ರಾತ್ರಿ ಸುಶಾಂತ್ ಜತೆ ವೈನ್ ಕುಡಿಯುತ್ತ, ಸೋಲಿಗೆ ಕಾರಣ ಹುಡುಕಿದ್ದ ಘಟನೆ ನೆನಪಿಸಿಕೊಂಡ ಕೃತಿ ಸನೋನ್
2017ರಲ್ಲಿ ‘ರಾಬ್ತಾ’ ಸಿನಿಮಾ ತೆರೆಕಂಡಿತ್ತು. ಕೃತಿ ಸನೋನ್ ಮತ್ತು ಸುಶಾಂತ್ ಸಿಂಗ್ ರಜಪೂತ್ ಎರಡು ಶೇಡ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಚಿತ್ರಕ್ಕೆ ಜನಮೆಚ್ಚುಗೆ ಸಿಗಲಿಲ್ಲ.
Updated on: Jan 13, 2022 | 12:22 PM
ನಟಿ ಕೃತಿ ಸನೋನ್ (Kriti Sanon) ಅವರು ಈಗ ಬಾಲಿವುಡ್ನಲ್ಲಿ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಹಲವು ಹಿಟ್ ಸಿನಿಮಾಗಳನ್ನು ನೀಡಿದ ಖ್ಯಾತಿ ಅವರಿಗೆ ಸಲ್ಲುತ್ತದೆ. ಕಳೆದ ವರ್ಷ ನೆಟ್ಫ್ಲಿಕ್ಸ್ ಮೂಲಕ ತೆರೆಕಂಡ ‘ಮಿಮಿ’ ಸಿನಿಮಾದಿಂದ ಅವರಿಗೆ ಭರ್ಜರಿ ಗೆಲುವು ಸಿಕ್ಕಿತು. ಚಿತ್ರರಂಗದಲ್ಲಿ ಅವರ ಕೆಲವು ಸಿನಿಮಾಗಳು ಹೀನಾಯವಾಗಿ ಸೋತ ಉದಾಹರಣೆಯೂ ಇದೆ. ನಟ ಸುಶಾಂತ್ ಸಿಂಗ್ ರಜಪೂತ್ ಜೊತೆ ಅವರು ‘ರಾಬ್ತಾ’ (Raabta Movie) ಸಿನಿಮಾದಲ್ಲಿ ಅಭಿನಯಿಸಿದ್ದರು. ಪ್ರೇಕ್ಷಕರ ಮನಗೆಲ್ಲುವಲ್ಲಿ ಆ ಚಿತ್ರ ವಿಫಲವಾಗಿತ್ತು. ಆ ಬೇಸರವನ್ನು ತೋಡಿಕೊಳ್ಳಲು ಸುಶಾಂತ್ ಸಿಂಗ್ ರಜಪೂತ್ (Sushant Singh Rajput), ಕೃತಿ ಸನೋನ್ ಮತ್ತು ನಿರ್ದೇಶಕ ದಿನೇಶ್ ವಿಜನ್ ಅವರು ರಾತ್ರಿ ವೇಳೆ ವೈನ್ ಕುಡಿಯುತ್ತ ಚರ್ಚೆ ಮಾಡಿದ್ದರು ಎಂಬ ಸಂಗತಿಯನ್ನು ಕೃತಿ ಈಗ ನೆನಪಿಸಿಕೊಂಡಿದ್ದಾರೆ.
2017ರಲ್ಲಿ ‘ರಾಬ್ತಾ’ ಸಿನಿಮಾ ತೆರೆಕಂಡಿತ್ತು. ಕೃತಿ ಸನೋನ್ ಮತ್ತು ಸುಶಾಂತ್ ಸಿಂಗ್ ರಜಪೂತ್ ಅವರು ಎರಡು ಶೇಡ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಚಿತ್ರಕ್ಕೆ ಜನಮೆಚ್ಚುಗೆ ಸಿಗಲಿಲ್ಲ. ಅದರಿಂದ ತೀವ್ರ ಬೇಸರಕ್ಕೆ ಒಳಗಾದ ನಿರ್ದೇಶಕ ದಿನೇಶ್ ವಿಜನ್ ಅವರು ಕೃತಿ ಮತ್ತು ಸುಶಾಂತ್ಗೆ ಕರೆಮಾಡಿ ಮನೆಗೆ ಕರೆಸಿಕೊಂಡಿದ್ದರು. ಈ ಮೂವರೂ ವೈನ್ ಕುಡಿಯುತ್ತ, ತಮ್ಮ ಸೋಲಿಗೆ ಕಾರಣ ಏನೆಂಬುದನ್ನು ಅವಲೋಕಿಸಿದ್ದರು.
