Shah Rukh Khan: ಜನಪ್ರಿಯ ನಟರ ಪಟ್ಟಿಯಲ್ಲಿ ಶಾರುಖ್​ ಖಾನ್​ಗೆ ನಂ.1 ಸ್ಥಾನ; ಇನ್ನುಳಿದ ನಟರ ಕಥೆ ಏನು?

ಬಾಲಿವುಡ್​ನ ‘ಬಾಕ್ಸ್​ ಆಫೀಸ್​ ಸುಲ್ತಾನ’ ಶಾರುಖ್​ ಖಾನ್ (Shah Rukh Khan)​ ಅವರು ಅನೇಕ ಸೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. 2023ರ ವರ್ಷ ಅವರ ಪಾಲಿಗೆ ನಿಜಕ್ಕೂ ಸ್ಪೆಷಲ್​. ಈ ವರ್ಷ ಅವರು ನಟಿಸಿದ ‘ಪಠಾಣ್​’ ಮತ್ತು ‘ಜವಾನ್​’ ಸಿನಿಮಾಗಳು ಬ್ಲಾಕ್​ ಬಸ್ಟರ್​ ಆಗಿವೆ. ಅದರಿಂದಾಗಿ ಅವರ ಜನಪ್ರಿಯತೆ ಹೆಚ್ಚಿದೆ. ಭಾರತದ ಜನಪ್ರಿಯ ನಟರ ಪಟ್ಟಿಯಲ್ಲಿ (Most Popular Indian Actors List) ಶಾರುಖ್​ ಖಾನ್​ ಅವರಿಗೆ ನಂಬರ್​ 1 ಸ್ಥಾನ ಸಿಕ್ಕಿದೆ. ಇದು ಅವರ ಅಭಿಮಾನಿಗಳ ಹೆಮ್ಮೆಗೆ ಕಾರಣ ಆಗಿದೆ. ಒರಮ್ಯಾಕ್ಸ್​ ಮೀಡಿಯಾ (Ormax Media) ಸಮೀಕ್ಷೆ ನಡೆಸಿದೆ. ಸೆಪ್ಟೆಂಬರ್​ 2023ರ ಪಟ್ಟಿಯನ್ನು ಈ ಸಂಸ್ಥೆ ಬಿಡುಗಡೆ ಮಾಡಿದ್ದು, ಆ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ..

ಜನಪ್ರಿಯ ಟಾಪ್​ 10 ನಟರ ಪಟ್ಟಿಯಲ್ಲಿ ಶಾರುಖ್​ ಖಾನ್​ ಅವರು ನಂಬರ್​ 1 ಸ್ಥಾನದಲ್ಲಿ ಇದ್ದಾರೆ. ಈ ಪಟ್ಟಿಯಲ್ಲಿ ದಕ್ಷಿಣ ಭಾರತದ ನಟರೇ ಬಹುಪಾಲು ಸ್ಥಾನ ಪಡೆದುಕೊಂಡಿದ್ದಾರೆ. ಹಿಂದಿ ಚಿತ್ರರಂಗದ ನಟರ ಪೈಕಿ ಶಾರುಖ್​ ಖಾನ್​, ಸಲ್ಮಾನ್​ ಖಾನ್​ ಮತ್ತು ಅಕ್ಷಯ್​ ಕುಮಾರ್​ ಅವರ ಹೆಸರು ಮಾತ್ರ ಇದೆ. ದಕ್ಷಿಣ ಭಾರತದ ಹೀರೋಗಳಾದ ಪ್ರಭಾಸ್​, ಅಲ್ಲು ಅರ್ಜುನ್​, ಜೂನಿಯರ್ ಎನ್​ಟಿಆರ್​, ಮಹೇಶ್​ ಬಾಬು, ಸೂರ್ಯ, ಅಜಿತ್​ ಕುಮಾರ್​ ಮತ್ತು ವಿಜಯ್​ ಅವರು ಈ ಪಟ್ಟಿಯಲ್ಲಿ ಇದ್ದಾರೆ.

Ormax Stars India Loves: Most popular male film stars in India (Sep 2023) #OrmaxSIL pic.twitter.com/m9c6Mo7xsk

— Ormax Media (@OrmaxMedia) October 22, 2023

ಟಾಪ್​ 10 ಜನಪ್ರಿಯ ನಟರ ಪಟ್ಟಿ:

1. ಶಾರುಖ್​ ಖಾನ್​
2. ದಳಪತಿ ವಿಜಯ್​
3. ಪ್ರಭಾಸ್​
4. ಅಕ್ಷಯ್​ ಕುಮಾರ್​
5. ಸಲ್ಮಾನ್​ ಖಾನ್​
6. ಅಜಿತ್​ ಕುಮಾರ್​
7. ಜೂನಿಯರ್​ ಎನ್​ಟಿಆರ್​
8. ಅಲ್ಲು ಅರ್ಜುನ್​
9. ಸೂರ್ಯ
10. ಮಹೇಶ್​ ಬಾಬು

ಇದನ್ನೂ ಓದಿ: ಶಾರುಖ್​ ನಟನೆಯ 25 ವರ್ಷದ ಹಳೇ ಸಿನಿಮಾ ಮರು ಬಿಡುಗಡೆ; 25 ರೂ. ಟಿಕೆಟ್​: ಕೆಲವೇ ನಿಮಿಷಗಳಲ್ಲಿ ಸೋಲ್ಡ್​ ಔಟ್​

ಇತ್ತೀಚಿನ ವರ್ಷಗಳಲ್ಲಿ ಶಾರುಖ್​ ಖಾನ್​ ಅವರು ಸತತ ಸೋಲು ಕಂಡಿದ್ದರು. ಆದರೆ 2023ರಲ್ಲಿ ಅವರು ಮತ್ತೆ ಗೆಲುವಿನ ಟ್ರ್ಯಾಕ್​ಗೆ ಮರಳಿದ್ದಾರೆ. ಈಗ ಅವರು ‘ಡಂಕಿ’ ಸಿನಿಮಾದ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ. ‘ಪಠಾಣ್​’ ಮತ್ತು ‘ಜವಾನ್​’ ಸಿನಿಮಾಗಳ ದೊಡ್ಡ ಸಕ್ಸಸ್​ ನಂತರ ‘ಡಂಕಿ’ ಬರುತ್ತಿರುವುದರಿಂದ ಈ ಚಿತ್ರದ ಮೇಲೆ ಸಖತ್​ ನಿರೀಕ್ಷೆ ಇದೆ. ಈ ಚಿತ್ರಕ್ಕೆ ರಾಜ್​ಕುಮಾರ್​ ಹಿರಾನಿ ಅವರು ನಿರ್ದೇಶನ ಮಾಡುತ್ತಿದ್ದಾರೆ. ಬಾಕ್ಸ್​ ಆಫೀಸ್​ನಲ್ಲಿ ಶಾರುಖ್​ ಖಾನ್​ ಅವರು 1000 ಕೋಟಿ ರೂಪಾಯಿ ಮೈಲಿಗಲ್ಲು ಸಾಧಿಸಿದ್ದಾರೆ. ಅವರ ಮುಂಬರುವ ಸಿನಿಮಾಗಳು ಕೂಡ ಅದೇ ರೀತಿ ಕಲೆಕ್ಷನ್​ ಮಾಡಲಿ ಎಂದು ಫ್ಯಾನ್ಸ್​ ಹಾರೈಸುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.