PM Modi: ಜೂ.10ಕ್ಕೆ ಒಡಿಶಾದಲ್ಲಿ ಬಿಜೆಪಿಯ ಸಿಎಂ ಪ್ರಮಾಣವಚನ ಸ್ವೀಕಾರ ಖಚಿತ; ಪ್ರಧಾನಿ ಮೋದಿ ವಿಶ್ವಾಸ
Lok Sabha Elections 2024: ಒಡಿಶಾದ 5 ಲೋಕಸಭೆ ಮತ್ತು 35 ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನ ನಡೆಯುತ್ತಿದೆ. ಇಂದು ಒಡಿಶಾದಲ್ಲಿ ನಡೆದ ಚುನಾವಣಾ ಪ್ರಚಾರದಲ್ಲಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ ಒಡಿಶಾದಲ್ಲಿ ಬಿಜೆಪಿ ಐತಿಹಾಸಿಕ ಗೆಲುವು ಸಾಧಿಸಲಿದೆ. ಜೂನ್ 10 ರಂದು ಒಡಿಶಾ ರಾಜ್ಯಕ್ಕೆ ಇದೇ ಮೊದಲ ಬಾರಿಗೆ ಬಿಜೆಪಿಯ ಮುಖ್ಯಮಂತ್ರಿ ಪ್ರಮಾಣವಚನ ಸ್ವೀಕಾರ ಮಾಡಲಿದ್ದಾರೆ ಎಂದಿದ್ದಾರೆ.
Updated on: May 20, 2024 | 4:08 PM
ಪುರಿ: ಒಡಿಶಾದ 5 ಲೋಕಸಭೆ (Lok Sabha Election) ಮತ್ತು 35 ವಿಧಾನಸಭಾ ಕ್ಷೇತ್ರಗಳ ಮತದಾನದ ನಡುವೆಯೇ ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಇಂದು (ಸೋಮವಾರ) ಒಡಿಶಾದಲ್ಲಿ ಭರ್ಜರಿ ಚುನಾವಣಾ ರ್ಯಾಲಿ ನಡೆಸಿದ್ದಾರೆ. ಪ್ರಧಾನಿ ಮೋದಿ ರೋಡ್ ಶೋದಲ್ಲಿ (PM Modi Road Show in Odisha) ಸಾವಿರಾರು ಜನರು ರಸ್ತೆಯುದ್ದಕ್ಕೂ ನಿಂತು ಮೋದಿಗೆ ಜೈಕಾರ ಹಾಕಿದರು, ಕೇಸರಿ ಬಾವುಟಗಳನ್ನು ಪ್ರದರ್ಶಿಸಿದರು. ಈ ವೇಳೆ ಚುನಾವಣಾ ರ್ಯಾಲಿಯಲ್ಲಿ ಮಾತನಾಡಿದ ನರೇಂದ್ರ ಮೋದಿ, ಒಡಿಶಾದಲ್ಲಿ ಬಿಜೆಪಿ ಐತಿಹಾಸಿಕ ಗೆಲುವು ಸಾಧಿಸಲಿದೆ. ಜೂನ್ 10ರಂದು ಒಡಿಶಾ ರಾಜ್ಯಕ್ಕೆ ಬಿಜೆಪಿಯ ಮೊದಲ ಮುಖ್ಯಮಂತ್ರಿ ಪ್ರಮಾಣವಚನ ಸ್ವೀಕರಿಸುವುದು ಖಚಿತ ಎಂದು ಭವಿಷ್ಯ ನುಡಿದಿದ್ದಾರೆ.
ಒಡಿಶಾದಲ್ಲಿ 5 ಲೋಕಸಭಾ ಸ್ಥಾನಗಳು ಮತ್ತು 35 ವಿಧಾನಸಭಾ ಸ್ಥಾನಗಳಿಗೆ ನಡೆಯುತ್ತಿರುವ ಮತದಾನದ ನಡುವೆ ಪ್ರಧಾನಿ ನರೇಂದ್ರ ಮೋದಿ ಕಟಕ್‌ನಲ್ಲಿ ಇಂದು ಬೃಹತ್ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಒಡಿಶಾದಲ್ಲಿ ಬಿಜೆಪಿಯ ಹೆಚ್ಚುತ್ತಿರುವ ಪ್ರಭಾವದ ಬಗ್ಗೆ ಅವರು ಮಾತನಾಡಿದ್ದಾರೆ ಮತ್ತು ಮುಂಬರುವ ಚುನಾವಣೆಯಲ್ಲಿ ಪಕ್ಷಕ್ಕೆ ಐತಿಹಾಸಿಕ ಗೆಲುವು ಸಾಧಿಸುವ ಮುನ್ಸೂಚನೆ ನೀಡಿದ್ದಾರೆ.
