Breaking News: ಖ್ಯಾತ ನಟ ಅರುಣ್​ ಬಾಲಿ ನಿಧನ; ಹಿರಿಯ ಕಲಾವಿದನ ಅಗಲಿಕೆಗೆ ಕಂಬನಿ ಮಿಡಿದ ಚಿತ್ರರಂಗ

ಹಿಂದಿ ಸಿನಿಮಾ ಹಾಗೂ ಕಿರುತೆರೆಯಲ್ಲಿ ಸಾಕಷ್ಟು ಜನಪ್ರಿಯತೆ ಗಳಿಸಿದ್ದ ನಟ ಅರುಣ್​ ಬಾಲಿ (Arun Bali) ಅವರು ನಿಧನರಾಗಿದ್ದಾರೆ. ಅವರ ಅಗಲಿಕೆಯ (Arun Bali Death) ಸುದ್ದಿ ತಿಳಿದು ಚಿತ್ರರಂಗದ ಅನೇಕರು ಕಂಬನಿ ಮಿಡಿಯುತ್ತಿದ್ದಾರೆ. ಬಣ್ಣದ ಲೋಕದಲ್ಲಿ ಅರುಣ್​ ಬಾಲಿ ಅವರಿಗೆ ಹಲವು ವರ್ಷಗಳ ಅನುಭವ ಇತ್ತು. ಅನೇಕ ಬಗೆಯ ಪಾತ್ರಗಳನ್ನು ಮಾಡಿ ಅವರು ಸೈ ಎನಿಸಿಕೊಂಡಿದ್ದರು. 79ನೇ ವಯಸ್ಸಿಗೆ ಅರುಣ್​ ಬಾಲಿ ಇಹಲೋಕ ತ್ಯಜಿಸಿದ್ದಾರೆ. ಅವರು ಕೊನೆಯದಾಗಿ ಕಾಣಿಸಿಕೊಂಡಿದ್ದು ಆಮಿರ್​ ಖಾನ್​ ನಟನೆಯ ‘ಲಾಲ್​ ಸಿಂಗ್ ಚಡ್ಡಾ’ (Laal Singh Chaddha) ಸಿನಿಮಾದಲ್ಲಿ. ಮೃತರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಅನೇಕ ಸೆಲೆಬ್ರಿಟಿಗಳು ಪ್ರಾರ್ಥಿಸುತ್ತಿದ್ದಾರೆ. ಸೋಶಿಯಲ್​ ಮೀಡಿಯಾ ಮೂಲಕ ಸಂತಾಪದ ನುಡಿಗಳನ್ನು ತಿಳಿಸಲಾಗುತ್ತಿದೆ.

ಮುಂಬೈ ಉಪನಗರದ ತಮ್ಮ ನಿವಾಸದಲ್ಲಿ ಅರುಣ್​ ಬಾಲಿ ಅವರು ಶುಕ್ರವಾರ (ಅ.7) ಮುಂಜಾನೆ ಕೊನೆಯುಸಿರು ಎಳೆದರು. 2022ರ ಆರಂಭದಲ್ಲೇ ಅವರಿಗೆ ಅನಾರೋಗ್ಯ ಕಾಡಲು ಆರಂಭಿಸಿತ್ತು. ಪರಿಣಾಮವಾಗಿ ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.

ಇದನ್ನೂ ಓದಿ

ಖ್ಯಾತ ಹಾಸ್ಯ ನಟ ನರಸಿಂಹ ರಾಜು ಹಿರಿಯ ಪುತ್ರಿ ಧರ್ಮವತಿ ಇನ್ನಿಲ್ಲ; ಹೃದಯಾಘಾತದಿಂದ ನಿಧನ

ಯೋಗರಾಜ್ ಭಟ್ ಮಾವ, ಸ್ಯಾಂಡಲ್​ವುಡ್ ಕಲಾವಿದ ಸತ್ಯ ನಾರಾಯಣ್ ಹೃದಯಾಘಾತದಿಂದ ನಿಧನ

KK Death: ಸಾವಿಗಿಂತ ಕೆಲವೇ ನಿಮಿಷಗಳ ಮುನ್ನ ವೇದಿಕೆ ತೊರೆದಿದ್ದ ಗಾಯಕ ಕೆಕೆ; ಇಲ್ಲಿದೆ ವೈರಲ್​ ವಿಡಿಯೋ

