World Bank: ಕೊರೊನಾ ಸಂಕಷ್ಟದಲ್ಲಿರುವ ಭಾರತದ ಎಂಎಸ್​ಎಂಇಗಳಿಗೆ ವಿಶ್ವಬ್ಯಾಂಕ್​ನಿಂದ 50 ಕೋಟಿ ಅಮೆರಿಕನ್ ಡಾಲರ್

ಭಾರತದಾದ್ಯಂತ ಎಂಎಸ್​ಎಂಇ ವಲಯಕ್ಕೆ ಮತ್ತೆ ಉತ್ತೇಜನ ನೀಡುವ ಸಲುವಾಗಿ ವಿಶ್ವ ಬ್ಯಾಂಕ್​ನ ಕಾರ್ಯನಿರ್ವಾಹಕ ನಿರ್ದೇಶಕರ ಮಂಡಳಿಯು 50 ಕೋಟಿ ಅಮೆರಿಕನ್ ಡಾಲರ್ ಅನ್ನು ಮಂಜೂರು ಮಾಡಿದೆ. ಅಂದ ಹಾಗೆ ಕೋವಿಡ್- 19 ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಎಂಎಸ್​ಎಂಇ ವಲಯಕ್ಕೆ ಭಾರತಲ್ಲಿ ಭರ್ತಿ ಪೆಟ್ಟು ಬಿದ್ದಿದೆ. ಕಳೆದ ಶುಕ್ರವಾರದಂದು ವಿಶ್ವಬ್ಯಾಂಕ್​ನಿಂದ ಈ ಬಗ್ಗೆ ಹೇಳಿಕೆ ನೀಡಿದ್ದು, 5,55,000 ಎಂಎಸ್​ಎಂಇಗಳ ಪರ್ಫಾರ್ಮೆನ್ಸ್ ಉತ್ತಮಗೊಳಿಸುವ ಗುರಿಯೊಂದಿಗೆ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಹಾಗೂ ಆ ನಿಟ್ಟಿನಲ್ಲಿ 1,550 ಕೋಟಿ ಅಮೆರಿಕನ್ ಡಾಲರ್ ಮೊತ್ತವನ್ನು ಸಂಗ್ರಹಿಸುವ ನಿರೀಕ್ಷೆ ಇದೆ. ಸರ್ಕಾರದ ಪಾಲಾಗಿ 340 ಕೋಟಿ ಅಮೆರಿಕನ್ ಡಾಲರ್​ ಅನ್ನು ಎಂಸಿಆರ್​ಆರ್​ಪಿ ಅಡಿ ಮೀಸಲಿರಿಸಲಿದೆ. 50 ಕೋಟಿ ಅಮೆರಿಕನ್ ಡಾಲರ್ ಅನ್ನು ಎಂಎಸ್​ಎಂಇಗಳ MSME ಎಮರ್ಜೆನ್ಸಿ ಪರ್ಫಾರ್ಮೆನ್ಸ್​ಗಳಿಗೆ ಚಾಲನೆ ನೀಡಲು ಮತ್ತು ಉತ್ತೇಜಿಸಲು ಬಳಸಲಾಗುತ್ತದೆ. ಇದು ಎರಡನೇ ಬಾರಿಗೆ ವಿಶ್ವ ಬ್ಯಾಂಕ್​ನಿಂದ ಎಂಎಸ್​ಎಂಇ ವಲಯಗಳ ಉತ್ತೇಜನಕ್ಕೆ ಹಣ ಸಹಾಯ ಮಾಡಲಾಗುತ್ತಿದೆ. ಮೊದಲ ಬಾರಿಗೆ 2020ರ ಜುಲೈ ತಿಂಗಳಲ್ಲಿ 75 ಕೋಟಿ ಅಮೆರಿಕನ್ ಡಾಲರ್ ಅನ್ನು ಎಮರ್ಜೆನ್ಸಿ ರೆಸ್ಪಾನ್ಸ್ ಪ್ರೋಗ್ರಾಂ ಅಡಿಯಲ್ಲಿ ನೀಡಲಾಗಿತ್ತು. ತಕ್ಷಣದ ನಗದು ಅಗತ್ಯ ಮತ್ತು ಸಾಲದ ಅವಶ್ಯಕತೆಯನ್ನು ಗಮನದಲ್ಲಿ ಇರಿಸಿಕೊಂಡು ಈ ನೆರವು ನೀಡಲಾಗಿತ್ತು.

