ಈಕ್ವಿಟಿಯಿಂದ ಡೆಟ್ ಫಂಡ್ವರೆಗೆ ವಿವಿಧ ಮ್ಯುಚುವಲ್ ಫಂಡ್ಗಳಿಗೆ ವಿಭಿನ್ನ ಟ್ಯಾಕ್ಸ್ ಅನ್ವಯ; ಇಲ್ಲಿದೆ ಡೀಟೇಲ್ಸ್
Mutual Funds taxation rule: ಆಸ್ತಿ ಮಾರಿದಾಗ ಅದರಿಂದ ಬರುವ ಲಾಭದ ಮೇಲೆ ಎಸ್ಟಿಸಿಜಿ ಅಥವಾ ಎಲ್ಟಿಸಿಜಿ ಟ್ಯಾಕ್ಸ್ ಅನ್ವಯ ಆಗುತ್ತದೆ. ಮ್ಯುಚುವಲ್ ಫಂಡ್ಗಳಲ್ಲೂ ಈ ತೆರಿಗೆಗಳಿರುತ್ತವೆ. ಕೆಲವೊಮ್ಮೆ ಎಸ್ಟಿಸಿಜಿಗೆ ಶೇ. 20ರಷ್ಟು ಟ್ಯಾಕ್ಸ್ ಇದ್ದರೆ, ಕೆಲ ಪ್ರಕರಣಗಳಲ್ಲಿ ಸ್ಲ್ಯಾಬ್ ರೇಟ್ ಇರುತ್ತದೆ. ಹೊಸ ಟ್ಯಾಕ್ಸ್ ಸಿಸ್ಟಂನಲ್ಲಿ ಎಲ್ಟಿಸಿಜಿಯನ್ನು ಶೇ. 20 ಬದಲು ಶೇ. 12.5ಗೆ ಟ್ಯಾಕ್ಸ್ ಇಳಿಸಲಾಗಿದೆ. ಆದರೆ, ಇಂಡೆಕ್ಸೇಶನ್ ಬೆನಿಫಿಟ್ ಇರುವುದಿಲ್ಲ.
Updated on: Jul 22, 2025 | 3:02 PM
ನವದೆಹಲಿ, ಜುಲೈ 22: ಯಾವುದೇ ಆಸ್ತಿಗಳನ್ನು ಮಾರಾಟ ಮಾಡಿದಾಗ ಅದಕ್ಕೆ ಸಿಗುವ ಲಾಭದ ಹಣಕ್ಕೆ ಇನ್ಕಮ್ ಟ್ಯಾಕ್ಸ್ (Income tax) ಅನ್ವಯ ಆಗುತ್ತದೆ. ಸದ್ಯ ಕಿರು ಅವಧಿ ಲಾಭ ಹೆಚ್ಚಳ ತೆರಿಗೆ (ಎಸ್ಟಿಸಿಜಿ) ಹಾಗು ದೀರ್ಘಾವಧಿ ಲಾಭ ಹೆಚ್ಚಳ ತೆರಿಗೆ (ಎಲ್ಟಿಸಿಜಿ) ಇದೆ. ಮ್ಯೂಚುವಲ್ ಫಂಡ್ಗಳಿಗೂ ಈ ಇವೇ ಟ್ಯಾಕ್ಸ್ ಇರುತ್ತವೆ. ಆದರೆ, ಮ್ಯೂಚುವಲ್ ಫಂಡ್ ಇರುವ ಕೆಟಗರಿ ಪ್ರಕಾರ ಟ್ಯಾಕ್ಸ್ನಲ್ಲಿ ತುಸು ವ್ಯತ್ಯಯ ಆಗುತ್ತದೆ. ಐಟಿ ರಿಟರ್ನ್ಸ್ ಸಲ್ಲಿಸುವ ಈ ಸಂದರ್ಭದಲ್ಲಿ ಮ್ಯುಚುವಲ್ ಫಂಡ್ಗಳಿಗೆ ಟ್ಯಾಕ್ಸ್ ಎಷ್ಟು ಹಾಕಲಾಗುತ್ತದೆ ಎನ್ನುವ ಮಾಹಿತಿ ಇಲ್ಲಿದೆ.
ತೆರಿಗೆ ವಿಚಾರಕ್ಕೆ ಬಂದರೆ ಮ್ಯೂಚುವಲ್ ಫಂಡ್ಗಳನ್ನು ಈಕ್ವಿಟಿ ಮ್ಯುಚುವಲ್ ಫಂಡ್ ಮತ್ತು ನಾನ್-ಈಕ್ವಿಟಿ ಮ್ಯುಚುವಲ್ ಫಂಡ್ಗಳೆಂದು ವರ್ಗೀಕರಿಸಬಹುದು. ಈಕ್ವಿಟಿ ಮ್ಯೂಚುವಲ್ ಫಂಡ್ಗಳಿಂದ ಬಂದ ಲಾಭವನ್ನು ಷೇರುಗಳ ರೀತಿಯಲ್ಲಿ ತೆರಿಗೆ ಹಾಕಲಾಗುತ್ತದೆ.
ಇನ್ನು, ಡೆಟ್ ಮ್ಯುಚುವಲ್ ಫಂಡ್, ಹೈಬ್ರಿಡ್ ಮ್ಯುಚುವಲ್ ಫಂಡ್, ಇಂಟರ್ನ್ಯಾಷನಲ್ ಮ್ಯುಚುವಲ್ ಫಂಡ್, ಗೋಲ್ಡ್ ಮ್ಯುಚುವಲ್ ಫಂಡ್ಗಳನ್ನು ನಾನ್-ಈಕ್ವಿಟಿ ಮ್ಯುಚುವಲ್ ಫಂಡ್ಗಳೆಂದು ಪರಿಗಣಿಸಲಾಗುತ್ತದೆ. ಇವುಗಳಿಗೆ ಟ್ಯಾಕ್ಸ್ ತುಸು ಬೇರೆಯಾಗಿರುತ್ತದೆ.