ಇದನ್ನೂ ಓದಿ: ಮೋದಿ ಮತ್ತೆ ಪ್ರಧಾನಿಯಾದರೆ 6 ತಿಂಗಳೊಳಗೆ ಪಿಒಕೆ ಭಾರತಕ್ಕೆ ಸೇರಲಿದೆ; ಸಿಎಂ ಯೋಗಿ ಭರವಸೆ
ಸಮಾವೇಶದಲ್ಲಿ ನೆರೆದಿದ್ದ ಜನರನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, “ನಿಮ್ಮ ಉತ್ಸಾಹವು 25 ವರ್ಷಗಳ ನಂತರ ಒಡಿಶಾ ಹೊಸ ಇತಿಹಾಸವನ್ನು ಸೃಷ್ಟಿಸಲಿದೆ ಎಂದು ಹೇಳುತ್ತಿದೆ. ಜೂನ್ 10ರಂದು ಒಡಿಶಾದಲ್ಲಿ ಬಿಜೆಪಿಯ ಮೊದಲ ಮುಖ್ಯಮಂತ್ರಿ ಪ್ರಮಾಣವಚನ ಸ್ವೀಕರಿಸುವುದು ಖಚಿತ” ಎಂದು ಹೇಳಿದ್ದಾರೆ.
जय जगन्नाथ 🙏 पुरी रोड शो में उमड़ा जनसैलाब इस बात का स्पष्ट संकेत है कि पुरीवासी हर एक बूथ पर कमल खिलाकर तीसरी बार मोदी सरकार बनाने जा रहे है..!#Puri #Odisha #PhirEkBaarModiSarkar @narendramodi @BJP4Odisha pic.twitter.com/NQJeg3SuCX
— Rajkumar Singh (@irajkumarBjp) May 20, 2024
ಪ್ರಗತಿಯ ಭರವಸೆಯೊಂದಿಗೆ ಒಡಿಶಾ ರಾಜ್ಯದಲ್ಲಿ ‘ಡಬಲ್ ಇಂಜಿನ್ ಸರ್ಕಾರ’ ರಚನೆಯಾಗುವುದಕ್ಕೆ ಜನರು ಮತ ಹಾಕಬೇಕು. ಆಡಳಿತಾರೂಢ ಬಿಜೆಡಿ ಭ್ರಷ್ಟಾಚಾರದಲ್ಲಿ ತೊಡಗಿದೆ ಮತ್ತು ಇದು ರಾಜ್ಯದ ಅಭಿವೃದ್ಧಿಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ ಎಂದು ಮೋದಿ ಟೀಕಿಸಿದ್ದಾರೆ.
“ಒಡಿಶಾದ ಜನರು ಬಿಜೆಡಿಯ ಭ್ರಷ್ಟಾಚಾರದ ದಂಧೆಯಿಂದ ಬೇಸತ್ತಿದ್ದಾರೆ. ಬಿಜೆಡಿ ಚಿಟ್-ಫಂಡ್‌ಗಳಂತಹ ಹಗರಣಗಳಿಂದ ಬಡವರನ್ನು ವಂಚಿಸುತ್ತಿದೆ. ಬಿಜೆಡಿ ಜನರಿಗೆ ಭೂಮಾಫಿಯಾಗಳು, ಮರಳು ಮಾಫಿಯಾಗಳು, ಗಣಿ ಮಾಫಿಯಾಗಳು, ಕಲ್ಲಿದ್ದಲು ಮಾಫಿಯಾಗಳ ಹೊರತಾಗಿ ಬೇರೆ ಏನನ್ನೂ ನೀಡಿಲ್ಲ ಎಂಬುದು ನಮಗೆಲ್ಲರಿಗೂ ತಿಳಿದಿದೆ” ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ. ಒಡಿಶಾದ ಸಾಮರ್ಥ್ಯದ ಹೊರತಾಗಿಯೂ, ಬಿಜೆಡಿಯ ದುರಾಡಳಿತದಿಂದಾಗಿ ರಾಜ್ಯವು ಅಗತ್ಯ ಅಭಿವೃದ್ಧಿಯನ್ನು ಹೊಂದಿಲ್ಲ ಎಂದು ಅವರು ಒತ್ತಿ ಹೇಳಿದರು.
