Bloodbath in stock market: 1546 ಪಾಯಿಂಟ್ಸ್​ ನೆಲ ಕಚ್ಚಿದ ಸೆನ್ಸೆಕ್ಸ್; ಹೂಡಿಕೆದಾರರ 9.15 ಲಕ್ಷ ಕೋಟಿ ರೂಪಾಯಿ ಉಡೀಸ್

ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕಗಳು ಕೇಂದ್ರ ಬಜೆಟ್ -2022ರ ಮಂಡನೆಯ ಹಿಂದಿನ ವಾರದ ಮೊದಲನೇ ದಿನವಾದ ಸೋಮವಾರ (ಜನವರಿ 24, 2021) ಭಾರೀ ಕುಸಿತ ಕಂಡಿದ್ದು, ಅಕ್ಷರಶಃ ಷೇರುಪೇಟೆಯಲ್ಲಿ ರಕ್ತದೋಕುಳಿ ಆಗಿದೆ. ಬಿಎಸ್​ಇ ಸೆನ್ಸೆಕ್ಸ್ 1546 ಪಾಯಿಂಟ್ಸ್ ಅಥವಾ ಶೇ 2.62ರಷ್ಟು ನೆಲ ಕಚ್ಚಿ, 57,491.51 ಪಾಯಿಂಟ್ಸ್ ತಲುಪಿದೆ. ನಿಫ್ಟಿ 468 ಪಾಯಿಂಟ್ಸ್ ಅಥವಾ ಶೇ 2.66ರಷ್ಟು ಇಳಿಕೆ ಕಂಡು, 17,419.10 ಪಾಯಿಂಟ್ಸ್​ ಮುಟ್ಟಿದೆ. ಎರಡೂ ಸೂಚ್ಯಂಕಗಳು ಸತತ ಐದು ಸೆಷನ್​ಗಳು ಕುಸಿದಿದ್ದು, ಹೂಡಿಕೆದಾರರು 19.33 ಲಕ್ಷ ಕೋಟಿ ರೂಪಾಯಿ ಸಂಪತ್ತು ಕರಗಿಹೋಗಿದೆ. ಹೂಡಿಕೆದಾರರು ಬಿಎಸ್​ಇ- ಲಿಸ್ಟೆಡ್​ ಸಂಸ್ಥೆಗಳಲ್ಲಿ 9.15 ಲಕ್ಷ ಕೋಟಿ ರೂಪಾಯಿಗಳಷ್ಟು ಕಳೆದುಕೊಂಡಿದ್ದಾರೆ. ಹೂಡಿಕೆದಾರರ ಸಂಪತ್ತು 260.49 ಲಕ್ಷ ಕೋಟಿ ರೂಪಾಯಿಗೆ ಮುಟ್ಟಿದೆ. ಕಳೆದ ವಾರ ಮಂಗಳವಾರದ ಈಚೆಗೆ ಈ ಬೆಳವಣಿಗೆ ಆಗಿದೆ.

– ಹೊಸ ತಲೆಮಾರಿನ ಷೇರುಗಳು ಭಾರೀ ಪ್ರಮಾಣದಲ್ಲಿ ಕುಸಿತವಾಗಿವೆ; ಝೊಮ್ಯಾಟೋ, ನೈಕಾ ಶೇಕಡಾ 20ರಷ್ಟು ಇಳಿಕೆ ಕಂಡಿವೆ

– ಭಾರತ VIX, ಏರಿಳಿತದ ಮಾಪಕ, ಶೇ 21ರಿಂದ ಶೇ 23ಕ್ಕೆ ಏರುತ್ತದೆ

– ಜನವರಿ 25ರಂದು ನಿಗದಿಯಾಗಿರುವ ಮೂರನೇ ತ್ರೈಮಾಸಿಕದ ಫಲಿತಾಂಶದ ಘೋಷಣೆಗೂ ಮುನ್ನ ಸಿಪ್ಲಾ ಶೇಕಡಾ 3ರಷ್ಟು ಲಾಭ ಗಳಿಸಿದೆ

– ವಿಶ್ಲೇಷಕರು ಕಳವಳ ವ್ಯಕ್ತಪಡಿಸಿದ ನಂತರ ವೊಡಾಫೋನ್ ಐಡಿಯಾ (Voda Idea) ಶೇಕಡಾ 8 ರಷ್ಟು ಕುಸಿದಿದೆ

– ಶಾರದಾ ಕ್ರಾಪ್​ಕೆಮ್ ಡಿವಿಡೆಂಡ್ ದಾಖಲೆಯ ದಿನಾಂಕವನ್ನು ಬದಲಾಯಿಸಿದ್ದರಿಂದ ಶೇ 15ರಷ್ಟು ಏರಿಕೆಯಲ್ಲಿ ಕೊನೆಗೊಂಡಿತು.

ನಿಫ್ಟಿಯಲ್ಲಿ ಏರಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಸಿಪ್ಲಾ ಶೇ 2.84 ಒಎನ್​ಜಿಸಿ ಶೇ 1.25

ನಿಫ್ಟಿಯಲ್ಲಿ ಇಳಿಕೆ ಕಂಡ ಪ್ರಮುಖ ಷೇರುಗಳು ಹಾಗೂ ಶೇಕಡಾವಾರು ಪ್ರಮಾಣ ಜೆಎಸ್​ಡಬ್ಲ್ಯು ಸ್ಟೀಲ್ ಶೇ -6.67 ಟಾಟಾ ಸ್ಟೀಲ್ ಶೇ -6.03 ಬಜಾಜ್ ಫೈನಾನ್ಸ್ ಶೇ -5.99 ಗ್ರಾಸಿಮ್ ಶೇ -5.66 ಹಿಂಡಾಲ್ಕೋ ಶೇ -5.59

ಇದನ್ನೂ ಓದಿ: Zomato Shares: ಲಿಸ್ಟಿಂಗ್​ಗಿಂತ ಕೆಳಗೆ ಇಳಿದ ಝೊಮ್ಯಾಟೋ ಷೇರು ಬೆಲೆ; ಮಾರುಕಟ್ಟೆ ಬಂಡವಾಳ ಮೌಲ್ಯ 1 ಲಕ್ಷ ಕೋಟಿಗೂ ಕಡಿಮೆ