ಗಂಡನ ಮಾಜಿ ಪತ್ನಿಯ ಪುತ್ರಿ ಸಮೈರಾಗೆ ಪ್ರೀತಿಯ ಬರ್ತ್​ಡೇ ವಿಶ್​ ಮಾಡಿದ ನಟಿ ದಿಯಾ ಮಿರ್ಜಾ

ಸೆಲೆಬ್ರಿಟಿಗಳ ದುನಿಯಾದಲ್ಲಿ ಡಿವೋರ್ಸ್​ (Divorce) ಎಂಬುದು ತುಂಬ ಕಾಮನ್​ ಎಂಬಂತಾಗಿದೆ. ಇತ್ತೀಚಿನ ವರ್ಷಗಳಲ್ಲಿ ಅನೇಕ ಸ್ಟಾರ್​ ದಂಪತಿಗಳು ವಿಚ್ಛೇದನ ಪಡೆದು ಸುದ್ದಿ ಆಗಿದ್ದಾರೆ. ಡಿವೋರ್ಸ್​ ಪಡೆದ ಬಳಿಕ ಅವರು ಹೇಗೆ ನಡೆದುಕೊಳ್ಳುತ್ತಾರೆ ಎಂಬುದು ಕೂಡ ಚರ್ಚೆಯ ವಿಷಯ ಆಗುತ್ತದೆ. ನಟಿ ದಿಯಾ ಮಿರ್ಜಾ (Dia Mirza) ಅವರು ಕೂಡ ಕಳೆದ ವರ್ಷ ಎರಡನೇ ಮದುವೆ ಆದರು. ಮೊದಲ ಪತಿ ಸಾಹಿಲ್​ ಸಂಘ ಜೊತೆ ಅವರು 2014ರಲ್ಲಿ ಮದುವೆ ಆಗಿದ್ದರು. 2019ರಲ್ಲಿ ಅವರು ವಿಚ್ಛೇದನ ಪಡೆದರು. ನಂತರ ಅವರು ವೈಭವ್​ ರೇಖಿ (Vaibhav Rekhi) ಜೊತೆ ಹೊಸ ಜೀವನ ಆರಂಭಿಸಿದರು. 2021ರ ಫೆಬ್ರವರಿಯಲ್ಲಿ ಅವರ ಮದುವೆಯು ಆಪ್ತರ ಸಮ್ಮುಖದಲ್ಲಿ ನೆರವೇರಿತು. ವಿಶೇಷ ಏನೆಂದರೆ ವೈಭವ್​ ರೇಖಿ ಅವರು ಮೊದಲ ಪತ್ನಿಯ ಮಗಳಾದ ಸಮೈರಾ ರೇಖಿ ಜೊತೆ ದಿಯಾ ಮಿರ್ಜಾ ಅವರು ಅತ್ಯಂತ ಆತ್ಮೀಯವಾಗಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ಅವರ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಅನೇಕ ಫೋಟೋಗಳಿವೆ. ಇಂದು (ಮಾ.30) ಸಮೈರಾ ರೇಖಿಯ ಜನ್ಮದಿನ. ಈ ಪ್ರಯುಕ್ತ ದಿಯಾ ಮಿರ್ಜಾ ಅವರು ಪ್ರೀತಿಯಿಂದ ವಿಶ್​ ಮಾಡಿದ್ದಾರೆ. ಅವರು ಬರೆದುಕೊಂಡಿರುವ ವಿಶೇಷ ಸಾಲುಗಳು ಗಮನ ಸೆಳೆಯುತ್ತಿವೆ.

ಎರಡನೇ ಮದುವೆ ಆದವರು ಗಂಡನ/ಹೆಂಡತಿಯ ಮಾಜಿ ಲೈಫ್​ ಪಾರ್ಟ್ನರ್​ ಜೊತೆ ಅಥವಾ ಅವರ ​ಮಕ್ಕಳ ಜೊತೆ ಒಳ್ಳೆಯ ಸಂಬಂಧ ಹೊಂದಿರುವುದು ವಿರಳ. ಆದರೆ ದಿಯಾ ಮಿರ್ಜಾ ಅವರು ಈ ವಿಚಾರದಲ್ಲಿ ಅನೇಕರ ಮೆಚ್ಚುಗೆ ಗಿಟ್ಟಿಸುತ್ತಿದ್ದಾರೆ. ಗಂಡನ ಮೊದಲ ಪತ್ನಿಯ ಮಗಳು ಸಮೈರಾ ಇಂದು 13ನೇ ವರ್ಷಕ್ಕೆ ಕಾಲಿಟ್ಟಿದ್ದಾಳೆ. ಆಕೆಯ ಹುಟ್ಟುಹಬ್ಬಕ್ಕೆ ದಿಯಾ ಮಿರ್ಜಾ ವಿಶ್​ ಮಾಡಿ ಗಮನ ಸೆಳೆದಿದ್ದಾರೆ.