ಸಿನಿಮಾದ ಕಥೆ ಬಗ್ಗೆ ಕೃತಿ ಕೆಲವು ಸಲಹೆಗಳನ್ನು ಮೊದಲೇ ನೀಡಿದ್ದರು. ಆದರೆ ಆ ಸಲಹೆಗಳನ್ನು ನಿರ್ದೇಶಕರು ಸ್ವೀಕರಿಸಿರಲಿಲ್ಲ. ಸಿನಿಮಾದ ಸೋಲಿಗೆ ಅದು ಕೂಡ ಒಂದು ಕಾರಣ ಇರಬಹುದು. ‘ಏನಾಗಿದೆ ಎಂಬುದನ್ನು ನಾವು ಒಪ್ಪಿಕೊಳ್ಳಬೇಕು. ಪ್ರೇಕ್ಷಕರಿಗಾಗಿಯೇ ಸಿನಿಮಾ ಮಾಡಿದ ಮೇಲೆ ಈ ಸಿನಿಮಾ ಪ್ರೇಕ್ಷಕರಿಗೆ ಅರ್ಥವಾಗಿಲ್ಲ ಅಂತ ಹೇಳಬಾರದು. ಜನರಿಗೆ ಸಿನಿಮಾ ಅರ್ಥ ಆಗಿಲ್ಲ ಎಂದರೆ ಅದು ಕೂಡ ನಮ್ಮದೇ ತಪ್ಪು. ಕಾಲಕ್ಕಿಂತ ನಾವು ಮುಂದಿದ್ದೇವೆ ಎಂದುಕೊಳ್ಳಬಾರದು. ಈ ಕಾಲದ ಪ್ರೇಕ್ಷಕರಿಗಾಗಿಯೇ ಸಿನಿಮಾ ಮಾಡಬೇಕು’ ಎಂಬುದು ಕೃತಿ ಸನೋನ್ ಅಭಿಪ್ರಾಯ.
ಈ ಎಲ್ಲ ವಿಚಾರಗಳನ್ನು ಆ ರಾತ್ರಿ ಕೃತಿ ಸನೋನ್, ಸುಶಾಂತ್ ಸಿಂಗ್ ರಜಪೂತ್, ದಿನೇಶ್ ವಿಜನ್ ಚರ್ಚೆ ಮಾಡಿದ್ದರು. ಇಂದು ಸುಶಾಂತ್ ನಮ್ಮೊಂದಿಗೆ ಇಲ್ಲ. 2020ರ ಜೂ.14ರಂದು ಸುಶಾಂತ್ ಅನುಮಾನಾಸ್ಪದ ರೀತಿಯಲ್ಲಿ ನಿಧನರಾದರು. ಅವರ ಸಾವಿಗೆ ಸೂಕ್ತ ಕಾರಣ ಏನು ಎಂಬುದು ಈವರೆಗೂ ಸ್ಪಷ್ಟವಾಗಿಲ್ಲ. ಕೋರ್ಟ್ಗೆ ಸಿಬಿಐ ನೀಡಲಿರುವ ಅಂತಿಮ ವರದಿಗಾಗಿ ಎಲ್ಲರೂ ನಿರೀಕ್ಷಿಸುತ್ತಿದ್ದಾರೆ.
ಚಿತ್ರರಂಗದಲ್ಲಿ ಕೃತಿ ಸನೋನ್ ಅವರಿಗೆ ಅನೇಕ ಆಫರ್ಗಳಿವೆ. ‘ಬಚ್ಚನ್ ಪಾಂಡೆ’, ‘ಆದಿಪುರುಷ್’ ಮುಂತಾದ ಹೈವೋಲ್ಟೇಜ್ ಸಿನಿಮಾಗಳಲ್ಲಿ ಅವರು ನಟಿಸುತ್ತಿದ್ದಾರೆ. ‘ಬೇಡಿಯಾ’, ‘ಗಣಪತ್’ ಸೇರಿ ಅನೇಕ ಚಿತ್ರಗಳು ಅವರ ಕೈಯಲ್ಲಿವೆ.
ಇದನ್ನೂ ಓದಿ:
ಇದ್ದಕ್ಕಿದ್ದಂತೆ ಆ್ಯಕ್ಟೀವ್ ಆಯ್ತು ಸುಶಾಂತ್ ಸಿಂಗ್ ಫೇಸ್ಬುಕ್ ಖಾತೆ; ಗಾಬರಿಗೊಂಡ ಅಭಿಮಾನಿಗಳು
‘ಪರಮ ಸುಂದರಿ’ ಮನೆ ಸೇರಿತು 2.4 ಕೋಟಿ ರೂ. ಕಾರು; ‘ಮಿಮಿ’ ಗೆದ್ದ ಬಳಿಕ ಬದಲಾಯ್ತು ಕೃತಿ ಬದುಕು
