Murder News: ನಿನ್ನಿಂದ ಮಗು ಹುಟ್ಟಿಸಲು ಸಾಧ್ಯವಿಲ್ಲ ಎಂದ ವೈದ್ಯೆಯ ಬರ್ಬರ ಹತ್ಯೆ!; ಭಾವನಿಂದಲೇ ಕೊಲೆಯಾದ ಮಾಜಿ MLA ಸೊಸೆ

ವಾರಾಣಸಿ: ಮದುವೆಯಾಗಿ ಹಲವು ವರ್ಷಗಳಾದರೂ ಮಕ್ಕಳಾಗದ ಕಾರಣದಿಂದ ಉತ್ತರ ಪ್ರದೇಶದ ವಾರಾಣಸಿಯ ಮಹಿಳೆ ತನ್ನ ಗಂಡನನ್ನು ವೈದ್ಯೆಯಾದ ತನ್ನ ತಂಗಿಯ ಬಳಿ ಕರೆದುಕೊಂಡು ಹೋಗಿದ್ದರು. ಅಲ್ಲಿ ಆಕೆಯಲ್ಲಿ ಯಾವ ಸಮಸ್ಯೆಯೂ ಇಲ್ಲವೆಂಬುದು ವೈದ್ಯಕೀಯ ಪರೀಕ್ಷೆಯಲ್ಲಿ ಗೊತ್ತಾಗಿತ್ತು. ಬಳಿಕ ತನ್ನ ಭಾವನನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದ ಆಕೆ ಅವರಿಬ್ಬರಿಗೂ ಮಕ್ಕಳಾಗದಿರುವುದಕ್ಕೆ ಆತನೇ ಕಾರಣ ಎಂದು ಹೇಳಿದ್ದಳು. ಇದರಿಂದ ಕೋಪಗೊಂಡ ಆತ ತನ್ನ ನಾದಿನಿಯನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ.

ವಾರಾಣಸಿಯ ಮಹಮೋರ್​ಗಂಜ್ ಪ್ರದೇಶದಲ್ಲಿ ಈ ಭಯಾನಕ ಘಟನೆ ನಡದಿದ್ದು, ಈ ಭೀಕರ ಕೊಲೆಗೆ ವಾರಾಣಸಿ ಬೆಚ್ಚಿಬಿದ್ದಿದೆ. ಇಲ್ಲಿ ಬಹಳ ಫೇಮಸ್ ಆಗಿರುವ ಡಾ. ಸ್ವಪ್ನಾ ದತ್ತಾ ತನ್ನ ಭಾವನಿಂದಲೇ ಕೊಲೆಯಾಗಿರುವ ವೈದ್ಯೆ. ಸ್ವಪ್ನಾ ಅವರ ಅಕ್ಕನಿಗೆ ಮದುವೆಯಾಗಿ ಹಲವು ವರ್ಷಗಳಾದರೂ ಮಕ್ಕಳಾಗಿರಲಿಲ್ಲ. ಹೀಗಾಗಿ, ತಾನೇ ಅವರಿಬ್ಬರಿಗೂ ಪರೀಕ್ಷೆ ಮಾಡಿಸಿದ್ದಳು. ಆ ಪರೀಕ್ಷೆಯಲ್ಲಿ ತನ್ನ ಭಾವ ಅನಿಲ್ ದತ್ತನಿಗೆ ಮಕ್ಕಳಾಗಲು ಸಾಧ್ಯವಿಲ್ಲ ಎಂಬುದು ಗೊತ್ತಾಗಿತ್ತು. ಆದರೆ, ತನ್ನ ನಾದಿನಿ ಬೇಕೆಂದೇ ತನ್ನ ಗಂಡಸ್ತನದ ಬಗ್ಗೆ ಅನುಮಾನ ವ್ಯಕ್ತಪಡಿಸಿ ಅವಮಾನ ಮಾಡಿದ್ದಾಳೆಂಬ ಕೋಪದಲ್ಲಿ ಆತ ಡಾ. ಸ್ವಪ್ನಾ ಅವರನ್ನು ಕೊಲೆ ಮಾಡಿದ್ದಾನೆ.

ಡಾ. ಸ್ವಪ್ನಾ ದತ್ತ ಅಲ್ಲಿ ಸುತ್ತಮುತ್ತಲೂ ಬಹಳ ಪ್ರಸಿದ್ಧಿ ಪಡೆದ ವೈದ್ಯೆಯಾಗಿದ್ದು, ಅಲ್ಲಿನ ಮಾಜಿ ಶಾಸಕ ರಜನಿಕಾಂತ್ ದತ್ತಾ ಅವರ ಮಗನನ್ನು ಮದುವೆಯಾಗಿದ್ದರು. ಹೀಗಾಗಿ, ಈ ಕೊಲೆ ಪ್ರಕರಣ ಮತ್ತಷ್ಟು ಚರ್ಚೆಗೆ ಕಾರಣವಾಗಿದೆ. ಅನಿಲ್ ದತ್ತಾನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಪೊಲೀಸರ ಮುಂದೆ ಅನಿಲ್ ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದು, ಸುತ್ತಿಗೆಯಿಂದ ಹೊಡೆದು ಸೀಸರ್​ನಿಂದ ಡಾ. ಸ್ವಪ್ನಾಳನ್ನು ಕೊಲೆ ಮಾಡಿದ್ದಾಗಿ ತಿಳಿಸಿದ್ದಾನೆ.

ನಾನು ಮನೆಗೆ ಹೋದಾಗ ನನ್ನೊಂದಿಗೆ ಜಗಳವಾಡಿದ್ದ ಸ್ವಪ್ನಾ ನನ್ನ ಅಕ್ಕನಿಗೆ ಒಂದು ಮಗು ಕೊಡುವ ಯೋಗ್ಯತೆಯೂ ನಿನಗಿಲ್ಲ ಎಂದು ಹೀಯಾಳಿಸಿದ್ದಳು. ಇದರಿಂದ ಕೋಪ ಬಂದು ಆಕೆಯನ್ನು ಕೊಲೆ ಮಾಡಿದೆ ಎಂದು ಅನಿಲ್ ದತ್ತಾ ಒಪ್ಪಿಕೊಂಡಿದ್ದಾನೆ.

ಇದನ್ನೂ ಓದಿ: Crime News: ಸಿನಿಮಾದಲ್ಲಿ ಅವಕಾಶ ನೀಡುವುದಾಗಿ ನಂಬಿಸಿ ಸೆಕ್ಸ್​ ದಂಧೆ; ನಿರ್ಮಾಪಕ ಸೇರಿ ಮೂವರ ಬಂಧನ

(Crime News Varanasi Lady Doctor Brutally Murders by Brother-in-law for calling him impotent)

Published On - 8:18 pm, Wed, 21 July 21