GST On Crypto: ಕ್ರಿಪ್ಟೋಗಳ ಮೇಲಿನ ತೆರಿಗೆ ಹಾಕುವುದನ್ನು ಮುಂದೂಡುವಂತೆ ಅಧಿಕಾರಿಗಳ ಸೂಚನೆ

ಜಿಎಸ್​ಟಿ (GST) ಸಮಿತಿಯಲ್ಲಿನ ಅಧಿಕಾರಿಗಳು ಜಿಎಸ್​ಟಿ ಸಮಿತಿಗೆ ಕ್ರಿಪ್ಟೋಕರೆನ್ಸಿ ಮತ್ತು ಇತರ ವರ್ಚುವಲ್ ಡಿಜಿಟಲ್ ಆಸ್ತಿಗಳ ತೆರಿಗೆ ಬಗ್ಗೆ ನಿರ್ಧಾರವನ್ನು ಮುಂದೂಡಲು ಸೂಚನೆ ನೀಡಿದೆ. ಜಿಎಸ್​ಟಿ ಸಮಿತಿಗೆ ಫಿಟ್‌ಮೆಂಟ್ ಸಮಿತಿಯು ತನ್ನ ವರದಿಯಲ್ಲಿ, ಕ್ರಿಪ್ಟೋಕರೆನ್ಸಿಯ ನಿಯಂತ್ರಣದ ಕುರಿತಾದ ಕಾನೂನನ್ನು ನಿರೀಕ್ಷಿಸುತ್ತಿದೆ ಮತ್ತು ಸರಕುಗಳು ಅಥವಾ ಸೇವೆಗಳ ವರ್ಗೀಕರಣವನ್ನು ಹೊರತುಪಡಿಸಿ ಕ್ರಿಪ್ಟೋ-ಪರಿಸರ ವ್ಯವಸ್ಥೆಗೆ ಸಂಬಂಧಿಸಿದ ಎಲ್ಲ ಸಂಬಂಧಿತ ಸರಬರಾಜುಗಳನ್ನು ಗುರುತಿಸುವುದು ಅತ್ಯಗತ್ಯ ಎಂದು ಸೂಚಿಸಿದೆ.

ಫಿಟ್‌ಮೆಂಟ್ ಸಮಿತಿ ಎಂದು ಕರೆಯುವ ಕೇಂದ್ರ ಮತ್ತು ರಾಜ್ಯಗಳ ಅಧಿಕಾರಿಗಳ ಸಮಿತಿಯು ಕ್ರಿಪ್ಟೋ ಪರಿಸರ ವ್ಯವಸ್ಥೆಯಲ್ಲಿ ಒಳಗೊಂಡಿರುವ ಸಮಸ್ಯೆಗಳ ಬಗ್ಗೆ ಆಳವಾದ ಅಧ್ಯಯನದ ಅಗತ್ಯವಿದೆ ಎಂದು ಭಾವಿಸಿದೆ. ಹರಿಯಾಣ ಮತ್ತು ಕರ್ನಾಟಕವು ಎಲ್ಲ ಅಂಶಗಳನ್ನು ಅಧ್ಯಯನ ಮಾಡಲು ಮತ್ತು ನಿಗದಿತ ಸಮಯದಲ್ಲಿ ಫಿಟ್‌ಮೆಂಟ್ ಸಮಿತಿಯ ಮುಂದೆ ಅಧ್ಯಯನ ವರದಿಯನ್ನು ಸಲ್ಲಿಸಲು ನಿರ್ಧರಿಸಲಾಗಿದೆ.

ಜಿಎಸ್​ಟಿಯ ವ್ಯಾಪ್ತಿಯಲ್ಲಿರುವ ಕ್ರಿಪ್ಟೋ-ಪರಿಸರ ವ್ಯವಸ್ಥೆಗೆ ಸಂಬಂಧಿಸಿದ ಎಲ್ಲ ಸಂಬಂಧಿತ ಸರಬರಾಜುಗಳನ್ನು ಗುರುತಿಸುವ ಅಗತ್ಯವಿದೆ ಎಂದು ಸಮಿತಿ ಭಾವಿಸಿದೆ; ಆ ಚಟುವಟಿಕೆಗಳು ಸರಕು ಅಥವಾ ಸೇವೆಗಳಾಗಿದ್ದರೂ ಅವುಗಳ ಸ್ವಭಾವ ಮತ್ತು ಅವುಗಳ ಅನ್ವಯವಾಗುವ ದರವನ್ನು ಗುರುತಿಸಬೇಕು. ಆದ್ದರಿಂದ ಸಮಿತಿಯು ತನ್ನ ಮುಂದಿನ ಸಭೆಯಲ್ಲಿ ಜೂನ್ 28-29ರಂದು ಕ್ರಿಪ್ಟೋಕರೆನ್ಸಿಯ ತೆರಿಗೆ ನಿರ್ಧಾರವನ್ನು ಮುಂದೂಡುವಂತೆ ಸಲಹೆ ನೀಡಿದೆ.

2022-23ರ ಬಜೆಟ್​ನಲ್ಲಿ ಕ್ರಿಪ್ಟೋ ಸ್ವತ್ತುಗಳ ಮೇಲಿನ ಆದಾಯ ತೆರಿಗೆ ವಿಧಿಸುವುದಕ್ಕೆ ಸಂಬಂಧಿಸಿದಂತೆ ಸ್ಪಷ್ಟತೆಯನ್ನು ತಂದಿದೆ. ಆದರೆ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಕಡೆಯಿಂದ ಕ್ರಿಪ್ಟೋಕರೆನ್ಸಿಯ ವರ್ಗೀಕರಣವು ಸರಕು ಅಥವಾ ಸೇವೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಕುದುರೆ ರೇಸ್ ಅಥವಾ ಇತರ ಸಟ್ಟಾ ವಹಿವಾಟುಗಳಿಂದ ಬರುವ ಆದಾಯದಂತೆ ಪರಿಗಣಿಸಿ, ಏಪ್ರಿಲ್ 1ರಿಂದ ಶೇ 30ರ ಆದಾಯ ತೆರಿಗೆ ಮತ್ತು ಸೆಸ್ ಹಾಗೂ ಹೆಚ್ಚುವರಿ ಶುಲ್ಕಗಳನ್ನು ವಿಧಿಸಲಾಗುತ್ತದೆ.

ವರ್ಚುವಲ್ ಕರೆನ್ಸಿಗಳಿಗೆ ರೂ. 10,000ಕ್ಕಿಂತ ಹೆಚ್ಚಿನ ಪಾವತಿಗಳ ಮೇಲೆ ಶೇ 1ರ ಟಿಡಿಎಸ್ ಅನ್ನು ಸಹ ಪರಿಚಯಿಸಲಾಗಿದ್ದು, ಇದು ಜುಲೈ 1ರಿಂದ ಪ್ರಾರಂಭವಾಗಲಿದೆ. ಟಿಡಿಎಸ್‌ನ ಮಿತಿಯು ನಿರ್ದಿಷ್ಟ ವ್ಯಕ್ತಿಗಳಿಗೆ ವರ್ಷಕ್ಕೆ ರೂ. 50,000 ಆಗಿರುತ್ತದೆ, ಇದರಲ್ಲಿನ ವ್ಯಕ್ತಿಗಳು/ಎಚ್‌ಯುಎಫ್‌ಗಳು ಖಾತೆಗಳನ್ನು ಆದಾಯ-ತೆರಿಗೆ ಕಾಯ್ದೆ ಅಡಿಯಲ್ಲಿ ಆಡಿಟ್ ಮಾಡಲಾಗುತ್ತದೆ. ಪಿಟಿಐ

ಇದನ್ನೂ ಓದಿ: Cryptocurrencies: ಬಿಟ್​ಕಾಯಿನ್ ಸೇರಿದಂತೆ ಕ್ರಿಪ್ಟೋಕರೆನ್ಸಿಗಳ ಮೇಲೆ ಶೇ 28ರಷ್ಟು ಜಿಎಸ್​ಟಿ ವಿಧಿಸುವ ಪ್ರಸ್ತಾವ

Published On - 2:11 pm, Fri, 24 June 22