‘ಅಖಂಡ 2’ ಚಿತ್ರದಲ್ಲಿ ಬಾಲಯ್ಯ ಮೋಡಿ; ಇಲ್ಲಿದೆ ಪವರ್​ಫುಲ್ ಟ್ರೇಲರ್

ನಂದಮೂರಿ ಬಾಲಕೃಷ್ಣ ಅವರ ‘ಅಖಂಡ’ ಚಿತ್ರವು ಸೆನ್ಸೇಷನ್ ಸೃಷ್ಟಿ ಮಾಡಿತ್ತು. ಈ ಚಿತ್ರ ಒಳ್ಳೆಯ ಬಿಸ್ನೆಸ್ ಮಾಡಿತ್ತು. ಈ ಸಿನಿಮಾ ಬಿಡುಗಡೆ ಕಂದಿದ್ದು ಕೊವಿಡ್ ಸಂದರ್ಭದಲ್ಲಿ (2021) ಆದರೂ ಚಿತ್ರವು ಒಳ್ಳೆಯ ಗಳಿಕೆ ಮಾಡಿದ್ದನ್ನು ಕಾಣಬಹುದು. ಈ ಚಿತ್ರಕ್ಕೆ ಸೀಕ್ವೆಲ್ ಸಿದ್ಧವಾಗಿದೆ. ಅದುವೇ ‘ಅಖಂಡ 2’. ಈ ಸಿನಿಮಾವನ್ನು ಬೋಯಪತಿ ಶ್ರೀನು ನಿರ್ದೇಶಿಸಿದ್ದಾರೆ. ಈ ಹಿಂದೆ ಈ ಇಬ್ಬರ ಕಾಂಬಿನೇಷನ್‌ನಲ್ಲೇ ‘ಅಖಂಡ’ ಬಂದಿತ್ತು. ಈ ಸಿನಿಮಾದ ಟ್ರೇಲರ್ ಗಮನ ಸೆಳೆದಿದೆ.

‘ಅಖಂಡ 2’ ಸಿನಿಮಾದ ಬಗ್ಗೆ ಈಗಾಗಲೇ ಭಾರಿ ಹೈಪ್ ಇದೆ. ಕೆಲವು ತಿಂಗಳುಗಳಿಂದ ಚಿತ್ರೀಕರಣ ನಡೆಸುತ್ತಿರುವ ಈ ಸಿನಿಮಾದ ಅಪ್‌ಡೇಟ್‌ಗಳಿಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದರು. ಈ ಸಿನಿಮಾದಿಂದ ಈಗಾಗಲೇ ಬಿಡುಗಡೆಯಾಗಿರುವ ಪೋಸ್ಟರ್‌ಗಳು, ಹಾಡುಗಳು ಮತ್ತು ಟೀಸರ್ ಚಿತ್ರದ ಮೇಲೆ ಭಾರಿ ನಿರೀಕ್ಷೆಗಳನ್ನು ಸೃಷ್ಟಿಸಿವೆ. ಈಗ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ. ಈ ಟ್ರೇಲರ್ ಸಿನಿಮಾದ ಮೇಲೆ ನಿರೀಕ್ಷೆಗಳನ್ನು ಸೃಷ್ಟಿಸಿದೆ.

ಸಾಮಾನ್ಯವಾಗಿ ತೆಲುಗು ಸಿನಿಮಾದ ಈವೆಂಟ್​ಗಳು ಹೈದರಾಬಾದ್​ನಲ್ಲಿ ನಡೆಯುತ್ತವೆ. ಆದರೆ, ಕರ್ನಾಟಕದ ಚಿಂತಾಮಣಿಯಲ್ಲಿ ಈ ಕಾರ್ಯಕ್ರಮವು ನಡೆಯಿತು. ಟ್ರೇಲರ್ ಈವೆಂಟ್​ಗೆ ಕನ್ನಡದ ವರನಟರಾಜ್​ಕುಮಾರ್ ಅವರ ಮಗ ಶಿವರಾಜ್​ಕುಮಾರ್ ಆಗಮಿಸಿದರು. ಟ್ರೇಲರ್ ನೋಡಿ ಎಲ್ಲರೂ ಖುಷಿಪಟ್ಟರು.