ಈ ತನಕ 50 ಲಕ್ಷ ಸಂಸ್ಥೆಗಳು ಸರ್ಕಾರದ ಕಾರ್ಯಕ್ರಮದ ಅನುಕೂಲ ಪಡೆದಿವೆ. ಈಗ ಮಂಜೂರಾಗಿರುವ ಕಾರ್ಯಕ್ರಮವು ವಿಶ್ವ ಬ್ಯಾಂಕ್​ನ ಹಣಕಾಸು ನೆರವಿನ ಮೂಲಕ ನೀಡಲಾಗಿದೆ. ಎಂಎಸ್​ಎಂಇಗಳ ಉತ್ಪಾದಕತೆ ಹಾಗೂ ಹಣಕಾಸು ಲಭ್ಯತೆಯನ್ನು ಕಳೆದ ವರ್ಷದಿಂದ 125 ಕೋಟಿ ಅಮೆರಿಕನ್ ಡಾಲರ್​ಗೆ ಚೇತರಿಸಿಕೊಳ್ಳುವಂತೆ ಮಾಡಿದೆ ಎಂದು ಹೇಳಿಕೆಯಲ್ಲಿ ತಿಳಿಸಿದೆ. ಮೊದಲ ಹಂತವಾಗಿ, ಎಂಎಸ್​ಎಂಇಗಳ ಸಾಲದ ಅಗತ್ಯ ಮತ್ತು ನಗದು ಪೂರೈಕೆಯನ್ನು ಬೆಂಬಲಿಸುವ ಉದ್ದೇಶ ಇದೆ ಎನ್ನಲಾಗಿದೆ. ಭಾರತ ಸರ್ಕಾರದ ಎಂಎಸ್​ಎಂಇಗಳ ಉತ್ಪಾದಕತೆ ಮತ್ತು ಹಣಕಾಸು ನೆರವು ನೀಡಬೇಕು ಮತ್ತು ಆರ್ಥಿಕ ಚೇತರಿಕೆಗೆ ವೇಗ ನೀಡಬೇಕು ಎಂಬ ಪ್ರಯತ್ನಗಳನ್ನು RAMP ಕಾರ್ಯಕ್ರಮವು ಬೆಂಬಲಿಸುತ್ತದೆ ಎನ್ನಲಾಗಿದೆ.

ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿರುವಂತೆ, ದೇಶದ ಆರ್ಥಿಕತೆಯ ಬೆನ್ನೆಲುಬಾದ ಎಂಎಸ್​ಎಂಇ ವಲಯವು ಭಾರತದ ಜಿಡಿಪಿಗೆ ಶೇ 30ರಷ್ಟು ಹಾಗೂ ರಫ್ತಿಗೆ ಶೇ 40ರಷ್ಟು ಕೊಡುಗೆ ನೀಡುತ್ತದೆ. ಒಟ್ಟು 5.8 ಕೋಟಿ ಎಂಎಸ್​ಎಂಗಳು ಭಾರತದಲ್ಲಿ ಇದ್ದು, ಆ ಪೈಕಿ ಶೇ 40ಕ್ಕೂ ಹೆಚ್ಚು ಸಂಸ್ಥೆಗಳಿಗೆ ಸಂಘಟಿತ ಹಣಕಾಸು ಮೂಲಕ್ಕೆ ಸಂಪರ್ಕವೇ ಇಲ್ಲ ಎಂದು ತಿಳಿಸಲಾಗಿದೆ. RAMP ಕಾರ್ಯಕ್ರಮವು ಎಂಎಸ್​ಎಂಇಗಳಿಗೆ ಹಣಕಾಸು ಸಾಲ ಹಾಗೂ ವರ್ಕಿಂಗ್ ಕ್ಯಾಪಿಟಲ್ ಒದಗಿಸುತ್ತದೆ. ಆನ್​ಲೈನ್ ವ್ಯಾಜ್ಯ ವಿಲೇವಾರಿಯನ್ನು ಹೆಚ್ಚಿಸುತ್ತದೆ; ಆ ಮೂಲಕ ಪಾವತಿ ವಿಳಂಬ ಆಗುತ್ತಿರುವ ಸಮಸ್ಯೆ ನಿವಾರಿಸುವುದಕ್ಕೆ ಯತ್ನಿಸುತ್ತದೆ. ಇದರಿಂದ ವೆಚ್ಚವನ್ನು ಇನ್ನಷ್ಟು ಕಡಿಮೆ ಮಾಡಿ, ಗುಣಮಟ್ಟ ಚೆನ್ನಾಗಿ ಆಗಲು ಸಹಾಯ ಆಗುತ್ತದೆ. ಜತೆಗೆ ಪರಿಣಾಮ, ಯೋಜನೆ ತಲುಪುವುದು ಕೂಡ ಸುಧಾರಣೆ ಕಾಣುತ್ತದೆ.

50 ಕೋಟಿ ಅಮೆರಿಕನ್ ಡಾಲರ್ ಸಾಲವನ್ನು ಇಂಟರ್​ನ್ಯಾಷನಲ್ ಬ್ಯಾಂಕ್ ಫಾರ್ ರೀಕನ್​ಸ್ಟ್ರಕ್ಷನ್ ಅಂಡ್ ಡೆವಲಪ್​ಮೆಂಟ್ (ಐಬಿಆರ್​ಡಿ) ನೀಡುತ್ತಿದ್ದು, ಮೆಚ್ಯೂರಿಟಿ (ಪಕ್ವತೆ) ಅವಧಿ 18.5 ವರ್ಷವಾಗಿದ್ದು, ಅದರಲ್ಲಿ 5.5 ವರ್ಷ ವಿನಾಯಿತಿ ಅವಧಿ ಸಹ ಸೇರಿದೆ.

ಇದನ್ನೂ ಓದಿ: ಕೇಂದ್ರದಿಂದ ಆರ್ಥಿಕ ಪ್ಯಾಕೇಜ್ ಘೋಷಣೆಗೆ ಸಿದ್ಧತೆ: ಪ್ರವಾಸೋದ್ಯಮ, ವಿಮಾನಯಾನ, ಎಂಎಸ್‌ಎಂಇ ಕ್ಷೇತ್ರಕ್ಕೆ ನೆರವು ಸಾಧ್ಯತೆ

(During covid 19 crisis World Bank approves finance program of 500 million USD to India’s MSME sector)

Published On - 7:03 pm, Mon, 7 June 21