BBK8 Finale: ಬಿಗ್ ಬಾಸ್ ಫಿನಾಲೆ ವೇದಿಕೆಯಲ್ಲಿ ನಾನು, ಅರವಿಂದ್ ಇದ್ದಿದ್ರೆ ಚೆನ್ನಾಗಿರುತ್ತಿತ್ತು; ಭಾವುಕರಾದ ದಿವ್ಯಾ ಉರುಡುಗ
BBK 8 Finale Winner: ಬಿಗ್ ಬಾಸ್ ವೇದಿಕೆಯಲ್ಲಿ ನಿಮ್ಮ ಎಡಕ್ಕೆ ನಾನು, ಬಲಕ್ಕೆ ಅರವಿಂದ್ ನಿಂತಿದ್ದರೆ ಅದಕ್ಕಿಂತ ದೊಡ್ಡ ಖುಷಿ ಮತ್ಯಾವುದೂ ಇರುತ್ತಿರಲಿಲ್ಲ. ಆ ಕಲ್ಪನೆಯೇ ಬಹಳ ಚೆನ್ನಾಗಿದೆ ಎಂದು ಕಿಚ್ಚ ಸುದೀಪ್ ಅವರ ಮುಂದೆ ದಿವ್ಯಾ ಉರುಡುಗ ಭಾವುಕರಾಗಿದ್ದಾರೆ.
Updated on:Aug 08, 2021 | 11:11 PM
ಬಿಗ್ ಬಾಸ್ ಕನ್ನಡ ಸೀಸನ್ 8ರ ವಿನ್ನರ್ ಯಾರೆಂದು ಗೊತ್ತಾಗಲು ಕೆಲವೇ ಕ್ಷಣಗಳು ಬಾಕಿ ಇವೆ. ಎರಡನೇ ರನ್ನರ್ ಆಗಿ 11,61,205 ಮತಗಳನ್ನು ಪಡೆಯುವ ಮೂಲಕ ದಿವ್ಯಾ ಉರುಡುಗ ಬಿಗ್ ಬಾಸ್ ಮನೆಯಿಂದ ಎಲಿಮಿನೇಟ್ ಆಗಿದ್ದಾರೆ. ಈ ಬಾರಿ ಬಿಗ್ ಬಾಸ್ ಕನ್ನಡ ಸೀಸನ್ನ ಇತಿಹಾಸದಲ್ಲೇ ಅತಿ ಹೆಚ್ಚು ವೋಟಿಂಗ್ ನಡೆದಿದ್ದು, ವಿನ್ನರ್ಗೆ ಬರೋಬ್ಬರಿ 45 ಲಕ್ಷ ಮತಗಳು ಲಭಿಸಿವೆ. ಅವರಿಗಿಂತ 2 ಲಕ್ಷ ಕಡಿಮೆ ಮತಗಳನ್ನು ಪಡೆದರು ರನ್ನರ್ ಅಪ್ ಆಗಿದ್ದಾರೆ. ಆ ಇಬ್ಬರು ಯಾರೆಂಬ ಕುತೂಹಲಕ್ಕೆ ಇನ್ನೇನು ತೆರೆ ಬೀಳಲಿದೆ.
