SBI Customer Alert: ಎಸ್ಬಿಐ ಗ್ರಾಹಕರೇ ಗಮನಿಸಿ, ಈ ಬ್ಯಾಂಕಿಂಗ್ ಸೇವೆಗಳು ಇಷ್ಟು ಸಮಯ ವ್ಯತ್ಯಯ ಆಗಲಿದೆ
ನಿರ್ವಹಣೆ ಕಾರ್ಯ ಇರುವುದರಿಂದ ಜುಲೈ 16ನೇ ತಾರೀಕಿನ 22.45ರಿಂದ (ರಾತ್ರಿ 10.45) ಜುಲೈ 17ನೇ ತಾರೀಕಿನ ಮಧ್ಯರಾತ್ರಿ 1.15ರ ತನಕ, 150 ನಿಮಿಷಗಳ ಕಾಲ ಗ್ರಾಹಕರಿಗೆ ಬ್ಯಾಂಕಿಂಗ್ ಸೇವೆಗಳು ಸಿಗುವುದಿಲ್ಲ ಎಂದು ಎಸ್ಬಿಐ ಟ್ವೀಟ್ ಮಾಡಿದೆ.
Updated on: Jul 16, 2021 | 11:04 AM
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ (State Bank Of India) ಗ್ರಾಹಕರಿಗೆ ಬ್ಯಾಂಕಿಂಗ್ ಸೇವೆಯಲ್ಲಿ ಇಂದು (ಜುಲೈ 16, 2021) ವ್ಯತ್ಯಯ ಆಗಲಿದೆ ಎಂದು ಟ್ವೀಟ್ ಮಾಡಲಾಗಿದೆ. ನಿರ್ವಹಣೆ ಕಾರ್ಯ ಇರುವುದರಿಂದ ತಾತ್ಕಾಲಿಕವಾಗಿ ಸೇವೆ ಲಭ್ಯ ಇರುವುದಿಲ್ಲ. ಜುಲೈ 16ನೇ ತಾರೀಕಿನ 22.45ರಿಂದ (ರಾತ್ರಿ 10.45) ಜುಲೈ 17ನೇ ತಾರೀಕಿನ ಮಧ್ಯರಾತ್ರಿ 1.15ರ ತನಕ, 150 ನಿಮಿಷಗಳ ಕಾಲ ಗ್ರಾಹಕರಿಗೆ ಸೇವೆಗಳು ಸಿಗುವುದಿಲ್ಲ ಎಂದು ಬ್ಯಾಂಕ್ ತಿಳಿಸಿದೆ. ಈ ಸಮಯದಲ್ಲಿ ಆಯ್ದ ಸೇವೆಗಳು ಗ್ರಾಹಕರಿಗೆ ದೊರೆಯುವುದಿಲ್ಲ. ಅದರಲ್ಲಿ ಇಂಟರ್ನೆಟ್ ಬ್ಯಾಂಕಿಂಗ್, YONO, YONO Lite ಮತ್ತು ಯುಪಿಐ ವಹಿವಾಟುಗಳ ಸೇವೆಗಳು ಒಳಗೊಂಡಿರುತ್ತವೆ. ಎಸ್ಬಿಐನ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ನಲ್ಲಿ ನೀಡಿರುವ ಮಾಹಿತಿ ಹೀಗಿದೆ: ನಾವು ಉತ್ತಮ ಬ್ಯಾಂಕಿಂಗ್ ಸೇವೆ ಒದಗಿಸುವುದಕ್ಕೆ ಶ್ರಮಿಸುತ್ತಿರುವುದರಿಂದ ನಮ್ಮ ಗೌರವಾನ್ವಿತ ಗ್ರಾಹಕರು ಸಹಕರಿಸಬೇಕು ಎಂದು ಮನವಿ ಮಾಡಿಕೊಳ್ಳುತ್ತೇವೆ ಎಂದಿದೆ.
