Deepika Padukone: ‘ಈ ಆಸನ ಯಾವುದು ಅಂತ ನಿಮಗೆ ಗೊತ್ತಾ?’: ಫೋಟೋ ಹಂಚಿಕೊಂಡು ಪ್ರಶ್ನೆ ಕೇಳಿದ ದೀಪಿಕಾ ಪಡುಕೋಣೆ

ನಟಿ ದೀಪಿಕಾ ಪಡುಕೋಣೆ (Deepika Padukone) ಅವರು ಸಖತ್​ ಬ್ಯುಸಿ ಆಗಿದ್ದಾರೆ. ಫಿಟ್ನೆಸ್​ ಬಗ್ಗೆ ಅವರಿಗೆ ಹೆಚ್ಚು ಕಾಳಜಿ. ಯೋಗ ಬಗ್ಗೆ ಕೂಡ ಅವರು ಆಸಕ್ತಿ ಹೊಂದಿದ್ದಾರೆ. ಬುಧವಾರ (ಜೂನ್​ 21) ವಿಶ್ವ ಯೋಗ ದಿನ (International Yoga Day) ಆಚರಿಸಲಾಯಿತು. ಈ ಪ್ರಯುಕ್ತ ಅನೇಕ ಸೆಲೆಬ್ರಿಟಿಗಳು ಯೋಗ (Yoga) ಮಾಡುತ್ತಿರುವ ಫೋಟೋ ಶೇರ್​ ಮಾಡಿದ್ದರು. ಅದೇ ರೀತಿ ದೀಪಿಕಾ ಪಡುಕೋಣೆ ಕೂಡ ಒಂದು ವಿಶೇಷ ಫೋಟೋ ಹಂಚಿಕೊಂಡರು. ಅದಕ್ಕೆ ಅವರು ನೀಡಿದ ಕ್ಯಾಪ್ಷನ್ ಗಮನ ಸೆಳೆಯುವಂತಿದೆ. ‘ಈ ಆಸನಕ್ಕೆ ಏನೆಂದು ಕರೆಯುತ್ತಾರೆ ಅಂತ ನಿಮ್ಮಲ್ಲಿ ಎಷ್ಟು ಜನರಿಗೆ ಗೊತ್ತು’ ಎಂದು ದೀಪಿಕಾ ಪಶ್ನೆ ಮಾಡಿದ್ದಾರೆ. ಅಭಿಮಾನಿಗಳ ವಲಯದಲ್ಲಿ ಈ ಫೋಟೋ ವೈರಲ್​ ಆಗಿದೆ. 12 ಲಕ್ಷಕ್ಕೂ ಅಧಿಕ ಜನರು ಇದನ್ನು ಲೈಕ್ ಮಾಡಿದ್ದಾರೆ. ಸಾವಿರಾರು ಮಂದಿ ಕಮೆಂಟ್​ ಮಾಡಿದ್ದಾರೆ.

ಅಭಿಮಾನಿಗಳು ಮಾತ್ರವಲ್ಲದೇ ಅನೇಕ ಸೆಲೆಬ್ರಿಟಿಗಳು ಕೂಡ ಈ ಫೋಟೋಗೆ ಕಮೆಂಟ್​ ಮಾಡಿದ್ದಾರೆ. ಆಲಿಯಾ ಭಟ್ ಅವರು ಇದನ್ನು ‘ಪಪ್ಪಿ ಪೋಸ್​’ ಎಂದು ಕರೆದಿದ್ದಾರೆ. ‘ಮಂಚದ ಕೆಳಗೆ ಚಪ್ಪಲಿ ಕಳೆದುಹೋದಾಗ ಮಾಡುವ ಆಸನ’ ಎಂದು ಆರ್​ಜೆ ಅಭಿನವ್​ ಅವರು ಕಮೆಂಟ್​ ಮಾಡಿದ್ದಾರೆ. ಒಟ್ಟಾರೆ ದೀಪಿಕಾ ಪಡುಕೋಣೆ ಮಾಡಿರುವ ಈ ಆಸನದ ಬಗ್ಗೆ ಕಮೆಂಟ್​ ಬಾಕ್ಸ್​ನಲ್ಲಿ ತರಹೇವಾರಿ ಚರ್ಚೆ ನಡೆಯುತ್ತಿದೆ.

View this post on Instagram

A post shared by दीपिका पादुकोण (@deepikapadukone)

ದೀಪಿಕಾ ಪಡುಕೋಣೆ ಪಾಲಿಗೆ 2023ರ ವರ್ಷ ತುಂಬ ಸ್ಪೆಷಲ್​ ಆಗಿದೆ. ಈ ವರ್ಷ ಆರಂಭದಲ್ಲೇ ಅವರು ‘ಪಠಾಣ್​’ ಸಿನಿಮಾ ಮೂಲಕ ಭರ್ಜರಿ ಯಶಸ್ಸು ಪಡೆದರು. ಬಾಕ್ಸ್​ ಆಫೀಸ್​ನಲ್ಲಿ ಈ ಸಿನಿಮಾ ಸಾವಿರಾರು ಕೋಟಿ ರೂಪಾಯಿ ಕಮಾಯಿ ಮಾಡಿತು. ವಿದೇಶದಲ್ಲೂ ‘ಪಠಾಣ್​’ ರಿಲೀಸ್​ ಆಗಿ ಅಬ್ಬರಿಸಿತು. ಈ ಸಿನಿಮಾದಲ್ಲಿ ಶಾರುಖ್​ ಖಾನ್​ ಮತ್ತು ದೀಪಿಕಾ ಪಡುಕೋಣೆ ಅವರ ಜೋಡಿಯನ್ನು ಫ್ಯಾನ್ಸ್​ ಇಷ್ಟಪಟ್ಟರು.

ಇದನ್ನೂ ಓದಿ: Ragini Dwivedi: ನಟಿ ರಾಗಿಣಿ ದ್ವಿವೇದಿಗೆ ಯೋಗ ಬಗ್ಗೆ ಸಖತ್​ ಆಸಕ್ತಿ; ಇಲ್ಲಿದೆ ಮಸ್ತ್​ ಫೋಟೋ ಗ್ಯಾಲರಿ

ಹಲವು ಇಂಟರೆಸ್ಟಿಂಗ್​ ಸಿನಿಮಾಗಳು ದೀಪಿಕಾ ಪಡುಕೋಣೆ ಅವರ ಕೈಯಲ್ಲಿ ಇವೆ. ಪ್ರಭಾಸ್​ ಜೊತೆ ಅವರು ‘ಪ್ರಾಜೆಕ್ಟ್​ ಕೆ’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಮೇಲೆ ಅಭಿಮಾನಿಗಳಿಗೆ ಹೆಚ್ಚು ನಿರೀಕ್ಷೆ ಇದೆ. ಇದಲ್ಲದೇ ಹೃತಿಕ್​ ರೋಷನ್​ ಜೊತೆ ಅವರು ‘ಫೈಟರ್​’ ಸಿನಿಮಾದಲ್ಲಿ ತೆರೆ ಹಂಚಿಕೊಳ್ಳುತ್ತಿದ್ದಾರೆ. ಆ ಚಿತ್ರಕ್ಕೆ ನಿರ್ದೇಶನ ಮಾಡುತ್ತಿರುವುದು ‘ಪಠಾಣ್​’ ಖ್ಯಾತಿಯ ಸಿದ್ಧಾರ್ಥ್​ ಆನಂದ್​. ಈ ಸಿನಿಮಾದ ಬಗ್ಗೆಯೂ ಹೈಪ್​ ಹೆಚ್ಚಾಗಿದೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.