Shocking Video: ಕುಡಿದ ಮತ್ತಿನಲ್ಲಿ ಅಣ್ಣನನ್ನು ಕೊಂದು ಮನೆಯೊಳಗೇ ಹೂತಿಟ್ಟ ತಮ್ಮ; ಶಾಕಿಂಗ್ ವಿಡಿಯೋ ಇಲ್ಲಿದೆ
ಉತ್ತರ ಪ್ರದೇಶದಲ್ಲಿ ಕುಡಿದ ಮತ್ತಿನಲ್ಲಿ ಅಣ್ಣ-ತಮ್ಮನ ನಡುವೆ ವಾಗ್ವಾದ ಉಂಟಾದ ಹಿನ್ನೆಲೆಯಲ್ಲಿ ವ್ಯಕ್ತಿಯೊಬ್ಬ ತನ್ನ ಅಣ್ಣನನ್ನು ಕೊಂದಿದ್ದಾನೆ. ಬಳಿಕ ತನ್ನ ಮನೆಯೊಳಗೇ ಗುಂಡಿ ತೋಡಿ ಅದರೊಳಗೆ ಶವವನ್ನು ಹೂತಿಟ್ಟಿದ್ದಾನೆ. ಈ ವಿಷಯ ಬೆಳಕಿಗೆ ಬಂದಿದ್ದು ಹೇಗೆಂಬುದರ ಮಾಹಿತಿ ಇಲ್ಲಿದೆ.
Updated on: Aug 30, 2024 | 9:04 PM
ನೊಯ್ಡಾ: ಉತ್ತರ ಪ್ರದೇಶದ ಮೈನ್‌ಪುರಿಯಲ್ಲಿ ನಡೆದ ಭೀಕರ ಘಟನೆಯೊಂದರಲ್ಲಿ ಕುಡಿದ ವ್ಯಕ್ತಿಯೊಬ್ಬ ತನ್ನ ಅಣ್ಣನನ್ನು ಕಡಿದು ಕೊಂದು ಆತನ ಶವವನ್ನು ಅವರ ಮನೆಯ ಒಳಗೇ ಗುಂಡಿ ತೋಡಿ ಹೂತು ಹಾಕಿದ್ದಾನೆ. ಆರೋಪಿಯು ಗುರುವಾರ ಮದ್ಯದ ಅಮಲಿನಲ್ಲಿ ಅಣ್ಣನನ್ನು ಕೊಲೆ ಮಾಡಿದ ಬಗ್ಗೆ ತಾನೇ ತನ್ನ ಕುಟುಂಬಕ್ಕೆ ತಿಳಿಸಿದಾಗ ಈ ಘಟನೆ ಬೆಳಕಿಗೆ ಬಂದಿದೆ.
ಈ ವಿಷಯ ತಿಳಿದು ಗಾಬರಿಗೊಂಡ ಕುಟುಂಬಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಮೃತದೇಹವನ್ನು ಗುಂಡಿಯಿಂದ ಹೊರತೆಗೆದು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಕುರವಳ್ಳಿ ಠಾಣೆಯಲ್ಲಿ ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಆತ ತಪ್ಪೊಪ್ಪಿಕೊಂಡಿದ್ದಾನೆ.