ಇದನ್ನೂ ಓದಿ: ಟಿಡಿಎಸ್-ಟಿಸಿಎಸ್ ಪಾವತಿದಾರರಿಗೆ ರಿಲೀಫ್; ಡೆಡ್ಲೈನ್ನೊಳಗೆ ಈ ಕೆಲಸ ಮಾಡಿದರೆ ರದ್ದಾಗಲಿದೆ ಟ್ಯಾಕ್ಸ್ ನೋಟೀಸ್
ಈಕ್ವಿಟಿ ಮ್ಯುಚುವಲ್ ಫಂಡ್: ಎಸ್ಟಿಸಿಜಿ ತೆರಿಗೆ ಶೇ. 20 + ಸೆಸ್; ಎಲ್ಟಿಸಿಜಿ ತೆರಿಗೆ ಶೇ. 12.5.
ಡೆಟ್ ಮ್ಯುಚುವಲ್ ಫಂಡ್: 2023ರ ಮಾರ್ಚ್ 31ಕ್ಕೆ ಮುನ್ನ ಖರೀದಿಸಿದ್ದು ಮತ್ತು 2024ರ ಜುಲೈ 23ರ ಬಳಿಕ ಮಾರಿದ್ದಾಗಿದ್ದರೆ, ಸ್ಲ್ಯಾಬ್ ದರ ಪ್ರಕಾರ ಎಸ್ಟಿಸಿಜಿ ತೆರಿಗೆ ಅನ್ವಯ ಆಗುತ್ತದೆ. ಅಂದರೆ, ಫಂಡ್ ಖರೀದಿಸಿ ಎರಡು ವರ್ಷದೊಳಗೆ ಮಾರಿದಾಗ ಎಸ್ಟಿಜಿಸಿಜಿ ಅನ್ವಯ ಆಗುತ್ತದೆ.
ಮ್ಯುಚುವಲ್ ಫಂಡ್ ಖರೀದಿಸಿ ಎರಡು ವರ್ಷದ ಬಳಿಕ ಮಾರಿದಾಗ ಶೇ. 12.5 ಎಲ್ಟಿಸಿಜಿ ತೆರಿಗೆ ಹೇರಿಕೆ ಆಗುತ್ತದೆ. ಇದರಲ್ಲಿ ಇಂಡೆಕ್ಸೇಶನ್ ಬೆನಿಫಿಟ್ ಇರುವುದಿಲ್ಲ.
ಹೈಬ್ರಿಡ್ ಮ್ಯುಚುವಲ್ ಫಂಡ್: ಶೇ. 65ಕ್ಕೂ ಹೆಚ್ಚು ಪ್ರಮಾಣದ ಹೂಡಿಕೆಯನ್ನು ಈಕ್ವಿಟಿ ಮೇಲೆ ಹಾಕಿದ ಹೈಬ್ರಿಡ್ ಮ್ಯುಚುವಲ್ ಫಂಡ್ಗಳಿಗೆ ಈಕ್ವಿಟಿ ಫಂಡ್ಗಳ ರೀತಿ ಟ್ಯಾಕ್ಸ್ ಅನ್ವಯ ಆಗುತ್ತದೆ. ಶೇ. 65ಕ್ಕಿಂತ ಕಡಿಮೆ ಈಕ್ವಿಟಿ ಎಕ್ಸ್ಪೋಷರ್ ಇದ್ದಾಗ ಡೆಟ್ ಫಂಡ್ ರೀತಿ ಸ್ಲ್ಯಾಬ್ ರೇಟ್ ಅನ್ವಯ ಆಗುತ್ತದೆ.
ಗೋಲ್ಡ್ ಮ್ಯುಚುವಲ್ ಫಂಡ್: ಇನ್ಕಮ್ ಟ್ಯಾಕ್ಸ್ ಸ್ಲ್ಯಾಬ್ ದರಗಳ ಪ್ರಕಾರ ತೆರಿಗೆ ಅನ್ವಯ ಆಗುತ್ತದೆ.
ಇದನ್ನೂ ಓದಿ: ಭಾರತದಲ್ಲಿ ಐಟಿ ರಿಟರ್ನ್ಸ್ ಸಲ್ಲಿಸುವ ಅವಶ್ಯಕತೆ ಇಲ್ಲದವರು ಯಾರ್ಯಾರು? ಇಲ್ಲಿದೆ ಪಟ್ಟಿ
ಇಂಟರ್ನ್ಯಾಷನಲ್ ಮ್ಯುಚುವಲ್ ಫಂಡ್: ಇದೂ ಕೂಡ ಸ್ಲ್ಯಾಬ್ ರೇಟ್ ಪ್ರಕಾರ ಇರುತ್ತದೆ.
ಇಟಿಎಫ್: ಒಂದು ವರ್ಷದೊಳಗೆ ಮಾರಿದಾಗ ಸ್ಲ್ಯಾಬ್ ರೇಟ್ ಪ್ರಕಾರ ಎಸ್ಟಿಸಿಜಿ ಅನ್ವಯ ಆಗುತ್ತದೆ. ಇನ್ನು ಒಂದು ವರ್ಷದ ಬಳಿಕ ಮಾರಿದಾಗ ಶೇ. 12.5 ಎಲ್ಟಿಸಿಜಿ ಅನ್ವಯ ಆಗುತ್ತದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
