ಅಭಿಷೇಕ್ ಬಚ್ಚನ್​ಗೆ ಎರಡನೇ ಮಗು ಮಾಡಿಕೊಳ್ಳೋ ಆಸೆ? ನಾಚಿದ ನಟ

ಬಾಲಿವುಡ್ ಸೆಲೆಬ್ರಿಟಿ ಜೋಡಿಗಳಾದ ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಅವರ ವಿಚ್ಛೇದನವು ಕಳೆದ ಕೆಲವು ತಿಂಗಳುಗಳಿಂದ ಚರ್ಚೆಯಾಗುತ್ತಿದೆ. ಆದರೆ, ಇಬ್ಬರೂ ನೇರವಾಗಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ, ಇವರು ಇತ್ತೀಚೆಗೆ ಒಟ್ಟಿಗೆ ಕಾಣಿಸಿಕೊಂಡು ಈ ವಿಚಾರಕ್ಕೆ ಸ್ಪಷ್ಟನೆ ನೀಡಿದ್ದರು. ಈ ಸಮಯದಲ್ಲಿ, ಅಭಿಷೇಕ್ ಮತ್ತು ಐಶ್ವರ್ಯಾ ಅವರ ವೈವಾಹಿಕ ಜೀವನವು ಮತ್ತೊಮ್ಮೆ ಬೆಳಕಿಗೆ ಬಂದಿದೆ. ಶೋ ಒಂದರಲ್ಲಿ ಅಭಿಷೇಕ್‌ಗೆ ಕೇಳಿದ ಪ್ರಶ್ನೆ ಸಾಕಷ್ಟು ಚರ್ಚೆ ಹುಟ್ಟುಹಾಕಿತ್ತು. ಅವರು ರಿತೇಶ್ ದೇಶಮುಖ್ ಅವರ ‘ಕೆಸ್ ತೋ ಬಂತಾ ಹೈ’ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡರು. ಈ ವೇಳೆ ರಿತೇಶ್ ಅವರನ್ನು ಐಶ್ವರ್ಯಾ ಜೊತೆ ಮತ್ತೊಂದು ಮಗುವನ್ನು ಯೋಜಿಸುವ ಬಗ್ಗೆ ಪ್ರಶ್ನಿಸಿದರು. ಈ ಪ್ರಶ್ನೆಯನ್ನು ಕೇಳಿದ ಅಭಿಷೇಕ್ ನಗಲು ಪ್ರಾರಂಭಿಸಿದರು.

ಕಾರ್ಯಕ್ರಮದಲ್ಲಿ ರಿತೇಶ್ ಮೊದಲು ಬಚ್ಚನ್ ಕುಟುಂಬದ ಹೆಸರುಗಳ ಬಗ್ಗೆ ಪ್ರಶ್ನೆ ಕೇಳಿದರು. ‘ಅಮಿತಾಭಾಜಿ, ಐಶ್ವರ್ಯ, ಆರಾಧ್ಯ ಮತ್ತು ನೀವು ಅಭಿಷೇಕ್. ಈ ಎಲ್ಲಾ ಹೆಸರುಗಳು A ಅಕ್ಷರದಿಂದ ಪ್ರಾರಂಭವಾಗುತ್ತವೆ. ಹಾಗಾದರೆ ಜಯಾ ಚಿಕ್ಕಮ್ಮ ಮತ್ತು ಶ್ವೇತಾ ಹೆಸರುಗಳು ಏಕೆ ವಿಭಿನ್ನವಾಗಿವೆ’ ಎಂದು ರಿತೇಶ್ ಅವರು ಅಭಿಷೇಕ್‌ಗೆ ಕೇಳಿದರು. ಅಭಿಷೇಕ್ ಮುಗುಳ್ನಗುತ್ತಾ, ‘ನೀವು ಅವರಿಗೇ ಆ ಪ್ರಶ್ನೆ ಕೇಳಬೇಕು. ನಮ್ಮ ಮನೆಯಲ್ಲಿ ಅಭಿಷೇಕ್, ಆರಾಧ್ಯ’ ಎಂದು ಮುಗಿಸುವ ಮುನ್ನವೇ ರಿತೇಶ್ ಅವರು, ‘ಆರಾಧ್ಯಾ ನಂತರ?’ ಎಂದು ನಿಲ್ಲಿಸಿದರು. ಆಗ ಅಭಿಷೇಕ್, ‘ಇಲ್ಲ, ಮುಂದಿನ ಪೀಳಿಗೆ ಬಂದಾಗ ನೋಡೋಣ’ ಎಂದು ಉತ್ತರಿಸಿದ್ದರು.

ಇದನ್ನೂ ಓದಿ:11 ಸಿಕ್ಸ್​, 8 ಫೋರ್​: ಟಿ20 ಕ್ರಿಕೆಟ್​​ನಲ್ಲಿ ಶರ ವೇಗದ ಸೆಂಚುರಿ ಸಿಡಿಸಿದ ಅಭಿಷೇಕ್ ಶರ್ಮಾ

ಅಭಿಷೇಕ್‌ನ ಉತ್ತರವನ್ನು ಕೇಳಿದ ನಂತರ, ರಿತೇಶ್ ಮತ್ತೊಂದು ಮಗುವನ್ನು ಯೋಜಿಸುವ ಬಗ್ಗೆ ಅವನನ್ನು ಪ್ರಶ್ನಿಸಿದ್ದಾರೆ. ಈ ಪ್ರಶ್ನೆಯನ್ನು ಕೇಳಿದ ಅಭಿಷೇಕ್ ನಗಲು ಪ್ರಾರಂಭಿಸುತ್ತಾನೆ. ‘ನಿನ್ನ ವಯಸ್ಸಿನ ಬಗ್ಗೆ ಯೋಚಿಸು ರಿತೇಶ್. ನಾನು ನಿನಗಿಂತ ದೊಡ್ಡವನು’ ಎಂದಿದ್ದಾರೆ. ಇಬ್ಬರ ನಡುವಿನ ಈ ತಮಾಷೆಯ ಸಂವಾದ ಇದೀಗ ವೈರಲ್ ಆಗಿದೆ.

ಅಭಿಷೇಕ್ ಮತ್ತು ಐಶ್ವರ್ಯಾ 2007 ರಲ್ಲಿ ವಿವಾಹವಾದರು. ಅವರ ಮಗಳು ಆರಾಧ್ಯ ಇತ್ತೀಚೆಗೆ 13 ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಇತ್ತೀಚೆಗೆ ಹೈ ಪ್ರೊಫೈಲ್ ಮದುವೆ ಸಮಾರಂಭದ ಫೋಟೋ ವೈರಲ್ ಆದ ನಂತರ, ಅಭಿಷೇಕ್ ಮತ್ತು ಐಶ್ವರ್ಯಾ ಒಟ್ಟಿಗೆ ಇದ್ದಾರೆ ಎಂದು ಹೇಳಲಾಗುತ್ತದೆ. ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಈ ಫೋಟೋಗಳಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