ಇದನ್ನೂ ಓದಿ: Crime News: 9 ವರ್ಷದ ಮಗಳ ಮೇಲೆ ತಂದೆಯಿಂದ ಅತ್ಯಾಚಾರ; ಪೊಲೀಸರೆದುರು ದಾರುಣ ಕತೆ ಬಿಚ್ಚಿಟ್ಟ ತಾಯಿ
ಕೊಲೆಯಾದ ವ್ಯಕ್ತಿ ರಾತ್ರಿ ತನ್ನ ಸಹೋದರನ ಮನೆಗೆ ಹೋಗಿದ್ದ. ಸ್ವಲ್ಪ ಹೊತ್ತಿನ ನಂತರ ಆರೋಪಿ ಸತ್ಯಭಾನ್ ಮತ್ತು ನೆಕ್ಸು ಮದ್ಯದ ಅಮಲಿನಲ್ಲಿ ವಾಗ್ವಾದ ಮಾಡಿಕೊಂಡಿದ್ದಾರೆ. ಆಗ ಇಬ್ಬರ ನಡುವೆ ಜಗಳವಾಗಿದೆ. ಇದೇ ವೇಳೆ ಸತ್ಯಭಾನ್ ಮನೆಯಲ್ಲಿ ಇಟ್ಟಿದ್ದ ಕೊಡಲಿಯಿಂದ ನೆಕ್ಸು ಮೇಲೆ ಹಲ್ಲೆ ನಡೆಸಿದ್ದಾನೆ. ನೆಕ್ಸು ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ತಡರಾತ್ರಿ ನಶೆ ಕಡಿಮೆಯಾದಾಗ, ರಕ್ತದಲ್ಲಿ ತೊಯ್ದಿದ್ದ ಅಣ್ಣನ ಶವವನ್ನು ಕಂಡು ಸತ್ಯಭಾನ್ ಗಾಬರಿಯಾದ. ಮಧ್ಯರಾತ್ರಿ ಮನೆಯೊಳಗೆ ಹೊಂಡ ತೋಡಿ, ನೆಕ್ಸುವಿನ ಶವವನ್ನು ಮುಚ್ಚಿ ಹಾಕಿದ್ದಾನೆ. ಅದರ ಮೇಲೆ ಮಣ್ಣು ಹಾಕಿ ಅದರ ಮೇಲೆ ಚಪ್ಪಡಿ ಹಾಕಿದ್ದಾನೆ.
उत्तर प्रदेश के जिला मैनपुरी में छोटे भाई सत्यभान ने बड़े भाई हरस्वरूप की कुल्हाड़ी से काटकर हत्या कर दी। लाश को समरसेबिल के गड्ढे में दफना दिया। दोनों में शराब के नशे में झगड़ा हुआ था। pic.twitter.com/PvAdjH0RI7
— Sachin Gupta (@SachinGuptaUP) August 29, 2024
ಇದನ್ನೂ ಓದಿ: Shocking News: ಯುವಕನಿಂದ ಮೇಕೆ ಮರಿಯ ಮೇಲೆ ಅತ್ಯಾಚಾರ; ರಕ್ತಸ್ರಾವದಿಂದ ಒದ್ದಾಡಿದ ಪ್ರಾಣಿ
ಸೋಮವಾರ ಬೆಳಗ್ಗೆ ನೆಕ್ಸು ಅವರ ಪತ್ನಿ ಮುನಕ್ಕ ದೇವಿ ಮಕ್ಕಳೊಂದಿಗೆ ಮನೆಗೆ ತಲುಪಿದ್ದರು. ಗಂಡನನ್ನು ಕಾಣದಿದ್ದಾಗ ಮೈದುನನ ಬಳಿ ಆತನ ಬಗ್ಗೆ ವಿಚಾರಿಸಿದಳು. ಸತ್ಯಭಾನ್ ಮೊದಲು ನೆಕ್ಸು ಎಲ್ಲೋ ಹೊರಗೆ ಹೋಗಿದ್ದಾನೆ ಎಂದು ಹೇಳಿದ. ಎಷ್ಟೋ ಹೊತ್ತಾದರೂ ಪತಿ ವಾಪಸ್ ಬಾರದೆ ಇದ್ದಾಗ ಮುನಕ್ಕ ಮನೆಯ ತುಂಬ ಹುಡುಕತೊಡಗಿದಳು. ಆಗ ಸತ್ಯಭಾನ್ ತಾನೇ ತಪ್ಪೊಪ್ಪಿಕೊಂಡಿದ್ದಾನೆ.
ಬಳಿಕ ಪೊಲೀಸರು ವಿಧಿವಿಜ್ಞಾನ ದಳ ಹಾಗೂ ಶ್ವಾನದಳವನ್ನು ಸ್ಥಳಕ್ಕೆ ಕರೆಸಿದ್ದರು. ಮನೆಯಲ್ಲಿದ್ದ ಹೊಂಡವನ್ನು ಅಗೆದಾಗ ಅದರಲ್ಲಿ ಕೊಳೆತ ಸ್ಥಿತಿಯಲ್ಲಿ ನೆಕ್ಸು ಶವ ಪತ್ತೆಯಾಗಿದೆ. ಪೊಲೀಸರು ಶವವನ್ನು ಹೊರತೆಗೆದು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
