ಬಾಬಿ ಡಿಯೋಲ್​ಗೆ ‘ಅನಿಮಲ್’ ಪಾತ್ರ ದೊರೆತ ಬಗೆ ವಿಚಿತ್ರ

ಬಾಬಿ ಡಿಯೋಲ್ (Bobby Deol), ಬಾಲಿವುಡ್​ನಲ್ಲಿ ತುಸು ಜೋರಾಗಿಯೇ ಕೇಳುತ್ತಿರುವ ಹೆಸರಿದು. ಬಾಬಿ ಡಿಯೋಲ್​ಗೆ ಈ ಜನಪ್ರಿಯತೆ ಹೊಸದಲ್ಲ, ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಾಗಲೇ ಅವರು ಸ್ಟಾರ್ ಆಗಿದ್ದರು, ಆದರೆ ಕಾಲಾಂತರದಲ್ಲಿ ಅವರ ಸ್ಟಾರ್​ ಗಿರಿ ಕರಗಿ ಯಾರಿಗೂ ಬೇಡವಾಗಿದ್ದರು. ಆದರೆ ಅವರ ಹೆಸರು ಈಗ ಮತ್ತೆ ಬಾಲಿವುಡ್ಡಿಗರ ಬಾಯಲ್ಲಿ ಕೇಳಿ ಬರುತ್ತಿದೆ. ಕಮ್​ಬ್ಯಾಕ್ ಆದರೆ ಹೀಗೆಯೇ ಆಗಬೇಕು ಎಂದು ಮಾತನಾಡಿಕೊಳ್ಳುವಷ್ಟರ ಮಟ್ಟಿಗೆ ಅದ್ಭುತವಾದ ಕಮ್​ಬ್ಯಾಕ್ ಅನ್ನು ಬಾಬಿ ಡಿಯೋಲ್ ಮಾಡಿದ್ದಾರೆ.

ಇತ್ತೀಚೆಗೆ ಬಿಡುಗಡೆ ಆಗಿರುವ ‘ಅನಿಮಲ್’ ಸಿನಿಮಾದಲ್ಲಿ ಬಾಬಿ ಡಿಯೋಲ್ ನಿರ್ವಹಿಸಿರುವ ವಿಲನ್ ಪಾತ್ರಕ್ಕೆ ತೀವ್ರ ಮೆಚ್ಚುಗೆ ವ್ಯಕ್ತವಾಗಿದೆ. ಸಿನಿಮಾದ ಟೀಸರ್, ಟ್ರೈಲರ್​ಗಳಲ್ಲಿಯೇ ಬಾಬಿಯ ನಟನೆ, ಸ್ವಾಗ್ ಪ್ರೇಕ್ಷಕರಿಗೆ ಗುಂಗು ಹಿಡಿಸಿತ್ತು, ಸಿನಿಮಾ ಬಿಡುಗಡೆ ಆದ ಬಳಿಕ, ರಣ್​ಬೀರ್ ನಟನೆಗೆ ಸಿಗುತ್ತಿರುವಷ್ಟೆ ಪ್ರಶಂಸೆ, ಆದರ ಬಾಬಿ ಡಿಯೋಲ್ ಪಾತ್ರಕ್ಕೂ ಸಿಗುತ್ತಿದೆ. ಬಾಬಿ ಡಿಯೋಲ್ ಕಮ್​ಬ್ಯಾಕ್ ಜರ್ನಿಯಲ್ಲಿನ ಪವರ್​ಫುಲ್ ಪಾತ್ರ ಇದಾಗಿದೆ. ಅಂದಹಾಗೆ ಬಾಬಿಗೆ ಈ ಪಾತ್ರ ದೊರೆತಿದ್ದು ಒಂದು ವಿಶೇಷ ಕತೆ.

