Kamal Kishor Mishra: ಪರಸ್ತ್ರೀ ಜತೆ ಸಿಕ್ಕಿಬಿದ್ದು, ಹೆಂಡತಿ ಮೇಲೆ ಕಾರು ಹತ್ತಿಸಿ ಕೊಲೆ ಪ್ರಯತ್ನ ಮಾಡಿದ ನಿರ್ಮಾಪಕ ಕಮಲ್​ ಮಿಶ್ರಾ ಬಂಧನ

ಪತ್ನಿಯನ್ನು ಕೊಲ್ಲಲು ಯತ್ನಿಸಿದ ಪ್ರಕರಣದಲ್ಲಿ ನಿರ್ಮಾಪಕ ಕಮಲ್​ ಕಿಶೋರ್​ ಮಿಶ್ರಾ (Kamal Kishor Mishra) ಅವರ ಬಂಧನ ಆಗಿದೆ. ಮುಂಬೈ ಪೊಲೀಸರು ಗುರುವಾರ (ಅ.27) ರಾತ್ರಿ ಅವರನ್ನು ಅರೆಸ್ಟ್​ (Kamal Kishor Mishra Arrest) ಮಾಡಿದ್ದಾರೆ. ಪರಸ್ತ್ರೀ ಜೊತೆ ಇದ್ದಾಗ ಪತ್ನಿಯ ಕೈಗೆ ಕಮಲ್​ ಕಿಶೋರ್​ ಮಿಶ್ರಾ ರೆಡ್​ ಹ್ಯಾಂಡ್​ ಆಗಿ ಸಿಕ್ಕಿ ಬಿದ್ದಿದ್ದರು. ನಂತರ ಅಲ್ಲಿಂದ ಪರಾರಿ ಆಗಲು ಯತ್ನಿಸಿದ್ದರು. ಅವರನ್ನು ತಡೆಯಲು ಹೋದ ಪತ್ನಿಯ ಮೇಲೆ ಕಾರು ಹತ್ತಿಸಿದ್ದರು. ಈ ಶಾಕಿಂಗ್​ ಘಟನೆಯ ದೃಶ್ಯ ಸಿಸಿಟಿವಿಯಲ್ಲಿ (Kamal Kishor Mishra CCTV video) ಸೆರೆಯಾಗಿದೆ. ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿರುವ ಈ ವಿಡಿಯೋ ಕಂಡು ಎಲ್ಲರೂ ಬೆಚ್ಚಿ ಬಿದ್ದಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಮಲ್​ ಕಿಶೋರ್​ ಮಿಶ್ರಾ ಅವರನ್ನು ಬಂಧಿಸಲಾಗಿದೆ.

ಏನಿದು ಘಟನೆ?

ಬಾಲಿವುಡ್​ನ ಕೆಲವು ಸಿನಿಮಾಗಳನ್ನು ನಿರ್ಮಿಸಿದ ಕಮಲ್​ ಕಿಶೋರ್​ ಮಿಶ್ರಾ ಅವರು 9 ವರ್ಷಗಳ ಹಿಂದೆ ಯಾಸ್ಮಿನ್ ಅವರನ್ನು ಮದುವೆಯಾಗಿದ್ದರು. ಆದರೆ ಈಗ ಅವರು ಮಾಡೆಲ್​ ಆಯೇಷಾ ಸುಪ್ರಿಯಾ ಜೊತೆ ಡೇಟಿಂಗ್​ ನಡೆಸುತ್ತಿದ್ದಾರೆ ಎಂಬ ಆರೋಪ ಎದುರಾಗಿದೆ. ಮಾಡೆಲ್​ ಜೊತೆ ಅವರು ಕಾರಿನಲ್ಲಿ ರೊಮ್ಯಾನ್ಸ್​ ಮಾಡುತ್ತಿದ್ದನ್ನು ನೋಡಿದ ಪತ್ನಿಗೆ ಶಾಕ್​ ಆಗಿದೆ. ಕೂಡಲೇ ಕಾರಿನಿಂದ ಹೊರಗೆ ಬರುವಂತೆ ಗಂಡನಿಗೆ ಯಾಸ್ಮಿನ್​ ಸೂಚಿಸಿದರು. ಆದರೆ ಪತ್ನಿಯನ್ನು ನೋಡುತ್ತಲೇ ಗಾಬರಿಕೊಂಡ ಕಮಲ್​ ಕಿಶೋರ್​ ಮಿಶ್ರಾ ಅಲ್ಲಿಂದ ಪರಾರಿ ಆಗಲು ಪ್ರಯತ್ನಿಸಿದರು. ಈ ವೇಳೆ ಪತ್ನಿ ಮೇಲೆ ಅವರು ಕಾರು ಹತ್ತಿಸಿದರು. ಯಾಸ್ಮಿನ್​ ಅವರಿಗೆ ಗಂಭೀರ ಗಾಯಗಳಾಗಿದ್ದು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇದನ್ನೂ ಓದಿ