‘ಅಖಂಡ 2’ ಟ್ರೇಲರ್​ನಲ್ಲಿ ಬಾಲಯ್ಯ ಅವರ ಲುಕ್ ಅದ್ಭುತವಾಗಿವೆ. ಪ್ರತಿಯೊಂದು ಶಾಟ್ ಕೂಡ ರೋಮಾಂಚನಗೊಳಿಸುತ್ತದೆ. ನಂದಮೂರಿ ಬಾಲಕೃಷ್ಣ ಮತ್ತು ನಿರ್ದೇಶಕ ಬೋಯಪತಿ ಶ್ರೀನು ಅವರ ಕಾಂಬೊ ಮತ್ತೆ ಹಿಟ್ ಆಗುವ ಸೂಚನೆ ಸಿಕ್ಕಿದೆ. ಬಾಲಯ್ಯ ಮತ್ತೊಮ್ಮೆ ಇದರಲ್ಲಿ ತಮ್ಮ ನಟನಾ ಕೌಶಲ್ಯವನ್ನು ತೋರಿಸಿದ್ದಾರೆ. ಅಲ್ಲದೆ, ಸಂಭಾಷಣೆಗಳು ಸಾಮಾನ್ಯವಲ್ಲ.. ಅಭಿಮಾನಿಗಳು ಚಿತ್ರಮಂದಿರಗಳಲ್ಲಿ ಈ ಸಂಭಾಷಣೆಗಳಿಂದ ಅದ್ಭುತವಾಗಿ ಪ್ರತಿಕ್ರಿಯಿಸುವುದು ಖಚಿತ. ಬಾಲಯ್ಯ ಅವರು ಸಾಮಾನ್ಯ ಸಿನಿಮಾಗಳನ್ನು ಮಾಡಿದರೆ ಯಾರೂ ನೋಡೋದಿಲ್ಲ. ಅವರು ಏನಿದ್ದರೂ ಅಸಮಾನ್ಯದ್ದನ್ನೇ ಮಾಬಡೇಕು. ಓಡುವ ಟ್ರೇನ್​ ಅನ್ನು ನಿಲ್ಲಿಸೋ ತಾಕತ್ತು ಅವರು ಬಿಟ್ಟು ಇನ್ಯಾರಿಗೆ ಇದೆ ಹೇಳಿ?

ಇದನ್ನೂ ಓದಿ: ವರ್ಷಾಂತ್ಯಕ್ಕೆ ‘ಅಖಂಡ 2’ ಅಬ್ಬರ: ಡಿಸೆಂಬರ್ 5ಕ್ಕೆ ಬಾಲಯ್ಯ ಸಿನಿಮಾ ರಿಲೀಸ್

‘ಅಖಂಡ 2’ ಚಿತ್ರದಲ್ಲಿ ಸಂಯುಕ್ತಾ ಮೆನನ್ ನಾಯಕಿಯಾಗಿ ನಟಿಸಿದ್ದಾರೆ. ಈಗಾಗಲೇ ಬಿಡುಗಡೆಯಾದ ಜಾಜಿಕಾಯ ಹಾಡಿನಲ್ಲಿ ಸಂಯುಕ್ತಾ ತಮ್ಮ ಗ್ಲಾಮರ್ ತೋರಿಸಿದ್ದಾರೆ. ಈ ಚಿತ್ರದಲ್ಲಿ ಬಾಲಯ್ಯ ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಆದಿ ಪಿನಿಸೆಟ್ಟಿ ಕೂಡ ಪವರ್‌ಫುಲ್ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ತಮನ್ ಅವರ ಹಿನ್ನೆಲೆ ಸಂಗೀತ ಮತ್ತೊಮ್ಮೆ ಚಿತ್ರಮಂದಿರಗಳಲ್ಲಿ ಸದ್ದು ಮಾಡಲಿದೆ. ಈ ಚಿತ್ರಕ್ಕೆ ಹಿಂದಿಯ ‘ಬಜರಂಗಿ’ ಸಿನಿಮಾ ಖ್ಯಾತಿಯ ಹರ್ಷಾಲಿ ಮಲ್ಹೋತ್ರ ನಟಿಸಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.