कटक के मेरे परिवारजनों का जोश और उत्साह बताता है कि बीजेपी ओडिशा में नया इतिहास रचने जा रही है। pic.twitter.com/i4Xr2npji1
— Narendra Modi (@narendramodi) May 20, 2024
ಇದನ್ನೂ ಓದಿ: ನಮ್ಮ ದೂರುಗಳನ್ನು ಅಧಿಕಾರಿಗಳು ಸ್ವೀಕರಿಸುತ್ತಿಲ್ಲ, ನೇರವಾಗಿ ಪ್ರಧಾನಿ ಮೋದಿಗೆ ದೂರು ನೀಡಿ, ಹೇಗೆ ಗೊತ್ತೇ?
“ಬಿಜೆಡಿಯ ಭ್ರಷ್ಟಾಚಾರದಿಂದ ನಮ್ಮ ಯುವಕರು ಅಪಾರ ನಷ್ಟ ಅನುಭವಿಸುತ್ತಿದ್ದಾರೆ. ಅವರು ಇಲ್ಲಿಂದ ವಲಸೆ ಹೋಗಬೇಕಾಗಿದೆ. ಬಿಜೆಡಿ ಸರ್ಕಾರವು ಇಲ್ಲಿ ಹೂಡಿಕೆಗೆ ಸರಿಯಾದ ವಾತಾವರಣವನ್ನು ಸೃಷ್ಟಿಸಲು ಸಾಧ್ಯವಾಗಿಲ್ಲ” ಎಂದು ಮೋದಿ ಹೇಳಿದ್ದಾರೆ.
ଓଡ଼ିଶାର ମୋର ଭାଇ ଭଉଣୀଙ୍କୁ ଆଜି ଅନୁଭବ ହେଉଛି ଯେ ରାଜ୍ୟରେ 25 ବର୍ଷର ବିଜେଡି ଶାସନ କାଳରେ ତାଙ୍କୁ ଦୁଃଖ ଓ ଦାଦନ ସମସ୍ୟା ବ୍ୟତୀତ ଆଉ କିଛି ମିଳି ନାହିଁ। pic.twitter.com/wpGB7PTIgx
— Narendra Modi (@narendramodi) May 20, 2024
ಒಡಿಶಾದಲ್ಲಿ ಒಮ್ಮೆ ರಚನೆಯಾದ ಬಿಜೆಪಿ ಸರ್ಕಾರವು ಯಾವುದೇ ತೊಂದರೆಯನ್ನು ಎದುರಿಸುವುದಿಲ್ಲ ಮತ್ತು ರಾಜ್ಯದ ಪ್ರಗತಿಗೆ ಅವಿರತವಾಗಿ ಶ್ರಮಿಸುತ್ತದೆ ಎಂದು ಪ್ರಧಾನಿ ಮೋದಿ ಭಾಷಣದ ಸಮಯದಲ್ಲಿ ಸಾರ್ವಜನಿಕರಿಗೆ ಭರವಸೆ ನೀಡಿದ್ದಾರೆ. “ಈ ಚುನಾವಣೆಗಳು ಬಿಜೆಡಿ ತನ್ನ ದುಷ್ಕೃತ್ಯಗಳಿಗಾಗಿ ಶಿಕ್ಷಿಸಲಿವೆ. ಬಿಜೆಡಿ ಸರ್ಕಾರವು ಒಡಿಶಾದ ಜನರನ್ನು ದುರಾಡಳಿತ ಮತ್ತು ಲೂಟಿ ಮಾಡುವ ರೀತಿಯನ್ನು ಸಂಪೂರ್ಣವಾಗಿ ಬಹಿರಂಗಪಡಿಸಲಾಗಿದೆ” ಎಂದು ಅವರು ಪ್ರತಿಪಾದಿಸಿದ್ದಾರೆ.
ಇದಕ್ಕೂ ಮುನ್ನ ಪವಿತ್ರ ನಗರದಲ್ಲಿ ಪ್ರಧಾನಿ ನರೇಂದ್ರ ಮೋದಿ ರೋಡ್ ಶೋ ನಡೆಸಿದ್ದಾರೆ. ಅವರ ಜೊತೆ ಸಂಬಿತ್ ಪಾತ್ರ ಕೂಡ ಇದ್ದರು. ಪ್ರಧಾನಿ ಸೋಮವಾರ ಒಡಿಶಾ ಮತ್ತು ಪಶ್ಚಿಮ ಬಂಗಾಳಕ್ಕೆ ಒಂದು ದಿನದ ಭೇಟಿಯಲ್ಲಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
