ರಣಬೀರ್​ನ ಮದುವೆ ಆಗ್ತೀನಿ ಎಂದಿದ್ದ ಸಾರಾ; ನಟನ ವಿವಾಹದ ಬಳಿಕ ಏನಂದ್ರು?

ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಅವರು ಸದಾ ಚಿಲ್ ಆಗಿ ಇರುತ್ತಾರೆ. ಅವರು ಯಾವಾಗಲೂ ಒಂದಲ್ಲಾ ಒಂದು ರೀತಿಯ ಹೇಳಿಕೆ ನೀಡುತ್ತಾ ಇರುತ್ತಾರೆ. ಬಾಯ್​ಫ್ರೆಂಡ್ ವಿಚಾರಕ್ಕೆ ಆಗಾಗ ಸುದ್ದಿ ಆಗುತ್ತಾರೆ. ಬಾಲಿವುಡ್​ನಲ್ಲಿ ಅನೇಕರ ಜೊತೆ ಅವರು ಸುತ್ತಾಡಿದ್ದಾರೆ. ಅವರಿಗೆ ರಣಬೀರ್ ಕಪೂರ್ ಜೊತೆ ವಿವಾಹ ಆಗಬೇಕೆಂದಿತ್ತು. ಆದರೆ, ಈ ಆಸೆಯನ್ನು ಆಲಿಯಾ ಭಟ್ ಅವರು ಹಾಳು ಮಾಡಿದರು.

ತಂದೆ ಸೈಫ್ ಅಲಿ ಖಾನ್ ಜೊತೆ ಸಾರಾ ಅಲಿ ಖಾನ್ ಅವರು ‘ಕಾಫಿ ವಿತ್ ಕರಣ್’ ಶೋಗೆ ಬಂದಿದ್ದರು. ಈ ವೇಳೆ ಯಾರನ್ನು ಮದುವೆ ಆಗ್ತೀರಿ? ಯಾರ ಜೊತೆ ಡೇಟ್ ಮಾಡ್ತೀರಿ ಎಂದು ಕೇಳಲಾಯಿತು. ಈ ವೇಳೆ ಮಾತನಾಡಿದ್ದ ಸಾರಾ ಅವರು, ‘ನಾನು ರಣಬೀರ್ ಕಪೂರ್ ಜೊತೆ ಮದುವೆ ಆಗುತ್ತೇನೆ, ಕಾರ್ತಿಕ್ ಆರ್ಯನ್ ಜೊತೆ ಡೇಟ್ ಮಾಡುತ್ತೇನೆ’ ಎಂದಿದ್ದರು. ಅವರು ಹೇಳಿದಂತೆ ಕಾರ್ತಿಕ್ ಜೊತೆ ಸುತ್ತಾಡಿದ್ದರು. ಆದರೆ, ರಣಬೀರ್​ನ ಮದುವೆ ಆಗಲು ಸಾಧ್ಯವಾಗಿಲ್ಲ.

ರಣಬೀರ್ ಹಾಗೂ ಆಲಿಯಾ ಪ್ರೀತಿ ವಿಚಾರ ರಿವೀಲ್ ಆದ ಬಳಿಕ ಸಾರಾ ನಿರ್ಧಾರ ಬದಲಿಸಿದ್ದರು. ‘ನಾನು ರಣಬೀರ್​ನ ಮದುವೆ ಆಗಬೇಕು ಎಂದು ಹೇಳಿದ್ದೆ. ಆದರೆ, ಈಗ ಹಾಗಿಲ್ಲ’ ಎಂದು ಅವರು ಹೇಳಿದ್ದರು. ‘ಹಾಗಾದರೆ ಆಲಿಯಾ ಜೊತೆಗಿನ ಫ್ರೆಂಡಿಶಿಪ್?’ ಈ ವಿಚಾರವಾಗಿ ಮಾತನಾಡಿದ್ದ ಸಾರಾ, ‘ಆಲಿಯಾ ಜೊತೆಗಿನ ಫ್ರೆಂಡ್​ಶಿಪ್ ಹಾಗೆಯೇ ಇರುತ್ತದೆ’ ಎಂದಿದ್ದರು.

ಸಾರಾ ಅಲಿ ಖಾನ್ ಅವರು ಈ ಮೊದಲು ಕಾರ್ತಿಕ್ ಆರ್ಯನ್ ಜೊತೆ ಡೇಟ್ ಮಾಡಿ ಸುದ್ದಿ ಆಗಿದ್ದರು. ನಂತರ ಇವರ ಬ್ರೇಕಪ್ ಆಯಿತು. ಸುಶಾಂತ್ ಸಿಂಗ್ ಜೊತೆಯೂ ಸಾರಾ ಅಲಿ ಖಾನ್ ಅವರು ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಈ ಮೊದಲು ಹರಿದಾಡಿತ್ತು. ಆದರೆ ಇದನ್ನು ಅವರು ಒಪ್ಪಿಕೊಂಡಿಲ್ಲ.

ಇದನ್ನೂ ಓದಿ: ಸಾರಾ ಅಲಿ ಖಾನ್​ ಯಾರನ್ನು ಮದುವೆ ಆಗ್ಬೇಕು? ಫ್ಯಾನ್ಸ್​ಗೆ ಇದೆ ಒಂದು ಆಸೆ

ಸಾರಾ ಅಲಿ ಖಾನ್​ಗೆ ಇತ್ತೀಚೆಗೆ ಯಾವುದೇ ದೊಡ್ಡ ಯಶಸ್ಸು ಸಿಕ್ಕಿಲ್ಲ. ಆ ಬಗ್ಗೆ ಅವರಿಗೆ ಬೇಸರ ಇದೆ. ಅವರು ಬ್ಯಾಕ್​ ಟು ಬ್ಯಾಕ್ ಸಿನಿಮಾ ಮಾಡುತ್ತಿದ್ದಾರೆ. ಅವರ ಬಾಯ್​ಫ್ರೆಂಡ್ ಯಾರು ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.