ಸಿಆರ್450: ಪ್ರಚಂಡ ವೇಗದ ಚೀನಾ ರೈಲು; 896 ಕಿಮೀ ಟಾಪ್ ಸ್ಪೀಡ್; 450 ಕಿಮೀ ಆಪರೇಟಿಂಗ್ ಸ್ಪೀಡ್

ಬೀಜಿಂಗ್, ಅಕ್ಟೋಬರ್ 27: ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಸಾಕಷ್ಟು ಮುಂದುವರಿಯುತ್ತಿರುವ ಚೀನಾ (China) ದೇಶ ಇದೀಗ ವಿಶ್ವದ ಅತೀ ವೇಗದ ಟ್ರೈನ್ ಅನ್ನು ನಿರ್ಮಿಸಿದೆ. ಸಿಆರ್450 ಎಂದು ಕೋಡ್​ನಿಂದ ಕರೆಯಲಾಗಿರುವ ಈ ಟ್ರೈನ್​ನ ಟ್ರಯಲ್ ರನ್ ನಡೆಯುತ್ತಿದೆ. ಈ ಟ್ರಯಲ್​ನಲ್ಲಿ ಅದು ಗಂಟೆಗೆ 896 ಕಿಮೀ ವೇಗ ಮುಟ್ಟಿದೆ. ಆದರೆ, ವಾಸ್ತವಿಕ ರೈಲು ಹಳಿಯಲ್ಲಿ ನಡೆದ ಪ್ರಯೋಗದಲ್ಲಿ ಈ ಟ್ರೈನು ಗಂಟೆಗೆ 450 ಕಿಮೀ ವೇಗದಲ್ಲಿ ಓಡಿದ್ದು ದಾಖಲಾಗಿದೆ. ಇದು ಹೊಸ ವಿಶ್ವದಾಖಲೆಯಾಗಿದೆ.

2024ರ ನವೆಂಬರ್​ನಲ್ಲಿ ಸಿಆರ್450 ಟ್ರೈನ್​ ಪ್ರೋಟೋಟೈಪ್ ನಿರ್ಮಿಸಲಾಗಿದೆ. ಸಾಕಷ್ಟು ಪರೀಕ್ಷೆಗಳನ್ನು ಇದಕ್ಕೆ ಒಡ್ಡಲಾಗಿದೆ. ಇದೀಗ ಅಂತಿಮ ಹಂತದ ಪ್ರಯೋಗಗಳನ್ನು ನಡೆಸಲಾಗುತ್ತಿದೆ. ಶಾಂಘೈ ಚಾಂಗ್​ಕಿಂಗ್ ಚೆಂಗ್ಡು ಹೈಸ್ಪೀಡ್ ರೈಲ್ವೆ ಲೈನ್​ನಲ್ಲಿ ಈ ಪ್ರೋಟೋಟೈಪ್ ಟ್ರೈನ್​ನ ಟ್ರಯಲ್ ರನ್ ನಡೆಸಲಾಯಿತು. ಸಮಾಧಾನಕರ ಫಲಿತಾಂಶ ಸಿಕ್ಕಿದೆ.

ಇದನ್ನೂ ಓದಿ: ಭಾರತದ ದೂರಗಾಮಿ ಯೋಜನೆ; 5ಜಿಗಿಂತ 1,000 ಪಟ್ಟು ಹೆಚ್ಚು ವೇಗದ ಇಂಟರ್ನೆಟ್ ನೀಡುವ 6ಜಿ ಅಭಿವೃದ್ಧಿಗೆ ಹೆಜ್ಜೆ

ಈ ಟ್ರೈನ್​ನ ಆಪರೇಷನಲ್ ಟೆಸ್ಟಿಂಗ್ ಮುಂದುವರಿಯುತ್ತಿರುತ್ತದೆ. 6 ಲಕ್ಷ ಕಿಮೀ ಓಡುವವರೆಗೂ ಇದರ ಕಾರ್ಯಸಾಧನೆ ಮೇಲೆ ನಿಗಾ ಇಡಲಾಗಿರುತ್ತದೆ. 2026ರಲ್ಲಿ ಈ ಟ್ರೈನ್​ನ ಕಮರ್ಷಿಯಲ್ ಸರ್ವಿಸ್ ಆರಂಭವಾಗಬಹುದು.

ಈ ಟ್ರೈನ್​ನ ಕೋಡ್​ನೇಮ್​ನಲ್ಲಿರುವ ಸಿಆರ್ ಎಂದರೆ ಚೈನಾ ರೈಲ್ವೆ. ಇದೇ ಚೈನಾ ರೈಲ್ವೆಯ ಸಿಆರ್400 ಟ್ರೈನು ಈವರೆಗೆ ಅತಿವೇಗದ ಟ್ರೈನ್ ಎನ್ನುವ ದಾಖಲೆ ಹೊಂದಿತ್ತು. ಈಗ ಸಿಆರ್450 ಆ ದಾಖಲೆಯನ್ನು ಮುರಿದಿದೆ. ಜಪಾನ್​ನ ಮ್ಯಾಗ್ಲೆವ್ ಟ್ರೈನ್​ಗಿಂತಲೂ ಸಿಆರ್450 ಹೆಚ್ಚು ವೇಗದಲ್ಲಿ ಓಡಬಲ್ಲುದು.

ಸಿಆರ್400 ಟ್ರೈನ್​ನ ರಚನೆ ಮತ್ತು ಸ್ವರೂಪದಲ್ಲಿ ಒಂದಷ್ಟು ಬದಲಾವಣೆ ತರಲಾಗಿದೆ. ಹೆಚ್ಚು ವೇಗದಲ್ಲಿ ಚಲಿಸಲು ಸಾಧ್ಯವಾಗುವ ರೀತಿಯಲ್ಲಿ ಈ ಬದಲಾವಣೆ ಮಾಡಲಾಗಿದೆ. ತೂಕವನ್ನೂ ಕಡಿಮೆ ಮಾಡಲಾಗಿದೆ.

ಇದನ್ನೂ ಓದಿ: ಕರೆನ್ಸಿ ಇಲ್ಲ, ದೊಡ್ಡ ಸೇನೆ ಇಲ್ಲ, ಕಳ್ಳಕಾಕರಿಲ್ಲ; ರಾತ್ರಿ ಮನೆಗಳಿಗೆ ಬೀಗ ಹಾಕಲ್ಲ; ಜಗತ್ತಿನಲ್ಲಿದೆ ಇಂಥದ್ದೂ ಒಂದು ದೇಶ

ಜಗತ್ತಿನ ಅತಿವೇಗದ ರೈಲುಗಳು

1. ಚೀನಾದ ಸಿಆರ್450: 800 ಕಿಮೀಗೂ ಹೆಚ್ಚು ವೇಗ
2. ಚೀನಾದ ಶಾಂಘೈ ಮ್ಯಾಗ್ಲೆವ್: 501 ಕಿಮೀ ವೇಗ
3. ಚೀನಾದ ಸಿಆರ್380: 486 ಕಿಮೀ ವೇಗ
4. ಚೀನಾದ ಸಿಆರ್ ಫಕ್ಸಿಂಗ್: 420 ಕಿಮೀ ವೇಗ
5. ಜರ್ಮನಿಯ ಡಿಬಿ ಐಸಿಇ: 350 ಕಿಮೀ

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