ಇಪಿಎಫ್ಒದಿಂದ ಸದ್ಯದಲ್ಲೇ 2 ಹೊಸ ಸೇವೆಗಳು; ವಾಟ್ಸಾಪ್ ಚಾಟ್ಬೋಟ್ ಮತ್ತು ಯುಪಿಐ ವಿತ್ಡ್ರಾವಲ್
EPFO to launch WhatsApp chatbot and UPI withdrawal services: ಇಪಿಎಫ್ಒ ಸಂಸ್ಥೆ ಸದ್ಯದಲ್ಲೇ ಎರಡು ಹೊಸ ಫೀಚರ್ಗಳು ಮತ್ತು ಸೇವೆಗಳನ್ನು ಪರಿಚಯಿಸಲಿದೆ. ವರದಿ ಪ್ರಕಾರ, ವಾಟ್ಸಾಪ್ ಚಾಟ್ಬಾಟ್ ಅನ್ನು ಅನಾವರಣಗೊಳಿಸಲಾಗುತ್ತದೆ. ಇದರಲ್ಲಿ ಪಿಎಫ್ನ ಕೆಲ ಬೇಸಿಕ್ ಸೇವೆಗಳನ್ನು ಪಡೆಯಬಹುದು. ಹಾಗೆಯೇ, ಬಹುನಿರೀಕ್ಷಿತವಾದ ಯುಪಿಐ ಫೀಚರ್ ಕೂಡ ಸದ್ಯದಲ್ಲೇ ಹೊರಬರಲಿದೆ. ಪಿಎಫ್ ಸದಸ್ಯರು ತಮ್ಮ ಪಿಎಫ್ ಹಣವನ್ನು ಯುಪಿಐ ಮೂಲಕ ಬ್ಯಾಂಕ್ ಖಾತೆಗೆ ವರ್ಗಾವಣೆ ಮಾಡಿಕೊಳ್ಳಬಹುದು.
ನವದೆಹಲಿ, ಮೇ 20: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯಾದ ಇಪಿಎಫ್ಒ (EPFO) ಸದ್ಯದಲ್ಲೇ ಎರಡು ಹೊಸ ಸೇವೆಗಳನ್ನು ಹೊರತರಲಿದೆ. ಒಂದು, ವಾಟ್ಸಾಪ್ ಚಾಟ್ಬೋಟ್ (WhatsApp Chatbot). ಮತ್ತೊಂದು ಯುಪಿಐ ಮೂಲಕ ಪಿಎಫ್ ಹಣ ವಿತ್ಡ್ರಾ ಮಾಡುವ ಅವಕಾಶ. ಇದರಲ್ಲಿ ಯುಪಿಐ ಫೀಚರ್ (UPI withdrawal feature) ಕುರಿತ ಸುದ್ದಿ ಕಳೆದ ಎರಡು ವರ್ಷಗಳಿಂದಲೂ ನಿರೀಕ್ಷೆ ಹುಟ್ಟಿಸಿದೆ. ಪಿಎಫ್ ಬಳಕೆದಾರರ ಅಗತ್ಯಗಳಿಗೆ ಅನುಗುಣವಾಗಿ ಇಪಿಎಫ್ಒ ತನ್ನ ನಿಯಮಗಳನ್ನು ಸರಳಗೊಳಿಸುತ್ತಾ ಬಂದಿದೆ. ಸುಧಾರಣೆಗಳನ್ನು ತರುತ್ತಿದೆ. ಈ ಕಾರ್ಯದ ಮುಂದುವರಿದ ಭಾಗವಾಗಿ ಇವೆರಡು ಹೊಸ ಸೇವೆಗಳು ಹೊರಬರುತ್ತಿವೆ.
ವಾಟ್ಸಾಪ್ ಚಾಟ್ಬೋಟ್ ಹೇಗೆ ಕೆಲಸ ಮಾಡುತ್ತದೆ?
ಈಗ ಹೆಚ್ಚಿನ ಸರ್ವಿಸ್ ಸಂಸ್ಥೆಗಳು ವಾಟ್ಸಾಪ್ ಚಾಟ್ಬೋಟ್ ಸೇವೆ ಒದಗಿಸುತ್ತವೆ. ಇಪಿಎಫ್ಒ ಕೂಡ ಇದನ್ನು ಆರಂಭಿಸಿದೆ. ಪಿಎಫ್ ಅಕೌಂಟ್ ಹೊಂದಿರುವ ಸದಸ್ಯರು ವಾಟ್ಸಾಪ್ ಚಾಟ್ಬೋಟ್ ಬಳಸಬಹುದು. ಈ ಚಾಟ್ಬೋಟ್ ಅನ್ನು ಬಳಸುವ ಮೊದಲು ಅದು ಗ್ರೀನ್ ಟಿಕ್ ಹೊಂದಿದೆಯಾ ಎಂದು ಖಚಿತಪಡಿಸಿಕೊಳ್ಳುವುದು ಅಗತ್ಯ. ಈ ಚಾಟ್ಬೋಟ್ನಲ್ಲಿ ನೀವು ಪಿಎಫ್ ಬ್ಯಾಲನ್ಸ್, ಕ್ಲೇಮ್ ಸ್ಥಿತಿ ಇತ್ಯಾದಿಯನ್ನು ಸುಲಭವಾಗಿ ಟ್ರ್ಯಾಕ್ ಮಾಡಬಹುದು. ಈ ಚಾಟ್ಬೋಟ್ ಸೇವೆ ಬಹಳ ಶೀಘ್ರದಲ್ಲಿ ಲೈವ್ ಆಗಬಹುದು.
