Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ರೈಲ್ವೆ ನಿಲ್ದಾಣಗಳಲ್ಲಿ ಹೈಸ್ಪೀಡ್ ಇಂಟರ್ನೆಟ್ ಲಭ್ಯ; ಉಚಿತ ಬಳಕೆಗೆ ಎಷ್ಟು ವೈಫೈ ಸಿಗುತ್ತದೆ? ಇಲ್ಲಿದೆ ಡೀಟೇಲ್ಸ್

How To Use Free Wi-Fi at Railway Stations: ಭಾರತದಲ್ಲಿ 6,000ಕ್ಕೂ ಹೆಚ್ಚು ರೈಲು ನಿಲ್ದಾಣಗಳಲ್ಲಿ ವೈಫೈ ವ್ಯವಸ್ಥೆ ರೂಪಿಸಲಾಗಿದೆ. ಇಂಡಿಯನ್ ರೈಲ್ವೇಸ್​ನ ರೇಲ್​ಟೆಲ್ ಹಾಗೂ ಗೂಗಲ್ ಸಂಸ್ಥೆ ಸಹಯೋಗದಲ್ಲಿ ವೈಫೈ ಇಂಟರ್ನೆಟ್ ಸೌಲಭ್ಯ ಸಿಗುತ್ತದೆ. ಒಂದು ಎಂಬಿಪಿಎಸ್​ನಷ್ಟು ವೇಗದ ಇಂಟರ್ನೆಟ್ ಅನ್ನು 30 ನಿಮಿಷ ಕಾಲ ಉಚಿತವಾಗಿ ಬಳಸಬಹುದು. ಹೆಚ್ಚು ಇಂಟರ್ನೆಟ್ ಬೇಕೆಂದರೆ ಪ್ಯಾಕೇಜ್ ಖರೀದಿಸಬಹುದು. ರೈಲು ನಿಲ್ದಾಣಗಳಲ್ಲಿ ಉಚಿತ ಇಂಟರ್ನೆಟ್ ಬಳಸುವ ವಿಧಾನ ಇಲ್ಲಿದೆ.

ರೈಲ್ವೆ ನಿಲ್ದಾಣಗಳಲ್ಲಿ ಹೈಸ್ಪೀಡ್ ಇಂಟರ್ನೆಟ್ ಲಭ್ಯ; ಉಚಿತ ಬಳಕೆಗೆ ಎಷ್ಟು ವೈಫೈ ಸಿಗುತ್ತದೆ? ಇಲ್ಲಿದೆ ಡೀಟೇಲ್ಸ್
ರೈಲು ನಿಲ್ದಾಣ
Follow us
ಸುಗ್ಗನಹಳ್ಳಿ ವಿಜಯಸಾರಥಿ
|

Updated on: Aug 30, 2023 | 2:34 PM

ಭಾರತದ ವಿವಿಧ ರೈಲು ನಿಲ್ದಾಣಗಳಲ್ಲಿ ವೈಫೈ ಸೇವೆ ಒದಗಿಸಲಾಗುತ್ತಿದೆ. ದೇಶಾದ್ಯಂತ ಆರು ಸಾವಿರಕ್ಕೂ ಹೆಚ್ಚು ರೈಲು ನಿಲ್ದಾಣಗಳಲ್ಲಿ ವೈಫೈ ಸರ್ವಿಸ್ ಸಿಗುತ್ತದೆ. ಭಾರತೀಯ ರೈಲ್ವೇಸ್​ಗೆ ಸೇರಿದ ರೀಟೇಲ್ ಬ್ರಾಡ್​ಬ್ಯಾಂಡ್ ಸೇವೆ ಒದಗಿಸುವ ರೇಲ್​ಟೆಲ್ (RailTel) ಎಂಬ ಸಂಸ್ಥೆ ರೇಲ್​ವೈರ್ (RailWire) ಎಂಬ ವೈಫೈ ಇಂಟರ್ನೆಟ್ ಸೌಲಭ್ಯ ಒದಗಿಸುತ್ತದೆ. ರೈಲ್ವೆ ನಿಲ್ದಾಣದ ಅಂಗಣದಲ್ಲೊಳಗೆ ಮಾತ್ರವೇ ಈ ವೈಫೈ ಸರ್ವಿಸ್ ಸಿಗುವುದು. ರೈಲಿನಲ್ಲಿ ಪ್ರಯಾಣಿಸುವಾಗ ವೈಫೈ ಬಳಕೆ ಸಾಧ್ಯವಿಲ್ಲ.

