Vedantu Layoff: ವೇದಾಂತು ಕಂಪೆನಿಯಿಂದ ಶೇಕಡಾ 7ರಷ್ಟು ಅಥವಾ 424 ಉದ್ಯೋಗಿಗಳ ವಜಾ
ವೇದಾಂತು ಕಂಪೆನಿಯಿಂದ 424 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆಯಲಾಗಿದೆ. ಈ ನಿರ್ಧಾರಕ್ಕೆ ಕಾರಣ ಏನು ಎಂಬುದನ್ನು ಕಂಪೆನಿಯ ಸಿಇಒ ವಿವರಿಸಿದ್ದಾರೆ.
Updated on: May 18, 2022 | 9:17 PM
ವೇದಾಂತು ತನ್ನ 424 ಉದ್ಯೋಗಿಗಳನ್ನು ವಜಾಗೊಳಿಸಿದೆ (Layoffs). ಕಂಪೆನಿಯು ಮೇ 15 ರಂದು ತನ್ನ ಉದ್ಯೋಗಿಗಳ ಪೈಕಿ ಶೇಕಡಾ 7ರಷ್ಟು ಕಡಿಮೆ ಮಾಡಿದೆ ಎಂದು ಹೇಳಿದೆ. ಆನ್ಲೈನ್ ಟ್ಯೂಟರಿಂಗ್ ಕಂಪೆನಿಗೆ ಇದು ತನ್ನ “ಕಠಿಣ ನಿರ್ಧಾರಗಳಲ್ಲಿ ಒಂದಾಗಿದೆ” ಎಂದು ಸಿಇಒ ವಂಶಿ ಕೃಷ್ಣ ಅವರು ಹೇಳಿದ್ದು, “ಯುರೋಪ್ನಲ್ಲಿ ಯುದ್ಧ, ಸನ್ನಿಹಿತವಾಗಿರುವ ಆರ್ಥಿಕ ಹಿಂಜರಿತದ ಭಯ ಮತ್ತು ಫೆಡ್ ದರದ ಬಡ್ಡಿ ಏರಿಕೆಗಳನ್ನು” ಒಳಗೊಂಡಿರುವ “ಕಠಿಣ ಬಾಹ್ಯ ಪರಿಸರ”ದ ಮೇಲೆ ಆರೋಪ ಮಾಡಿದ್ದಾರೆ. ಕಠಿಣ ಪರಿಸ್ಥಿತಿಯು “ಜಾಗತಿಕವಾಗಿ ಮತ್ತು ಭಾರತದಲ್ಲಿನ ಷೇರುಗಳಲ್ಲಿ ಭಾರಿ ಇಳಿಕೆಯೊಂದಿಗೆ ಹಣದುಬ್ಬರದ ಒತ್ತಡಕ್ಕೆ” ಕಾರಣವಾಯಿತು ಎಂದು ವಂಶಿ ಕೃಷ್ಣ ಹೇಳಿದ್ದಾರೆ. “ಈ ಪರಿಸರದಲ್ಲಿ ಮುಂಬರುವ ತ್ರೈಮಾಸಿಕಗಳಿಗೆ ಬಂಡವಾಳದ ಕೊರತೆಯಿದೆ. ಕೊವಿಡ್-19 ಬಿಕ್ಕಟ್ಟು ಕಡಿಮೆ ಆಗುವುದರೊಂದಿಗೆ ಶಾಲೆಗಳು ಮತ್ತು ಆಫ್ಲೈನ್ ಮಾದರಿಗೆ ತೆರೆದುಕೊಳ್ಳುವುದರೊಂದಿಗೆ ಕಳೆದ 2 ವರ್ಷಗಳಲ್ಲಿ ವೇದಾಂತು ಅನುಭವಿಸಿದ 9 ಪಟ್ಟು ಹೈಪರ್-ಬೆಳವಣಿಗೆ ಕೂಡ ಮಧ್ಯಮಗೊಳ್ಳುತ್ತದೆ. ಮಿಷನ್ನ ದೀರ್ಘಾವಧಿಯ ಪೋಷಣೆಗಾಗಿ ವೇದಾಂತು ಕೂಡ ಹೊಂದಿಕೊಳ್ಳುವ ಅಗತ್ಯವಿದೆ,” ಎಂದು ವೇದಾಂತು ಸಹ-ಸಂಸ್ಥಾಪಕರು ಹೇಳಿದ್ದಾರೆ.