ಬಾಬಿ ಡಿಯೋಲ್, ಚಿತ್ರರಂಗದಲ್ಲಿ ಮೂಲೆಗುಂಪಾಗಿದ್ದ ಸಮಯದಲ್ಲಿ, ತಮ್ಮ ಇರುವಿಕೆ ಪ್ರದರ್ಶಿಸಲು ಸಣ್ಣ ಪುಟ್ಟ ಸಿನಿಮಾಗಳು, ಕಾಮಿಡಿ ಸಿನಿಮಾಗಳನ್ನು ಮಾಡುತ್ತಾ ಕೆಲವು ರಿಯಾಲಿಟಿ ಶೋಗಳಿಗೆ, ಸೆಲೆಬ್ರಿಟಿ ಕ್ರಿಕೆಟ್ ಲೀಗ್​ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ಸೆಲೆಬ್ರಿಟಿ ಕ್ರಿಕೆಟ್ ಲೀಗ್​ನ ಮ್ಯಾಚ್​ ಒಂದರಲ್ಲಿ ಆಡುತ್ತಿದ್ದ ಸಮಯದಲ್ಲಿ ಪೆವಿಲಿಯನ್​ನಲ್ಲಿ ಕೂತು ಮ್ಯಾಚ್ ಅನ್ನು ಆಸಕ್ತಿಯಿಂದ ನೋಡುತ್ತಿದ್ದ ಬಾಬಿಯ ಚಿತ್ರವೊಂದನ್ನು ಯಾರೋ ಕ್ಲಿಕ್ಕಿಸಿದ್ದರು. ಬಹಳ ತುರುಸಿನ ಪಂದ್ಯವಾದ್ದರಿಂದ ಬಹಳ ಗಮನವಿಟ್ಟು ಬಾಬಿ ಪಂದ್ಯವನ್ನು ವೀಕ್ಷಿಸುತ್ತಿದ್ದರು.

ಇದನ್ನೂ ಓದಿ:‘ಅನಿಮಲ್​’ ಸಿನಿಮಾ ವೈಲೆಂಟ್ ಆಗಿದೆ ಎಂಬ ಆರೋಪಕ್ಕೆ ಆರ್​ಜಿವಿ ಕೊಟ್ರು ತಿರುಗೇಟು

‘ಅನಿಮಲ್’ ನಿರ್ದೇಶಕ ಸಂದೀಪ್ ರೆಡ್ಡಿ ವಂಗಾ ಕಣ್ಣಿಗೆ ಯಾವಾಗಲೋ ಆ ಫೋಟೊ ಕಣ್ಣಿಗೆ ಬಿತ್ತು, ಆ ಚಿತ್ರದಲ್ಲಿ ಬಾಬಿಯ ಮುಖದಲ್ಲಿದ್ದ ಆ ತೀರ್ವತೆ, ಕಣ್ಣಿನಲ್ಲಿದ್ದ ಆ ತೀಕ್ಷಣತೆ ಬಹಳ ಇಷ್ಟವಾಯಿತಂತೆ. ‘ಆ ಚಿತ್ರ ನೋಡುತ್ತಿದ್ದರೆ ನೋಡುತ್ತಲೇ ಇರಬೇಕು ಅನ್ನಿಸಿತು, ಆ ಚಿತ್ರ ನೋಡುತ್ತಾ ನೋಡುತ್ತಾ ನನಗೂ ಅದೇ ತೀವ್ರತೆ ಬರುವಂತೆ ಆಯಿತು ಆಗಲೇ ನಾನು ನಿಶ್ಚಯಿಸಿದೆ ಇವರೇ ನನ್ನ ಸಿನಿಮಾಕ್ಕೆ ವಿಲನ್ ಎಂದು’ ಇದು ಸಂದೀಪ್ ರೆಡ್ಡಿ ಬಾಬಿಯ ಆ ಚಿತ್ರದ ಬಗ್ಗೆ ಆಡಿದ್ದ ಮಾತು.

‘ಅನಿಮಲ್’ ಸಿನಿಮಾದಲ್ಲಿ ರಣ್​ಬೀರ್​ ಬಾಡಿಯನ್ನು ಮೀರಿಸುವಂತೆ ಬಾಬಿ ದೇಹವನ್ನು ಹುರಿಗಳಿಸಿಕೊಂಡಿದ್ದಾರೆ. ನಟನೆಯಲ್ಲಿಯೂ ಸಖತ್ ಮಿಂಚಿದ್ದಾರೆ. ಸಿನಿಮಾದಲ್ಲಿ ಬಾಬಿ ಡಿಯೋಲ್​ರ ಎಂಟ್ರಿ ಸೀನ್, ಎಂಟ್ರಿ ಸೀನ್​ಗೆ ಬಳಸಿರುವ ಹಾಡು ಸಖತ್ ಸದ್ದು ಮಾಡುತ್ತಿದೆ. ‘ಅನಿಮಲ್’ ಸಿನಿಮಾದ ಬಳಿಕ ಬಾಬಿಗೆ ಇನ್ನೂ ಹಲವು ಅವಕಾಶಗಳು ಅರಸಿ ಬರುತ್ತಿವೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