ಬಿಗ್ ಬಾಸ್ ಮನೆಯಿಂದ ಎಲಿಮಿನೇಟ್ ಆಗಿರುವ ದಿವ್ಯಾ ಉರುಡುಗ ಭಾವುಕರಾಗಿ ಅಳುತ್ತಲೇ ಮನೆಯಿಂದ ಹೊರಗೆ ಬಂದಿದ್ದಾರೆ. ನನಗಿಂತ ಅರವಿಂದ್ ಬಹಳ ಅತ್ಯುತ್ತಮ ಸ್ಪರ್ಧಿಯಾಗಿದ್ದರಿಂದ ಅವರು ಗೆದ್ದರೆ ನನಗೆ ಖುಷಿಯಿದೆ. ಬಿಗ್ ಬಾಸ್ ವೇದಿಕೆಯಲ್ಲಿ ನಿಮ್ಮ ಎಡಕ್ಕೆ ನಾನು, ಬಲಕ್ಕೆ ಅರವಿಂದ್ ನಿಂತಿದ್ದರೆ ಅದಕ್ಕಿಂತ ದೊಡ್ಡ ಖುಷಿ ಮತ್ಯಾವುದೂ ಇರುತ್ತಿರಲಿಲ್ಲ. ಆ ಕಲ್ಪನೆಯೇ ಬಹಳ ಚೆನ್ನಾಗಿದೆ ಎಂದು ಕಿಚ್ಚ ಸುದೀಪ್ ಅವರ ಮುಂದೆ ಭಾವುಕರಾಗಿದ್ದಾರೆ.
View this post on Instagram
ನನಗೆ ಮೊದಲು ಬಿಗ್ ಬಾಸ್ಗೆ ಬಂದಾಗ ಕಾಲ್ ಬಂದಾಗ ಟಾಪ್ 3ಯಲ್ಲಿ ಇರುತ್ತೇನೆಂದುಕೊಂಡಿರಲಿಲ್ಲ. ಗೆಲ್ಲಬೇಕೆಂಬ ಆಸೆ ಎಲ್ಲರಿಗೂ ಇರುತ್ತದೆ. ಆದರೆ, ನಾನು ಇಲ್ಲಿಯವರೆಗಾದರೂ ಉಳಿದಿರುವ ಬಗ್ಗೆ ಬಹಳ ತೃಪ್ತಿಯಿದೆ. ನಾನು ಕೊನೆಯವರೆಗೂ ನನ್ನ ಪ್ರಯತ್ನ ಬಿಡದೇ ಆಡಿದ್ದೇನೆ. ಅಲ್ಲಿ ಎಲ್ಲರೂ ಬಹಳ ಚೆನ್ನಾಗಿ ಆಡುತ್ತಿದ್ದರು ಎಂದು ದಿವ್ಯಾ ಉರುಡುಗ ಹೇಳಿದ್ದಾರೆ.
ಬಿಗ್ ಬಾಸ್ ಕನ್ನಡ 8ನೇ ಸೀಸನ್ನ 2ನೇ ರನ್ನರ್ ಅಪ್ ಆಗಿರುವ ದಿವ್ಯಾ ಉರುಡುಗ ಅವರಿಗೆ 6 ಲಕ್ಷ ರೂ. ಬಹುಮಾನ ಸಿಕ್ಕಿದೆ. ಕೆ.ಪಿ. ಅರವಿಂದ್ ಹಾಗೂ ಮಂಜು ಪಾವಗಡ ಇಬ್ಬರಲ್ಲಿ ವಿನ್ನರ್ ಯಾರಾಗಲಿದ್ದಾರೆ ಎಂಬುದು ಇನ್ನೇನು ಗೊತ್ತಾಗಲಿದೆ.
ಇದನ್ನೂ ಓದಿ: Bigg Boss Kannada Finale: ಬಿಗ್ ಬಾಸ್ ಫಿನಾಲೆ ಎಪಿಸೋಡ್ನಲ್ಲಾದ ತಪ್ಪಿನ ಕಾರಣ ಬಿಚ್ಚಿಟ್ಟ ಕಿಚ್ಚ ಸುದೀಪ್
ಬಿಗ್ ಬಾಸ್ ಫಿನಾಲೆಯಲ್ಲಿ ಅರವಿಂದ್ ಕೆಪಿ ಗೆಲುವಿಗೂ, ಸೋಲಿಗೂ ಕಾರಣವಾಗಬಹುದು ಈ ಅಂಶಗಳು
(Bigg Boss Kannada 8 Finale Divya Uruduga emotional Speech with Kiccha Sudeep after Eliminated from BBK 8)
Published On - 11:09 pm, Sun, 8 August 21
