SpaceX: ಎಲಾನ್ ಮಸ್ಕ್ ನೇತೃತ್ವದ ಸ್ಪೇಸ್ ಎಕ್ಸ್ ಕಂಪೆನಿ ಮೌಲ್ಯ 7.51 ಲಕ್ಷ ಕೋಟಿ ರೂಪಾಯಿಗೂ ಹೆಚ್ಚು

ಟೆಸ್ಲಾ ಕಂಪೆನಿಯ ಸಿಇಒ ಎಲಾನ್ ಮಸ್ಕ್ ನೇತೃತ್ವದ ಏರೋಸ್ಪೇಸ್ ನೇತೃತ್ವದ ಸ್ಪೇಸ್​ಎಕ್ಸ್ ಕಂಪೆನಿಯು 100 ಬಿಲಿಯನ್ ಯುಎಸ್​ಡಿ ದಾಟಿದೆ. ಆ ಬಗ್ಗೆ ವಿವರಗಳು ಇಲ್ಲಿವೆ.

SpaceX: ಎಲಾನ್ ಮಸ್ಕ್ ನೇತೃತ್ವದ ಸ್ಪೇಸ್ ಎಕ್ಸ್ ಕಂಪೆನಿ ಮೌಲ್ಯ 7.51 ಲಕ್ಷ ಕೋಟಿ ರೂಪಾಯಿಗೂ ಹೆಚ್ಚು
ಎಲಾನ್ ಮಸ್ಕ್ (ಸಂಗ್ರಹ ಚಿತ್ರ)

ಬಿಲಿಯನೇರ್ ಎಲಾನ್ ಮಸ್ಕ್ ನೇತೃತ್ವದ ಏರೋಸ್ಪೇಸ್ ಕಂಪೆನಿಯಾದ “ಸ್ಪೇಸ್ ಎಕ್ಸ್” (SpaceX) ಈ ವಾರದ ಆರಂಭದಲ್ಲಿ ಪ್ರಕಟಿಸಿದ ಸೆಕೆಂಡರಿ ಷೇರು ಮಾರಾಟದ ನಂತರ 100 ಬಿಲಿಯನ್ ಡಾಲರ್ ಮೌಲ್ಯಮಾಪನದ್ದಾಗಿದೆ ಎಂದು ಸಿಎನ್​ಬಿಸಿ ಅಕ್ಟೋಬರ್ 8ರಂದು ವರದಿ ಮಾಡಿದೆ. ಹೊಸ ಮತ್ತು ಅಸ್ತಿತ್ವದಲ್ಲಿರುವ ಹೂಡಿಕೆದಾರರೊಂದಿಗೆ ಒಳಗಿನವರಿಂದ 755 ಮಿಲಿಯನ್ ಯುಎಸ್​ಡಿ ಮೌಲ್ಯದ ಸ್ಟಾಕ್ ಅನ್ನು ಪ್ರತಿ ಷೇರಿಗೆ 560 ಯುಎಸ್​ಡಿ ಬೆಲೆಯಲ್ಲಿ ಮಾರಾಟ ಮಾಡಲು ಸ್ಪೇಸ್‌ಎಕ್ಸ್ ಒಪ್ಪಂದ ಮಾಡಿಕೊಂಡಿದೆ ಎಂದು ಮೂಲಗಳು ತಿಳಿಸಿರುವುದಾಗಿ ಮಾಧ್ಯಮಗಳಲ್ಲಿ ವರದಿ ಆಗಿದೆ. ಈ ಪ್ರಸ್ತಾಪವು ಅಸ್ತಿತ್ವದಲ್ಲಿರುವ ಷೇರುಗಳ ಸೆಕೆಂಡರಿ ಮಾರಾಟವನ್ನು ಪ್ರತಿನಿಧಿಸುತ್ತದೆ, ಎಂದು ಈ ಮೇಲೆ ಉಲ್ಲೇಖಿಸಿದ ಜನರು ಹೇಳಿದ್ದಾರೆ. ಇದು ಸ್ಪೇಸ್‌ಎಕ್ಸ್‌ನ ಹೊಸ ಮೌಲ್ಯಮಾಪನವನ್ನು 100.3 ಬಿಲಿಯನ್‌ ಡಾಲರ್​ಗೆ ಕೊಂಡೊಯ್ಯುತ್ತದೆ. ಇದು ಫೆಬ್ರವರಿಯಲ್ಲಿ 74 ಶತಕೋಟಿ ಡಾಲರ್​ ಇದ್ದದ್ದು ಶೇ 33ರಷ್ಟು ಹೆಚ್ಚಾಗಿದೆ.

