Salman Khan: ಈ ವಯಸ್ಸಲ್ಲೂ ಸಲ್ಮಾನ್ ಖಾನ್ದು ಅದೆಂಥ ಫಿಟ್ನೆಸ್; ಸಿಕ್ಸ್ ಪ್ಯಾಕ್ ಫೋಟೋ ನೋಡಿ ಫ್ಯಾನ್ಸ್ ಫಿದಾ
ಸಲ್ಮಾನ್ ಖಾನ್ ವಯಸ್ಸು ಈಗ 57. ಈ ವಯಸ್ಸಿನಲ್ಲೂ ಅವರು ಸಖತ್ ಫಿಟ್ ಆಗಿದ್ದಾರೆ. ನಿತ್ಯ ಜಿಮ್ನಲ್ಲಿ ಅವರು ಸಾಕಷ್ಟು ಸಮಯ ಕಳೆಯುತ್ತಾರೆ.
Updated on:Apr 06, 2023 | 8:05 AM
ಮುಖ್ಯಾಂಶಗಳು
- ಸಲ್ಮಾನ್ ಖಾನ್ ಹೊಸ ಫೋಟೋ ವೈರಲ್
- ‘ಕಿಸಿ ಕ ಭಾಯ್ ಕಿಸಿ ಕಿ ಜಾನ್’ ಸಿನಿಮಾ ಹೀರೋ ಸಲ್ಲು
- ಸಲ್ಲು ಸಿಕ್ಸ್ ಪ್ಯಾಕ್ಸ್ ಕಂಡು ಫ್ಯಾನ್ಸ್ ಫಿದಾ
ಹೀರೋ-ಹೀರೋಯಿನ್ಗಳಿಗೆ ಫಿಟ್ನೆಸ್ ತುಂಬಾನೇ ಮುಖ್ಯ. ಇಲ್ಲವಾದರೆ ಅವರಿಗೆ ಬೇಡಿಕೆ ಕಡಿಮೆ ಆಗುತ್ತದೆ. ಈ ಕಾರಣಕ್ಕೆ ಬಹುತೇಕ ಸ್ಟಾರ್ಸ್ ಸಾಕಷ್ಟು ಹಣ ಹಾಗೂ ಶ್ರಮ ಹಾಕಿ ಫಿಟ್ನೆಸ್ ಕಾಯ್ದುಕೊಳ್ಳೋಕೆ ನೋಡುತ್ತಾರೆ. ಬಾಲಿವುಡ್ ಮಂದಿ ಕೂಡ ಇದರಲ್ಲಿ ಹಿಂದೆ ಬಿದ್ದಿಲ್ಲ. ಆಮಿರ್ ಖಾನ್ (Aamir Khan), ಶಾರುಖ್ ಖಾನ್, ಸಲ್ಮಾನ್ ಖಾನ್, ಟೈಗರ್ ಶ್ರಾಫ್ ಮೊದಲಾದ ಸ್ಟಾರ್ ಹೀರೋಗಳು ಫಿಟ್ನೆಸ್ಗೆ ಹೆಚ್ಚು ಒತ್ತು ನೀಡುತ್ತಾರೆ. ಈಗ ಸಲ್ಮಾನ್ ಖಾನ್ (Salman Khan) ಹಂಚಿಕೊಂಡಿರುವ ಹೊಸ ಫೋಟೋ ಒಂದು ವೈರಲ್ ಆಗಿದೆ. ಅವರ ಫಿಟ್ನೆಸ್ ಹಾಗೂ ಸಿಕ್ಸ್ ಪ್ಯಾಕ್ ನೋಡಿ ಫ್ಯಾನ್ಸ್ ಕಣ್ಣರಳಿಸಿದ್ದಾರೆ.
ಸಲ್ಮಾನ್ ಖಾನ್ ವಯಸ್ಸು ಈಗ 57. ಈ ವಯಸ್ಸಿನಲ್ಲೂ ಅವರು ಸಖತ್ ಫಿಟ್ ಆಗಿದ್ದಾರೆ. ನಿತ್ಯ ಜಿಮ್ನಲ್ಲಿ ಅವರು ಸಾಕಷ್ಟು ಸಮಯ ಕಳೆಯುತ್ತಾರೆ. ಈ ಮೂಲಕ ತಮ್ಮ ದೇಹವನ್ನು ಗಟ್ಟುಮುಟ್ಟಾಗಿ ಇಟ್ಟುಕೊಂಡಿದ್ದಾರೆ. ಈಗ ಅವರು ಹಂಚಿಕೊಂಡಿರೋ ಫೋಟೋ ವೈರಲ್ ಆಗಿದೆ. ಶರ್ಟ್ಲೆಸ್ ಆಗಿ ಸಲ್ಮಾನ್ ಖಾನ್ ಕಾಣಿಸಿಕೊಂಡಿದ್ದಾರೆ. ಸಿಕ್ಸ್ ಪ್ಯಾಕ್ಸ್ನಲ್ಲಿ ಅವರು ಗಮನ ಸೆಳೆದಿದ್ದಾರೆ.
