ರಣಬೀರ್-ರಣವೀರ್​ನ ತಂದೆ ತಾಯಿಗೆ ಹೋಲಿಸಿದ್ದ ದೀಪಿಕಾ ಪಡುಕೋಣೆ

ಖ್ಯಾತ ಹಿಂದಿ ಸಿನಿಮಾ ನಟಿ ದೀಪಿಕಾ ಪಡುಕೋಣೆ (Deepika Padukone) ಅವರ ನಟನೆ ಅದ್ಭುತವಾಗಿದ್ದು, ಯಾರಿಗೂ ಅದರ ಬಗ್ಗೆ ಯಾವುದೇ ಸಂದೇಹವಿಲ್ಲ. ಆದರೆ ದೀಪಿಕಾ ತಮ್ಮ ನಟನೆಗಾಗಿ ಮಾತ್ರ ಸುದ್ದಿಯಲ್ಲಿ ಇರುವುದಿಲ್ಲ. ಜೊತೆಗೆ ಬೇರೆ ಕಾರಣಗಳಿಂದ ಸಾಕಷ್ಟು ಸುದ್ದಿ ಆಗುತ್ತಾರೆ. ಅವರು ಸಿನಿಮಾ ಪ್ರಚಾರದ ಸಂದರ್ಭದಲ್ಲಿ ಸಂದರ್ಶನಗಳನ್ನು ನೀಡುತ್ತಾ ಇರುತ್ತಾರೆ. ಈಗ ಅವರು ನೀಡಿದ ಹಳೆಯ ಹೇಳಿಕೆ ಒಂದು ವೈರಲ್ ಆಗಿ ಗಮನ ಸೆಳೆದಿದೆ.

ದೀಪಿಕಾ ಪಡುಕೋಣೆ 2018ರಲ್ಲಿ ರಣವೀರ್ ಸಿಂಗ್ ಅವರನ್ನು ವಿವಾಹವಾದರು. ಇದಕ್ಕೂ ಮೊದಲು ಅವರು ರಣಬೀರ್ ಕಪೂರ್ ಜೊತೆ ರಿಲೇಶನ್​ಶಿಪ್​ನಲ್ಲಿ ಇದ್ದರು. ರಣಬೀರ್ ಮತ್ತು ದೀಪಿಕಾ ಅವರ ಪ್ರೇಮಕಥೆ ಸಾಕಷ್ಟು ಸುದ್ದಿಯಲ್ಲಿತ್ತು. ಆದರೆ ಬ್ರೇಕಪ್ ನಂತರ, ರಣವೀರ್ ದೀಪಿಕಾರ ಜೀವನದಲ್ಲಿ ಬಂದರು ಮತ್ತು ನಂತರ ಇಬ್ಬರೂ ವಿವಾಹವಾದರು. ಆದರೆ ಬ್ರೇಕ್ ಅಪ್ ಹೊರತಾಗಿಯೂ, ದೀಪಿಕಾ ರಣಬೀರ್ ಕಪೂರ್ ಜೊತೆ ಕಾಣಿಸಿಕೊಂಡಿದ್ದಾರೆ. ಒಂದು ಹಂತದಲ್ಲಿ, ರಣವೀರ್ ಮತ್ತು ರಣಬೀರ್ ಇಬ್ಬರಲ್ಲಿ ಯಾರು ಉತ್ತಮ ನಟ ಎಂದು ದೀಪಿಕಾ ಅವರನ್ನು ಕೇಳಲಾಯಿತು. ಆಗ ದೀಪಿಕಾ ಏನು ಉತ್ತರಿಸಿದ್ದರು ಎಂಬುದನ್ನು ನೋಡೋಣ.

ಈ ಘಟನೆ ರಣಬೀರ್ ಕಪೂರ್ ಮತ್ತು ದೀಪಿಕಾ ಪಡುಕೋಣೆ 2015 ರ ತಮ್ಮ ಚಲನಚಿತ್ರ ‘ತಮಾಷಾ’ ಪ್ರಚಾರದಲ್ಲಿದ್ದಾಗ ನಡೆದಿದೆ . ದೀಪಿಕಾ ರಣಬೀರ್ ಜೊತೆಗಿನ ಸಂಬಂಧ ಮುರಿದುಕೊಂಡು ರಣವೀರ್ ಸಿಂಗ್ ಜೊತೆ ಡೇಟಿಂಗ್ ಮಾಡುತ್ತಿದ್ದ ಸಮಯವಿದು. ತಮಾಷಾ ಚಿತ್ರದ ಪ್ರಚಾರದ ಸಮಯದಲ್ಲಿ, ರಣಬೀರ್ ಕಪೂರ್ ಮತ್ತು ರಣವೀರ್ ಸಿಂಗ್ ಇವರಲ್ಲಿ ಯಾರು ಉತ್ತಮ ನಟ ಎಂದು ನೀವು ಪರಿಗಣಿಸುತ್ತೀರಿ ಎಂದು ಕೇಳಲಾಯಿತು.

ದೀಪಿಕಾ ಈ ಪ್ರಶ್ನೆಗೆ ಬಹಳ ಬುದ್ಧಿವಂತಿಕೆಯಿಂದ ಉತ್ತರಿಸಿದರು. ಅವರು ಯಾವುದೇ ನಟನ ಹೆಸರನ್ನು ಹೇಳಲಿಲ್ಲ. ಆದರೆ ಇಬ್ಬರೂ ಉತ್ತಮರು ಎಂದು ಅವರು ಹೇಳಿದ್ದರು. ‘ನಿನ್ನ ತಾಯಿಯನ್ನು ಇಷ್ಟಪಡುತ್ತೀಯಾ ಅಥವಾ ನಿನ್ನ ತಂದೆಯನ್ನು ಇಷ್ಟಪಡುತ್ತೀಯಾ ಎಂದು ಹೇಳುತ್ತಿರುವಂತೆ ಇದೆ’ ಎಂದು ನಟಿ ಹೇಳಿದ್ದರು.

ಇದನ್ನೂ ಓದಿ: ‘ಸ್ಪಿರಿಟ್’ ಚಿತ್ರಕ್ಕೆ ಪ್ರಭಾಸ್​ಗೆ ಜೊತೆಯಾಗಲಿದ್ದಾರೆ ದೀಪಿಕಾ ಪಡುಕೋಣೆ?

ದೀಪಿಕಾಳ ಈ ಉತ್ತರದ ನಂತರ, ಪ್ರೇಕ್ಷಕರಿಂದ ಒಬ್ಬರು ತಾಯಿ ಯಾರು ಎಂದು ಕೇಳಿದರು. ಇದಕ್ಕೆ ರಣಬೀರ್ ತಕ್ಷಣ ತಮಾಷೆಯಾಗಿ, ‘ನಾನು ತಂದೆಯಾಗಲು ಬಯಸುತ್ತೇನೆ’ ಎಂದು ಉತ್ತರಿಸಿದ್ದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.