‘ಶೈತಾನ್​’ ಗೆದ್ದ ಬಳಿಕ ಅಜಯ್​ ದೇವಗನ್​ಗೆ ಬಂತಾ ಓವರ್​ ಕಾನ್ಫಿಡೆನ್ಸ್​?

ಬಾಲಿವುಡ್​ ನಟ ಅಜಯ್​ ದೇವಗನ್​ (Ajay Devgn) ಅವರು 2024ರ ಆರಂಭದಲ್ಲೇ ಗೆಲುವು ಕಂಡಿದ್ದಾರೆ. ಅವರು ನಟಿಸಿದ ‘ಶೈತಾನ್​’ ಸಿನಿಮಾ ಸೂಪರ್​ ಹಿಟ್​ ಆಗಿದೆ. ಈ ಸಿನಿಮಾದಲ್ಲಿ ಅಜಯ್​ ದೇವಗನ್​ ಜೊತೆ ಜ್ಯೋತಿಕಾ, ಮಾಧವನ್​, ಜಾನಕಿ ಬೋಡಿವಾಲಾ ಮುಂತಾದವರು ಅಭಿನಯಿಸಿದ್ದಾರೆ. ಭಾರತದ ಬಾಕ್ಸ್​ ಆಫೀಸ್​ನಲ್ಲಿ ‘ಶೈತಾನ್​’ (Shaitaan) ಸಿನಿಮಾಗೆ 142 ಕೋಟಿ ರೂಪಾಯಿ ಕಮಾಯಿ ಆಗಿದೆ. ಈ ಚಿತ್ರದ ಗೆಲುವಿನ ಬಳಿಕ ಅಜಯ್​ ದೇವಗನ್​ ಅವರಿಗೆ ಓವರ್​ ಕಾನ್ಫಿಡೆನ್ಸ್​ ಬಂದಿದೆಯಾ ಎಂಬ ಪ್ರಶ್ನೆ ಮೂಡಿದೆ. ಈ ಪ್ರಶ್ನೆ ಹುಟ್ಟಲು ಕಾರಣ ಆಗಿರುವುದು ‘ಮೈದಾನ್​’ (Maidaan) ಸಿನಿಮಾದ ಅವಧಿ.

ಅಜಯ್​ ದೇವಗನ್​ ನಟನೆಯ ‘ಮೈದಾನ್​’ ಸಿನಿಮಾ ಏಪ್ರಿಲ್​ 10ರಂದು ಬಿಡುಗಡೆ ಆಗಲಿದೆ. ಈ ಸಿನಿಮಾಗೆ ಸೆನ್ಸಾರ್​ ಪ್ರಕ್ರಿಯೆ ಮುಗಿದಿದೆ. ಆ ಬಳಿಕ ಗೊತ್ತಾದ ವಿಷಯ ಏನೆಂದರೆ, ‘ಮೈದಾನ್​’ ಸಿನಿಮಾದ ಅವಧಿ ಬರೋಬ್ಬರಿ 3 ಗಂಟೆ 1 ನಿಮಿಷ ಇದೆ. ಇಷ್ಟು ದೀರ್ಘ ಅವಧಿಯ ಸಿನಿಮಾವನ್ನು ಪ್ರೇಕ್ಷಕರು ತಾಳ್ಮೆಯಿಂದ ನೋಡುತ್ತಾರಾ ಎಂಬ ಪ್ರಶ್ನೆ ಮೂಡುವುದು ಸಹಜ. ಅಜಯ್​ ದೇವಗನ್​ ಅವರಿಗೆ ‘ಶೈತಾನ್​’ ಗೆಲುವಿನ ನಂತರ ಅತಿಯಾದ ಕಾನ್ಫಿಡೆನ್ಸ್​ ಬಂದಿದ್ದರಿಂದಲೇ ಅವರು 3 ಗಂಟೆ 1 ನಿಮಿಷ ಅವಧಿಯ ಸಿನಿಮಾವನ್ನು ಜನರ ಎದುರು ತರುತ್ತಿದ್ದಾರೆ ಎಂದು ಸಿನಿಪ್ರಿಯರು ಮಾತಾಡಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ಗೆಲುವಿನ ಬೆನ್ನಲ್ಲೇ ‘ಶೈತಾನ್’ ಚಿತ್ರಕ್ಕೆ ಸೀಕ್ವೆಲ್ ಮಾಡಲು ಮುಂದಾದ ಅಜಯ್ ದೇವಗನ್

