Kiara Advani: 2023ರಲ್ಲಿ ಅತಿ ಹೆಚ್ಚು ಸರ್ಚ್ ಆದ ಸೆಲೆಬ್ರಿಟಿ: ನಟಿ ಕಿಯಾರಾ ಅಡ್ವಾಣಿಗೆ ಮೊದಲ ಸ್ಥಾನ
Most Googled Person of 2023: ಕಿಯಾರಾ ಜನಪ್ರಿಯತೆ ಕೇವಲ ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ. ವಿಶ್ವ ಮಟ್ಟದಲ್ಲೂ ಅವರ ಹೆಸರು ಟಾಪ್ನಲ್ಲಿದೆ. ಈ ವರ್ಷ ಹೆಚ್ಚು ಸರ್ಚ್ಗೆ ಒಳಗಾದ ನಟಿಯರ ಸಾಲಿನಲ್ಲಿ ಕಿಯಾರಾ ಮೊದಲಿದ್ದಾರೆ. ಈ ಮೂಲಕ ಹಲವು ಹಾಲಿವುಡ್ ನಾಯಕಿಯರನ್ನು ಅವರು ಹಿಂದಿಕ್ಕಿದ್ದಾರೆ.
ನಟಿ ಕಿಯಾರಾ ಅಡ್ವಾಣಿ (Kiara Advani) ಅವರು ಬಾಲಿವುಡ್ನಲ್ಲಿ ದೊಡ್ಡ ಮಟ್ಟದ ಜನಪ್ರಿಯತೆ ಪಡೆದಿದ್ದಾರೆ. ಹಲವು ಸೂಪರ್ ಹಿಟ್ ಚಿತ್ರಗಳನ್ನು ಅವರು ನೀಡಿದ್ದಾರೆ. ಅವರಿಗೆ ಈ ವರ್ಷ ಸಖತ್ ವಿಶೇಷ ಎನಿಸಿಕೊಂಡಿದೆ. ಹಲವು ವರ್ಷಗಳ ಗೆಳೆಯ ಸಿದ್ದಾರ್ಥ ಮಲ್ಹೋತ್ರ ಜೊತೆ ಅವರು ಮದುವೆ ಆದರು. ಅದೇ ರೀತಿ, ಈ ವರ್ಷ ಗೂಗಲ್ನಲ್ಲಿ ಅತಿ ಹೆಚ್ಚು ಸರ್ಚ್ಗೆ ಒಳಪಟ್ಟ ಭಾರತೀಯ ಸೆಲೆಬ್ರಿಟಿಗಳಲ್ಲಿ ಕಿಯಾರಾ ಹೆಸರು ಮೊದಲ ಸ್ಥಾನದಲ್ಲಿದೆ. ಗೂಗಲ್ ಈ ಬಗ್ಗೆ ಪಟ್ಟಿ ಬಿಡುಗಡೆ ಮಾಡಿದೆ.
2023ನೇ ವರ್ಷ ಕೊನೆ ಆಗುವ ಹಂತಕ್ಕೆ ಬಂದಿದೆ. ಈ ವೇಳೆ ಒಂದು ವರ್ಷದಲ್ಲಿ ಏನೆಲ್ಲ ಆಯಿತು ಎನ್ನುವ ಬಗ್ಗೆ ಮೆಲುಕು ಹಾಕಲಾಗುತ್ತದೆ. ಈ ವರ್ಷ ಭಾರತೀಯರು ಗೂಗಲ್ನಲ್ಲಿ ಅತಿ ಹೆಚ್ಚು ಸರ್ಚ್ ಮಾಡಿದ ಸೆಲೆಬ್ರಿಟಿ ಎಂದರೆ ಅದು ಕಿಯಾರಾ. ಈ ವರ್ಷ ಅವರ ಮದುವೆ ನೆರವೇರಿದೆ. ಈ ಕಾರಣದಿಂದಲೂ ಅವರ ಹೆಸರು ಹೆಚ್ಚು ಸರ್ಚ್ಗೆ ಒಳಗಾಗಿರಬಹುದು ಎಂದು ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಕಿಯಾರಾ ಜನಪ್ರಿಯತೆ ಕೇವಲ ಭಾರತಕ್ಕೆ ಮಾತ್ರ ಸೀಮಿತವಾಗಿಲ್ಲ. ವಿಶ್ವ ಮಟ್ಟದಲ್ಲೂ ಅವರ ಹೆಸರು ಟಾಪ್ನಲ್ಲಿದೆ. ಈ ವರ್ಷ ಹೆಚ್ಚು ಸರ್ಚ್ಗೆ ಒಳಗಾದ ನಟಿಯರ ಸಾಲಿನಲ್ಲಿ ಕಿಯಾರಾ ಮೊದಲಿದ್ದಾರೆ. ಈ ಮೂಲಕ ಹಲವು ಹಾಲಿವುಡ್ ನಾಯಕಿಯರನ್ನು ಅವರು ಹಿಂದಿಕ್ಕಿದ್ದಾರೆ. ಪ್ರಿಯಾಂಕಾ ಚೋಪ್ರಾ, ದೀಪಿಕಾ ಪಡುಕೋಣೆ, ಆಲಿಯಾ ಭಟ್ ಅವರು ಈ ಸಾಲಿನಲ್ಲಿ ಇಲ್ಲ ಅನ್ನೋದು ಬೇಸರದ ವಿಚಾರ.
ಇದನ್ನೂ ಓದಿ: ‘ಡಾನ್ 3’ ನಿರ್ದೇಶಕ ಫರ್ಹಾನ್ ಅಖ್ತರ್ ನಿವಾಸಕ್ಕೆ ಕಿಯಾರಾ ಅಡ್ವಾಣಿ ಭೇಟಿ; ಅಭಿಮಾನಿಗಳಲ್ಲಿ ಮೂಡಿತು ಕುತೂಹಲ
ರಾಜಸ್ಥಾನದಲ್ಲಿ ಕಿಯಾರಾ ಅಡ್ವಾಣಿ ಅವರ ಮದುವೆ ಗ್ರ್ಯಾಂಡ್ ಆಗಿ ನಡೆಯಿತು. ಬಾಲಿವುಡ್ ನಟ ಸಿದ್ದಾರ್ಥ್ ಮಲ್ಹೋತ್ರಾ ಅವರನ್ನು ಕಿಯಾರಾ ವರಿಸಿದರು. ಅವರ ನಟನೆಯ ‘ಸತ್ಯ ಪ್ರೇಮ್ ಕಿ ಕಥಾ’ ಸಿನಿಮಾ ರಿಲೀಸ್ ಆಯಿತು. ‘ಕಾಫಿ ವಿತ್ ಕರಣ್’ ಶೋನಲ್ಲೂ ಅವರು ಭಾಗಿ ಆಗಿದ್ದರು. ‘ವಾರ್ 2’ ಸಿನಿಮಾ ಸೇರಿ ಹಲವು ಚಿತ್ರಗಳು ಅವರ ಕೈಯಲ್ಲಿ ಇವೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
