Year Ender: 2023ರಲ್ಲಿ ಬೆರಗು ಮೂಡಿಸಿದ ಸ್ಮಾಲ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು; ಮೂರು ಸ್ತರದ ಫಂಡ್ಗಳು ತಂದಿವೆ ಅಚ್ಚರಿಯ ರಿಟರ್ನ್ಸ್
The Year's Top Mutual Funds: 2023ರಲ್ಲಿ ಷೇರುಪೇಟೆ ಬೆಳವಣಿಗೆ ಜೊತೆಗೆ ಮ್ಯುಚುವಲ್ ಫಂಡ್ಗಳು ತಮ್ಮ ಮೇಲಿನ ನಿರೀಕ್ಷೆಗಳನ್ನು ಉಳಿಸಿಕೊಂಡಿವೆ. ಲಾರ್ಜ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು 2023ರಲ್ಲಿ ಸರಾಸರಿಯಾಗಿ ಶೇ. 16.15ರಷ್ಟು ಲಾಭ ತಂದುಕೊಟ್ಟಿವೆ. ಮಿಡ್ ಕ್ಯಾಪ್ ಮತ್ತು ಸ್ಮಾಲ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು ಕ್ರಮವಾಗಿ ಸರಾಸರಿ ಶೇ. 30.77 ಮತ್ತು ಶೇ. 34.29ರಷ್ಟು ರಿಟರ್ನ್ ತಂದುಕೊಟ್ಟಿವೆ.
Updated on: Dec 24, 2023 | 12:18 PM
ಮ್ಯುಚುವಲ್ ಫಂಡ್ಗಳು ದಿನೇ ದಿನೇ ಜನಪ್ರಿಯವೆನಿಸುತ್ತಿರುವ ಹೂಡಿಕೆ ಸಾಧನಗಳಾಗಿವೆ. ಲಕ್ಷಾಂತರ ಜನರು ಇವುಗಳ ಮೇಲೆ ಹೂಡಿಕೆ ಮಾಡಿದ್ದಾರೆ. ಲಕ್ಷಾಂತರ ಕೋಟಿ ರೂ ಹಣ ಹೂಡಿಕೆ ಆಗಿದೆ. ಈ ಮ್ಯುಚುವಲ್ ಫಂಡ್ಗಳು (mutual funds) ಹೂಡಿಕೆದಾರರ ಹಣವನ್ನು ಷೇರು ಮಾರುಕಟ್ಟೆ, ಡೆಟ್ ಮಾರುಕಟ್ಟೆ, ಚಿನ್ನ ಇತ್ಯಾದಿಯಲ್ಲಿ ಇನ್ವೆಸ್ಟ್ ಮಾಡಿ ಅದರಿಂದ ಬಂದ ಲಾಭವನ್ನು ಹಂಚುತ್ತವೆ. ಷೇರುಮಾರುಕಟ್ಟೆ ಅಥವಾ ಈಕ್ವಿಟಿಯಲ್ಲಿ ಹೂಡಿಕೆ ಮಾಡುವ ಮ್ಯುಚುವಲ್ ಫಂಡ್ಗಳು ಹೆಚ್ಚು ರಿಸ್ಕ್ನಿಂದ ಕೂಡಿರುತ್ತವಾದರೂ ಹೆಚ್ಚು ರಿಟರ್ನ್ ತಂದುಕೊಡುವ ಸಾಮರ್ಥ್ಯ ಹೊಂದಿರುತ್ತವೆ.
