ಎಐ ಮಾಡಲ್​ಗಳು ದಾರಿತಪ್ಪಿ ಹೋಗುವುದನ್ನು ತಡೆಯಲು ಎಮರ್ಜೆನ್ಸಿ ಬ್ರೇಕ್ ಬೇಕು: ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾಡೆಲ್ಲಾ

ನವದೆಹಲಿ, ಅಕ್ಟೋಬರ್ 11: ಅತಿಯಾದ ಎಐನಿಂದ ಅಪಾಯವಾ ಎನ್ನುವ ಚರ್ಚೆ ಮುಂದುವರಿದಿದೆ. ಮೈಕ್ರೋಸಾಫ್ಟ್ ಕಾರ್ಪೊರೇಷನ್ (Microsoft Corp) ಸಿಇಒ ಸತ್ಯ ನಾಡೆಲ್ಲಾ (Satya Nadella) ಅವರು ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನದ ಭದ್ರತೆ ಮತ್ತು ನಿಯಂತ್ರಣದ ಕುರಿತು ಮಹತ್ವದ ಎಚ್ಚರಿಕೆ ನೀಡಿದ್ದಾರೆ. ಅತ್ಯಾಧುನಿಕ ಎಐ ಮಾಡಲ್​ಗಳನ್ನು ನಿಯೋಜಿಸುವ ಸಂಸ್ಥೆಗಳು ಅವುಗಳನ್ನು ನಿರ್ಮಿಸಿದವರ ಭರವಸೆಯ ಮೇಲೆ ನಂಬಿಕೆ ಇಟ್ಟರೆ ಆಗದು, ಅದನ್ನು ನಿಯಂತ್ರಿಸುವ ವ್ಯವಸ್ಥೆ ಇರಬೇಕು ಎಂದು ಮೈಕ್ರೋಸಾಫ್ಟ್ ಮುಖ್ಯಸ್ಥರು ಹೇಳೀದ್ದಾರೆ.

ಆಂಥ್ರೋಪಿಕ್ ಮತ್ತು ಓಪನ್​ಎಐನ ಕೆಲ ಇತ್ತೀಚಿನ ಎಐ ಮಾಡಲ್​ಗಳು ಒಂದು ಚೌಕಟ್ಟು ಬಿಟ್ಟು ತಾನಾಗೇ ಹೊರಹೋಗಿ ಕೆಲಸ ಮಾಡುತ್ತಿರುವ ಉದಾಹರಣೆಗಳು ಪತ್ತೆಯಾಗಿದ್ದು, ಟೆಕ್ ಜಗತ್ತು ಮತ್ತು ಜನಸಾಮಾನ್ಯರು ಬೆರಗಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾಡೆಲ್ಲಾ ಈ ಮಾತುಗಳನ್ನಾಡಿದ್ದಾರೆ. ಎಐ ಮಾಡಲ್​ಗಳಿಗೆ ಒಂದು ಬ್ರೇಕ್ ಸಿಸ್ಟಂ ಇರಬೇಕು ಎನ್ನುವ ವಾದ ಮುಂದಿಟ್ಟಿದ್ದಾರೆ.

ಸತ್ಯ ನಾಡೆಲ್ಲಾ ಅವರ ಎಕ್ಸ್ ಪೋಸ್ಟ್

https://t.co/MjwFy73LOF

— Satya Nadella (@satyanadella) October 10, 2026

‘ಒಂದು ಎಐ ಮಾಡಲ್ ಅನ್ನು ಬಳಸುವಾಗ ಅದು ಕಾಂಪ್ರಮೈಸ್ ಆಗಿದೆ ಎಂದು ಭಾವಿಸಿ, ಶುರುವಿನಿಂದಲೇ ಅದರ ನಿಯಂತ್ರಣ ಮಾಡಬೇಕು. ಒಂದು ರೀತಿಯಲ್ಲಿ ಎಮರ್ಜೆನ್ಸಿ ಬ್ರೇಕ್​ನಂತೆ ಎಂದು ತಿಳಿಯಿರಿ. ಒಬ್ಬ ಅಧಿಕೃತ ವ್ಯಕ್ತಿಯು ಎಐ ಮಾಡಲ್ ಅನ್ನು ಒಂದು ಕೆಲಸದ ಮಧ್ಯದಲ್ಲೇ ತಡೆಯುವ ಅಥವಾ ನಿಲ್ಲಿಸುವ ಅವಕಾಶ ಹೊಂದಿರಬೇಕು’ ಎಂದು ಸತ್ಯ ನಾಡೆಲ್ಲಾ ಅವರು ತಮ್ಮ ಎಕ್ಸ್ ಪೋಸ್ಟ್​ವೊಂದರಲ್ಲಿ ಹೇಳಿದ್ದಾರೆ.

ಇದನ್ನೂ ಓದಿ:

ದಾರಿ ತಪ್ಪಿದ ಅಥವಾ ಸೀಮೋಲಂಘನೆ ಮಾಡುವ ಅಪಾಯಕಾರಿ ಎಐ ಮಾಡಲ್​ಗಳು ಪತ್ತೆಯಾದಾಗ ಅದನ್ನು ನಿಲ್ಲಿಸುವ ಒಂದು ಎಐ ಕಿಲ್ ಸ್ವಿಚ್ ವ್ಯವಸ್ಥೆ ಇರಬೇಕು ಎನ್ನುವುದು ಹಲವು ಪರಿಣಿತರ ವಾದವಾಗಿದೆ. ಸತ್ಯ ನಾಡೆಲ್ಲಾ ಅವರ ಅನಿಸಿಕೆಯು ಈ ಅಭಿಪ್ರಾಯದ ಪುನರುಚ್ಚರಣೆಯಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