Swara Bhaskar: ಸಲ್ಮಾನ್​ ಖಾನ್​ ಬಳಿಕ ನಟಿ ಸ್ವರಾ ಭಾಸ್ಕರ್​ಗೆ ಕೊಲೆ ಬೆದರಿಕೆ; ಸಾವರ್ಕರ್​ ಬಗ್ಗೆ ಮಾತಾಡಿದ್ದಕ್ಕೆ ಆಕ್ರೋಶ

ಸಲ್ಮಾನ್ ಖಾನ್​ಗೆ ಕೊಲೆ ಬೆದರಿಕೆ ಪ್ರಕರಣ; ಗ್ಯಾಂಗ್​​ಸ್ಟರ್ ಲಾರೆನ್ಸ್ ಬಿಷ್ಣೋಯ್ ವಿಚಾರಣೆ

‘ನಿಮ್ಮನ್ನೂ ಸಿಧು ಮೂಸೆವಾಲಾ ರೀತಿ ಕೊಲ್ಲುತ್ತೇವೆ’; ಸಲ್ಮಾನ್​ ಖಾನ್ ತಂದೆಗೆ ಕೊಲೆ ಬೆದರಿಕೆ

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವನ್ನು ಟೀಕಿಸಿದ ನಟ ಸಿದ್ಧಾರ್ಥ್​ಗೆ ಕೊಲೆ ಬೆದರಿಕೆ  

ಅಂಬೋಲಿ ಪೊಲೀಸರಿಂದ ಕಮಲ್​ ಮಿಶ್ರಾ ಬಂಧನ:

ಕಮಲ್​ ಕಿಶೋರ್​ ಮಿಶ್ರಾ ಪತ್ನಿ ಯಾಸ್ಮಿನ್​ ನೀಡಿದ ದೂರಿನ ಅನ್ವಯ ಅಂಬೋಲಿ ಪೊಲೀಸರು ಕಾರ್ಯಾಚರಣೆ ಆರಂಭಿಸಿದರು. ಘಟನೆ ನಡೆದ ಕೆಲವೇ ಗಂಟೆಗಳಲ್ಲಿ ಕಮಲ್​ ಕಿಶೋರ್​ ಮಿಶ್ರಾ ಅವರನ್ನು ಬಂಧಿಸಲಾಗಿದೆ. ಕೊಲೆ ಯತ್ನದ ಕೇಸ್​ ಅವರ ಮೇಲಿದೆ. ಪತ್ನಿ ಮೇಲೆ ಕಾರು ಹತ್ತಿಸಿದ ಸಿಸಿಟಿವಿ ದೃಶ್ಯ ನೋಡಿದ ನೆಟ್ಟಿಗರು ಹಿಡಿ ಶಾಪ ಹಾಕುತ್ತಿದ್ದಾರೆ. ಕಮಲ್​ ಕಿಶೋರ್​ ಮಿಶ್ರಾಗೆ ತಕ್ಕ ಶಿಕ್ಷೆ ಆಗಬೇಕು ಎಂದು ಜನರು ಕಮೆಂಟ್​ ಮಾಡುತ್ತಿದ್ದಾರೆ.

ಯಾರು ಈ ಕಮಲ್​ ಕಿಶೋರ್ ಮಿಶ್ರಾ?

2018ರಲ್ಲಿ ಕಮಲ್​ ಕಿಶೋರ್ ಮಿಶ್ರಾ ಅವರು ಚಿತ್ರರಂಗದ ನಂಟು ಬೆಳೆಸಿಕೊಂಡರು. ಒಂದಷ್ಟು ಸಿನಿಮಾಗಳಿಗೆ ಅವರು ಬಂಡವಾಳ ಹೂಡಿದ್ದಾರೆ. ಫಿಟ್ನೆಸ್​ ಬಗ್ಗೆ ಹೆಚ್ಚು ಕಾಳಜಿ ಹೊಂದಿದ್ದಾರೆ. ಸೆಲೆಬ್ರಿಟಿಗಳ ಜೊತೆ ಫೋಟೋ ಕ್ಲಿಕ್ಕಿಸಿಕೊಳ್ಳುವ ಗೀಳು ಅವರಿಗೆ ಇದೆ. ಪತ್ನಿ ಮೇಲೆ ದೌರ್ಜನ್ಯ ಎಸಗಿದ ಅವರೀಗ ಪೊಲೀಸರ ಅತಿಥಿ ಆಗಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 11:21 am, Fri, 28 October 22