ಜಿಯೋಭಾರತ್ ಸರಣಿಯ ಎರಡು ಫೋನ್ ಬಿಡುಗಡೆ; ಬೆಲೆ 1,099 ರೂ; ರೀಚಾರ್ಜ್ ಪ್ಲಾನ್ 123 ರೂ ಮಾತ್ರ
Reliance Jio launches Jiobharat v3 and v4 series feature phones: 4ಜಿ ಶಕ್ತವಾಗಿರುವ ಜಿಯೋಭಾರತ್ ವಿ3 ಮತ್ತು ವಿ4 ಫೀಚರ್ ಫೋನ್ಗಳನ್ನು ರಿಲಾಯನ್ಸ್ ಜಿಯೋ ಇಂದು (ಅ. 15) ಅನಾವರಣಗೊಳಿಸಿದೆ. ಸ್ಮಾರ್ಟ್ಫೋನ್ನ ಕೆಲ ಫೀಚರ್ಗಳು ಈ ಜಿಯೋಭಾರತ್ ಫೋನ್ನಲ್ಲಿ ಕಾಣಬಹುದು. ಲೈವ್ ಟಿವಿ, ವಿಡಿಯೋ ಸ್ಟ್ರೀಮಿಂಗ್, ಯುಪಿಐ ಪೇಮೆಂಟ್ ಮೊದಲಾದವನ್ನು ಬಳಸಬಹುದು.
Updated on: Oct 15, 2024 | 5:32 PM
ನವದೆಹಲಿ, ಅಕ್ಟೋಬರ್ 15: ಬಿಎಸ್ಸೆನ್ಎಲ್ನಿಂದ ನಿರ್ದಿಷ್ಟ ಮಟ್ಟದಲ್ಲಿ ಪೈಪೋಟಿ ಎದುರಿಸುತ್ತಿರುವ ರಿಲಾಯನ್ಸ್ ಜಿಯೋ ಎರಡು ಹೊಸ ಫೀಚರ್ ಫೋನ್ಗಳನ್ನು ಬಿಡುಗಡೆ ಮಾಡಿದೆ. ಇಂಡಿಯನ್ ಮೊಬೈಲ್ ಕಾಂಗ್ರೆಸ್ 2024 ಸಮಾವೇಶದಲ್ಲಿ ಜಿಯೋ ಸಂಸ್ಥೆ ಜಿಯೋಭಾರತ್ ಸರಣಿಯ ವಿ3 ಮತ್ತು ವಿ4 ಫೋನ್ಗಳನ್ನು ಅನಾವರಣಗೊಳಿಸಿದೆ. 4ಜಿ ಟೆಕ್ನಾಲಜಿ ಸಕ್ರಿಯವಾಗಿರುವ ಈ ಫೋನ್ನ ಬೆಲೆ ಕೇವಲ 1,099 ರೂ ಇದೆ. ಇದರ ಮಾಸಿಕ ರೀಚಾರ್ಜ್ ದರ ಕೇವಲ 123 ರೂ ಇದೆ. ಕಳೆದ ವರ್ಷ ಜಿಯೋಭಾರತ್ ವಿ2 ಫೋನ್ ಅನ್ನು ಬಿಡುಗಡೆ ಮಾಡಲಾಗಿತ್ತು. ಅದಕ್ಕೆ ಉತ್ತಮ ಸ್ಪಂದನೆ ಸಿಕ್ಕಿದ್ದರಿಂದ ಈಗ ಇನ್ನೆರಡು ಹೊಸ ಫೋನ್ಗಳನ್ನು ಜಿಯೋ ಹೊರತಂದಿದೆ.
ವಿ3 ಮತ್ತು ವಿ4 ಜಿಯೋಭಾರತ್ ಫೀಚರ್ ಫೋನ್ಗಳಾದರೂ ಸ್ಮಾರ್ಟ್ಫೋನ್ನ ಕೆಲ ಪ್ರಮುಖ ಫೀಚರ್ಗಳು ಇವುಗಳಲ್ಲಿವೆ. ಯುಪಿಐ ಪಾವತಿ ಮಾಡಬಹುದು. ಲೈವ್ ಟಿವಿ ನೋಡಬಹುದು. ಜಿಯೋ ಟಿವಿ, ಜಿಯೋಪೇ, ಜಿಯೋ ಸಿನಿಮಾ ಇತ್ಯಾದಿ ಆ್ಯಪ್ಗಳ ಮೂಲಕ ವಿಡಿಯೋ ಸ್ಟ್ರೀಮಿಂಗ್ ಪಡೆಯಬಹುದು.