ಈ ಈಕ್ವಿಟಿ ಮ್ಯುಚುವಲ್ ಫಂಡ್ಗಳಲ್ಲಿ ಮೂರು ವಿಧ ಇರುತ್ತವೆ. ಲಾರ್ಜ್ ಕ್ಯಾಪ್, ಅಂದರೆ ಹೆಚ್ಚಿನ ಷೇರುಮೊತ್ತ ಇರುವ ಕಂಪನಿಗಳ ಮೇಲೆ ಹೂಡಿಕೆ ಮಾಡುವ ಮ್ಯುಚುವಲ್ ಫಂಡ್ಗಳಿರುತ್ತವೆ. ಮಿಡ್ ಕ್ಯಾಪ್, ಅಂದರೆ ಮಧ್ಯಮ ಪ್ರಮಾಣದ ಷೇರುಮೊತ್ತ ಇರುವ ಕಂಪನಿಗಳ ಮೇಲೆ ಹೂಡಿಕೆ ಮಾಡುವ ಫಂಡ್ಗಳಿರುತ್ತವೆ. ಇನ್ನು, ಸ್ಮಾಲ್ ಕ್ಯಾಪ್, ಅಂದರೆ ಹೆಚ್ಚಿನ ಷೇರುಮೊತ್ತ ಇರದ ಕಂಪನಿಗಳಲ್ಲಿ ಹೂಡಿಕೆ ಮಾಡಿರುವಂಥವು.
ಇದನ್ನೂ ಓದಿ: How to: ಮ್ಯುಚುವಲ್ ಫಂಡ್ನಲ್ಲಿ ಹೂಡಿಕೆ ಕ್ರಮಗಳೇನು? ಹೂಡಿಕೆ ಮಾಡುವ ಮುನ್ನ ತಿಳಿದಿರಬೇಕಾದ ವಿಚಾರಗಳಿವು…
ಸಾಮಾನ್ಯವಾಗಿ ಲಾರ್ಜ್ ಕ್ಯಾಪ್ ಫಂಡ್ಗಳಲ್ಲಿನ ಹೂಡಿಕೆ ಕಡಿಮೆ ರಿಸ್ಕಿ ಎನಿಸುತ್ತವೆ. ಸ್ಮಾಲ್ ಕ್ಯಾಪ್ ಹೆಚ್ಚು ರಿಸ್ಕಿ ಇರುತ್ತದೆ. ಆದರೆ, ರಿಟರ್ನ್ ವಿಚಾರದಲ್ಲಿ ಇದು ಉಲ್ಟಾ. 2023ರ ವರ್ಷದಲ್ಲಿ ಈ ಅಂಶ ರುಜುವಾಗಿದೆ. ಸ್ಮಾಲ್ ಕ್ಯಾಪ್ ಮತ್ತು ಮಿಡ್ ಕ್ಯಾಪ್ ಫಂಡ್ಗಳು ಲಾರ್ಜ್ ಕ್ಯಾಪ್ ಫಂಡ್ಗಳಿಗಿಂತ ಹೆಚ್ಚು ರಿಟರ್ನ್ ತಂದುಕೊಟ್ಟಿವೆ. ಲಾರ್ಜ್ ಕ್ಯಾಪ್ ಫಂಡ್ಗಳು ಸರಾಸರಿಯಾಗಿ 2023ರಲ್ಲಿ ಶೇ. 16.15ರಷ್ಟು ಲಾಭ ಮಾಡಿವೆ. ಮಿಡ್ ಕ್ಯಾಪ್ ಫಂಡ್ಗಳು ತಂದಿರುವ ಸರಾಸರಿ ರಿಟರ್ನ್ ಶೇ. 30.77ರಷ್ಟಿದ್ದರೆ, ಸ್ಮಾಲ್ ಕ್ಯಾಪ್ ಭರ್ಜರಿ 34.29ರಷ್ಟು ಲಾಭ ತಂದುಕೊಟ್ಟಿದೆ.