Edava Basheer Death: ಹಾಡುವಾಗಲೇ ವೇದಿಕೆಯಲ್ಲಿ ಕುಸಿದು ಬಿದ್ದು ಆರ್ಕೆಸ್ಟ್ರಾ ಗಾಯಕ ಎಡವ ಬಶೀರ್​ ನಿಧನ; ವಿಡಿಯೋ ವೈರಲ್​

ಶಾರುಖ್​ ಖಾನ್​ ನಟಿಸಿದ್ದ ‘ದೂರ್ಸಾ ಕೇವಲ್​’ ಧಾರಾವಾಹಿಯ ಮೂಲಕ ಅರುಣ್​ ಬಾಲಿ ಅವರು 1989ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಶಾರುಖ್​ ಖಾನ್​ರ ಅಂಕಲ್​ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದರು. ಬಳಿಕ ಅನೇಕ ಸೀರಿಯಲ್​ಗಳಲ್ಲಿ ನಟಿಸಿ ಅವರು ಫೇಮಸ್​ ಆದರು.

ಅರುಣ್​ ಬಾಲಿ ನಟಿಸಿದ ಪ್ರಮುಖ ಸೀರಿಯಲ್​ಗಳು:

ದೂರ್ಸಾ ಕೇವಲ್​, ಚಾಣಾಕ್ಯ, ಸ್ವಾಭಿಮಾನ್​, ದೇಶ್​ ಮೇ ನಿಕ್ಲಾ ಹೋಗ ಚಾಂದ್​, ಕುಂಕಮ್​, ಬಂಧಿ ಯುದ್ಧ್​ ಮೇ, ಶಕ್ತಿಮಾನ್​ ಮುಂತಾದವು ಅರುಣ್​ ಬಾಲಿ ನಟಿಸಿದ ಪ್ರಮುಖ ಧಾರಾವಾಹಿಗಳು.

He had a very charming screen presence and voice full of warmth. May he rest in peace. ??? #ArunBali https://t.co/YhOCX59E7W

— Abhishek Pandey (@AbhiTalkies) October 7, 2022

Actor Arun Bali expired today morning at 4.30 am in Mumbai. May God bless the departed soul.?? ? pic.twitter.com/UQ4eRIdNxx

— Urban Asian (@UrbanAsian) October 7, 2022

ಅರುಣ್​ ಬಾಲಿ ನಟಿಸಿದ ಪ್ರಮುಖ ಸಿನಿಮಾಗಳು:

ಸೌಗಂದ್​, ರಾಜು ಬನ್​ ಗಯಾ ಜಂಟಲ್​ಮ್ಯಾನ್​, ಖಳನಾಯಕ, ಸತ್ಯ, ಹೇ ರಾಮ್​, ಲಗೇ ರಹೋ ಮುನ್ನ ಭಾಯ್​, 3 ಈಡಿಯಟ್ಸ್​, ರೆಡಿ, ಬರ್ಫಿ, ಮನ್​ಮರ್ಜಿಯಾ, ಕೇದಾರ್​ನಾಥ್​, ಸಾಮ್ರಾಟ್​ ಪೃಥ್ವಿರಾಜ್​, ಲಾಲ್​ ಸಿಂಗ್​ ಚಡ್ಡಾ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿ ಅವರು ಪ್ರೇಕ್ಷಕರನ್ನು ರಂಜಿಸಿದ್ದರು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 9:30 am, Fri, 7 October 22