ಫೆಬ್ರವರಿ ತಿಂಗಳಲ್ಲಿ ಮಸ್ಕ್ ನೇತೃತ್ವದ ಸಂಸ್ಥೆಯು ಇದೇ ರೀತಿಯ ಸೆಕೆಂಡರಿ ವಹಿವಾಟನ್ನು ಹೊಂದಿತ್ತು. ಒಳಗಿನವರಿಗೆ 750 ಮಿಲಿಯನ್ ಯುಎಸ್​ಡಿವರೆಗೆ ಮಾರಾಟ ಮಾಡಲು ಒಪ್ಪಂದವಾಗಿತ್ತು. ಸ್ಪೇಸ್‌ಎಕ್ಸ್‌ನ ಹೊಸ ಮೌಲ್ಯಮಾಪನವು 100.3 ಬಿಲಿಯನ್ ಯುಎಸ್​ಡಿಯೊಂದಿಗೆ ಕಂಪೆನಿಯನ್ನು “ಸೆಂಟಿಕಾರ್ನ್” ಅಥವಾ “ಹೆಕ್ಟೊಕಾರ್ನ್” – ಗಣ್ಯ ಪಟ್ಟಿಯಲ್ಲಿ ಸೇರುವಂತೆ ಮಾಡಿದೆ. -ಇದರ ಅರ್ಥ ಏನೆಂದರೆ ಯೂನಿಕಾರ್ನ್‌ಗಿಂತ 100 ಪಟ್ಟು ಮೌಲ್ಯದ ಕಂಪೆನಿಗಳು. ಅದಕ್ಕಾಗಿ ಈ ಪದಗಳಲ್ಲಿ ಉಲ್ಲೇಖಿಸಲಾಗುತ್ತದೆ. ಯೂನಿಕಾರ್ನ್​ನ ಆರಂಭದ ಹಂತವು 1 ಬಿಲಿಯನ್ ಯುಎಸ್​ಡಿಯೊಂದಿಗೆ ಆಗುತ್ತದೆ.

ಸಿಬಿ ಒಳನೋಟಗಳ ಪ್ರಕಾರ, ಸ್ಪೇಸ್ ಎಕ್ಸ್ ವಿಶ್ವದ ಎರಡನೇ ಅತ್ಯಮೂಲ್ಯ ಖಾಸಗಿ ಕಂಪೆನಿಯಾಗಿದೆ. ಇದರರ್ಥ ಇದು ಚೀನಾದ ಹೊಸ ಮಾಧ್ಯಮ ದೈತ್ಯ ಬೈಟ್​ಡ್ಯಾನ್ಸ್‌ಗಿಂತ ಮಾತ್ರ ಹಿಂದಿದೆ. ಸ್ಪೇಸ್‌ಎಕ್ಸ್ 100 ಬಿಲಿಯನ್ ಮೌಲ್ಯಮಾಪನವನ್ನು ತಲುಪುವ ಕುರಿತು ಹೇಳಿಕೆಯನ್ನು ನೀಡಬೇಕಿದೆ. ಏರೋಸ್ಪೇಸ್ ಸಂಸ್ಥೆಯಾದ ಸ್ಪೇಸ್​ ಎಕ್ಸ್ ಸಾರ್ವಜನಿಕವಾಗಿ ವ್ಯಾಪಾರ ಮಾಡುವ ಕಂಪೆನಿಯಾಗಿಲ್ಲದ ಕಾರಣ ವರದಿಗಳಲ್ಲಿ ಉಲ್ಲೇಖಿಸಲಾದ ಮೂಲಗಳು ತಮ್ಮ ಹೆಸರು ಹಾಗೂ ಇತರ ಮಾಹಿತಿಯನ್ನು ತಿಳಿಸಿಲ್ಲ. ಅಂದರೆ ಕಂಪೆನಿಯು ಈ ಮಾಹಿತಿಯನ್ನು ಸಾರ್ವಜನಿಕವಾಗಿ ತಿಳಿಸಲು ಆಯ್ಕೆ ಮಾಡದ ಹೊರತು ಹಣಕಾಸಿಗೆ ಸಂಬಂಧಿಸಿದ ವಿವರಗಳು ಖಾಸಗಿಯಾಗಿ ಇರುತ್ತವೆ.

ಇದನ್ನೂ ಓದಿ:Gaganyaan: ಗಗನಯಾನ ಮಿಷನ್​ಗಾಗಿ ಇಸ್ರೋದಿಂದ ವಿಕಾಸ್ ಎಂಜಿನ್ 3ನೇ ಟೆಸ್ಟ್ ಯಶಸ್ವಿ​; ಎಲಾನ್ ಮಸ್ಕ್​ ಅಭಿನಂದನೆ

Read Full Article

Click on your DTH Provider to Add TV9 Kannada