ರೈಲ್ವೆ ಸ್ಟೇಷನ್​ನೊಳಗೆ ಅರ್ಧಗಂಟೆ ಕಾಲ ವೈಫೈ ಅನ್ನು ಉಚಿತವಾಗಿ ಬಳಸಬಹುದು. ಹೆಚ್ಚಿನ ಇಂಟರ್ನೆಟ್ ಬಳಕೆ ಬೇಕೆಂದರೆ ರೈಲ್​ವೈರ್​ನ ವಿವಿಧ ಇಂಟರ್ನೆಟ್ ಪ್ಲಾನ್​ಗಳನ್ನು ಖರೀದಿಸಬೇಕಾಗುತ್ತದೆ. ಉಚಿತವಾಗಿ ಸಿಗುವ ವೈಫೈ ಇಂಟರ್ನೆಟ್​ನ ವೇಗ 1 ಎಂಬಿಪಿಎಸ್​ವರೆಗೂ ಇರುತ್ತದೆ. ಹೆಚ್ಚುವರಿ ಡಾಟಾ ಬೇಕೆಂದರೆ 10 ರೂನಿಂದ ಪ್ಯಾಕೇಜ್ ಶುರುವಾಗುತ್ತದೆ. 10 ರೂಗೆ ಬರೋಬ್ಬರಿ 5ಜಿಬಿಯಷ್ಟು ಡಾಟಾ ಸಿಗುತ್ತದೆ. ಇದರ ಇಂಟರ್ನೆಟ್ ವೇಗ 34 ಎಂಬಿಪಿಎಸ್​ವರೆಗೂ ಇರುತ್ತದೆ. ರೈಲ್​ಟೆಲ್​ನ ಬಹುತೇಕ ಪ್ಲಾನ್​ಗಳು ಒಂದು ದಿನಕ್ಕೆ ಸೀಮಿತವಾಗಿರುತ್ತದೆ. ಅದರ ಅಧಿಕೃತ ವೆಬ್​ಸೈಟ್​ಗೆ ಹೋಗಿ ಪ್ಲಾನ್ ಪಡೆಯಬಹುದು. ವೆಬ್ ವಿಳಾಸ ಇಂತಿದೆ: Railwire.co.in

ಇದನ್ನೂ ಓದಿ: ಗ್ಯಾಸ್ ಬೆಲೆ ಇಳಿಕೆ ಎಲ್ಲರಿಗೂ ಅನ್ವಯ ಅಗುತ್ತಾ? ಉಜ್ವಲ ಯೋಜನೆ ಫಲಾನುಭವಿಗಳಿಗೆ ಮಾತ್ರವಾ? ಈ ಯೋಜನೆಗೆ ಯಾರು ಅರ್ಹರು? ಇಲ್ಲಿದೆ ಡೀಟೇಲ್ಸ್

ರೈಲ್ವೆ ನಿಲ್ದಾಣಗಳಲ್ಲಿ ಉಚಿತ ವೈಫೈ ಬಳಸುವುದು ಹೇಗೆ?

  • ನಿಮ್ಮ ಫೋನ್​ನ ವೈಫೈ ಸೆಟ್ಟಿಂಗ್ ತೆರೆಯಿರಿ
  • ಲಭ್ಯ ಇರುವ ನೆಟ್ವರ್ಕ್​ಗಳನ್ನು ಹುಡುಕಿ
  • ಪಟ್ಟಿಯಿಂದ ರೈಲ್​ವೈರ್ ನೆಟ್ವವರ್ಕ್ ಅನ್ನು ಆಯ್ಕೆ ಮಾಡಿ
  • ಈಗ ಮೊಬೈಲ್ ಬ್ರೌಸರ್​ನಲ್ಲಿ Railwire.co.in ವೆಬ್​ಗೆ ಹೋಗಿ.
  • ನಿಮ್ಮ ಮೊಬೈಲ್ ನಂಬರ್ ಅನ್ನು ನಮೂದಿಸಿ
  • ಫೋನ್​ಗೆ ಬರುವ ಒಟಿಪಿ ನಂಬರ್ ಅನ್ನು ಪಾಸ್ವರ್ಡ್​ನತೆ ಬಳಸಿ ರೈಲ್​ವೈರ್​​ಗೆ ಕನೆಕ್ಟ್ ಅಗಿ

ಈಗ ರೈಲ್​ವೈರ್​ನ ಉಚಿತ ಇಂಟರ್ನೆಟ್ ಸೇವೆಯನ್ನು ಅರ್ಧ ಗಂಟೆ ಕಾಲ ನೀವು ಪಡೆಯಬಹುದು. ಹೆಚ್ಚಿನ ಇಂಟರ್ನೆಟ್ ಬೇಕೆಂದರೆ ವೆಬ್​ಸೈಟ್​ನಲ್ಲಿ ಪ್ಯಾಕೇಜ್​ಗಳನ್ನು ಖರೀದಿಸಬೇಕು.

