರೂಪಾಯಿ ಮೌಲ್ಯ ಜೂನ್ 13, 2022, ಸೋಮವಾರದ ಮಾಹಿತಿ ಇಲ್ಲಿದೆ.
Updated on:Jun 13, 2022 | 8:42 PM
ಅಮೆರಿಕ ಡಾಲರ್ (Dollar) ವಿರುದ್ಧ ರೂಪಾಯಿ ಮೌಲ್ಯ ಜೂನ್ 13ನೇ ತಾರೀಕಿನ ಸೋಮವಾರದಂದು 20 ಪೈಸೆ ಕುಸಿದು, ಸಾರ್ವಕಾಲಿಕ ಕನಿಷ್ಠ ಮಟ್ಟವಾದ 78.13ಕ್ಕೆ ಕುಸಿದಿದೆ. ದೇಶೀಯ ಷೇರುಗಳಲ್ಲಿನ ನೀರಸ ಪ್ರವೃತ್ತಿ ಮತ್ತು ವಿದೇಶೀ ಬಲವಾದ ಗ್ರೀನ್‌ಬ್ಯಾಕ್ ಹೂಡಿಕೆದಾರರ ಭಾವನೆಗಳ ಮೇಲೆ ತೂಗುತ್ತಿದೆ. ದುರ್ಬಲ ಏಷ್ಯನ್ ಕರೆನ್ಸಿಗಳು ಮತ್ತು ನಿರಂತರ ವಿದೇಶೀ ಬಂಡವಾಳದ ಹೊರಹರಿವು ಸ್ಥಳೀಯ ಕರೆನ್ಸಿಯನ್ನು ಹಿಂದಕ್ಕೆ ಇತರ ಪ್ರಮುಖ ಅಂಶಗಳಾಗಿವೆ ಎಂದು ವಿದೇಶೀ ವಿನಿಮಯ ವಹಿವಾಟುದಾರರು ಹೇಳಿದ್ದಾರೆ. ಇಂಟರ್‌ಬ್ಯಾಂಕ್ ವಿದೇಶೀ ವಿನಿಮಯ ಮಾರುಕಟ್ಟೆಯಲ್ಲಿ ಸ್ಥಳೀಯ ಕರೆನ್ಸಿ 78.20ರಲ್ಲಿ ಪ್ರಾರಂಭವಾಯಿತು ಮತ್ತು ಅಮೆರಿಕ ಡಾಲರ್‌ಗೆ ವಿರುದ್ಧವಾಗಿ 78.02ರ ಇಂಟ್ರಾ-ಡೇ ಗರಿಷ್ಠ ಮತ್ತು 78.29ರ ಕನಿಷ್ಠಕ್ಕೆ ಸಾಕ್ಷಿಯಾಗಿದೆ. ಸ್ಥಳೀಯ ಕರೆನ್ಸಿಯು ಅಂತಿಮವಾಗಿ ಅದರ ಸಾರ್ವಕಾಲಿಕ ಕನಿಷ್ಠ ಮಟ್ಟವಾದ 78.13ರಲ್ಲಿ ಸ್ಥಿರವಾಯಿತು. ಅದರ ಹಿಂದಿನ ಮುಕ್ತಾಯಕ್ಕಿಂತ 20 ಪೈಸೆ ಕಡಿಮೆಯಾಗಿದೆ.
ಅಂದಹಾಗೆ ಕಳೆದ ಶುಕ್ರವಾರದಂದು ರೂಪಾಯಿ 19 ಪೈಸೆ ಕುಸಿದು, ಯುಎಸ್ ಡಾಲರ್ ವಿರುದ್ಧ ದಾಖಲೆಯ ಕನಿಷ್ಠ 77.93ಕ್ಕೆ ಕೊನೆಗೊಂಡಿತ್ತು. “ದುರ್ಬಲವಾದ ಪ್ರಾದೇಶಿಕ ಕರೆನ್ಸಿಗಳಿಂದ ಸೂಚನೆಗಳನ್ನು ತೆಗೆದುಕೊಳ್ಳುವ ಭಾರತೀಯ ರೂಪಾಯಿಯು ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. ಶುಕ್ರವಾರದ ಹಣದುಬ್ಬರದ ಆಘಾತವು ಈ ಬುಧವಾರ ಫೆಡರಲ್ ರಿಸರ್ವ್‌ನಿಂದ ಹೆಚ್ಚು ಆಕ್ರಮಣಕಾರಿ ದರ ಏರಿಕೆ ಊಹಾಪೋಹವನ್ನು ಹೆಚ್ಚಿಸಿದ ನಂತರ ಯುಎಸ್ ಟ್ರೆಷರಿ ಯೀಲ್ಡ್ ಸೋಮವಾರ ಏರಿಕೆಯಾದ ಕಾರಣ ಡಾಲರ್ ಲಾಭವನ್ನು ವಿಸ್ತರಿಸಿತು,” ಎಂದು ಎಚ್ಡಿಎಫ್ಸಿ ಸೆಕ್ಯೂರಿಟೀಸ್ ಸಂಶೋಧನಾ ವಿಶ್ಲೇಷಕ ದಿಲೀಪ್ ಪರ್ಮಾರ್ ಎಂದಿದ್ದಾರೆ.