ರಿಯಲ್​ ಲೈಫ್​ ಘಟನೆಗಳನ್ನು ಆಧರಿಸಿ ‘ಮೈದಾನ್​’ ಸಿನಿಮಾ ಮೂಡಿಬಂದಿದೆ. ಈ ಸಿನಿಮಾದಲ್ಲಿ ಫುಟ್​ಬಾಲ್​ ಕೋಚ್​ ಸೈಯದ್ ಅಬ್ದುಲ್​ ರಹೀಮ್​ ಅವರ ಪಾತ್ರಕ್ಕೆ ಅಜಯ್​ ದೇವಗನ್​ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರಕ್ಕೆ ‘ಬದಾಯಿ ಹೋ’ ಖ್ಯಾತಿಯ ಅಮಿತ್​ ಶರ್ಮಾ ಅವರು ನಿರ್ದೇಶನ ಮಾಡಿದ್ದಾರೆ. ಅಜಯ್​ ದೇವಗನ್​ ಜೊತೆ ಪ್ರಿಯಾಮಣಿ, ಗಜರಾಜ್​ ರಾವ್​, ರುದ್ರನೀಲ್​ ಘೋಶ್​ ಮುಂತಾದವರು ಕೂಡ ಈ ಚಿತ್ರದಲ್ಲಿ ನಟಿಸಿದ್ದಾರೆ.

#Xclusiv… ‘MAIDAAN’ RUN TIME… #Maidaan certified ‘UA’ by #CBFC on 3 April 2024. Duration: 181.30 min:sec [3 hours, 01 min, 30 sec]. #India

⭐ Theatrical release date: [Wed] 10 April 2024.#AjayDevgn #PriyaMani #GajrajRao pic.twitter.com/YA8PNHQBqd

— taran adarsh (@taran_adarsh) April 4, 2024

ಬಾಕ್ಸ್​ ಆಫೀಸ್​ನಲ್ಲಿ ಮೊದಲ ದಿನ ‘ಮೈದಾನ್​’ ಸಿನಿಮಾ ಎಷ್ಟು ಕಲೆಕ್ಷನ್​ ಮಾಡಲಿದೆ ಎಂಬುದನ್ನು ತಿಳಿಯುವ ಕೌತುಕ ಮೂಡಿದೆ. ಯಾಕೆಂದರೆ, ಅಕ್ಷಯ್​ ಕುಮಾರ್​, ಟೈಗರ್ ಶ್ರಾಫ್​ ನಟನೆಯ ‘ಬಡೆ ಮಿಯಾ ಚೋಟೆ ಮಿಯಾ’ ಸಿನಿಮಾದ ಎದುರು ‘ಮೈದಾನ್​’ ಸಿನಿಮಾ ಕ್ಲಾಶ್​ ಆಗುತ್ತಿದೆ. ಈ ಎರಡೂ ಚಿತ್ರಗಳು ಏಪ್ರಿಲ್​ 10ರಂದು ಬಿಡುಗಡೆ ಆಗಲಿವೆ. ಎರಡೂ ಸಿನಿಮಾಗಳು ಡಿಫರೆಂಟ್​ ಕಥಾಹಂದರ ಹೊಂದಿವೆ. ಈದ್​ ಪ್ರಯುಕ್ತ ಬಾಕ್ಸ್​ ಆಫೀಸ್​ನಲ್ಲಿ ಪೈಪೋಟಿ ಏರ್ಪಡಲಿದೆ. ಯಾವ ಚಿತ್ರಕ್ಕೆ ಪ್ರೇಕ್ಷಕರು ಹೆಚ್ಚು ಮಾರ್ಕ್ಸ್​ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.