ಇದನ್ನೂ ಓದಿ: ಕಾಲಜ್ಞಾನಿ ಗೂಗಲ್; ಯಾವ ಸಮಯದಲ್ಲಿ ಕಡಿಮೆ ಬೆಲೆಗೆ ವಿಮಾನ ಟಿಕೆಟ್ ಬುಕ್ ಮಾಡಬಹುದು? ಗೂಗಲ್ ಫ್ಲೈಟ್ಸ್​ನಲ್ಲಿದೆ ಹೊಸ ಫೀಚರ್

ಕರ್ನಾಟಕದಲ್ಲಿ ಎಂಟು ರೈಲು ನಿಲ್ದಾಣಗಳಲ್ಲಿ ವೈಫೈ ಸೇವೆ ಸದ್ಯಕ್ಕೆ ಸಿಗುತ್ತಿದೆ. ಮಂಗಳೂರು, ಬೆಂಗಳೂರು, ಯಶವಂತಪುರ, ಮೈಸೂರು, ಕೆಂಗೇರಿ, ದಾವಣಗೆರೆ, ಹೊಸಪೇಟೆ, ಹಾಸನ ರೈಲು ನಿಲ್ದಾಣಗಳಲ್ಲಿ ನೀವು ಉಚಿತವಾಗಿ ವೈಫೈ ಬಳಸಬಹುದು.

ರೇಲ್​ಟೆಲ್ ಸಂಸ್ಥೆ ಫೈಬರ್ ಮೂಲಕ ನೆಟ್ವರ್ಕ್ ಕನೆಕ್ಟಿವಿಟಿ ವ್ಯವಸ್ಥೆ ಮಾಡಿದೆ. ಗೂಗಲ್ ಸಂಸ್ಥೆ ರೇಡಿಯೋ ಅಕ್ಸೆಸ್ ನೆಟ್ವರ್ಕ್ ಸೇರಿದಂತೆ ತಂತ್ರಜ್ಞಾನ ನೆರವು ಒದಗಿಸುತ್ತಿದೆ.

