ರೆಕರಿಂಗ್ ಡೆಪಾಸಿಟ್, ಬಹಳ ಸರಳ ಹಾಗೂ ಸುರಕ್ಷಿತ ಸ್ಕೀಮ್; ವರ್ಷಕ್ಕೆ ಶೇ. 8ಕ್ಕಿಂತಲೂ ಹೆಚ್ಚು ಬಡ್ಡಿ ಕೊಡಬಲ್ಲುದು ಆರ್ಡಿ
RD Benefits: ಬ್ಯಾಂಕ್ ಅಥವಾ ಪೋಸ್ಟ್ ಆಫೀಸ್ಗಳಲ್ಲಿ ಖಾತೆಗಳನ್ನು ಹೊಂದಿರುವ ಯಾರು ಬೇಕಾದರೂ ಆರ್ಡಿ ಸ್ಕೀಮ್ ಪಡೆಯಬಹುದು. ರೆಕರಿಂಗ್ ಡೆಪಾಸಿಟ್ ಸ್ಕೀಮ್ ಬಹಳ ಸಾಮಾನ್ಯವಾಗಿ ಬಳಕೆಯಾಗುವ ಉಳಿತಾಯ ಮತ್ತು ಹೂಡಿಕೆ ಯೋಜನೆ ಆಗಿದೆ. ಪ್ರತೀ ತಿಂಗಳು ನಿರ್ದಿಷ್ಟ ಮೊತ್ತವನ್ನು ಕಟ್ಟುವ ಮೂಲಕ ನೀವು ಹಣ ಉಳಿತಾಯ ಮಾಡಬಹುದು. ಅದೇ ವೇಳೆ ಹೂಡಿಕೆಯನ್ನು ಬೆಳೆಸಬಹುದು. ಇದು ಬಹಳ ಸರಳ ಹಾಗೂ ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸಲಾಗಿದೆ.
ಆರ್ಡಿ ಎಂದೇ ಚಿರಪರಿಚಿತವಾಗಿರುವ ರೆಕರಿಂಗ್ ಡೆಪಾಸಿಟ್ ಸ್ಕೀಮ್ (Recurring deposit plan) ಬಹಳ ಸಾಮಾನ್ಯವಾಗಿ ಬಳಕೆಯಾಗುವ ಉಳಿತಾಯ ಮತ್ತು ಹೂಡಿಕೆ ಯೋಜನೆ (Investment Scheme) ಆಗಿದೆ. ಪ್ರತೀ ತಿಂಗಳು ನಿರ್ದಿಷ್ಟ ಮೊತ್ತವನ್ನು ಕಟ್ಟುವ ಮೂಲಕ ನೀವು ಹಣ ಉಳಿತಾಯ ಮಾಡಬಹುದು. ಅದೇ ವೇಳೆ ಹೂಡಿಕೆಯನ್ನು ಬೆಳೆಸಬಹುದು. ಇದು ಬಹಳ ಸರಳ ಹಾಗೂ ಸುರಕ್ಷಿತ ಹೂಡಿಕೆ ಎಂದು ಪರಿಗಣಿಸಲಾಗಿದೆ. ಪಿಪಿಎಫ್, ಎನ್ಎಸ್ಸಿ, ಕೆವಿಪಿ, ಬ್ಯಾಂಕ್ ಎಫ್ಡಿ ಇತ್ಯಾದಿ ಇತರ ಹೂಡಿಕೆ ಯಂತ್ರಗಳಲ್ಲಿ ಸಿಗುವಷ್ಟೇ ರಿಟರ್ನ್ ಆರ್ಡಿಯಿಂದಲೂ ಪಡೆಯಬಹುದು. ನಿಯಮಿತವಾಗಿ ಹಣ ಹೂಡಿಕೆ ಮಾಡುವುದರಿಂದ ಹೆಚ್ಚು ಅನುಕೂಲಗಳನ್ನು ಒದಗಿಸುತ್ತದೆ. ನಿಮ್ಮ ಮಧ್ಯಮ, ದೀರ್ಘಾವಧಿ ಹಣಕಾಸು ಗುರಿಗಳಿಗೆ ತಕ್ಕಂತೆ ಆರ್ಡಿಯನ್ನು ಆರಂಭಿಸಬಹುದು.
ರೆಕರಿಂಗ್ ಡೆಪಾಸಿಟ್ನಿಂದ ಆಗುವ ಲಾಭಗಳೇನು?
- ನಿಯಮಿತವಾಗಿ ಹಣ ಹೂಡಿಕೆ ಮಾಡಬಹುದು. ಇದರಿಂದ ಹಣಕಾಸು ಶಿಸ್ತು ಹೆಚ್ಚುತ್ತದೆ.
- ಬಹುತೇಕ ಇತರ ಸೇವಿಂಗ್ಸ್ ಸ್ಕೀಮ್ಗಳಷ್ಟೇ ಬಡ್ಡಿದರ ಆರ್ಡಿಯಿಂದಲೂ ಸಿಗುತ್ತದೆ.
- ಪೂರ್ವ ಲೆಕ್ಕಾಚಾರದ ಪ್ರಕಾರವೇ ರಿಟರ್ನ್ ಸಿಗುತ್ತದೆ.
