Netflix: ವೆಚ್ಚ ತಗ್ಗಿಸುವ ಉದ್ದೇಶಕ್ಕೆ ನೆಟ್ಫ್ಲಿಕ್ಸ್ನಿಂದ 300 ಉದ್ಯೋಗಿಗಳ ವಜಾ
ಅಮೆರಿಕ ಮೂಲದ ನೆಟ್ಫ್ಲಿಕ್ಸ್ 300 ಉದ್ಯೋಗಿಗಳನ್ನು ವಜಾ ಮಾಡಲಾಗಿದೆ. ವೆಚ್ಚ ಕಡಿಮೆ ಮಾಡುವ ಉದ್ದೇಶದಿಂದ ಈ ನಿರ್ಧಾರ ಮಾಡಲಾಗಿದೆ.
Updated on:Jun 24, 2022 | 12:43 PM
ಸ್ಟ್ರೀಮಿಂಗ್ ಕಂಪೆನಿಯಾದ ನೆಟ್ಫ್ಲಿಕ್ಸ್ ಒಂದು ದಶಕಕ್ಕೂ ಹೆಚ್ಚು ಅವಧಿಯಲ್ಲಿ ಮೊದಲ ಬಾರಿಗೆ ಚಂದಾದಾರರನ್ನು ಕಳೆದುಕೊಂಡ ನಂತರ ವೆಚ್ಚವನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿರುವ ಎರಡನೇ ಸುತ್ತಿನ ಉದ್ಯೋಗ ಕಡಿತದಲ್ಲಿ (Job Cut) 300 ಉದ್ಯೋಗಿಗಳನ್ನು ಅಥವಾ ಅದರ ಸುಮಾರು ಶೇ 4ರಷ್ಟು ಉದ್ಯೋಗಿಗಳನ್ನು ವಜಾಗೊಳಿಸಿದೆ ಎಂದು ನೆಟ್ಫ್ಲಿಕ್ಸ್ ಇಂಕ್ (Netflix Inc) ಹೇಳಿದೆ. ಈ ಕ್ರಮವು ಹೆಚ್ಚಾಗಿ ಅದರ ಅಮೆರಿಕ ಉದ್ಯೋಗಿಗಳ ಮೇಲೆ ಪರಿಣಾಮ ಬೀರಿತು ಮತ್ತು ಕಂಪೆನಿಯು ಕಳೆದ ತಿಂಗಳು 150 ಉದ್ಯೋಗಗಳನ್ನು ಕಡಿತಗೊಳಿಸಿದ ನಂತರ ಈ ನಿರ್ಧಾರ ಬಂದಿತು.
“ನಾವು ವ್ಯವಹಾರದಲ್ಲಿ ಗಣನೀಯವಾಗಿ ಹೂಡಿಕೆ ಮಾಡುವುದನ್ನು ಮುಂದುವರಿಸುತ್ತಿರುವಾಗ ಈ ಹೊಂದಾಣಿಕೆಗಳನ್ನು ಮಾಡಿದ್ದೇವೆ. ಇದರಿಂದ ನಮ್ಮ ನಿಧಾನಗತಿಯ ಆದಾಯದ ಬೆಳವಣಿಗೆಗೆ ಅನುಗುಣವಾಗಿ ನಮ್ಮ ವೆಚ್ಚಗಳು ಬೆಳೆಯುತ್ತಿವೆ,” ಎಂದು ನೆಟ್ಫ್ಲಿಕ್ಸ್ ಗುರುವಾರ ಹೇಳಿಕೆಯಲ್ಲಿ ತಿಳಿಸಿದೆ.
ಹಣದುಬ್ಬರ, ಉಕ್ರೇನ್ನಲ್ಲಿನ ಯುದ್ಧ ಮತ್ತು ತೀವ್ರ ಪೈಪೋಟಿ ಚಂದಾದಾರರ ಬೆಳವಣಿಗೆ ಮೇಲೆ ತೂಗುತ್ತಿರುವಂತೆ ಇತ್ತೀಚಿನ ತಿಂಗಳಲ್ಲಿ ವಿಶ್ವದ ಪ್ರಬಲ ಸ್ಟ್ರೀಮಿಂಗ್ ಸೇವೆಯು ಒತ್ತಡಕ್ಕೆ ಒಳಗಾಗಿದೆ. ಮೊದಲ ತ್ರೈಮಾಸಿಕದಲ್ಲಿ ಚಂದಾದಾರರ ಕುಸಿತದ ನಂತರ, ನೆಟ್ಫ್ಲಿಕ್ಸ್ ಸದ್ಯದ ಅವಧಿಗೆ ಇನ್ನೂ ಹೆಚ್ಚಿನ ನಷ್ಟ ಆಗುವ ಬಗ್ಗೆ ಸೂಚಿಸಿದೆ. ಆ ಇಳಿಕೆಯನ್ನು ತಡೆಯಲು, ಕಂಪೆನಿಯು ಅಗ್ಗದ, ಜಾಹೀರಾತು-ಬೆಂಬಲಿತ ಚಂದಾದಾರಿಕೆ ಶ್ರೇಣಿಯನ್ನು ಪರಿಚಯಿಸಲು ಯೋಜಿಸಿದ್ದು, ಇದಕ್ಕಾಗಿ ಹಲವಾರು ಕಂಪೆನಿಗಳೊಂದಿಗೆ ಮಾತುಕತೆ ನಡೆಸುತ್ತಿದೆ.
ಇದನ್ನೂ ಓದಿ: Rupek Lay Offs: ರುಪೇಕ್ನಿಂದ 180ಕ್ಕೂ ಹೆಚ್ಚು ಉದ್ಯೋಗಿಗಳ ವಜಾ; ಸ್ಥೂಲ ಆರ್ಥಿಕತೆಯ ಹೊಡೆತ ಬಿದ್ದ ಮೊದಲ ಫಿನ್ಟೆಕ್
Published On - 12:43 pm, Fri, 24 June 22
