ಎಸ್​ಬಿಐ ಹೊಸ ಆರ್​ಡಿ ಸ್ಕೀಮ್ ಹರ್ ಘರ್ ಲಖಪತಿ; ಎಫ್​ಡಿಯಷ್ಟೇ ಸಿಗುತ್ತೆ ರಿಟರ್ನ್ಸ್

ಬಹಳ ಸರ್ವೇ ಸಾಮಾನ್ಯವಾಗಿ ಜನರು ಬಳಸುವ ಸೇವಿಂಗ್ಸ್ ಸ್ಕೀಮ್​ಗಳಲ್ಲಿ ಫಿಕ್ಸೆಡ್ ಡೆಪಾಸಿಟ್, ರೆಕರಿಂಗ್ ಡೆಪಾಸಿಟ್ ಇತ್ಯಾದಿ ಇವೆ. ಎಫ್​ಡಿ ಅಥವಾ ಫಿಕ್ಸೆಡ್ ಡೆಪಾಸಿಟ್​ನಲ್ಲಿ ಒಮ್ಮೆಗೇ ಡೆಪಾಸಿಟ್ ಇಡುತ್ತೀರಿ. ಆರ್​ಡಿ ಸ್ಕೀಮ್​ನಲ್ಲಿ ನೀವು ಮಾಸಿಕವಾಗಿ ನಿರ್ದಿಷ್ಟ ಮೊತ್ತದ ಹಣವನ್ನು ಕಟ್ಟುತ್ತಾ ಹೋಗಬಹುದು. ಎಫ್​ಡಿಯಲ್ಲಿ ಸಿಗುವ ರಿಟರ್ನ್​ಗಿಂತ ಆರ್​ಡಿಯಲ್ಲಿ ಸಿಗುವುದು ತುಸು ಕಡಿಮೆ. ಆದರೆ, ಪ್ರತೀ ತಿಂಗಳು ಕಡಿಮೆ ಕಡಿಮೆ ಮೊತ್ತದ ಹಣವನ್ನು ಕಟ್ಟುತ್ತಾ ಹೋಗುವ ದೊಡ್ಡ ಅನುಕೂಲ ಆರ್​ಡಿಗೆ ಇದೆ. ಇದೇ ವೇಳೆ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಹೊಸ ಆರ್​ಡಿ ಸ್ಕೀಮ್​ವೊಂದನ್ನು ಆರಂಭಿಸಿದೆ. ಈ ಪ್ಲಾನ್ ಹೆಸರು ಹರ್ ಘರ್ ಲಖಪತಿ. ಅಂದರೆ ಪ್ರತೀ ಮನೆಯಲ್ಲೂ ಲಕ್ಷಾಧಿಪತಿ ಸೃಷ್ಟಿಯಾಗಬೇಕು ಎನ್ನುವ ಉದ್ದೇಶದಿಂದ ಆರಂಭಿಸಲಾದ ರಿಕರಿಂಗ್ ಡೆಪಾಸಿಟ್ ಪ್ಲಾನ್ ಇದು.

ಎಸ್​ಬಿಐ ಆರ್​ಡಿ ಸ್ಕೀಮ್​ನಲ್ಲಿ ಎಷ್ಟು ಬಡ್ಡಿ?

ಎಸ್​​ಬಿಐನ ಹರ್ ಘರ್ ಲಖಪತಿ ಆರ್​ಡಿ ಸ್ಕೀಮ್​ನಲ್ಲಿ ಉತ್ತಮ ಬಡ್ಡಿ ಸಿಗುತ್ತದೆ. ಆರ್​ಡಿ ಅವಧಿ ಮೂರರಿಂದ ನಾಲ್ಕು ವರ್ಷದ್ದಿರುತ್ತದೆ. ಸಾಮಾನ್ಯ ಗ್ರಾಹರಿಗೆ ವಾರ್ಷಿಕವಾಗಿ ಶೇ. 6.77ರಷ್ಟು ಬಡ್ಡಿ ಸಿಗುತ್ತದೆ. ಇದು ಪೋಸ್ಟ್ ಆಫೀಸ್​ನ ಆರ್​​ಡಿ ಪ್ಲಾನ್​ಗೆ ಸಿಗುವಷ್ಟೇ ಬಡ್ಡಿಯಾಗಿದೆ.