ಹಣದುಬ್ಬರ ದತ್ತಾಂಶ, ಹಣದ ಮಾರುಕಟ್ಟೆಗಳು ಅದರ ಸೆಪ್ಟೆಂಬರ್ ನಿರ್ಧಾರದಿಂದ 175 ಬಿಪಿಎಸ್ ಹೆಚ್ಚಳವನ್ನು ನಿಗದಿಪಡಿಸುತ್ತಿದ್ದು, ಇದು ಎರಡು ಅರ್ಧ ಪಾಯಿಂಟ್ಸ್ಗಳು ಮತ್ತು ಒಂದು 75 ಬಿಪಿಎಸ್ ಹೆಚ್ಚಳವನ್ನು ಸೂಚಿಸುತ್ತದೆ. “ಫೆಡ್‌ನಿಂದ ಕೊನೆಯ 75 ಬಿಪಿಎಸ್ ಹೆಚ್ಚಳವನ್ನು 1994ರ ನವೆಂಬರ್ನಲ್ಲಿ ಮಾಡಲಾಯಿತು. “ಸ್ಪಾಟ್ USD/INR ಹೆಚ್ಚಿನ ವ್ಯಾಪಾರವನ್ನು ನಿರೀಕ್ಷಿಸಲಾಗಿದೆ ಮತ್ತು 78.30ಕ್ಕಿಂತ ಹೆಚ್ಚಿನ ಕ್ರಾಸ್ 78.50 ಮತ್ತು 78.70ಕ್ಕೆ ದಾರಿ ಮಾಡಿಕೊಡುತ್ತದೆ. ಆದರೆ 77.70 ಬೆಂಬಲವಾಗಿ ಕಾರ್ಯ ನಿರ್ವಹಿಸುತ್ತದೆ,” ಎಂಬುದನ್ನು ಪರ್ಮಾರ್ ಗಮನಿಸಿದ್ದಾರೆ. ಆರು ಕರೆನ್ಸಿಗಳ ಬುಟ್ಟಿಯ ವಿರುದ್ಧ ಗ್ರೀನ್‌ಬ್ಯಾಕ್‌ನ ಬಲವನ್ನು ಅಳೆಯುವ ಡಾಲರ್ ಸೂಚ್ಯಂಕವು ಶೇಕಡಾ 0.55ರಷ್ಟು ಏರಿಕೆಯಾಗಿ 104.71ಕ್ಕೆ ತಲುಪಿದೆ.
ಜಾಗತಿಕ ತೈಲ ಮಾನದಂಡವಾದ ಬ್ರೆಂಟ್ ಕಚ್ಚಾ ಫ್ಯೂಚರ್ಸ್ ಶೇಕಡಾ 1.58ರಷ್ಟು ಕುಸಿದು ಪ್ರತಿ ಬ್ಯಾರೆಲ್‌ಗೆ ಯುಎಸ್ಡಿ 120.08ಕ್ಕೆ ತಲುಪಿದೆ. ದೇಶೀಯ ಈಕ್ವಿಟಿ ಮಾರುಕಟ್ಟೆಯಲ್ಲಿ ಬಿಎಸ್‌ಇ ಸೆನ್ಸೆಕ್ಸ್ 1,456.74 ಪಾಯಿಂಟ್‌ಗಳು ಅಥವಾ ಶೇ 2.68 ಕಡಿಮೆಯಾಗಿ 52,846.70ಕ್ಕೆ ಕೊನೆಗೊಂಡರೆ, ಎನ್‌ಎಸ್‌ಇ ನಿಫ್ಟಿ 427.40 ಪಾಯಿಂಟ್ ಅಥವಾ ಶೇ 2.64ರಷ್ಟು ಕುಸಿದು 15,774.40ಕ್ಕೆ ತಲುಪಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 8:42 pm, Mon, 13 June 22
