UPI PayNow payments : ಸಿಂಗಾಪುರ-ಭಾರತೀಯ ವಲಸಿಗರಿಗೆ ವರದಾನ! ಯುಪಿಐ ಮೂಲಕವೂ ಗಡಿಯಾಚೆ ಹಣ ಪಾವತಿಸುವುದಕ್ಕೆ ಮಂಗಳವಾರದಿಂದ ಅಂಕಿತ
Digital Payment: ಇದು ಸಿಂಗಾಪುರದಲ್ಲಿರುವ ಭಾರತೀಯ ವಲಸಿಗರಿಗೆ, ವಿಶೇಷವಾಗಿ ವಲಸೆ ಕಾರ್ಮಿಕರು ಮತ್ತು ವಿದ್ಯಾರ್ಥಿಗಳಿಗೆ ಸಿಂಗಾಪುರದಿಂದ ಭಾರತಕ್ಕೆ ತ್ವರಿತ ಮತ್ತು ಕಡಿಮೆ ವೆಚ್ಚದ ಹಣವನ್ನು ವರ್ಗಾವಣೆ ಮಾಡುವ ಮೂಲಕ ಮತ್ತು ಅದೇ ರೀತಿ ಪ್ರತಿಯಾಗಿ ಭಾರತದಿಂದ ಸಿಂಗಾಪುರಕ್ಕೆ ರವಾನೆ ಮಾಡಲು ಸಹಾಯ ಮಾಡುತ್ತದೆ.
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಗವರ್ನರ್ ಮತ್ತು ಸಿಂಗಾಪುರದ (Singapore) ಹಣಕಾಸು ಪ್ರಾಧಿಕಾರದ ವ್ಯವಸ್ಥಾಪಕ ನಿರ್ದೇಶಕರು ಯುಪಿಐ ಮೂಲಕ ಗಡಿಯಾಚೆ ಪಾವತಿ ಸೇವೆಗೆ ಚಾಲನೆ ನೀಡಲಿದ್ದಾರೆ. UPI ಮತ್ತು PayNow ನ ಏಕೀಕರಣವು ರವಾನೆ ವೆಚ್ಚವನ್ನು ಶೇ. 10 ರಷ್ಟು ಕಡಿಮೆ ಮಾಡುತ್ತದೆ. ವಿವರಗಳು ಇಲ್ಲಿವೆ: ಗಡಿಯಾಚೆಗಿನ ಪಾವತಿ ಸೇವೆಯಲ್ಲಿ ಮತ್ತೊಂದು ಮೈಲಿಗಲ್ಲು ಸಾಧಿಸಲಾಗಿದೆ. ಭಾರತದ ಪ್ರಧಾನಿ ನರೇಂದ್ರ ಮೋದಿ (Prime Minister Narendra Modi) ಮತ್ತು ಸಿಂಗಾಪುರದ ಪ್ರಧಾನಿ ಲೀ ಸೀನ್ ಲೂಂಗ್ (Lee Hsien Loong) ಮಂಗಳವಾರ ವೀಡಿಯೊ ಕಾನ್ಫರೆನ್ಸಿಂಗ್ ಮೂಲಕ ಯುಪಿಐ ಪಾವತಿ ವ್ಯವಸ್ಥೆಯನ್ನು (UPI payment system) ಪ್ರಾರಂಭಕ್ಕೆ ಸಾಕ್ಷಿಯಾಗಲಿದ್ದಾರೆ. ಈ ಹಿಂದೆ, ಯೋಜನೆಯು ಪೂರ್ಣಗೊಂಡ ಬಗ್ಗೆ ETBFSI ಪ್ರತ್ಯೇಕವಾಗಿ ವರದಿ ಮಾಡಿತ್ತು. ಪೈಲಟ್ ಪ್ರಾಜೆಕ್ಟ್ ಯಶಸ್ವಿಯಾಗಿ ಪೂರ್ಣಗೊಂಡಿದೆ. ಸಾಕಷ್ಟು ಕೇಸ್ ಸ್ಟಡೀಸ್ ಇವೆ ಎಂದು ಯೋಜನೆಯಲ್ಲಿ ನೇರವಾಗಿ ತೊಡಗಿಸಿಕೊಂಡಿರುವ ವ್ಯಕ್ತಿಯೊಬ್ಬರು ETBFSI ಗೆ ತಿಳಿಸಿದ್ದಾರೆ.
