ICICI Rates: ಐಸಿಐಸಿಐನ MCLR ದರ ಏರಿಕೆ; ಏನಿದರ ಪರಿಣಾಮ? ಬೇರೆ ಬ್ಯಾಂಕುಗಳಲ್ಲೆಷ್ಟಿದೆ ರೇಟು?

ಐಸಿಐಸಿಐ ಬ್ಯಾಂಕ್ ತನ್ನ ಎಂಸಿಎಲ್​ಆರ್ ದರಗಳನ್ನು (ICICI Hikes MCLR Rates) 10 ಬೇಸಿಸ್ ಪಾಯಿಂಟ್​ಗಳಷ್ಟು ಏರಿಕೆ ಮಾಡಿದೆ. ಇದು ಇವತ್ತಿನಿಂದ, ಅಂದರೆ ಮಾರ್ಚ್ 1ರಿಂದಲೇ ಅನ್ವಯ ಆಗುತ್ತದೆ. ಇದರೊಂದಿಗೆ ಐಸಿಐಸಿಐನ ಎಂಸಿಎಲ್​ಆರ್ ದರಗಳು ಶೇ. 8.5ರಿಂದ ಶೇ. 8.75ರವರೆಗಿನ ಶ್ರೇಣಿಯಲ್ಲಿ ಇರಲಿವೆ. ಐಸಿಐಸಿಐ ಬ್ಯಾಂಕ್​ನ ವೆಬ್​ಸೈಟ್​ನಲ್ಲಿರುವ ಮಾಹಿತಿ ಪ್ರಕಾರ 15 ದಿನಗಳಿಂದ 1 ತಿಂಗಳವರೆಗಿನ ಅವಧಿಗೆ ಇದ್ದ ಎಲ್​ಸಿಎಲ್​ಆರ್ ದರ ಶೇ. 8.4ರಿಂದ ಶೇ. 8.50ಕ್ಕೆ ಏರಿಕೆ ಆಗಿದೆ. 3 ತಿಂಗಳ ಅವಧಿಗೆ ಶೇ. 8.45ರಷ್ಟಿದ್ದ ಎಂಸಿಎಲ್​ಆರ್ ಇದೀಗ ಶೇ. 8.55ಕ್ಕೆ ಏರಿದೆ.

ಎಂಸಿಎಲ್​ಆರ್ ದರ ಎಂದರೇನು? ಎಂಸಿಎಲ್​ಆರ್ ಎಂದರೆ ಮಾರ್ಜಿನಲ್ ಕಾಸ್ಟ್ ಆಫ್ ಫಂಡ್ಸ್ ಬೇಸ್ಡ್ ಲೆಂಡಿಂಗ್ ರೇಟ್. ಇದು ಒಂದು ಹಣಕಾಸು ಸಂಸ್ಥೆ ತಾನು ನೀಡುವ ಸಾಲದ ಮೇಲೆ ವಿಧಿಸುವ ಕನಿಷ್ಠ ಬಡ್ಡಿ ದರ. ಸಾಮಾನ್ಯವಾಗಿ ಬ್ಯಾಂಕುಗಳು ಎಂಸಿಎಲ್​ಆರ್​ಗಿಂತ ಕಡಿಮೆ ಬಡ್ಡಿ ದರಕ್ಕೆ ಸಾಲ ನೀಡುವುದಿಲ್ಲ. ತೀರಾ ಮುಖ್ಯ ಗ್ರಾಹಕರಿಗೆ ಮಾತ್ರ ಎಂಸಿಎಲ್​ಆರ್ ದರಕ್ಕೆ ಸಾಲ ನೀಡಲಾಗುತ್ತದೆ.

ಐಸಿಐಸಿಐ ಬ್ಯಾಂಕ್​ನ ದರ ಏರಿಕೆ ಪರಿಣಾಮ ಎಂಸಿಎಲ್​ಆರ್ ದರ ಏರಿಕೆಯಿಂದ ಐಸಿಐಸಿಐನ ಗೃಹ ಸಾಲ, ವೈಯಕ್ತಿಕ ಸಾಲ ಮತ್ತು ವಾಹನ ಸಾಲಗಳ ಮೇಲೆ ಪರಿಣಾಮ ಬೀರಲಿದೆ. ಈಗಾಗಲೇ ಸಾಲ ಪಡೆದಿರುವವರು ತುಸು ಹೆಚ್ಚಿನ ಮೊತ್ತದ ಇಎಂಐ ಪಾವತಿಸಬೇಕಾಗಬಹುದು. ಫ್ಲೋಟಿಂಗ್ ಇಂಟರೆಸ್ಟ್ ಅನ್ವಯದಲ್ಲಿ ಸಾಲ ಪಡೆದವರಿಗೆ ಈ ಬದಲಾವಣೆ ಆಗುತ್ತದೆ. ಅದಲ್ಲದವರಿಗೆ ಹಳೆಯ ಬಡ್ಡಿ ದರಗಳೇ ಅನ್ವಯ ಆಗುತ್ತವೆ.

ಇದನ್ನೂ ಓದಿ: Money Double: ಆ್ಯಕ್ಸಿಸ್ ಬ್ಯಾಂಕ್​ನಲ್ಲಿ ಠೇವಣಿ ಇಟ್ಟರೆ ಬೇಗ ಹಣ ಡಬಲ್; ಅತಿ ಹೆಚ್ಚು ಬಡ್ಡಿ ದರ; ಇಲ್ಲಿದೆ ವಿವರ

ಪ್ರಮುಖ ಬ್ಯಾಂಕುಗಳ ಪೈಕಿ ಆ್ಯಕ್ಸಿಸ್ ಬ್ಯಾಂಕ್​ನಲ್ಲಿ ಎಂಸಿಎಲ್​ಆರ್ ದರಗಳು ತುಸು ಕಡಿಮೆ ಇವೆ. ಇಲ್ಲಿ 15 ದಿನದ ಅವಧಿಗೆ ಎಂಸಿಎಲ್​ಆರ್ ದರ ಶೇ. 7.85 ಇದೆ. ಗರಿಷ್ಠ ಶೇ. 8.20ವರೆಗೂ ದರ ಇದೆ.

ವಿವಿಧ ಬ್ಯಾಂಕುಗಳ ಎಂಸಿಎಲ್​ಆರ್ ದರಗಳು ಐಸಿಐಸಿಐ ಬ್ಯಾಂಕ್: 15 ದಿನದಿಂದ 12 ತಿಂಗಳವರೆಗಿನ ಅವಧಿಗೆ ಶೇ. 8.50ರಿಂದ ಶೇ. 8.75. ಎಸ್​ಬಿಐ: 3 ತಿಂಗಳಿಂದ 24 ತಿಂಗಳವರೆಗಿನ ಅವಧಿಗೆ ಶೇ. 8.10ರಿಂದ ಶೇ. 8.60 ಎಚ್​ಡಿಎಫ್​ಸಿ ಬ್ಯಾಂಕ್: 15 ದಿನದಿಂದ 36 ತಿಂಗಳ ಅವಧಿಗಳು ಶೇ. 7.90 ರಿಂದ ಶೇ. 8.40 ಆ್ಯಕ್ಸಿಸ್ ಬ್ಯಾಂಕ್: 15ದಿನದಿಂದ 36 ತಿಂಗಳ ಅವಧಿಗೆ ಶೇ. 7.85 ರಿಂದ 8.20

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 6:00 pm, Wed, 1 March 23