ಬೇಸಿಗೆಯ ಬೇಗೆಯಲ್ಲಿ ಚಿಲ್ ಮಾಡುವ ರೀತಿಯಲ್ಲಿ ಈ ಫೋಟೋ ಇದೆ. ಆದರೆ, ಅವರು ಚಿಲ್ ಮಾಡುತ್ತಿಲ್ಲವಂತೆ. ಕ್ಯಾಪ್ಶನ್ ಮೂಲಕ ಅವರು ಈ ವಿಚಾರವನ್ನು ರಿವೀಲ್ ಮಾಡಿದ್ದಾರೆ. ‘ನಿಮಗೆ ಹಾಗೆ ಕಾಣುತ್ತಿರಬಹುದು. ಆದರೆ, ನಾನು ಚಿಲ್ ಮಾಡುತ್ತಿಲ್ಲ’ ಎಂದು ಸಲ್ಮಾನ್ ಖಾನ್ ಅವರು ಕ್ಯಾಪ್ಶನ್ ನೀಡಿದ್ದಾರೆ. ಈ ಫೋಟೋ ಫ್ಯಾನ್ಸ್ ವಲಯದಲ್ಲಿ ವೈರಲ್ ಆಗಿದೆ.
ಅಭಿಮಾನಿಗಳು ಫೋಟೋಗೆ ವಿವಿಧ ರೀತಿಯಲ್ಲಿ ಕಮೆಂಟ್ ಮಾಡಿದ್ದಾರೆ. ‘ಬಾಡಿಯಲ್ಲಿರುವ ಕೊಬ್ಬು ಕರಗಿಸಿ, ಮಸಲ್ಗಳನ್ನು ಕಾಪಾಡಿಕೊಂಡು ಸಲ್ಲು ಸುಸ್ತಾದಂತೆ ಕಾಣುತ್ತಿದೆ’ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ‘ಸಲ್ಲುನ ದ್ವೇಷ ಮಾಡುವವರು ಇದು ಎಡಿಟೆಡ್ ಫೋಟೋ ಎಂದು ಹೇಳುತ್ತಾರೆ’ ಎಂದಿದ್ದಾರೆ.
View this post on Instagram
ಇದನ್ನೂ ಓದಿ: Salman Khan: ಸಲ್ಮಾನ್ ಖಾನ್ಗೆ ಬೆದರಿಕೆ ಪ್ರಕರಣ, ರಾಜಸ್ಥಾನದಲ್ಲಿ ವ್ಯಕ್ತಿ ಬಂಧನ
ಸಲ್ಮಾನ್ ಖಾನ್ ಅವರು ‘ಕಿಸಿ ಕ ಭಾಯ್ ಕಿಸಿ ಕಿ ಜಾನ್’ ಸಿನಿಮಾ ರಿಲೀಸ್ಗಾಗಿ ಕಾಯುತ್ತಿದ್ದಾರೆ. ರಂಜಾನ್ ಪ್ರಯುಕ್ತ ಸಿನಿಮಾ ಏಪ್ರಿಲ್ 21ರಂದು ರಿಲೀಸ್ ಆಗುತ್ತಿದೆ. ಸಲ್ಲು ಇತ್ತೀಚೆಗೆ ದೊಡ್ಡ ಗೆಲುವು ಕಂಡಿಲ್ಲ. ಈ ಸಿನಿಮಾ ಮೂಲಕ ಗೆಲ್ಲೋ ನಿರೀಕ್ಷೆಯಲ್ಲಿದ್ದಾರೆ. 2014ರಲ್ಲಿ ಬಂದ ತಮಿಳಿನ ‘ವೀರಂ’ ಚಿತ್ರದ ರಿಮೇಕ್ ಇದಾಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 8:04 am, Thu, 6 April 23