‘ಅತ್ಯಮೂಲ್ಯವಾದ ಹುಡುಗಿಯೇ ನಿನಗೆ 13ನೇ ವರ್ಷದ ಜನ್ಮದಿನದ ಶುಭಾಶಗಳು. ನನಗಾಗಿ ನಿನ್ನ ಮನೆಯ ಮತ್ತು ಹೃದಯದ ಬಾಗಿಲನ್ನು ತೆರೆದಿದ್ದಕ್ಕಾಗಿ ಧನ್ಯವಾದಗಳು. ನೀನು ನನ್ನ ಪಾಲಿಗೆ ತುಂಬ ಸ್ಪೆಷಲ್​. ಬದುಕಿನ ಇನ್ನುಳಿದ ಕಾಲವನ್ನು ನಿನ್ನ ಜೊತೆ ಕಲಿಯುತ್ತ, ಬೆಳೆಯುತ್ತ ಕಳೆಯಲು ನಾನು ಕಾದಿದ್ದೇನೆ. ನಿನ್ನನ್ನು ನಾನು ಪ್ರೀತಿಸುತ್ತೇನೆ. ನಿನ್ನ ಪ್ರೀತಿ ಮತ್ತು ಬೆಳಕನ್ನು ಹರಡುತ್ತಾ ಇರು’ ಎಂದು ದಿಯಾ ಮಿರ್ಜಾ ಬರೆದುಕೊಂಡಿದ್ದಾರೆ.

ದಿಯಾ ಮಿರ್ಜಾ ಮತ್ತು ವೈಭವ್​ ರೇಖಿ ಮದುವೆ ಆದಾಗ ಆ ಸಮಾರಂಭದಲ್ಲಿ ಸಮೈರಾ ಕೂಡ ಭಾಗವಹಿಸಿದ್ದಳು. ಮಲತಾಯಿಗಾಗಿ ಪ್ರೀತಿ ಸಂದೇಶದ ಬೋರ್ಡ್​ ಹಿಡಿದು ಸಂಭ್ರಮಿಸಿದ್ದಳು. ಆ ವಿಡಿಯೋಗಳು ಸಖತ್​ ವೈರಲ್​ ಆಗಿತ್ತು. ಈ ಮದುವೆಯ ಬಗ್ಗೆ ವೈಭವ್​ ರೇಖಿ ಅವರ ಮಾಜಿ ಹೆಂಡತಿ ಸುನೈನಾ ರೇಖಿ ಖುಷಿಯಿಂದಲೇ ಮಾತನಾಡಿದ್ದರು. ಆ ವಿಡಿಯೋ ಕೂಡ ವೈರಲ್​ ಆಗಿತ್ತು.

‘ದಿಯಾ ಮತ್ತು ವೈಭವ್​ಗೆ ಮದುವೆಯ ಶುಭಾಶಯಗಳು. ನನಗೆ ಅನೇಕರು ಮೆಸೇಜ್​ ಮಾಡುತ್ತಿದ್ದಾರೆ. ನೀವು ಮತ್ತು ಮಗಳು ಸಮೈರಾ ಹೇಗಿದ್ದೀರಿ ಅಂತ ಕೇಳುತ್ತಿದ್ದಾರೆ. ಈ ರೀತಿ ಪ್ರೀತಿ ಮತ್ತು ಕಾಳಜಿ ತೋರಿಸುತ್ತಿರುವುದಕ್ಕಾಗಿ ಮೊದಲಿಗೆ ಧನ್ಯವಾದಗಳು. ನಾನು ಚೆನ್ನಾಗಿ ಇದ್ದೇನೆ. ನಾನು ಮಾತ್ರವಲ್ಲ, ನನ್ನ ಮಗಳು ಕೂಡ ಚೆನ್ನಾಗಿ ಇದ್ದಾಳೆ. ಮದುವೆಯಲ್ಲಿ ಆಕೆ ಹೂವು ಎಸೆಯುತ್ತಿರುವ ವಿಡಿಯೋ ನೋಡಿದೆ. ಅವಳು ಹೆಚ್ಚು ಎಗ್ಸೈಟ್​ ಆಗಿದ್ದಾಳೆ’ ಎಂದು ಸುನೈನಾ ಹೇಳಿದ್ದರು.

ದಿಯಾ ಮಿರ್ಜಾ ಮತ್ತು ವೈಭವ್​ ರೇಖಿಗೆ 2021ರ ಜೂನ್​ ತಿಂಗಳಲ್ಲಿ ಗಂಡು ಮಗು ಜನಿಸಿತು. ಇದು ಪ್ರೀಮೆಚ್ಯೂರ್​ ಬೇಬಿ ಆಗಿರುವುದರಿಂದ ಹೆಚ್ಚಿನ ಕಾಳಜಿ ವಹಿಸಲಾಯಿತು. ಪುತ್ರನ ಫೋಟೋಗಳನ್ನು ಕೂಡ ದಿಯಾ ಮಿರ್ಜಾ ಅವರು ಇನ್​ಸ್ಟಾಗ್ರಾಮ್​ನಲ್ಲಿ ಆಗಾಗ ಶೇರ್​ ಮಾಡಿಕೊಳ್ಳುತ್ತ ಇರುತ್ತಾರೆ.

ಇದನ್ನೂ ಓದಿ:

‘ಡಿವೋರ್ಸ್​ ಆಗಿರಬಹುದು, ಆದ್ರೆ ಜೊತೆಗಿದ್ದೇವೆ’; ಇಬ್ಬರು ಮಾಜಿ ಪತ್ನಿಯರ ಬಗ್ಗೆ ಮಾತಾಡಿದ ಆಮಿರ್​ ಖಾನ್​

ಚಿತ್ರರಂಗದಲ್ಲಿ ಮುಂದುವರಿದ ವಿಚ್ಛೇದನ ಸರಣಿ; ಖ್ಯಾತ ನಿರ್ದೇಶಕನ ಡಿವೋರ್ಸ್​