ಇದನ್ನೂ ಓದಿ: ಕಸ ಗುಡಿಸುವ ಕಾಯಕ; ಸಾಯುವಾಗ ಹೊಂದಿದ್ದ ಆಸ್ತಿ 60 ಕೋಟಿ ರೂ; ಮಾದರಿಯಾಗುವ ರೊನಾಲ್ಡ್ ರೀಡ್ ಕಥೆ
ಜಿಯೋ ಭಾರತ್ ವಿ3 ಮತ್ತು ವಿ4 ಫೋನ್ಗಳ ವಿನ್ಯಾಸ ಆಕರ್ಷಕವಾಗಿರುವಂತೆ ರೂಪಿಸಲಾಗಿದೆ. ಈ ಎರಡೂ ಫೋನ್ಗಳ ಬ್ಯಾಟರಿ 1,000 ಎಂಎಎಚ್ನಷ್ಟಿದೆ. ಮೆಮೋರಿ ಸ್ಟೋರೇಜ್ 128 ಜಿಬಿಯವರೆಗೂ ವಿಸ್ತರಿಸಬಹುದು. ಕನ್ನಡವೂ ಸೇರಿದಂತೆ 23 ಭಾರತೀಯ ಭಾಷೆಗಳಲ್ಲಿ ಯೂಸರ್ ಇಂಟರ್ಫೇಸ್ ಅನ್ನು ಸಿದ್ಧಪಡಿಸಲಾಗಿದೆ.
ಮಾಸಿಕ ರೀಚಾರ್ಜ್ ಕೇವಲ 123 ರೂ
ಜಿಯೋಭಾರತ್ ವಿ3 ಮತ್ತು ವಿ4 ಫೋನ್ಗಳು 4ಜಿ ಶಕ್ತವಿವೆ. ಬೆಲೆ 1,099 ರೂ ನಿಗದಿಯಾಗಿದೆ. ವಿಶೇಷವೆಂದರೆ ಮಾಸಿಕ ರೀಚಾರ್ಜ್ ಪ್ಲಾನ್ ಕೇವಲ 123 ರೂ ಇದೆ. ಈ ಪ್ಲಾನ್ಗೆ ಅನ್ಲಿಮಿಟೆಡ್ ಕರೆ, ಮತ್ತು 14ಜಿಬಿ ಡಾಟಾ ಕೂಡ ಸಿಗುತ್ತದೆ. ಬೇರೆ ಟೆಲಿಕಾಂ ಕಂಪನಿಗಳ ರೀಚಾರ್ಜ್ ಪ್ಲಾನ್ಗಿಂತ ಜಿಯೋದ ಈ 123 ರೂ ಪ್ಲಾನ್ ಹೆಚ್ಚು ಅಗ್ಗವಾಗಿದೆ.
ಇದನ್ನೂ ಓದಿ: ಸಾಮಾನ್ಯ ಬಳಕೆಯ 11 ಔಷಧಗಳ ಗರಿಷ್ಠ ಬೆಲೆ ಹೆಚ್ಚಿಸಿದ ಸರ್ಕಾರ; ಯಾವುವು ಈ ಔಷಧಗಳು?
ಜಿಯೋಭಾರತ್ ವಿ3 ಮತ್ತು ವಿ4 ಫೋನ್ಗಳು ಜಿಯೋಮಾರ್ಟ್ ಮತ್ತು ಅಮೇಜಾನ್ನಲ್ಲಿ ಲಭ್ಯ ಇವೆ. ಹಾಗೆಯೇ, ಮೊಬೈಲ್ ಶಾಪ್ಗಳಲ್ಲೂ ಅದನ್ನು ಖರೀದಿಸಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