ಗಮನಿಸಿ…

ಸಾರ್ವಜನಿಕ ವೈಫೈಗಳನ್ನು ಬಳಸುವಾಗ ಎಚ್ಚರ ಇರಲಿ. ಇಂಟರ್ನೆಟ್ ಬ್ಯಾಂಕಿಂಗ್, ಹಣದ ವಹಿವಾಟು ಇತ್ಯಾದಿ ಬಳಸುವುದನ್ನು ಸಾಧ್ಯವಾದಷ್ಟೂ ತಪ್ಪಿಸಿ. ನಿಮ್ಮ ದತ್ತಾಂಶವನ್ನು ಕದಿಯುವ ಅವಕಾಶ ಇರುತ್ತದೆ. ರೈಲ್ವೆ ನಿಲ್ದಾಣಗಳಲ್ಲಿ ಒದಗಿಸುವ ವೈಫೈ ಸುರಕ್ಷಿತ ಎನಿಸಿದರೂ ಸೂಕ್ಷ್ಮ ವಹಿವಾಟುಗಳನ್ನು ಮಾಡದಿರುವುದು ಉತ್ತಮ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ರಶೀದ್ ಖಾನ್ ವಿರುದ್ಧ ಬೌಂಡರಿಗಳ ಮಳೆಗರೆದ ಲಿವಿಂಗ್‌ಸ್ಟೋನ್
ರಶೀದ್ ಖಾನ್ ವಿರುದ್ಧ ಬೌಂಡರಿಗಳ ಮಳೆಗರೆದ ಲಿವಿಂಗ್‌ಸ್ಟೋನ್
ರಸ್ತೆಯಲ್ಲಿ ಹೋಗುತ್ತಿದ್ದವರ ಮೇಲೆ ಗೂಳಿ ದಾಳಿ; ಶಾಕಿಂಗ್ ವಿಡಿಯೋ ಇಲ್ಲಿದೆ
ರಸ್ತೆಯಲ್ಲಿ ಹೋಗುತ್ತಿದ್ದವರ ಮೇಲೆ ಗೂಳಿ ದಾಳಿ; ಶಾಕಿಂಗ್ ವಿಡಿಯೋ ಇಲ್ಲಿದೆ
ಬೀದರ್ ಜಡ್ಜ್​​ ಮನೆಯಲ್ಲಿಯೇ ಕಳ್ಳತನ ಮಾಡಿದ ಖತರ್ನಾಕ್ ಖದೀಮರು
ಬೀದರ್ ಜಡ್ಜ್​​ ಮನೆಯಲ್ಲಿಯೇ ಕಳ್ಳತನ ಮಾಡಿದ ಖತರ್ನಾಕ್ ಖದೀಮರು
ಕರ್ನಾಟಕದಲ್ಲಿ 30,000 ಎಕರೆ ವಕ್ಫ್ ಭೂಮಿ ವಿದೇಶಿ ಕಂಪನಿಗಳಿಗೆ ಗುತ್ತಿಗೆ;ಶಾ
ಕರ್ನಾಟಕದಲ್ಲಿ 30,000 ಎಕರೆ ವಕ್ಫ್ ಭೂಮಿ ವಿದೇಶಿ ಕಂಪನಿಗಳಿಗೆ ಗುತ್ತಿಗೆ;ಶಾ
ಸಿರಾಜ್ ಮಾರಕ ದಾಳಿಗೆ ತತ್ತರಿಸಿದ ಆರ್​ಸಿಬಿ
ಸಿರಾಜ್ ಮಾರಕ ದಾಳಿಗೆ ತತ್ತರಿಸಿದ ಆರ್​ಸಿಬಿ
ನನಗೆ ನ್ಯಾಯ ಬೇಕೆಂದು ವಿಧಾನಸೌಧ ಮುಂದೆ ಆತ್ಮಹತ್ಯೆಗೆ ಯತ್ನಿಸಿದ ಯುವಕ
ನನಗೆ ನ್ಯಾಯ ಬೇಕೆಂದು ವಿಧಾನಸೌಧ ಮುಂದೆ ಆತ್ಮಹತ್ಯೆಗೆ ಯತ್ನಿಸಿದ ಯುವಕ
ಮುಖ್ಯಮಂತ್ರಿ ಸಿದ್ದರಾಮಯ್ಯರಿಂದ ಕರ್ನಾಟಕ ಭವನದ ಉದ್ಘಾಟನೆ
ಮುಖ್ಯಮಂತ್ರಿ ಸಿದ್ದರಾಮಯ್ಯರಿಂದ ಕರ್ನಾಟಕ ಭವನದ ಉದ್ಘಾಟನೆ
ಸುಪ್ರೀಂ ಕೋರ್ಟ್ ಗಾರ್ಡನ್​ನಿಂದಲೇ ಗುಲಾಬಿ ಹೂವು ಕದ್ದ ಚಾಲಾಕಿ ಮಹಿಳೆ ಹೇಳಿದ
ಸುಪ್ರೀಂ ಕೋರ್ಟ್ ಗಾರ್ಡನ್​ನಿಂದಲೇ ಗುಲಾಬಿ ಹೂವು ಕದ್ದ ಚಾಲಾಕಿ ಮಹಿಳೆ ಹೇಳಿದ
ವ್ಯಕ್ತಿ ಮುಖ್ಯವಲ್ಲ, ರಾಜ್ಯದ ಜನ ಮತ್ತು ಪಕ್ಷದ ಭವಿಷ್ಯ ಮುಖ್ಯ: ಬಿಪಿ ಹರೀಶ್
ವ್ಯಕ್ತಿ ಮುಖ್ಯವಲ್ಲ, ರಾಜ್ಯದ ಜನ ಮತ್ತು ಪಕ್ಷದ ಭವಿಷ್ಯ ಮುಖ್ಯ: ಬಿಪಿ ಹರೀಶ್
ವಕ್ಫ್ ತಿದ್ದುಪಡಿ ಮಸೂದೆ ಪಾಸಾಗಿದ್ದಕ್ಕೂ ಶಿವಕುಮಾರ್ ನೋ ಕಾಮೆಂಟ್ಸ್
ವಕ್ಫ್ ತಿದ್ದುಪಡಿ ಮಸೂದೆ ಪಾಸಾಗಿದ್ದಕ್ಕೂ ಶಿವಕುಮಾರ್ ನೋ ಕಾಮೆಂಟ್ಸ್