‘ಇವರು ನಮ್ಮ ಸಂತೃಪ್ತ ಗ್ರಾಹಕ’: ಜಾನಿ ಸಿನ್ಸ್​ ಜತೆ ಮತ್ತೆ ತೆರೆ ಹಂಚಿಕೊಂಡ ರಣವೀರ್​ ಸಿಂಗ್​

ಬಾಲಿವುಡ್ ಕಲಾವಿದ ರಣವೀರ್ ಸಿಂಗ್​ (Ranveer Singh) ಅವರು ಕೆಲವು ದಿನಗಳ ಹಿಂದೆ ಅಡಲ್ಟ್​ ಸಿನಿಮಾ ನಟ ಜಾನಿ ಸಿನ್ಸ್​ ಜೊತೆ ತೆರೆ ಹಂಚಿಕೊಳ್ಳುವ ಮೂಲಕ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದರು. ಈಗ ಅವರು ಮತ್ತೊಮ್ಮೆ ಜಾನಿ ಸಿನ್ಸ್​ ಜೊತೆ ನಟಿಸಿದ್ದಾರೆ. ಪುರುಷರ ಲೈಂಗಿಕ ಸಮಸ್ಯೆಗಳಿಗೆ ಪರಿಹಾರ ನೀಡುವಂತಹ ಉತ್ಪನ್ನಗಳ ಬ್ರ್ಯಾಂಡ್​ಗೆ ರಣವೀರ್​ ಸಿಂಗ್​ ರಾಯಭಾರಿ ಆಗಿದ್ದಾರೆ. ಅದರ ಜಾಹೀರಾತಿನಲ್ಲಿ ಜಾನಿ ಸಿನ್ಸ್​ (Johnny Sins) ಮತ್ತು ರಣವೀರ್​ ಸಿಂಗ್​ ಅಭಿನಯಿಸಿದ್ದಾರೆ. ಈ ಮೊದಲು ಬಂದಿದ್ದ ಜಾಹೀರಾತಿನ ರೀತಿಯೇ ಈ ಹೊಸ ಜಾಹೀರಾತು ಕೂಡ ಕಾಮಿಡಿ ಶೈಲಿಯಲ್ಲಿದೆ.

ಶೀಘ್ರ ಸ್ಖಲನಕ್ಕೆ ಸಂಬಂಧಿಸಿದ ಜಾಹೀರಾತು ಇದಾಗಿದ್ದು, ಜಾನಿ ಸಿನ್ಸ್​ ಅವರು ಇಂಥ ಸಮಸ್ಯೆಯಿಂದ ಬಳಲುತ್ತಿದ್ದಾರೆ ಎಂದು ಜಾಹೀರಾತಿನ ಆರಂಭದಲ್ಲಿ ತೋರಿಸಲಾಗುತ್ತದೆ. ನಂತರ ಅವರು ಈ ಸ್ಪ್ರೇ ಬಳಸಿದ ಬಳಿಕ ಅವರ ಸಮಸ್ಯೆ ಪರಿಹಾರ ಆಯಿತು ಎಂದು ರಣವೀರ್​ ಸಿಂಗ್​ ಹೇಳುತ್ತಾರೆ. ಅಲ್ಲದೇ ಜಾನಿ ಸಿನ್ಸ್​ ಅವರನ್ನು ‘ನಮ್ಮ ಸಂತೃಪ್ತ ಗ್ರಾಹಕ’ ಎಂದು ರಣವೀರ್​ ಸಿಂಗ್​ ಪರಿಚಯಿಸುತ್ತಾರೆ. ಸೋಶಿಯಲ್​ ಮೀಡಿಯಾದಲ್ಲಿ ಈ ಜಾಹೀರಾತು ವೈರಲ್ ಆಗಿದೆ.

ಇದನ್ನೂ ಓದಿ: ದೀಪಿಕಾ ಪಡುಕೋಣೆ ಪ್ರೆಗ್ನೆಂಟ್​; ಡಿಫರೆಂಟ್​ ಆಗಿ ಸಿಹಿ ಸುದ್ದಿ ನೀಡಿದ ರಣವೀರ್​ ಸಿಂಗ್​

ಸದ್ಯ ವೈರಲ್​ ಆಗಿರುವ ಈ ಜಾಹೀರಾತನ್ನು ಕಂಡು ನೆಟ್ಟಿಗರು ಸಖತ್​ ಎಂಜಾಯ್​ ಮಾಡಿದ್ದಾರೆ. ಈ ಜಾಹೀರಾತು ತುಂಬ ಕ್ರಿಯೇಟಿವ್​ ಆಗಿದೆ ಎಂದು ಅನೇಕರು ಕಮೆಂಟ್​ ಮಾಡಿದ್ದಾರೆ. ರಣವೀರ್​ ಸಿಂಗ್​ ಅವರು ಯಾವುದೇ ಪಾತ್ರ ಕೊಟ್ಟರೂ ಚೆನ್ನಾಗಿ ನಿಭಾಯಿಸುತ್ತಾರೆ ಎಂದು ಅನೇಕರು ಮತ್ತೊಮ್ಮೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಬೋಲ್ಡ್​ ಆದಂತಹ ವಿಚಾರಗಳನ್ನು ಮಾತನಾಡಿದ್ದಕ್ಕೆ ಅನೇಕರು ಭೇಷ್​ ಎಂದಿದ್ದಾರೆ.

ರಣವೀರ್​ ಸಿಂಗ್​ ಅವರು ಈ ಮೊದಲು ಬೆತ್ತಲೆ ಫೋಟೋಶೂಟ್​ ಮಾಡಿ ಅಚ್ಚರಿ ಮೂಡಿಸಿದ್ದರು. ಈಗ ಅವರ ಜಾನಿ ಸಿನ್ಸ್​ ಜೊತೆ ಅಭಿನಯಿಸುವ ಮೂಲಕ ಮತ್ತೆ ಸುದ್ದಿ ಆಗಿದ್ದಾರೆ. ಸಿನಿಮಾ ವಿಚಾರಕ್ಕೆ ಬರುವುದಾದರೆ, ‘ಸಿಂಗಂ ಅಗೇನ್​’ ಹಾಗೂ ‘ಡಾನ್​ 3’ ಸಿನಿಮಾಗಳಲ್ಲಿ ಅವರು ನಟಿಸುತ್ತಿದ್ದಾರೆ. ರೋಹಿತ್​ ಶೆಟ್ಟಿ ನಿರ್ದೇಶನದಲ್ಲಿ ‘ಸಿಂಗಂ ಅಗೇನ್​’ ಹಾಗೂ ಫರ್ಹಾನ್​ ಅಖ್ತರ್​ ನಿರ್ದೇಶದಲ್ಲಿ ‘ಡಾನ್​ 3’ ಸಿನಿಮಾ ಮೂಡಿಬರುತ್ತಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.