ಮೇಲ್ಕಂಡ ಒಕ್ಕಣೆಯ ಜತೆಗೆ, “ನಾವು 16.07.2021ರ 22:45ಗಂಟೆ ಮತ್ತು 17.07.2021ರ 01:15 ಗಂಟೆಯ ನಡುವೆ (150 ನಿಮಿಷ) ನಿರ್ವಹಣಾ ಚಟುವಟಿಕೆಗಳನ್ನು ಕೈಗೊಳ್ಳಲಿದ್ದೇವೆ. ಈ ಅವಧಿಯಲ್ಲಿ ಇಂಟರ್ನೆಟ್ ಬ್ಯಾಂಕಿಂಗ್/ಯೋನೊ/ಯೋನೊ ಲೈಟ್/ಯುಪಿಐ ಸೇವೆಗಳು ಲಭ್ಯವಿರುವುದಿಲ್ಲ. ಇದರಿಂದ ಉಂಟಾಗಬಹುದಾದ ಅನನುಕೂಲಕ್ಕೆ ವಿಷಾದಿಸುತ್ತೇವೆ ಮತ್ತು ನಮ್ಮೊಂದಿಗೆ ಸಹಕರಿಸಬೇಕು ಎಂದು ವಿನಂತಿಸುತ್ತೇವೆ,” ಎನ್ನಲಾಗಿದೆ. ಬ್ಯಾಂಕ್ಗಳು ನಿಯಮಿತವಾಗಿ ನಿರ್ವಹಣೆ ಚಟುವಟಿಕೆಗಳನ್ನು ಕೈಗೊಂಡು, ಗ್ರಾಹಕರಿಗೆ ಉತ್ತಮ ಬ್ಯಾಂಕಿಂಗ್ ಸೇವೆ ಒದಗಿಸುವುದಕ್ಕೆ ಪ್ರಯತ್ನಿಸುತ್ತಲೇ ಇರುತ್ತವೆ. ಈ ಹಿಂದೆ ಕೂಡ ಇದೇ ಕಾರಣ ನೀಡಿ, ಸೇವೆ ವ್ಯತ್ಯಯ ಆದ ಉದಾಹರಣೆಗಳು ಸಿಗುತ್ತವೆ.
ಇನ್ನು ಈ ನಿರ್ವಹಣಾ ಚಟುವಟಿಕೆಗಳನ್ನು ಸಹ ಬ್ಯಾಂಕಿಂಗ್ ವ್ಯವಹಾರಗಳು ಹೆಚ್ಚಾಗಿರುವ ಸಮಯದಲ್ಲಿ ಮಾಡದೆ, ಸಾಮಾನ್ಯವಾಗಿ ಗ್ರಾಹಕರ ದಟ್ಟಣೆ ಕಡಿಮೆ ಇರುವ ಅವಧಿಯನ್ನೇ ಆರಿಸಿಕೊಳ್ಳಲಾಗುತ್ತದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಿಂದಲೇ ಈ ಹಿಂದೆ ಜುಲೈ 10ನೇ ತಾರೀಕು, ಮೇ ತಿಂಗಳ 22- 23ರಂದು ನಿರ್ವಹಣೆ ಚಟುವಟಿಕೆಗಳನ್ನು ಕೈಗೊಳ್ಳುವುದಾಗಿ, ಆ ಸಮಯದಲ್ಲಿ ಸೇವೆಗಳು ಲಭ್ಯ ಇರುವುದಿಲ್ಲವಾದ್ದರಿಂದ ಸಹಕರಿಸಬೇಕು ಎಂದು ಮನವಿ ಮಾಡಲಾಗಿತ್ತು. ಮೇ 22ನೇ ತಾರೀಕಿನಂದು NEFT, RTGS, YONO ಹಾಗೂ YONO Lite ಸೇವೆಗಳು ಲಭ್ಯ ಇರಲಿಲ್ಲ. ಮೊದಲೇ ಹೇಳಿದಂತೆ ಇದು ಆಗಾಗ ನಡೆಯುವ ನಿರ್ವಹಣೆ ಚಟುವಟಿಕೆ ಆಗಿದೆ.
ಇದನ್ನೂ ಓದಿ: SBI Customers Alert: ಕೆವೈಸಿ ನೆಪ ಹೇಳಿಕೊಂಡು ವಂಚಿಸುವ ವಂಚಕರ ಬಗ್ಗೆ ಎಚ್ಚರಿಕೆ ಎಂದ ಎಸ್ಬಿಐ
ಇದನ್ನೂ ಓದಿ: SBI minimum balance: ಬ್ಯಾಂಕ್ ಖಾತೆಯಲ್ಲಿ ಮಿನಿಮಮ್ ಬ್ಯಾಲೆನ್ಸ್ ಬಗ್ಗೆ ಎಸ್ಬಿಐ ಹೊಸ ನಿಯಮ
(SBI alert it’s customers about banking service down on July 16th and 17th. Here is the details)