ಇದನ್ನೂ ಓದಿ: ವಾಲಂಟರಿ ಪ್ರಾವಿಡೆಂಟ್ ಫಂಡ್; ನಿಮ್ಮ ಇಪಿಎಫ್ ಕಾರ್ಪಸ್ ಹೆಚ್ಚಿಸುವ ಒಂದು ಪ್ಲಾನ್
ಯುಪಿಐ ಮೂಲಕ ಹಣ ವಿತ್ಡ್ರಾ ಮಾಡಲು ಅವಕಾಶ
ಇಪಿಎಫ್ಒನ ಬಹುನಿರೀಕ್ಷಿತ ಪ್ರಾಜೆಕ್ಟ್ಗಳಲ್ಲಿ ಯುಪಿಐ ಫೀಚರ್ ಒಂದೆನಿಸಿದೆ. ಸದ್ಯದಲ್ಲೇ ಇದೂ ಕೂಡ ಲೈವ್ ಆಗಲಿದೆ. ವರದಿ ಪ್ರಕಾರ ಇಪಿಎಫ್ಒ ಸಂಸ್ಥೆ ಈ ಫೀಚರ್ ಅನ್ನು ಪರೀಕ್ಷಿಸಿದ್ದು, ಅದರ ಕಾರ್ಯನಿರ್ವಹಣೆ ಬಗ್ಗೆ ಸಮಾಧಾನ ಹೊಂದಿದೆ.
ಸದ್ಯಕ್ಕೆ ಬಂದಿರುವ ಮಾಹಿತಿ ಪ್ರಕಾರ, ಪಿಎಫ್ ಬಳಕೆದಾರರು ತಮ್ಮ ಪಿಎಫ್ ಅಕೌಂಟ್ನಲ್ಲಿರುವ ಹಣವನ್ನು ಯುಪಿಐ ಮೂಲಕ ತಮ್ಮ ಬ್ಯಾಂಕ್ ಅಕೌಂಟ್ಗೆ ಟ್ರಾನ್ಸ್ಫರ್ ಮಾಡಬಹುದು. ಪಿಎಫ್ ಹಣಕ್ಕೆ ಕ್ಲೇಮ್ ಸಲ್ಲಿಸುವ ಅಗತ್ಯ ಇರುವುದಿಲ್ಲ. ಟ್ರಾನ್ಸ್ಫರ್ ಮಾಡುವ ಮುನ್ನ ಯುಪಿಐನ ಪಿನ್ ಅನ್ನು ನಮೂದಿಸಬೇಕು.
ಇದನ್ನೂ ಓದಿ: ಪಿಪಿಎಫ್ನಲ್ಲಿ ಒಂದು ಕೋಟಿ ರೂ ಹಣ ಪಡೆಯುವುದು ಹೇಗೆ? 61,000 ರೂ ಮಾಸಿಕ ಆದಾಯ ಪಡೆಯಲು ಹೀಗೆ ಮಾಡಿ
ಈಗಿರುವ ವ್ಯವಸ್ಥೆಯಲ್ಲಿ ಸದಸ್ಯರು ಪಿಎಫ್ ಹಣಕ್ಕೆ ಕ್ಲೇಮ್ ಸಲ್ಲಸಿ, ಅದು ಇತ್ಯರ್ಥವಾಗಿ ಆ ಬಳಿಕ ಹಣವು ಲಿಂಕ್ ಆದ ಬ್ಯಾಂಕ್ ಅಕೌಂಟ್ಗೆ ಜಮೆ ಆಗುತ್ತಿತ್ತು. ಈಗ ಆಟೊಮ್ಯಾಟಿಕ್ ಸೆಟಲ್ಮೆಂಟ್ ಸೌಲಭ್ಯ ನೀಡಲಾಗಿದೆ. ಆಟೊ ಸೆಟಲ್ಮೆಂಟ್ ಮೊತ್ತವನ್ನು 1 ಲಕ್ಷ ರೂನಿಂದ 5 ಲಕ್ಷ ರೂಗೆ ಏರಿಸಲಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