- ಯಾವುದೇ ಬ್ಯಾಂಕ್ನಲ್ಲಿ 5 ಲಕ್ಷ ರೂವರೆಗಿನ ಠೇವಣಿಗೆ ಇನ್ಷೂರೆನ್ಸ್ ಬೆಂಬಲ ಇರುತ್ತದೆ. ಹೀಗಾಗಿ ಆರ್ಡಿಯಲ್ಲಿನ ನಿಮ್ಮ ಹೂಡಿಕೆ ಸುರಕ್ಷಿತವಾಗಿರುತ್ತದೆ.
- ಆರ್ಡಿ ಮೊತ್ತದ ಮೇಲೆ ಸಾಲ ಕೂಡ ಪಡೆಯುವ ಅವಕಾಶ ಇರುತ್ತದೆ. ನಿಮ್ಮ ಆರ್ಡಿಯನ್ನು ಹಿಂಪಡೆಯದೆಯೇ ಆ ಹಣವನ್ನು ಸಾಲದ ರೂಪದಲ್ಲಿ ಬಳಸಬಹುದು.
- ಆರ್ಡಿ ಖಾತೆಗಳನ್ನು ತೆರೆಯುವುದು ಬಹಳ ಸುಲಭ. ಬ್ಯಾಂಕ್ನ ಆ್ಯಪ್, ನೆಟ್ಬ್ಯಾಂಕಿಂಗ್ ಮೂಲಕ ಬಹಲ ಸುಲಭವಾಗಿ ಆರ್ಡಿ ಓಪನ್ ಮಾಡಬಹುದು.
ಇದನ್ನೂ ಓದಿ: ನಿವೃತ್ತಿ ಬಳಿಕ ಪಿಂಚಣಿ ಸಿಗಲ್ಲವಾ? ವೃದ್ಧಾಪ್ಯದಲ್ಲಿ ಉತ್ತಮ ಮಾಸಿಕ ಆದಾಯ ಸೃಷ್ಟಿಸಲು ಏನು ಮಾಡಬೇಕು?
ಐದು ವರ್ಷದ ಅವಧಿಯ ಆರ್ಡಿಗಳಿಗೆ ಬಡ್ಡಿದರಗಳೆಷ್ಟು?
ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳ ಪೈಕಿ ಕೆನರಾ ಬ್ಯಾಂಕ್ ಮತ್ತು ಯೂನಿಯನ್ ಬ್ಯಾಂಕುಗಳು ಶೇ. 6.70ರಷ್ಟು ಬಡ್ಡಿ ನೀಡುತ್ತವೆ. ಇತರ ಬಹುತೇಕ ಬ್ಯಾಂಕುಗಳು ಶೇ. 6.50ರಷ್ಟು ಬಡ್ಡಿ ನೀಡುತ್ತವೆ. ಪೋಸ್ಟ್ ಆಫೀಸ್ನಲ್ಲೂ ರೆಕರಿಂಗ್ ಡೆಪಾಸಿಟ್ ಸ್ಕೀಮ್ ಇದ್ದು, ಅಲ್ಲಿಯೂ ಶೇ. 6.50ರಷ್ಟು ಬಡ್ಡಿ ಸಿಗುತ್ತದೆ.
ಇನ್ನು, ಸಹಕಾರಿ ಬ್ಯಾಂಕುಗಳಲ್ಲಿ ಠೇವಣಿ ಸ್ಕೀಮ್ಗಳಿಗೆ ಅತಿಹೆಚ್ಚು ಬಡ್ಡಿ ಇರುತ್ತದೆ. ಸೂರ್ಯೋದಯ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಇತ್ಯಾದಿ ಕಡೆ ಶೇ. 8ಕ್ಕಿಂತಲೂ ಹೆಚ್ಚು ವಾರ್ಷಿಕ ರಿಟರ್ನ್ ಇರುತ್ತದೆ.
ಇದನ್ನೂ ಓದಿ: ಇನ್ಷೂರೆನ್ಸ್ ಪಾಲಿಸಿ ಕಟ್ಟದೇ ಲ್ಯಾಪ್ಸ್ ಆಗಿದೆಯಾ? ಮರುಚಾಲನೆಗೆ ಡಂಡಕಟ್ಟಬೇಕಾ? ಈ ವಿವರ ಓದಿ
ಖಾಸಗಿ ಬ್ಯಾಂಕುಗಳಲ್ಲಿ ಹೆಚ್ಚಿನವು ಆರ್ಡಿ ಠೇವಣಿಗಳಿಗೆ ಶೇ. 7ಕ್ಕಿಂತಲೂ ಹೆಚ್ಚು ಬಡ್ಡಿ ನೀಡುತ್ತವೆ. ಎಕ್ಸಿಸ್ ಬ್ಯಾಂಕ್, ಎಚ್ಡಿಎಫ್ಸಿ ಬ್ಯಾಂಕ್, ಡಿಸಿಬಿ ಬ್ಯಾಂಕ್, ಐಸಿಐಸಿಐ, ಐಡಿಎಫ್ಸಿ ಮೊದಲಾದ ಬ್ಯಾಂಕುಗಳಲ್ಲಿ ಶೇ. 7 ಹಾಗೂ ಅದಕ್ಕಿಂತಲೂ ಹೆಚ್ಚು ಬಡ್ಡಿ ಕೊಡಲಾಗುತ್ತದೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