2023ರಲ್ಲಿ ಹೆಚ್ಚು ಲಾಭ ಮಾಡಿದ ಲಾರ್ಜ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು
- ನಿಪ್ಪೋನ್ ಇಂಡಿಯಾ ಲಾರ್ಜ್ ಕ್ಯಾಪ್ ಫಂಡ್: ಶೇ. 28.85 ರಿಟರ್ನ್
- ಬ್ಯಾಂಕ್ ಆಫ್ ಇಂಡಿಯಾ ಬ್ಲ್ಯೂಚಿಪ್ ಫಂಡ್: ಶೇ. 27.05 ರಿಟರ್ನ್
- ಎಚ್ಡಿಎಫ್ಸಿ ಟಾಪ್ 100 ಫಂಡ್: ಶೇ. 26.61 ಲಾಭ
- ಜೆಎಂ ಲಾರ್ಜ್ ಕ್ಯಾಪ್ ಫಂಡ್: ಶೇ. 26.16 ಲಾಭ
- ಇನ್ವೆಸ್ಕೋ ಇಂಡಿಯಾ ಲಾರ್ಜ್ ಕ್ಯಾಪ್ ಫಂಡ್: ಶೇ. 24.45ರಷ್ಟು ಲಾಭ
ಇದನ್ನೂ ಓದಿ: ಎಷ್ಟು ಮ್ಯುಚುವಲ್ ಫಂಡ್ಗಳು ತಂತಮ್ಮ ಬೆಂಚ್ಮಾರ್ಕ್ ಮುಟ್ಟಿವೆ? ಶೇ. 50ರಷ್ಟು ಫಂಡ್ಗಳಿಂದ ನಿರಾಸೆ
2023ರಲ್ಲಿ ಹೆಚ್ಚು ಲಾಭ ಮಾಡಿದ ಮಿಡ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು
- ನಿಪ್ಪೋನ್ ಇಂಡಿಯಾ ಗ್ರೋತ್ ಫಂಡ್: ಶೇ. 42.93ರಷ್ಟು ಲಾಭ
- ಜೆಎಂ ಮಿಡ್ಕ್ಯಾಪ್ ಫಂಡ್: ಶೇ. 42.88ರಷ್ಟು ಲಾಭ
- ಮಹೀಂದ್ರ ಮ್ಯಾನುಲೈಫ್ ಮಿಡ್ ಕ್ಯಾಪ್ ಫಂಡ್: ಶೇ. 41.31ರಷ್ಟು ಲಾಭ
- ಎಚ್ಡಿಎಫ್ಸಿ ಮಿಡ್ ಕ್ಯಾಪ್ ಆಪೋರ್ಚುನಿಟೀಸ್ ಫಂಡ್: ಶೇ. 41.11ರಷ್ಟು ಲಾಭ
- ವೈಟ್ ಓಕ್ ಕ್ಯಾಪಿಟಲ್ ಮಿಡ್ ಕ್ಯಾಪ್ ಫಂಡ್: ಶೇ. 38.53ರಷ್ಟು ಲಾಭ
2023ರಲ್ಲಿ ಹೆಚ್ಚು ಲಾಭ ಮಾಡಿದ ಸ್ಮಾಲ್ ಕ್ಯಾಪ್ ಮ್ಯುಚುವಲ್ ಫಂಡ್ಗಳು
- ಮಹೀಂದ್ರ ಮ್ಯಾನುಲೈಫ್ ಸ್ಮಾಲ್ ಕ್ಯಾಪ್ ಫಂಡ್: ಶೇ. 53.22ರಷ್ಟು ಲಾಭ
- ಬಂಧನ್ ಸ್ಮಾಲ್ ಕ್ಯಾಪ್ ಫಂಡ್: ಶೇ. 49.48ರಷ್ಟು ಲಾಭ
- ಫ್ರಾಂಕ್ಲಿನ್ ಇಂಡಿಯಾ ಸ್ಮಾಲರ್ ಕಂಪನೀಸ್ ಫಂಡ್: ಶೇ. 49.44ರಷ್ಟು ಲಾಭ
- ಐಟಿಐ ಸ್ಮಾಲ್ ಕ್ಯಾಪ್ ಫಂಡ್: ಶೇ. 48.54ರಷ್ಟು ಲಾಭ
- ಕ್ಯಾಂಟ್ ಸ್ಮಾಲ್ ಕ್ಯಾಪ್ ಫಂಡ್: ಶೇ. 44.90ರಷ್ಟು ಲಾಭ
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