ಇದನ್ನೂ ಓದಿ: ನವೆಂಬರ್​ನಲ್ಲಿ 14 ಲಕ್ಷದಷ್ಟು ಹೆಚ್ಚಿದ ಇಪಿಎಫ್ ಸದಸ್ಯರ ಸಂಖ್ಯೆ; ಉದ್ಯೋಗಾವಕಾಶವೂ ಹೆಚ್ಚಳ

ಹಾಗೆಯೇ, ಹಿರಿಯ ನಾಗರಿಕರಿಗೆ ವಾರ್ಷಿಕ ಶೇ. 7.25 ಬಡ್ಡಿ ಸಿಗುತ್ತದೆ. ಇದು ಎಸ್​ಬಿಐನ ಗರಿಷ್ಠ ಎಫ್​ಡಿ ದರಕ್ಕೆ ಸಮವಾಗಿದೆ. ಎಸ್​ಬಿಐನ ಇತರ ರೆಗ್ಯುಲರ್ ಆರ್​ಡಿ ಸ್ಕೀಮ್​ಗಳಲ್ಲಿ 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಶೇ. 6.50; ಹಾಗೂ ಹಿರಿಯ ನಾಗರಿಕರಿಗೆ ಶೇ. 7 ಬಡ್ಡಿ ಇದೆ. ಹರ್ ಘರ್ ಲಖಪತಿ ಸ್ಕೀಮ್​ನಲ್ಲಿ 25 ಮೂಲಾಂಕಗಳಷ್ಟು ಹೆಚ್ಚು ಬಡ್ಡಿ ಸಿಗುತ್ತದೆ.

ರೆಗ್ಯುಲರ್ ಆರ್​ಡಿ ಸ್ಕೀಮ್​ಗಳಲ್ಲಿ ಆರು ತಿಂಗಳಿಂದ ಠೇವಣಿ ಅವಧಿ ಆರಂಭವಾಗುತ್ತದೆ. ಎಸ್​ಬಿಐ ಹರ್ ಘರ್ ಲಖಪತಿ ಸ್ಕೀಮ್​ನಲ್ಲಿ ಕನಿಷ್ಠ ಅವಧಿ 12 ತಿಂಗಳಿಂದ ಆರಂಭವಾಗುತ್ತದೆ. 10 ವರ್ಷದವರೆಗೂ ಆರ್​ಡಿ ಅವಕಾಶ ಇದೆ. ಪ್ರತೀ ವರ್ಷ ಮಕ್ಕಳ ಶಾಲೆಗೆ ಶುಲ್ಕ ಹೊಂದಿಸಲು ಇತ್ಯಾದಿ ನಿಯಮವಾದ ಫಿಕ್ಸೆಡ್ ಎಕ್ಸ್​ಪೆನ್ಸ್​ಗೆ ಈ ರೀತಿಯ ಆರ್​ಡಿಯನ್ನು ಪ್ಲಾನ್ ಮಾಡುವುದು ಸಮಂಜಸ ಎನಿಸುತ್ತದೆ.

ಇದನ್ನೂ ಓದಿ: ಪರ್ಸನಲ್ ಲೋನ್: ನಿಶ್ಚಿತ ಬಡ್ಡಿದರ ಆಯ್ಕೆಗೆ ಅವಕಾಶ ಇರಬೇಕು: ಆರ್​ಬಿಐ ನಿಯಮ

ಆರ್​ಡಿ ಸ್ಕೀಮ್​ಗಳಲ್ಲೂ ಲಾಕಿನ್ ಪೀರಿಯಡ್ ಇರುತ್ತದೆ. ಈ ಲಾಕ್ ಇನ್ ಪೀರಿಯಡ್​ನೊಳಗೆ ನೀವು ಹಣ ಹಿಂಪಡೆಯಲು ಆಗುವುದಿಲ್ಲ. ಹಾಗೊಂದು ವೇಳೆ ಹಿಂಪಡೆಯುವುದಾದರೆ ಶೇ. 0.5ರಿಂದ 1ರವರೆಗೆ ಪೆನಾಲ್ಟಿ ಕಟ್ಟಬೇಕಾಗುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