“ಇದನ್ನು ಹೇಳಲು ಸುಲಭವಲ್ಲ – 5900 ವೇದಾಂತು ಉದ್ಯೋಗಿಗಳಲ್ಲಿ 424, ಅಂದರೆ ನಮ್ಮ ಕಂಪೆನಿಯ ಶೇ 7ರಷ್ಟು ಬೇರ್ಪಡುತ್ತಾರೆ,” ಎಂದು ವಂಶಿ ಕೃಷ್ಣ ವೇದಾಂತು ಉದ್ಯೋಗಿಗಳಿಗೆ ಇಮೇಲ್ನಲ್ಲಿ ಬರೆದಿದ್ದಾರೆ. “ಸುಲಭವಾದ ಮಾರ್ಗವಿಲ್ಲ. ಇದನ್ನು ಹೇಳಲು – 5900 ವೇದಾಂತು ಉದ್ಯೋಗಿಗಳಲ್ಲಿ 424 ನಮ್ಮ ಸಹ ಉದ್ಯೋಗಿಗಳು, ಅಂದರೆ ನಮ್ಮ ಕಂಪನಿಯ ಶೇ 7ರಷ್ಟು ನಮ್ಮಿಂದ ಬೇರ್ಪಡುತ್ತಾರೆ. ಇದು ಅತ್ಯಂತ ಕಷ್ಟಕರವಾದ ನಿರ್ಧಾರವಾಗಿದೆ, ಮತ್ತು ವೇದಾಂತು ಏಕೆ ತೆಗೆದುಕೊಳ್ಳಬೇಕು, ಈ ನಿರ್ಧಾರ ಮತ್ತು ಅದು ನಿಮಗೆ ಹಾಗೂ ವೇದಾಂತುವಿನ ಭವಿಷ್ಯಕ್ಕೆ ಏನು ಅರ್ಥ ಎಂಬುದನ್ನು ಪ್ರತಿಯೊಬ್ಬ ಉದ್ಯೋಗಿಯು ಅರ್ಥ ಮಾಡಿಕೊಳ್ಳಲು ನಾನು ಬಯಸುತ್ತೇನೆ,” ಎಂದಿದ್ದಾರೆ.
ಕಂಪೆನಿಯು ತನ್ನ ಮೂಲ ತತ್ವಕ್ಕೆ ಹಿಂತಿರುಗುವುದನ್ನು ಮುಂದುವರಿಸುತ್ತದೆ ಎಂದು ವೇದಾಂತು ಸಿಇಒ ಹೇಳಿದ್ದಾರೆ: ವಿದ್ಯಾರ್ಥಿಗಳಿಗೆ ಹೊಸತನವನ್ನು ನೀಡಲು ಮತ್ತು ಚೇತರಿಸಿಕೊಳ್ಳುವ ವ್ಯವಹಾರ ಮಾದರಿಯೊಂದಿಗೆ ದೀರ್ಘಾವಧಿಯ ಸುಸ್ಥಿರ ಕಂಪೆನಿಯನ್ನು ನಿರ್ಮಿಸಲು ಇಲ್ಲಿದೆ. “ವೇದಾಂತು ಇಲ್ಲಿ ಉಳಿಯಲು, ಪ್ರತಿ ದಿನ ನೆನಪಿಟ್ಟುಕೊಳ್ಳಲು ಮ್ಯಾರಥಾನ್ಗಾಗಿ ಇದೆಯೇ ಹೊರತು ಸ್ಪ್ರಿಂಟ್ಗಾಗಿ ಅಲ್ಲ,” ಎಂದು ವಂಶಿ ಕೃಷ್ಣ ಹೇಳಿದರು. ಸೆಪ್ಟೆಂಬರ್ 2021ರಲ್ಲಿ ವೇದಾಂತು 1 ಶತಕೋಟಿ ಯುಎಸ್ಡಿ ಮೌಲ್ಯದಲ್ಲಿ ಸಿಂಗಾಪೂರ ಆಧಾರಿತ ಪ್ರಭಾವ ಹೂಡಿಕೆ ಫಂಡ್ ABC ವರ್ಲ್ಡ್ ಏಷ್ಯಾದ ನೇತೃತ್ವದಲ್ಲಿ 100 ಮಿಲಿಯನ್ ಡಾಲರ್ ಸರಣಿ E ಫಂಡ್ ಘೋಷಿಸಿತು. ಈ ಸುತ್ತಿನಲ್ಲಿ ಅಸ್ತಿತ್ವದಲ್ಲಿರುವ ಹೂಡಿಕೆದಾರರಿಂದ ಬಲವಾದ ಭಾಗವಹಿಸುವಿಕೆ ಕಂಡುಬಂದಿದೆ – ಕೋಟ್ಯೂ, ಟೈಗರ್ ಗ್ಲೋಬಲ್, ಜಿಜಿವಿ ಕ್ಯಾಪಿಟಲ್, ವೆಸ್ಟ್ಬ್ರಿಡ್ಜ್ ಇತರವು ಭಾಗವಹಿಸಿವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: Parag Agarwal: ಟ್ವಿಟ್ಟರ್ನಿಂದ ಇಬ್ಬರು ಉನ್ನತಾಧಿಕಾರಿಗಳ ಕೆಲಸದಿಂದ ತೆಗೆದ ಸಿಇಒ ಪರಾಗ್ ಅಗರ್ವಾಲ್ ಆ ನಂತರ ಹೇಳಿದ್ದೇನು?