ಭಾರತದ ಏಕೀಕೃತ ಪಾವತಿ ಇಂಟರ್ಫೇಸ್ (UPI) ಮತ್ತು ಸಿಂಗಾಪುರದಲ್ಲಿ ಸಮಾನವಾದ ನೆಟ್‌ವರ್ಕ್‌ನ ಏಕೀಕರಣವು PayNow ಎಂದು ಕರೆಯಲ್ಪಡುತ್ತದೆ. ಅದು ರವಾನೆ ವೆಚ್ಚವನ್ನು 10 % ರಷ್ಟು ಕಡಿಮೆ ಮಾಡುತ್ತದೆ ಎಂದು ಸಿಂಗಾಪುರದ ಮಾನಿಟರಿ ಅಥಾರಿಟಿ (MAS) ಸೋಮವಾರ ಹೇಳಿದೆ.
ನಿಧಿ ವರ್ಗಾವಣೆಯನ್ನು ಸುಲಭಗೊಳಿಸಲು ಎರಡೂ ದೇಶಗಳನ್ನು ಡಿಜಿಟಲ್ ಮೂಲಕ ಸಂಪರ್ಕಿಸುವ ಈ ಯೋಜನೆಗಳನ್ನು ಸೆಪ್ಟೆಂಬರ್ 2021 ರಲ್ಲಿ RBI ಮತ್ತು MAS ಘೋಷಿಸಿದ್ದವು. ಭಾರತವು ಯುಪಿಐ ಪಾವತಿ ವ್ಯವಸ್ಥೆ ಎಂಬ ನೈಜ-ಸಮಯದ ಪಾವತಿ ವ್ಯವಸ್ಥೆಯನ್ನು ಹೊಂದಿದ್ದರೆ, ಸಿಂಗಾಪುರವು ಅಂತಹುದೇ MAS ವ್ಯವಸ್ಥೆಯನ್ನು ಹೊಂದಿದೆ.
ವರದಿಗಳ ಪ್ರಕಾರ, ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಮತ್ತು ಸಿಂಗಾಪುರದ ಹಣಕಾಸು ಪ್ರಾಧಿಕಾರದ ವ್ಯವಸ್ಥಾಪಕ ನಿರ್ದೇಶಕ ರವಿ ಮೆನನ್ ಅವರು ಈ ಸೇವೆಗೆ ಚಾಲನೆ ನೀಡಲಿದ್ದಾರೆ.
Also Read:
UPI Payments: ಯುಪಿಐ ಅಳವಡಿಕೆಗೆ 13 ರಾಷ್ಟ್ರಗಳ ಒಲವು; ಅಶ್ವಿನಿ ವೈಷ್ಣವ್
ಇದು ಸಿಂಗಾಪುರದಲ್ಲಿರುವ ಭಾರತೀಯ ವಲಸಿಗರಿಗೆ, ವಿಶೇಷವಾಗಿ ವಲಸೆ ಕಾರ್ಮಿಕರು ಮತ್ತು ವಿದ್ಯಾರ್ಥಿಗಳಿಗೆ ಸಿಂಗಾಪುರದಿಂದ ಭಾರತಕ್ಕೆ ತ್ವರಿತ ಮತ್ತು ಕಡಿಮೆ ವೆಚ್ಚದ ಹಣವನ್ನು ವರ್ಗಾವಣೆ ಮಾಡುವ ಮೂಲಕ ಮತ್ತು ಅದೇ ರೀತಿ ಪ್ರತಿಯಾಗಿ ಭಾರತದಿಂದ ಸಿಂಗಾಪುರಕ್ಕೆ ರವಾನೆ ಮಾಡಲು ಸಹಾಯ ಮಾಡುತ್ತದೆ ಎಂದು ಭಾರತದ ಪ್ರಧಾನ ಮಂತ್ರಿ ಕಚೇರಿ ಪ್ರಕಟಣೆಯಲ್ಲಿ ತಿಳಿಸಿದೆ.
RBI ತನ್ನ MPC ಸಭೆಯಲ್ಲಿ G-20 ದೇಶಗಳ ಎಲ್ಲಾ ಒಳಬರುವ ಪ್ರಯಾಣಿಕರು ಮತ್ತು NRI ಗಳು ತಮ್ಮ ಮರ್ಚೆಂಟ್ ಪಾವತಿಗಳಿಗೆ (P2M) ಅವರು ದೇಶದಲ್ಲಿದ್ದಾಗ ಆಯ್ದ ವಿಮಾನ ನಿಲ್ದಾಣಗಳಲ್ಲಿ UPI ಸೇವೆ ಬಳಸಲು ಅನುಮತಿ ನೀಡಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ
